በእነ ሌ/ጄነራል ታደሰ ወረደ መዝገብ 74 ሰዎች ላይ ዐቃቤ ህግ ክስ መሰረተ።

በክስ መዝገቡ ላይ ፦
- ሌ/ጄነራል ታደሰ ወረደ
- ጄነራል ገብረፃድቃን ገ/ትንሳኤን፣
- ሜ/ ጄነራል ዮሀንስ ወ/ጊዮርጊስ
- ብ/ጄነራል ምግባይ ሀይለ
- ሜ/ጄነራል ሀለፎም አለሙ
- ሜ/ጄነራል ሀለፎም እጅጉ
- ሜ/ጄነራል አታኸልቲ በርሄ
- ሜ/ጄነራል ማሾ በየነ
- አቶ ሀዱሽ አበበ እና ቢኒያም ተወልደ ጨምሮ 74 ሰዎች ተካተውበታል።

የፌዴራል ጠቅላይ አቃቤ ህግ በተከሳሾች ላይ ክስ የመሰረተዉ ተከሳሾች ፦
• የፌዴራል መንግስትን በሀይል ለመለወጥ በማሰብ
• በሽብርተኝነት ከተፈረጀዉ ከህዝባዊ ወያኔ ሃርነት ትግራይ አመራሮች ተልእኮ በመቀበል ጥቃት ለማድረስ የሚችል የትግራይ ማእከላዊ ወታደራዊ ኮማንድ በማደራጀትና በመምራት
• በትግራይ ክልል በተለያዩ ቦታዎች ላይ በሚገኙ የሰሜን እዝ የአገር መከላከያ ሰራዊት አባላት ፣በፌዴራል ፖሊስ እና በፌዴራል የመንግስት ተቋማት ላይ እንዲሁም በአማራ እና በአፋር ክልሎች በተጨማሪም በኤርትራ ላይ ጥቃት በማድረሳቸዉ ነዉ፡፡

ዐቃቤ ህግ ክሱን ያስረዱልኛል ያላቸዉን ከ500 በላይ የሰዉ ምስክሮችን፣ ከ5ሺህ ገፅ በላይ የሆነ የሰነድ ማስረጃዎችን እንዲሁም የቴክኒክና የቪዲዮ ማሰረጃዎችን አያይዞ ለፍርድ ቤት አቅርቧል፡፡

ክሱ የቀረበለት የፌዴራሉ ከፍተኛ ፍርድ ቤት 3ተኛ የፀረ ሽብር ወንጀል ችሎት በመዝገብ ቁጥር 272829 የሽብር መዝገቡ ተከፍቶ ጉዳዩን እየተመለከተዉ ይገኛል፡፡

#የፌዴራል_ጠቅላይ_አቃቤ

@tikvahethiopia

እነ አቶ ጃዋር መሀመድ ጉዳያቸው በሌሉበት እንዲታይ ታዘዘ።

የፌደራል ከፍተኛ ፍርድ ቤት ልደታ ምድብ 1ኛ የፀረ ሽብርና የህገመንግስት ጉዳዮች ወንጀል ችሎት አቶ ጃዋር መሀመድ፣ አቶ በቀለ ገርባ ፣ አቶ ደጀኔና ጣፋና አቶ ሀምዛ አዳነ ( ቦረና ) ጉዳያቸው በሌሉበት እንዲታይ አዘዘ፡፡

አራቱ ተከሳሾች በሶስት ቀጠሮ በራሳቸው ፍቃድ ፍርድ ቤት አንቀርብም በማለታቸውን ተከትሎ ዓቃቢህግ በባለፈው ቀጠሮ በሌሉበት ጉዳያቸው እንዲታይ ፍርድ ቤቱን ጠይቆ ነበር፡፡

ፍርድ ቤቱም ዛሬ ማረሚያ ቤቱ እንዲያቀርባቸው ያዘዘ ቢሆንም ዛሬም አንቀርብም በማለት መቅረታቸው ተሰምቷል፡፡

ፍርድ ቤቱም አራቱ ተከሳሾች በሌሉበት ጉዳያቸው እንዲታይ በማዘዝ ለሀምሌ 30 ቀን ተለዋጭ ቀጠሮ ሰቷል፡፡

ይህ መረጃ የፍርድ ቤት ጉዳዮችን የምትከታተለው ጋዜጠኛ ታሪክ አዱኛ ነው።

@tikvahethiopia

#AddisAbaba

በአዲስ አበባ የትግራይ ተወላጅ የንግድ ማህበረሰብ አባላት ከጸጥታ አካላት እና ከአዲስ አበባ የብልጽግና ፓርቲ አመራሮች ጋር ተወያዩ።

ውይይቱ ትኩረቱ የነበረው በአ/አ ከተፈጠረው ክስተትና ከንግድ ቤት መታሸግ ጋር በተያያዘ ነበር።

የትግራይ ተወላጅ የንግዱ ማህበረሰብ አባላት የንግድ ቤቶቹ መታሸግ ከማንነት ጋር የተያያዘ አንድምታ እየፈጠረባቸው እንደሆነ ተናግረዋል፡፡

መከላከያ ሰራዊቱ መቐለ ከተማን ሰኔ 21 ቀን 2013 ለቅቆ መውጣቱን ተከትሎ በአዲስ አበባ በሚገኙ ፣ ሆቴሎች ፣ መጠጥ ቤቶች እና ምሽት ቤቶች ብጥብጥ ለማስነሳት ሲንቀሳቀሱ የነበሩ ግለሰቦችን በመደገፍ የተጠረጠሩ የንግድ ተቋማት ላይ እርምጃ መወሰዱ ተገልጿል።

እርምጃ የተወሰደባቸው ቤቶች በከተማዋ የዘር ፍጅት እንዲከሰት ፍላጎት ያላቸውን ሰዎች በሆቴል ቤታቸው በማስቀመጥ ድጋፍ አድርገዋል በሚል ሲሆን ከነበረው ክስተት ጋር በተያያዘ መንግስት ከ8 በላይ ባለ ኮከብ ሆቴሎች እና በርካታ ቁጥር ያላቸው ክለቦች እንደዚሁም ምግብ ቤቶችን ጨምሮ በድርጊቱ ተሳትፎ የነበራቸው ከረንቦላ ቤቶች ታሽገዋል።

ከትግራይ ተወላጅ የንግድ ማህበረሰብ አባላት ጋር በተካሄደው ውይይት የአዲስ አበባ ብልጽግና ፓርቲ የሴክተር ተቋማት ዘርፍ ሀላፊ የሆኑት ሰለሞን ኃይሌ ፥ ሰላማዊ የሆነው የንግዱ ማህበረሰብ እንደማንኛውም ኢትዮጵያዊ መብቱ ይጠበቃል ፤ ከንግዱ ማህበረሰብ የሚጠበቀው እራሱን ከህወሓት ቡድን ማራቅ ብቻ ነው ብለዋል፡፡

"የትግራይ ተወላጅ የሆነ በሙሉ በሀገር የተከሰተውን ህመም ሊጋራ ይገባል" ሲሉም ተናግረዋል፡፡

ያንብቡ : telegra.ph/Addis-Ababa-07-28

Credit : #ETHIO_FM

@tikvahethiopia

200 ገደማ የሚሆኑ የትግራይ ክልል ተወላጅ የወልዲያ ዩኒቨርሲቲ ተማሪዎች ነገ ወደ ሰመራ ዩኒቨርስቲ እንደሚሸኙ ተገለፀ።

ወልዲያ ዩኒቨርሲቲ ዛሬ ለኢትዮጵያ ኢንሳይደር ድረገፅ በሰጠው ቃል፥ ተማሪዎቹን ለመሸኘት የወሰነው፤ ለመጀመሪያ ዓመትና ነባር የጤና ሳይንስ ተማሪዎቹ ከትላንት ጀምሮ ላልተወሰነ ጊዜ እረፍት መስጠቱን በይፋ ማሳወቁን ተከትሎ ነው። 

የወልድያ ዩኒቨርሲቲ ፕሬዝዳንት ዶ/ር አበበ ግርማ፥ በአካባቢው ባለው ጦርነት የደህንነት ስጋት በመኖሩ ተማሪዎቹ ወደ የቤተሰቦቻቸው እንዲመለሱ ከውሳኔ ላይ መደረሱን ገልጸዋል።

በዚህም መሰረት በአሁኑ ወቅት በዩኒቨርስቲው ግቢ ውስጥ የቀሩትን የትግራይ ክልል ተወላጅ ተማሪዎችን፤ በሰመራ በኩል ወደ ትግራይ ለመሸኘት መወሰኑን አስታውቀዋል።  

ዶ/ር አበበ፥ ዩኒቨርስቲው ከሳይንስና ከፍተኛ ትምህርት ሚኒስቴር ጋር መወያየቱን ገልፀው፥ የወልድያ ዩኒቨርሲቲ ተማሪዎቹን ሰመራ ዩኒቨርስቲ ካደረሰ በኋላ የሚኒስቴር መ/ቤቱ ተወካዮች ተማሪዎቹን ለመረከብ ከስምምነት ላይ መድረሳቸውን አሳውቀዋል።

በስምምነቱ መሰረት የወልድያ ዩኒቨርስቲ ተማሪዎቹን ነገ ወደ ሰመራ ዩኒቨርስቲ ለማጓጓዝ 4 የራሱን አውቶብሶች መመደቡን ገልፀዋል።

በአካባቢ ባለው የጸጥታ ችግር ምክንያት ተማሪዎቹ በወሎ አድርገው ሰመራ እስከሚገቡ ድረስ በመከላከያ ሰራዊት እና በአማራ ክልል ልዩ ኃይል እጀባ እንደሚደረግላቸው አመልክተዋል። 

በወልድያ አካባቢ ባለ የፀጥታ ስጋት የዩኒቨርስቲው ተማሪዎች ግቢውን ለቅቀው መውጣት የጀመሩት ካለፈው ቅዳሜ ነው።

በርካታ ተማሪዎች በራሳቸው ውሳኔ ዩኒቨርስቲውን ለቅቀው ወደ ቤተሰቦቻቸው መሄዳቸው፤ የመማር ማስተማር ሂደቱን እንዳስተጓጎለው የዩኒቨርስቲው አካዳሚክ ፕሬዝዳንት ዶ/ር ሱልጣን መሐመድ ተናግረዋል።

ምንጭ፡ ኢትዮጵያ ኢንሳይደር

@tikvahethiopia

#Shebelle

ሸበሌ የምትሰኝ የኢትዮጵያ መርከብ ከ11 ሺህ ሜትሪክ ቶን በላይ ስኳርና ሩዝ ይዛ በርበራ ወደብ መድረሷን የኢትዮጵያ የባህር ትራንስፖርትና ሎጅስቲክስ አገልግሎት ድርጅት አስታውቋል።

መርከቧ ከህንድ ሀገር የጫነችውን ስኳርና ሩዝ ይዛ አሁን ላይ ኢትዮጵያ ድርሻ ባላት የበርበራ ወደበ እያራገፈች ነው።

በኢትዮጵያ የባሕር ትራንስፖርት ታሪክ የኢትዮጵያ መርከቦች ወደ በርበራ ወደብ ጉዞ ሲያደርጉ ከ20 ዓመታት በኋላ ሸበሌ መርከብ ሁለተኛ ናት።

ባለፈው ሰኔ ወር መጨረሻ ከ20 ዓመታት በኋላ ጊቤ መርከብ በበርበራ ወደብ የመጀመሪያ ጉዞ አድርጋ ነበር፤ በዚህ ጉዞም 11 ሺ 200 ሜትሪክ ቶን የፍጆታ ዕቃ ለሶማሌላንድ ገበያ አጓጉዛ ነበር።

NB : በበርበራ ወደብ፤ ዲ ፒ ወርልድ 51 በመቶ፣ ሶማሌላንድ 30 በመቶ እና ኢትዮጵያ ደግሞ 19 በመቶ ድርሻ እንዳላቸው ከዚህ ቀደም መገለፁ ይታወሳል ።

#አልአይን_ኒውስ

@tikvahethiopia