#UPDATE

ኢሰመኮ ትላንት በደባጤ ወረዳ ከወንበራ ወደ ቻግኒ በመጓዝ ላይ በነበረ 'የሕዝብ ማመላሻ አውቶብስ' ላይ በተፈጸመው ዘግናኝ ጥቃት እስካሁን 34 ሰዎች መገደላቸውን ገልጿል።

ቁጥሩ ሊጨምር እንደሚችል ይጠብቃል ብሏል።

በሌላ በኩል ፦

ጥቃቱን ፈፅመው #ንጹሃንን ከገደሉት መካከል 16ቱ ሲደመሰሱ 2 ሰዎች በህይወት መያዛቸውን የክልሉን ፖሊስ ጠቅሶ ኢዜአ ዘግቧል።

* የኢሰመኮ መግለጫ እንዲሁም የኢዜአ ዝርዝር መረጃ ከላይ ተያይዟል።

@tikvahethiopiaBOT @tikvahethiopia

#FDREDefenseForce

ሰራዊቱ አላማጣና አካባቢውን መቆጣጠሩን ገልጿል።

መከላከያ ከአማራ ክልል የልዩ ኃይል ፖሊስ እና ሚሊሻ ጋር በመሆን ዋጃ ፣ ጥሙጋ ፣ አላማጣ እና አካባቢውን በቁጥጥር ስር እንደዋሉ ይፋ አድርጓል።

መከላከያ አካባቢዎቹን ሲቆጣጠር በህብረተሰቡ ላይ 'ምንም አይነት ጉዳት' እንዳልደረሰም አሳውቋል።

የግራካሶ ተራራና አካባቢውን ለመቆጣጠር እየገሰገሰ እንደሚገኝ ገልጿል።

ሰራዊቱ በምስራቅ አላማጣ ፣ በጨርጨር አካባቢ ድል እያስመዘገበ እንደሚገኝም አሳውቋል።

* መከላከያ ሰራዊት ለህዝብ ያሰራጨው መረጃ ከላይ ተያይዟል።

@tikvahethiopiaBOT @tikvahethiopia

ግጭቱን ዓለም አቀፍ ለማድረግ የሚደረገውን ጥረት አሜሪካ አወገዘች !

ትላንት 'ሕወሓት' በኤርትራ ላይ የፈጸመውን ተቀባይነት የሌላቸው ጥቃቶች እና በትግራይ ክልል የተፈጠረውን ግጭት ዓለም አቀፍ ለማድረግ የሚያደርገውን ጥረት አሜሪካ አጥብቃ #እንደምታወግዝ በአሜሪካ የውጭ ጉዳይ ሚኒስቴር የአፍሪካ ጉዳዮች ረዳት ሚነስትር ቲቦር ናጊ አስታወቁ፡፡

ረዳት ሚኒስትር ናጊ ፥ "ሰላማዊ ሰዎችን ለመጠበቅ ፣ ውጥረቶችን ለማርገብ እና ሰላምን ለማስፈን አፋጣኝ እርምጃ እንዲወሰድ ማበረታታችንን እንቀጥላለን" ሲሉ በትዊተር ገፃቸው ላይ ፅፈዋል።

Via AlAin News
@tikvahethiopiaBot @tikvahethiopia

የፌዴሬሽን ምክር ቤት ፦

" ... የፌዴራል መንግስቱ ለድርድር ይቀመጥ ማለት ለህወሓት ህጋዊ እና ሞራላዊ የእኩልነት ደረጃ እንደመስጠት ተደርጎ ይቆጠራል።

ሊደራደሩ የሚችሉበት ህጋዊም ሞራላዊም አግባብ የለም። የፌዴራል መንግስቱ ህገ መንግስታዊ ስርዓቱን ለመታደግ እየሰራ ይገኛል።

ፌዴራል መንግስቱ ህገ መንግስታዊ የሆነ ስልጣኑን ተጠቅሞ ህገ መንግስታዊ ስርዓቱን ለመታደግ ካልቻለ እና መደራደርን ከመረጠ ወደ ፊት እጅግ አደገኛ ሁኔታ ይገጥመዋል።

ይህም ማለት ሌሎች የፌዴሬሽኑ አካል የሆኑ የክልል መንግስታት የፌዴራሉን መንግስት ያለ ማንም ከልካይነት መገዳደር እንዲችሉ መፍቀድ ማለት ነው።"

* ዛሬ የፌዴሬሽን ምክር ቤት ያወጣው መግለጫ ሙሉ ሀሳብ ከላይ ተያይዟል (የተዘጋጀው በአልዓይን AlAin ሚዲያ ነው)

@tikvahethiopiaBOT @tikvahethipia