በሀዋሳ አሮጌ ገበያ በተነሳ የእሳት አደጋ በአንድ ሼድ ዉስጥ የነበረ ሸቀጥ ሙሉ በሙሉ መውደሙ ተገለፀ።

የእሳት አደጋው ምሽት 7፡00 ሰዓት አካባቢ ባልታወቀ ምክንያት እንደተነሳ ተገልጿል።

ቃጠሎው ከጀመረ ሰዓት አንስቶ በህብረተሰቡ እና በፀጥታ ሀይሉ ሰፊ ርብርብ ቃጠሎውን መቆጣጠር በመቻሉ ወደሌላ ሼድ እንዳይዛመት ሆኗል።

ዛሬ የሀዋሳ ከተማ አስተዳደር ም/ከንቲባ ረዳት ፕ/ር ፀጋዬ ቱኬ በቃጠሎው የደረሰውን አደጋ እና ነጋዴዎቹን በስፍራው በመገኘት ጎብኝተዋል።

ምክትል ከንቲባው ከተማ አስተዳደሩ በቃጠሎው ንብረት የወደመባቸውን ነጋዴዎች በተቻለ አቅም በፍጥነት መልሶ ለማቋቋም እንደሚሰራ ገልፀዋል።

በዚህ አደጋ በሰው ህይወት እና በአካል ላይ ጉዳት አለማድረሱን የተነገር ሲሆን የአደጋው መንስኤና የደረሰው የንብረት ውድመት መጠን ተጣርቶ ይገለፃል መባሉ ከሀዋሳ ከተማ ኮሚኒኬሽን ያገኘነው መረጃ ያሳያል።

@tikvahethiopiaBOT @tikvahethiopia

ክቡር ዶክተር አርቲስት ለማ ጉያ ፦

- ሻምበል ለማ ጉያ ከአባታቸው አቶ ጉያ ገመዳ ከእናታቸው ከወ/ሮ ማሬ ጎበና በ1921 በቢሾፍቱ ደሎ ቀበሌ ተወለዱ፡፡

- በአየር ሃይል ተምረው በከፍተኛ ነጥብ ተመርቀዋል፡፡ በአስመራ ከተማ በአየር ሃይል መምህርት አገልግለዋል፡፡

- በሀገራችን ታሪክ በስዕሉ ዘርፍ የመጀመሪያ የሆነችው ሥዕል ያለስተማሪ መፅሐፍ አዘጋጅተዋል፡፡

- አርቲስት ለማ ጉያ 'አፍሪካ አርት ጋለሪ' አቋቁመዋል፡፡ የጋለሪውን መታሰቢያ በኒልስን ማንዴላ ሃውልት በማጀብ አራት የጋለሪ ቤቶችን በመገንባት ለህዝብ ምንግዜም ክፍት ሆነው ስራዎቻቸውን ወጣቱ ትውልድ እንዲማርበት አድርገዋል፡፡

- በቆዳ ስራ የሚቀርጹት የፖርትሬት ምስል ታዋቂነትን አትርፎላቸዋል፡፡ በተለይ በፍየል ቆዳ ላይ ሙሉ በሙሉ ፀጉሩ ሳይነሳ ተፈጥሮአዊ ወዙንና መልኩን ይዞ የፊትን ገፅ ብቻ በቀለም በመስራት የበርካቶችን አድንቆት አትርፈዋል፡፡

- በህይወት ዘመናቸው ወደ 1ዐ ሺህ የሚጠጉ የስዕል ውጤቶችን ለሀገራቸው አበርክተዋል፡፡

- የአርቲስት ለማ ጉያ ሶስት ሴቶች ልጆቻቸውና ሁለት ወንድ ልጆቻቸው አምስቱም የስነ-ጥበብ ባለሙያዎች ናቸው፡፡

- የባህል እሴቶቻችን ከሃሀር አልፈው እንዲነበቡ፣ አንዲታወቁና እንዲገለፁ ያደረጉ የጥበብ ጀግና ነበሩ፡፡

- በርካታ ትምህርት ቤቶችን በማሰራትም ማህበራዊ ሀላፊነታቸውን ተወጥተዋል፡፡

- የጅማ ዩኒቨርሲቲ ለአርቲስቱ በ2007 ዓ.ም የክብር ዶክትሬት በሥነ-ጥበብ ዘርፍ ሰጥቷቸዋል፡፡

(የክብር ዶክትሬት በተቀበሉበት ወቅት ከተፃፈላቸዉ ግለታሪክ ተቀንጨቦ የተወሰደ)

የለማ ጉያ ድንቅ የቆዳ ላይ ሥዕሎች👇
https://telegra.ph/BBC-10-26-2

@tikvahethiopiaBot @tikvahethiopia

#AddisAbaba

የአዲስ አበባ ከተማ ቀላል ባቡር ኡራኤል አካባቢ ባለው የባቡር ሀዲድ ላይ በደረሰ ቀላል የእሳት አደጋ ምክንያት አገልግሎት መስጠት ማቆሙን ETHIO FM 107.8 ዘግቧል።

በባቡር ሃዱ ላይ ጪስ ነገር መታየቱን ተከትሎ የእሳት አደጋ ሰራተኞች በቦታው ደርሰው የማጥፋት ስራ ላይ ናቸው፡፡

በከተማዋ እሳትና ድንገተኛ አደጋዎች ስራ አመራር ኮሚሽን የህዝብ ግንኙነት ቡድን መሪ አቶ ጉልላት እንዳሉት በአካባቢው የተፈጠረው አደጋ ለማጣራትና በቁጥጥር ስር ለማዋል የእሳት አደጋ መኪናዎችና ሰራተኞች ወደ ስፍራው ማቅናታቸውን ተናግረዋል፡፡

አደጋው በስፍራው ከተዘረጋው የኤሌክትሪክ መስመር ጋር የተገናኘ ሊሆን እንደሚችልም ተገምቷል።

ባቡር ሀዲዱ አካባቢ የተፈጠረው ጢስ መነሻው ምን እንደሆነ እስካሁን ያልታወቀ ሲሆን በስፍራው ከሚገኙ የእሳት አደጋ ሰራተኞች መረጃው ወደ ማዕከል እንደተላከ ለህዝብ ይፋ እናደርጋለንም ብለዋል።

በአሁኑ ሰዓት ግን የእሳት አደጋ መኪኖች ወደ ስፍራው አቅንተው አደጋዉን ለመቆጣጠር በጥረት ላይ ሲሆኑ የባቡር አገልግሎት በዚሁ አደጋ ምክንያት መቋረጡን ተረጋግጧል።

በአካባቢው ለተሳፋሪዎች ቲኬት ይሸጥበት የነበረው የመገናኛ ቲኬት ቢሮ ተዘግቷል።

ምንጭ፦ ኢትዮ ኤፍ ኤም 107.8
@tikvahethiopiaBot @tikvahethiopia

ለነገ የተጠራው ሰልፍና የመንግስት ምላሽ !

የአማራ ብሔራዊ ንቅናቄ (አብን) ፓርቲ በአማራ ህዝብ ላይ እየተፈፀመ ያለውን ግድያ እና ጥቃት ለመቃወም ነገ ጥቅምት 18 በአማራ ክልል ከተሞች እና ጥቅምት 22 በአ/አ ሰላማዊ ሰልፍ ጠርቷል።

ፓርቲው ስለጠራው ሰልፍ እና ሌሎች ወቅታዊ ጉዳዮች ዙሪያ ከቀኑ 8:00 ላይ በዋና ጽሕፈት ቤቱ ጋዜጣዊ መግለጫ ይሰጣል።

በሌላ በኩል ፦

በትላንትናው ዕለት የአማራ ክልል መንግስት በአማራ ክልል የተጠራው ሰልፍ ህጋዊ አይደለም፤ ወቅቱንም ያላገናዘበ ነው ብሎታል።

ሰልፉ ህጋዊ ባለመሆኑ የክልሉ ነዋሪዎች መደበኛ የእለት ከእለት ስራቸውን እንዲሰሩ ጥሪውን አቅርቧል።

ይህንን ተላልፎ ሰልፍ የሚወጣ አካል ካለ ግን የጸጥታ አካላት ፤ ፓሊስና ሚሊሻ ስርዓት እንዲያስይዙ የክልሉ መንግስት ትዕዛዝ መስጠቱን ገልጿል።

የአማራ ክልራ የኮሚኒኬሽን ዳይሬክተር አቶ ግዛቸው ፥ "የገጠመን ችግር ሰልፍ በማድረግ ብቻ የምንፈታው አይደለም ፤ በሰልፍ ለውጥ የሚመጣ ቢሆን የክልሉ መንግሥት ፊት ሁኖ ይመራው ነበር" ብለዋል።

የተጠራውን ሰልፍ በራሳቸው መንገድ ለመጠቀምና አማራ ክልልን የትርምስ ቀጠና ለማድረግ እየሠሩ የሚገኙ የውስጥ እና የውጭ ኃይሎች አሉ የክልሉ መንግሥትም ተጨባጭ መረጃ ደርሶታል ሲሉ ገልፀዋል።

በተጨማሪ ከክልሉ ውጭ የሚኖረው አማራ ደኅንነቱ የሚጠበቀው በበሰለ የፖለቲካ ውይይት እና ድርድር እንዲሁም ህገወጦችን በአንድነት ሁኖ በመታገል ለዘላቂ መፍትሔ በመስራት ነው እንጂ በሰልፍ ሊሆን አይችልም ብለዋል።

እንዲህ አይነት ሁኔታ በዘፈቀደ የሚጠራ ሰልፍ ከክልሉ ውጭ የሚኖሩ ዜጎችን ይበልጥ ተጋላጭ የሚያደርግ ካልሆነ በስተቀር መፍትሄ ሊሆን የሚችል አለመሆኑን ተናግረዋል፡፡

*የከሰዓቱን የአብንን መግለጫ ተከታትል እናሳውቃለን!

@tikvahethiopiaBOT