በቀጣዩ ሀገራዊ ምርጫ የኢትዮጵያ ብሄራዊ ምርጫ ቦርድ እያከናወናቸው ካሉ ዝግጅቶች መካከል አንዱ የምርጫ ቁሳቁሶችን ማሟላትና ደኅነቱን የጠበቀ እንዲሆን ማስቻል ነው፡፡

ለመሆኑ በቀጣዩ ሀገራዊ ምርጫ በዚህ ዙሪያ ምን ልዩ የሆነ ነገር ልንመለከት እንችላለን ?

https://telegra.ph/ETH-10-24-9

#DrLiaTadesse

የባለፉት 24 ሰዓት የኮቪድ-19 ሪፖርት ፦

• የተደረገ የላብራቶሪ ምርመራ - 7,454
• በበሽታው የተያዙ - 629
• ህይወታቸው ያለፈ - 19
• ከበሽታው ያገገሙ - 724

በአጠቃላይ በሀገራችን 92,858 ሰዎች በቫይረሱ መያዛቸው ሲረጋገጥ ፤ የ1,419 ሰዎች ህይወት አልፏል ፤ 46,842 ከበሽታው አገግመዋል።

306 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

#TIGRAY

"...አሁን የመጣው የአንበጣ መንጋ ታይቶም አይታወቅም" - አቶ ክንደያ ግደይ (የትግራይ አርሶ አደር)

የበረሀ አንበጣ መንጋ በትግራይ ክልል ካሉት 7 ዞኖች 4ቱን ወሯል።

በ29ኝ ወረዳዎች 79ኝ ቀበሌዎች የሚገኝ ሰብልና የተፈጥሮ ሀብት በአንበጣው ጉዳት ደርሶበታል።

አስተያየታቸው ለDW ከሰጡ ገበሬዎች መካከል የ70 ዓመት እድሜ ያላቸው አቶ ክንደያ ግደይ ለDW ተከታዩን ብለዋል ፦

"ልጅ እያለሁ መኮኒ ፣ ማይጨው እና ወጅራት በአጠቃላይ የሸፈነ ትልቅ የአንበጣ መንጋ መጥቶ አስታውሳለሁ ፤ ይህ 60 ዓመታት ያለፈው ታሪክ ነው ፤ እንደኔ እንደኔ አሁን የመጣው ግን ታይቶም አይታወቅም።"

ከትግራይ ክልል ግብርና ቢሮ በተገኘው መረጃ በክልሉ ካለ አጠቃላይ በሰብል የተሸፈነ መሬት 77,000 ሄክታር የሚሆነው በአንበጣ መንጋ ተወሯል።

በተለይም በዚህ ሁለት ሳምንት የአንበጣ መንጋው በስፋት እየተስፋፋ ይገኛል።

አምና በአንድ ዓመት ውስጥ ወደ ትግራይ የገባው የአንበጣ መንጋ ብዛት 18 ሲሆን ዘንድሮ ግን ከመስከረም ወዲህ ባሉ ቀናት ብቻ በሚሊዮኖች የሚቆጠሩ አንበጦች የያዘ 21 መንጋ ወደ ክልሉ ገብቷል።

አንበጣው እስካሁን በትግራይ ውስጥ አጠቃላይ በቁጥር ተለይቶ ያልታወቀ ጉዳት በግብርና ምርት ላይ ማድረሱን ከ #DW ያገኘነው መረጃ ያሳያል።

@tikvahethiopiaBot @tikvahethiopia

ካፍ በማረጋገጫው ኢትዮጵያን ክለቦችን አካቷል !

ካፍ ይፋ ባደረገው ደብዳቤ የዘንድሮውን የውድድር ዓመት የካፍ ሻምፒየንስ ሊግ እና ኮንፌዴሬሽን ዋንጫ ተሳታፊ ቡድኖችን ይፋ አድርጓል ።

በዚህም መሰረት መቐለ 70 እንደርታ በካፍ ሻምፒየንስ ሊግ እንዲሁም ፋሲል ከነማ በኮንፌዴሬሽን ዋንጫ እንደሚሳተፉ ካፍ ይፋ ባደረገው የማረጋገጫ መረጃ ላይ ታይቷል ።

Via @tikvahethsport

#AmboUniversity

የአምቦ ዩኒቨርሲቲ ሀጫሉ ሁንዴሳ ካምፓስ ብሎ በሰየመውና በግቢው ዋና በር ፊት ለፊት የተሰራው የአርቲስት ሀጫሉ ሁንዴሳ ሀውልት ዛሬ ተመርቋል፡፡ አምቦ ዩኒቨርሲቲ ያሰራው ይህ ሀውልት ሲመረቅ ቤተሰቦቹ እና አድናቂዎቹ ተገኝተዋል፡፡

(OBN)
@tikvahethiopiaBot @tikvahethiopia

#AddisAbaba

ዛሬ የአዲስ አበባ ከተማ አሰተዳደር ቅጥር ለመፈፀም 2 ቋንቋዎችን እንደግዴታ ያስቀመጠበት ህግ አልወጣም ሲል ገልጿል።

ቅጥርን በተመለከተ ሁለት ቋንቋዎችን መቻል እንደግዴታ ተቀምጧል እየተባለ የተናፈሱ መረጃዎች ከእውነት የራቁ ናቸው ተብሏል።

በምክትል ከንቲባ ማዕረግ የመንግስት አገልግሎት ሰጪ ተቋማት አስተባባሪ አቶ ዣንጥራር አባይ የተናገሩት ፦

"የአ/አ ከተማ አስተዳደር በቻርተር የሚተዳደር እና ቻርተሩ በ1995 በአዋጅ የቻርተር አዋጅ 361 ተብሎ በግልጽ እንደተቀመጠው "አማርኛ" የከተማ አስተዳደሩ የስራ ቋንቋ ሆኖ እንደሚያገለግል በግልጽ ተቀምጧል።

ይህ ቻርተር የወጣው በህዝብ ተወካዮች ምክር ቤት ስለሆነ አዋጁ ባልተሻሻለበት ሁኔታ ስራ ለመቀጠር ሁለት ቋንቋ እንደግዴታ ነው እየተባለ የሚነዛው ወሬ ከእውነት የራቀ ነው።

ከተማ አስተዳደሩ ስራ ለመቀጠር እንደግዴታ ያወጣው ህግ ባለመኖሩ ምናልባት በማወቅም ሆነ ባለማወቅ 2 ቋንቋ መቻልን እንደግዴታ የሚያስቀምጡ ማስታወቂያዎችን ካሉ ትክክል ባለመሆኑ ከተማ አስተዳደሩ እርምጃ ይወስዳል።"

Via FBC
@tikvahethiopiaBOT @tikvahethiopia

ዛሬ ጠ/ሚ ዶ/ር አቢይ አህመድ የሃይቅ - ቢስቲማ - ጭፍራ የአስፋልት ኮንክሪት መንገድ ግንባታ ፕሮጀክት አስጀምረዋል።

በይፋ የግንባታ ስራው የጀመረው መንገድ 74 ነጥብ 3 ኪሎ ሜትር ርዝመት ይኖረዋል።

የመንገድ ግንባታ ፕሮጀክት ከ2 ነጥብ 1 ቢሊዮን ብር በላይ ወጪ ይጠይቃል።

ግንባታውን የሚያከናውኑት ፓወርኮን ሃላፊነቱ የተወሰነ የግል ማህበርና አሰር ኮንስትራክሽን በጋራ ናቸው።

የግንባታው ወጪ የሚሸፈነው በኢትዮጵያ መንግስት እንደሆነ ታውቋል።

የመንገድ ግንባታው በአራት ዓመት ጊዜ ውስጥ ይጠናቀቃል ተብሎ የሚጠበቅ መሆኑን ኢዜአ ዘግቧል።

@tikvahethiopiaBot @tikvahethiopia

#DrLiaTadesse

የባለፉት 24 ሰዓት የኮቪድ-19 ሪፖርት ፦

• የተደረገ የላብራቶሪ ምርመራ - 7,045
• በበሽታው የተያዙ - 485
• ህይወታቸው ያለፈ - 7
• ከበሽታው ያገገሙ - 701

በአጠቃላይ በሀገራችን 93,343 ሰዎች በቫይረሱ መያዛቸው ሲረጋገጥ ፤ የ1,426 ሰዎች ህይወት አልፏል ፤ 47,543 ከበሽታው አገግመዋል።

339 ሰዎች በፅኑ ታመው የህክምና ክትትል እየተደረገላቸው ይገኛል።

@tikvahethiopiaBot @tikvahethiopia

ዶ/ር ኢ/ር ጌታሁን ተማሪዎችን ማስተማር ጀመሩ !

የትምህርት ሚኒስቴር ሚኒስትር ዶ/ር ኢ/ር ጌታሁን መኩሪያ የመምህራንን ጫና ለመቀነስ እኔም አስተምራለሁ የሚለውን ንቅናቄ የ12ኛ ክፍል ተማሪዎችን በማስተማር ጀምረዋል።

ሚኒስትሩ በሚኒሊክ ሁለተኛ ደረጃ ትምህርት ቤት ተገኝተው ለ12ኛ ክፍል ተማሪዎች የፊዚክስ ትምህርትን አስተምረዋል።

በትምህርት ቤቱ በሚወጣ መርሃ ግብር መሰረትም ለ45 ቀን የማስተማር ስራውን እንደሚከውኑ ገልፀዋል።

ሌሎችም በመምህርነት ሙያ የሰለጠኑ ባለሙያዎችም በመምህራን ላይ የሚኖረውን ጫና ለመቀነስ በበጎ ፍቃደኝነት የመማር ማስተማሩን ሂደት እንዲቀላቀሉ ጥሪ አቅርበዋል።

በአሁን ሰዓት በአዲስ አበባ የሚገኙ ሁሉም የ8ኛ እና 12ኛ ክፍል ትምህርት ቤቶች ትምህርት ጀምረዋል። #MoE

@tikvahethiopiaBOT @tikvahethiopia