አማራ ክልል ፖሊስ ፦

የአማራ ክልል ፖሊስ በባህር ዳር ከተማ (መኮድ) እና ጎንደር ከተማ (አዘዞ) አካባቢ ፍንዳታዎች ተከስቶ እንደነበር እና አሁን ላይ ሙሉ በሙሉ እንደቆመ አረጋግጧል።

የፍንዳታውን መንስኤ ፣ ያደረሰውን አካል ማንነት እና የደረሰ ጉዳት ካለ ሙሉ መረጃው በመጣራት ላይ ስለሚገኝ ለህዝብ ይገለፃል ተብሏል።

ህዝቡ ማህበራዊ ሚዲያ ላይ በሚናፈሱ ተጨባጭ ባልሆኑ መረጃዎች መሸበር እንደማይገባውም መልዕክት ተላልፏል።

@tikvahethiopiaBOT @tikvahethiopia

የአስቸኳይ ጊዜ አዋጅ ማጣሪያ ፦

ትናንት ምሽት ወደ ባሕርዳር እና ጎንደር #ሮኬት ተተኩሷል።

በዚህም በአውሮፕላን ማረፊያው አካባቢ መጠነኛ ጉዳት መድረሱ ተገልጿል።

የህወሓት ቡድን በእጁ ያሉትን የመጨረሻዎቹን መሣሪያዎች ጠጋግኖ ሞክሯል ብሏል የፌዴራል መንግስት።

ይህም ከመሞቱ በፊት የመጨረሻውን ዐቅሙን እየሞከረ መሆኑን ያመለክታል ሲል ገልጿል።

ዝርዝሩን መርማሪ ቡድን ተመድቦ እያጣራው ሲሆን በቀጣይ የሚገለጽ ይሆናል።

@tikvahethiopiaBOT @tikvahethiopiap

#ATTENTION

ቤኒሻንጉል ጉሙዝ ክልል መተከል ዞን ድባጤ ወረዳ "ያምፕ ቀበሌ" የታጠቁ ኃይሎች በነዋሪው ላይ ተኩስ መክፈታቸውን የቲክቫህ አባላት አሳውቀዋል።

በአሁን ሰዓትም በከተማው አካባቢ 'የተኩስ ድምፅ' እንዳለ ገልፀዋል።

በቂ የሆነ የፀጥታ ኃይል የለም ፤ የሚመለከተው አካል ይህን መልዕክት ተመልክቶ አስቸኳይ የሆነ መፍትሄ እንዲፈልግ ጥሪ ቀርቧል።

@tikvahethiopiaBOT @tikvahethiopia

#UPDATE

'ህወሓት' ትላንት ምሽት በጎንደር እና ባህር ዳር ለተፈፀመው የሮኬት ጥቃት ኃላፊነቱን ወስዷል።

አቶ ጌታቸው ረዳ ፥ በትግራይ አከባቢዎች ለተካሄደው የአየር ድብደባ የተሰጠ አፀፋዊ ምላሽ ነው ብለዋል።

አቶ ጌታቸው፥ "የሚሳኤል ጥቃቱ ያነጣጠረው በባህርዳርና ጎንደር ከተማ ወታደራዊ ካምፖች ላይ ነው" ሲሉ ለትግራይ ቴሌቪዥን ተናግረዋል።

@tikvahethiopiaBOT @tikvahethiopia

#UPDATE

የቤኒሻንጉል ጉሙዝ ክልል መንግስት ፥ "የሕውሓት ቅጥረኛ ቡድን በመተከል ዞን ድባጤ ወረዳ ባደረሰው ጥቃት የንጹኃን ዜጎች ሕይወት አለፈ" ሲል አስታወቀ።

የክልሉ መንግስት ፥ በሕወሓት የሚደገፈው የጥፋት ቡድን ከትናንት በፊት ጀምሮ በውብግሽ ፣ ያምፕ እንዲሁም ቂዶህ ቀበሌዎች ውስጥ ባደረሰው ጥቃት የንጹኃን ዜጎች ሕይወት አልፏል ብላል።

በተጨማሪም የጥፋት ኃይሎች ከወምበራ - ቡለን - ድባጤ - ቻግኒ በሚወስደው መስመር ሲንቀሳቀስ የነበረ የሕዝብ ማመላለሻ አስቁመው በንፀሃን ተሳፋሪዎች ላይ ዝግናኝ የሆነ ጥቃት አድርሰዋል ሲል ገልጿል።

@tikvahethiopiaBOT @tikvahethiopia

#ጥብቅ_ማሳሰቢያ

የአዲስ አበባ ፖሊስ ኮሚሽን ሀገሪቱ አሁን ባለችበት የፀጥታ ሁኔታ በምንም አይነት ምክንያት "ርችት መተኮስ" የተከለከለ መሆኑን በጥብቅ አሳስቧል።

ይህን መልዕክት በመተላለፍ ርችት ሲተኩስ የተገኘ ግለሰብ በህግ የሚጠየቅ መሆኑን አስታውቋል።

@tikvahethhiopiaBot @tikvahethiopia

ከእስር የተፈቱት ፖለቲከኞች ፦

ለአራት ወራት ገደማ በእስር ላይ የቆዩ ሁለት አነግ መካከለኛ አመራሮች እያንዳንዳቸው የ20 ሺህ ብር ዋስትና ተፈተዋል።

ዛሬ ከእስር የተፈቱት የኦነግ የወጣቶች ክንፍ ኃላፊ አቶ ለሚ ቤኛ እና በአዲስ አበባ የኦሮሚያ ልዩ ዞን ድርጅታዊ ጉዳዩች ኃላፊ አቶ ዳዊት አብደታ ናቸው።

ከሁለቱ አመራሮች ጋር አብሮ ክስ የቀረበበት አቶ ደምሴ በንቲ የተባለ የኦነግ አባልም በ10 ሺህ ብር ዋስትና በዛሬው ዕለት ከእስር ተለቋል።

በሌላ በኩል ፦

እንደ አዲስ አበባው ባልደራስ የድሬዳዋ ነዋሪዎችን በከተማ ደረጃ ለማታገል የተቋቋመው ድሬዳዋ አቀፍ የፖለቲካ ፓርቲ መስራች ከ4 ወራት እስር በኋላ ተፈተዋል።

የድሬዳዋ ነዋሪዎች አንድነት ፓርቲ የተሰኘው ፓርቲ መስራች አቶ ሲሳይ አየለ የታሰረው በፌስቡክ ገጻቸው ካወጣው መረጃ ጋር በተያያዘ ነበር።

ምንጭ፦ ኢትዮጵያ ኢንሳይደር ፣ ቪኦኤ
@tikvahethiopiaBOT @tikvahethiopia

'ወድቆ የተገኘ ቦንብ ፈንድቶ ጉዳት ደረሰ'

አዲስ አበባ የካ ክፍለ ከተማ ወረዳ 7 ልዩ ቦታው በተለምዶ 02 ወይም ካፒቴን ደምሴ ሰፈር ተብሎ በሚጠራው አካባቢ ህፃናት ወድቆ ያገኙት 'ቦንብ' በእጃቸው ላይ ፈንድቶ ጉዳት እንደደረሰባቸው የአዲስ አበባ ፖሊስ ኮሚሽን አሳውቋል።

* በዚህ ጉዳይ ዝርዝር መረጃ ይሰጣል ተብሏል።

@tikvahethiopiaBOT @tikvahethiopia

#DrLiaTadesse

የባለፉት 24 ሰዓት የኮቪድ-19 ሪፖርት :

• የተደረገ የላብራቶሪ ምርመራ - 6,343
• በበሽታው የተያዙ - 564
• ህይወታቸው ያለፈ - 7
• ከበሽታው ያገገሙ - 104

አጠቃላይ 102,321 ሰዎች በበሽታው መያዛቸው ሲረጋገጥ ፤ የ1,565 ሰዎች ህይወታቸውን አጥተዋል ፤ 63,675 ሰዎች ደግሞ ከበሽታው አገግመዋል።

321 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

#BREAKING

የቢቢሲው ጋዜጠኛ ሞውሊድ ሃጂ አብዲ ኤርትራ አስመራ ከተማ ምሽቱን በ3 ሚሳኤል መመታቷን ገልጿል።

ጋዜጠኛው የኢንፎርሜሽን ሚኒስቴር እና አስመራ ኤርፖርቱ አቅራቢ ጥቃት ሳይደርስ እንዳልቀረ ፅፏል።

ኤርትራን አስመልክተው የሚዘግቡ ሚዲያዎችም "አስመራ" ውስጥ ከፍተኛ ፍንዳታ መሰማቱ ፤ በኃላም ተደጋጋሚ የተኩስ ድምፅ እንደነበር ዘግበዋል።

* የኤርትራ መንግስት ይፋዊ መረጃ እስካሁን አልሰጠም።

@tikvahethiopiaBot @tikvahethiopia

ተጨማሪ ፦

ታማኝ የሆኑ የዲፕሎማቲክ ምንጮች ዛሬ በአስመራ ከተማ 3 ፍንዳታዎች መሰማታቸውን እንደገለፁ ጋዜጠኛ ሳራ ክሬታ አሳውቃለች።

አንደኛው ፍንዳታ የተሰማው ኤርፖርቱ አቅራቢያ ነው።

* የኤርትራ መንግስት ይፋዊ መረጃ እስካሁን አልሰጠም።

@tikvahethiopiaBOT @tikvahethiopia

'ህወሓት ለጥቃቱ ኃላፊነት ወሰደ'

"ህወሓት" ትላንትና ምሽት በኤርትራ አስመራ ከተማ የሮኬት ጥቃት መፈፀሙን አረጋግጧል።

ዶ/ር ደብረፅዮን ገ/ሚካኤል ፥ የአስመራ ኤርፖርትን ኢላማ ያደረገ ጥቃት መፈፀማቸውን ዛሬ "ለሮይተርስ" ተናግረዋል።

በትላንት ምሽቱ ጥቃት ስለደረሰው ጉዳት ዝርዝር እስካሁን አልታወቀም።

* የኤርትራ መንግስት እስካሁን ይፋዊ መረጃ አልሰጠም።

@tikvahethiopiaBOT @tikvahethiopia

"መከላከያ የትግራይ ህዝብ ድጋፍ አለው" - አቶ ነብዩ ስሑልሚካኤል

ከEPA ጋር ቃለምልልስ ያደረጉት አቶ ነብዩ ስሑልሚካኤል ህወሓት በፈፀመው መከላከያን የማጥቃት ተግባር በርካታ የትግራይ ነዋሪዎች እያወገዙት ነው አሉ።

አቶ ነብዩ ፥ ምናልባት የሕዝቡን ድምጽ ካለው አፈና አንጻር በጉልህ ባይሰማም በተለያየ መልኩ ድርጊቱን እያወገዘ ነው ብለዋል።

ልዩ ኃይሉ ዓላማ ለሌለው ጦርነት እራሳችንን አንማግድም ማለት ጀምሯል ያሉት አቶ ነብዩ ፤ ሚሊሻውም ይህ ጦርነት የጥቂት 'የህውሓት ካድሬዎች' ጦርነት እንጂ የሕዝብ ጦርነት ባለመሆኑ አንዋጋም እያለ ይገኛል ሲሉ ተናግረዋል።

ይህን ተከትሎ ልዩ ኃይሉም ሆነ ሚኒሻው እጁን ለመከላከያ በመስጠት ላይ እንደሚገኝ አመልክተዋል።

መከላከያ ሰራዊቱ ከትግራይ ሕዝብ ጭምር በሚያገኘው ሕዝባዊ ድጋፍ እየተመራ ጦርነቱን በአጭር ጊዜ ለመቋጨት ወደ አጥፊው ቡድን በመንደርደር ላይ ይገኛል ብለዋል።

አቶ ነብዩ፥ "ቡድኑ የትግራይ ሕዝብ ከጎኔ ነው ቢልም ሕዝቡ ትኩረት ነፍጎታል ፤ ለጦርነት እንዲነሳ ቢጎተጉተውም ግማሹ ዝምታን ሲመርጥ ግማሹ በግላጭ ተቃውሞ እያሰማ ነው ፤ ከቡድኑ ጎን አለመሆኑንም እያሳየ ነው" ብለዋል።

በአጠቃላይ ህወሓት እና ህዝቡ አንድ ናቸው የሚለው ባዶ ትርክት መሆኑን ሕዝቡ በገሃድ እያሳየ ነው ሲሉ ገልፀዋል።

@tikvahethiopiaBOT @tikvahethiopia

አቶ ነብዩ ስሑልሚካኤል "በሰሜን ዕዝ" ላይ ስለተፈፀመው ጥቃት ለEPA ከተናገሩት ፦

"በሰሜን ዕዝ ላይ ህወሓት አሳፋሪ የጭካኔ ተግባር ሲፈጽም የትግራይ ሕዝብ መከላከያን ከጨካኙ ደርጊት የመከላከል ታሪካዊ ስራ ሰርቷል።

ህወሓት ድርጊቱን የፈጸመው ጨለማን ተገን አድርጎ እንጂ በብርሃን ቢሆን በመከላከያ ላይ ይህን ያህል ጥቃት ሳይደርስ ሕዝቡ በራሱ ሊያመክነው ይችል ነበር።

ይህ ቡድን ከዚህ በኋላ እንኳን መንግስት ሆኖ ሊቀጥል ቀርቶ ቡድን ሆኖ መቀጠል ከማይችልበት የመጨረሻ ደረጃ ላይ ደርሷል።

በተለይም በሀገር መከላከያ ሰራዊት ላይ በፈጸመው ጥቃት ሕዝብ አንቅሮ ከመትፋቱ ባሻገር ወንጀለኛ ሆኖ እየታደነ ነው፤ በቅርቡ ግብዓተ መሬቱ ይፈጸማል።"

@tikvahethiopiaBOT @tikvahethiopia