* Federal Police Commission

የፌዴራል ፖሊስ ኮሚሽን "በሀገር መክዳት ወንጀል" ፈፅመዋል ያላቸውን የህወሓት አባላት ላይ የፍርድ ቤት ማዘዣ ትዕዛዛ እንደወጣባቸው ባሰራጨው መግለጫ አሳውቋል።

* መላው ህዝቡ ፥ የሀገር መከላከያ ሰራዊቱ ፣ ፖሊስ አባላት ፣ የደህንነት ተቋማት ተፈላጊዎቹን አድኖ ለህግ ለማቅረብ እያደረጉ ያለውን ጥረት ባለበት ሆኖ ጥረት እንዲያደርግ ጥሪ አቅርቧል።

ህዳር 3/2013 ዓ/ም

@tikvahethiopiaBOT @tikvahethiopia

"መንግስት ከህወሓት ጋር ድርድር አያደርግም" - አቶ ዛዲግ ኣብርሃ

ኣቶ ዛዲግ ኣብርሃ "የህወሃት የጥፋት ቡድን" በእርቅ ስም እድሜውን ለማራዘም ቢፈልግም መንግስት ግን አይቀበለውም አሉ አቶ ዛዲግ አብርሃ።

ቡድኑ የፈፀመው "ደባ" ከባድ በመሆኑ በእርቅ ስም እድሜ ለማራዘምና ሽብርተኝነቱን ለማስፋፋት መፈለጉ ተቀባይነት የለውም ብለዋል።

መንግስት ከጥፋት ኃይል ጋር ድርድር አያደርግም ሲሉ ገልፀዋል።

አቶ ዛዲግ ይህን ያሉት በዛሬው ዕለት ለሀገሪቱ ምሁራን በወቅታዊ ጉዳይ ዙሪያ ገለጻ ባደረጉበት ወቅት ነው።

ህወሓት መንግስት ሆኖ ሀገር መከላከያን እና ደህንነቱ ላይ የነበረውን የበላይነት ሲያጣ በማኩረፍ መቐለ ላይ መመሸግን መርጧል ሲሉ ተናግረዋል።

ከዚህ ባለፈ የጥፋት ሃይል በመሆን በመከላከያ ላይ ጥቃት ማድረሱ የሃገርን ህልውና አደጋ ላይ የጣለ ድርጊት ነው ብለዋል።

አቶ ዛዲግ አብርሃ፥ "ህወሓት የሰባ እና ሰማንያ ዓመት ሽማግሌዎችን በዋናነት ይዞ ነው እንጂ አዲስ ትውልድ ቢተካ ኖሮ ይህን ያክል ከዴሞክራሲ ጋር ተቃርኖ አይኖረውም ነበር" ሲሉ ተደምጠዋል።

የመከለከያ ሰራዊቱ እየወሰደ ያለው የህግ ማስከበር እርምጃ "የሀገርን ህልውና የማዳን ዘመቻ" በመሆኑ ሁሉም አካል ድጋፉን ሊሰጥ ይገባል ብለዋል። (EPA)

@tikvahethiopiaBOT @tikvahethiopia

'የተከዜ ሃይድሮ ኤሌክትሪክ ማመንጫ'

ትላንት ምሽት ዶክተር ደብረፅዮን ገ/ሚካኤል 'የተከዜ ሃይድሮ ኤሌክትሪክ ማመንጫ' በአየር ተደብድቧል ፤ የትግራይ ክልል ከተሞች በጨለማ ውስጥ እንዲቆዩ ተደርጓል ሲሉ መናገራቸው ይታወሳል።

በፌዴራል መንግስት ስር የሚተዳደረው "የአስቸኳይ ጊዜ አዋጅ መረጃ ማጣሪያ" ተከዜ በቦንብ እንደተመታ የሚነገረው #ሀሰት ነው ብሏል።

ባለሁለት ክበብ ቅስት ያለው እና በውሀ የተሞላ ግድብ በቦንብ ቢመታ ሊያስከትል የሚችለው መጥለቅለቅ እና ጥፋት ማንም ሊገምተው የሚችለው ነው ሲልም ገልጿል።

* የአስቸኳይ ጊዜ አዋጅ መረጃ ማጣሪያ በጉዳዩ ላይ ያወጣው መረጃ ከላይ ተያይዟል !

@tikvahethiopiaBOT @tikvahethiopia