#update ለተለያየ ጉዳይ ሀገር ውስጥ ገብተው ከተፈቀደላቸው ጊዜ በላይ የቆዩና ባልተፈቀደላቸው ሥራ ተሰማርተው የተገኙ 765 የውጭ ሀገር ዜጎች ከሀገር እንዲወጡ ተደርገዋል፡፡ 23 ደግሞ በህግ ተጠይቂ ሆነዋል፡፡

Via EPA
@tsegabwolde @tikvahethiopia

አፈ ጉባኤ #ታገሰ ለምክትል ከንቲባ ኢንጂነር #ታከለ የፃፉት ማሳሰብያ!

የህዝብ ተወካዮች ምክር ቤት አፈ ጉባኤ አቶ ታገሰ ጫፎ ለአዲስ አበባ ከተማ አስተዳደር ምክትል ከንቲባ ኢንጂነር #ታከለ_ኡማ ከትናንት በቀን 27/06/2011 ዓ.ም በፃፉት ደብዳቤ ለምክር ቤቱ እና ለፌዴሬሽን ምክር ቤት ግንባታ ተብሎ የተተወውን ባሻ ወልዴ ሰፈር ያለውን ቦታ ለመናፈሻ አገልግሎት መዋሉን ተችተው በቦታው ያለው እንቅስቃሴ #እንዲቆም አሳስበዋል።

Via Elias Mesret & Zinashi Tadesse
@tsegabwolde @tikvahethiopia

ከየፌዴራል ጠቅላይ ዐቃቤ ሕግ የተገኙ መረጃዎች፦

https://telegra.ph/ከየፌዴራል-ጠቅላይ-ዐቃቤ-ሕግ-የተገኙ-መረጃዎች-03-09

ከደኢህዴን ማዕከላዊ ኮሚቴ የተሰጠ መግለጫ፦

የደቡብ ኢትዮጵያ ህዝቦች ዴሞክራሲያዊ ንቅናቄ (ደኢህዴን) የክልሉን ብሔር፣ ብሔረሰቦችና ህዝቦች በሰጡት ህገ-መንግስታዊ የሥልጣን ውክልና ላለፉት ሃያ ስድስት ዓመታት ሕዝቡን በማስተባበር እና በክልሉ ውስጥ ያለውን እምቅ የልማት ፀጋዎች እንዲሁም ውስን የሆነው የካፒታል አቅሞች አቀናጅቶ በመምራት አበረታች ውጤቶችን ማስመዝገቡን ሕዝቡም በየደረጃው
ተጠቃሚ መሆን ስለመቻሉ ሕዝቡ ራሱ የሚመሰክረው ሀቅ ነው፡፡

ይሁን እንጂ አሁንም ቢሆን በርካታ ያልተፈቱ የሰላም፣ የልማት እና የዴሞክራሲ ጥያቄዎች ያሉት መሆኑን ደኢህዴን በተገቢ ሁኔታ ይገነዘባል፡፡
በአገር ደረጃ ለመጣው አዲስ የለውጥ ምዕራፍ ደኢህዴን ከፍተኛ የማይተካ ሚና ተጫውቷል፡፡ የተጀመረው የለውጥ እንቅስቃሴ በትክክለኛ አቅጣጫ እንዲመራ እና ሕዝቡም በለውጡ የተሟላ ተጠቃሚነቱ እንዲረጋገጥ አበክሮም ይሰራል፡፡

በ10ኛው የደኢህዴን ድርጅታዊ ጉባኤ የተቀመጡ አቅጣጫዎች አፈጻጸማቸው የደረሰበትን ደረጃ የድርጅቱ የሥራ አስፈጻሚ እና ማዕከላዊ ኮሚቴ በዝርዝር ገምግሟል፡፡ ከጉባኤ ማግስት ጀምሮ
በኃላፊነት መንፈስ መፍትሄ እና ምላሽ ማግኘት ያለባቸውን ጥያቄዎች በድርጅቱ መሪነት እየተፈጸመ ያለበትን ሁኔታ ፈትሸዋል፡፡ ሥራ አስፈጻሚው እና ማዕከላዊ ኮሚቴው በዝርዝር የገመገማቸውን ጉዳዮች እና በቀጣይ ወራት ርብርብ ማድረግ በሚገቡ ጉዳዮች ላይ በየደረጃው ከሚገኘው የደኢህዴን አመራሮች ጋር ውይይት ለማድረግ ከየካቲት 28 እስከ መጋቢት 1/07/2011 ዓ.ም በክልሉ ርዕሰ መዲና ሀዋሣ ውይይት እየተደረገ ይገኛል፡፡

ይሁን እንጂ ውይይቱ በሰከነ ሁኔታ እየተካሄደ ባለበት የተወሰኑ በብድን የተደራጁ አካላት ውይይቱ አዳራሽ ጭምር በመግባት ህግንና ሥርዓትን ባልተከተለ አግባብ የውይይት መድረኩ እንዲታወክ፣ እንዲቋረጥ እንዲሁም
በአንዳንድ አመራሮች ላይ ድብደባ ፈጽመዋል፡፡ ድርጊቱን የደኢህዴን ማዕከላዊ ኮሚቴ ጽ/ቤት በጽኑ ያወግዛል፡፡ ሁኔታው ወደ ከፋ ጫፍ እንዳይደርስ የውይይቱ ተሳታፊ አመራሮች ያሳዩትን ኃላፊነት የተሞላበት ትዕግስትና ጨዋነት የደኢህዴን ማዕከላዊ ኮሚቴ ያደንቃል፡፡

ለውይይቱ መነሻ የተዘጋጀውን ሰነድ አስመልክቶ #የተሳሳቱና #የተዛቡ መረጃዎች ለህብረተሰቡ እየተላለፈ መሆኑን ለማወቅ ተችሏል፡፡ ሰነዱ የትኛውንም የሕዝብ ሁኔታ በአሉታዊና በነቀፌታ የማይገልጽ የድርጅትና የመንግስት ስራዎችን የሚዳስስ፣ በድርጅቱ አሰራርና አካሄድ መሰረት መስተካከልና መጥራት የሚገባቸውን ጉዳዮች፣ የተከሰቱ ችግሮችና መፍትሄዎችን በተገቢው ሁኔታ የሚያሳይ ሰነድ ነው፡፡ በመሆኑም ደኢህዴን የሕዝቦቻችንን ቱባ ባህልና እሴቶቻቸውን የሚያከብር የታገለለትንና በክልላችን እየደመቀ የመጣውን የሕዝቦችን ሁለንተናዊ መብትና ጥቅም ማንነት፣ ቋንቋ፣ እና ትውፊት አክብሮ የሚንቀሳቀስ ሕዝባዊ ድርጅት ነው፡፡ ለዚህም ሁልጊዜ ጽኑ አቋምና የጠራ መስመር ያለው ድርጅት ነው፡፡

ሰነዱ በድርጅቱ ባህል መሰረት ዝርዝር ጉዳዮች #የተፈተሹበትና ችግሮችን አንጥሮ ያወጣ ሰነድ ሲሆን ሰነዱ ላይ የተመላከተው ዝርዝር ግምገማ ያልጣማቸው ግለሰቦች የሚፈጥሩት #ውዥንብር እንደሆነ ደኢህዴን ማስገንዘብ ይወዳል፡፡ ይህ ሰነድ ለበርካታ ቀናት በደኢህዴን ማዕከላዊ ኮሚቴና በሥራ አስፈጻሚ ኮሚቴ ዘንድ የሰላ #ውይይት ተደርጎበትና በሁሉም ዘንድ የጋራ መግባባት ተደርሶበት የተዘጋጀ ሰነድና የዳበረ በቀጣይም የድርጅትና የመንግስት ሥራዎችን በክልላችን በሰከነ አግባብ ለመምራት እንዲሁም የክልላችን ሕዝቦች ዘላቂ ጥቅምና መብት የሚያስጠብቅ ሁኔታ ከሁሉም የክልላችን አመራሮች ጋር የጋራ መግባባት ለመፍጠር እና በቀጣይ ለመስራት የተዘጋጀ ሰነድ መሆኑን በአጽንኦት ለማረጋገጥ ይወዳል፡፡

የሲዳማ ሕዝብ ባለው #ኩሩ እና #ቱባ ባህላዊ እሴቶች በባለፉት ሃያ ሰባት ዓመታት ከሌሎች የክልሉ ሕዝቦች ጋር አብሮ የመኖር የዳበረ የእንግዳ ተቀባይነት ባህል ያለው ታላቅ ሕዝብ ነው፡፡ የሲዳማ ብሔር ሌሎች ሕዝቦችን "ዳኤቡሹ" ብለው ተቀብሎ አቅፎ የሚኖር፣ የሚያስተናግድ ታላቅ እንግዳ ተቀባይ ሕዝብ ነው፡፡ ደኢህዴንም ለዚህ ታላቅ ሕዝብ ከፍተኛ አክብሮት አለው፡፡
ሕዝቡም በደኢህዴን መስመር ተጠቃሚ በመሆኑ ኩራት ይሰማዋል፡፡

ይሁን እንጂ ሕዝቡን የማይወክሉ የተወሰኑ ቡድኖች እየተካሄደ የነበረውን የውይይት መድረክ እንዲቋረጥ አድርገዋል፡፡ የትኛውም ጥያቄ በዴሞክራሲያዊ አግባብ በሰለጠነ መንገድ መስተናገድ ሲገባው የኃይል እርምጃን አማራጭ በማድረግ የሚቀርብ ጥያቄ ተቀባይነት የሌለውና ተገቢነት የጎደለው በመሆኑ ደኢህዴን ያወግዛል፡፡ ሕግን የተላለፉ አካላትንም መንግስት ተከታትለው ለሕግ እንዲያርብ ይጠብቃል፡፡ የዜጎች ሕገ መንግስታዊ፣ በነጻነት የመዘዋወር እና የመሰብሰብ መብታቸው ሊከበር ይገባል፡፡

በሀዋሳ እና በሲዳማ ዞን የሚትገኙ የሀገር ሽማግሌዎች፣ ኃይማኖት መሪዎች፣ ሴቶች፣ ወጣቶች እና መላው የህብረተሰብ አባላት ሁኔታዎች እንዳይባባሱ ላሳያችሁት ትዕግስትና ጨዋነት ለተሞላበት ኃላፊነት ደኢህዴን አድናቆቱን ያቀርብላቸኋል፡፡ ይኸው አርአያነት ያለው ተግባራችሁ ተጠናክሮ እንደሚቀጥል ደኢህዴን ሙሉ እምነት አለው፡፡

በውይይቱ መሰነካከልና መስተጓጎል ምክንያት የተረበሻችሁ አመራሮች ድርጅታችሁ ደኢህዴን ታላቅ ይቅርታ ይጠይቃል፡፡ የተቋረጠው ውይይትም ተጠናክሮ የሚቀጥል መሆኑን ደኢህዴን ያረጋግጣል፡፡ በውይይቱ የሚቀመጡ አቅጣጫዎች ለክልላችን ሕዝቦች ተጠቃሚነታቸውና ጥያቄያቸው ምላሽ እንደሚያገኝ ማረጋገጥ እንወዳለን፡፡

ደኢህዴን ወትሮኑም ፈተናዎችን ተጋፍጦ እንደሚያልፈው ሁሉ በቀጣይ ጊዜ ይበልጥ ተጠናክሮ የሚቀጥል መሆኑን ለመላው አባሎቻችንና ደጋፊዎቻችን እንዲሁም ለክልላችን ሕዝቦች ለማረጋገጥ እንወዳለን፡፡

የደኢህዴን ማዕከላዊ ኮሚቴ ጽ/ቤት
የካቲት 29/2011 ዓ.ም
ሀዋሣ

@tsegabwolde @tikvahethiopia

#update የኢትዮጵያ አየር መንገድ በአቪዬሽን አካዳሚ ለሦስት ዓመታት ያሰለጠናቸውን 559 ተማሪዎችን #በማስመረቅ ላይ ይገኛል። በምረቃ ስነስርዓቱ ላይ የአየር መንገዱ ዋና ስራ አስፈጻሚ አቶ #ተወልደ_ገብረማርያም ተገኝተዋል። ከተመራቂዎቹ መካከል 40ዎቹ ፓይለቶች፣ 58 ቴክኒሻን እና 123ቱ ደግሞ ሆስተስ ናቸው። እንዲሁም 286 የሚሆኑት ደግሞ የማርኬቲንግ ባለሙያዎች ሲሆኑ 52 የሚሆኑት ደግሞ የምግብ ዝግጅት ባለሙያ ናቸው ተብሏል።

Via fbc
@tsegabwolde @tikvahethiopia

አዲስ አበባ❓

ያለምንም መፈናቀል ለ800ሺ ዜጎች መኖሪያ ቤት መስራት የሚያስችለው ጥናት #አልተተገበረም ተባለ።

https://telegra.ph/ያለምንም-መፈናቀል-ለ800ሺ-ዜጎች-መኖሪያ-ቤት-መስራት-የሚያስችለው-ጥናት-አልተተገበረም-03-09

ባህር ዳር ማረሚያ ቤት‼️

#በባሕር_ዳር ማረሚያ ቤት በተከሰተ የፀጥታ ችግር የሰው ሕይወት ማለፉንና ቀላል እና ከባድ የአካል ጉዳት መድረሱን ፖሊስ አስታወቀ፡፡

የባሕር ዳር ከተማ አስተዳደር ማረሚያ ቤት ኃላፊ ኮማንደር ውብሸት መኮንን ለአብመድ እንደተናገሩት የፀጥታ ችግሩ የተከሰተው ትናንት ከቀኑ 7፡00 አካባቢ ነው፤ የችግሩ ምክንያት ደግሞ ‹‹አደንዛዥ ዕፅ እና ሞባይል ወደ ማረሚያ ቤቱ ገብቷል›› የሚል ጥቆማ ለማረሚያ ቤቱ ፖሊሶች ደርሷቸው ጉዳዩን ለማጣራት ወደ ታራሚዎች ውስጥ ለፍተሻ በገቡበት ወቅት የማፈን ሙከራ በመደረጉ ነው፡፡

ወደ ታራሚዎች የገቡትን 6 የፖሊስ አባላትን ለማፈን ጥረት መደረጉና አምስቱ ከመታፈን ማምለጣቸውን የገለጹት ኃላፊ ‹‹አንደኛው የፖሊስ አባል ግን በታራሚዎች በመታፈኑ እንዲለቁት ድርድር ቢደረግም ለመልቀቅ ፈቃደኛ አልሆኑም፡፡ ይህንን ተከትሎ ታራሚዎች ወደ ፖሊሶች ድንጋይ መወርወር እና ጉዳት ማድረስ በመጀመራቸው የአድማ ብተና ፖሊሶችን እገዛ በመጠየቅ በአስለቃሽ ጋዝ ለማስለቀቅ እና ለማረጋጋት ጥረት ተደርጎ ነበር›› ብለዋል ኮማንደር ውብሸት፡፡

በአመፁ ‹‹አንሳተፍም›› ያሉትን ታራሚዎች አመፅ ቀስቃሾቹ ጉዳት እንዳደረሱባቸውም ኮማንደሩ ተናግረዋል፡፡ እስከዛሬ ጥዋት ባለው መረጃም የአራት ታራሚዎች ሕይወት ማለፉን ኮማንደሩ አረጋግጠዋል፡፡ በመጨረሻም ታፍኖ የነበረው አንድ አባል ትናንት ተለቅቋል፡፡

ቀላል እና ከባድ ጉዳት የደረሰባቸው ታራሚዎች ቁጥር በውል ባይታወቅም ከ20 እንደሚበልጡም የማረሚያ ቤቱ ኃላፊ ለአብመድ አስታውቀዋል፡፡ ተጎጅዎቹ በፈለገ ሕይወት እና በጥበበ ግዮን ስፔሻላይዝድ ሆስፒታሎች ሕክምና እየተደረገላቸው መሆኑንም ነግረውናል፡፡

ምንጭ:- አብመድ
@tsegabwolde @tikvahethiopia

#update በኦሮሚያ ብሄራዊ ክልላዊ መንግስት እና በአዲስ አበባ ከተማ መካከል ያለውን የአስተዳደር ወሰን ውዝግብ በተመለከተ ዘላቂ መፍትሄ የሚያስቀምጥ ኮሚቴ ተቋቋመ።

ምንጭ፦ የጠቅላይ ሚኒስትር ፅ/ቤት
@tsegabwolde @tikvahethiopia

በወቅታዊ ጉዳይ ላይ የተሰጠ መግለጫ፦

በከተማችን ሀዋሳ ከየካቲት 28 ጀምሮ ሲካሄድ የነበረው የደኢህዴን ድርጅታዊ ጉባኤ ውይይት እንድቋረጥ ተደርጓል።

ውይይቱ የተቋረጠበት ዋናው ምክንያት ለውይይቱ በቀረበው ሰነድ ውስጥ የተካተቱ አንዳንድ ነጥቦች የሲዳማን ብሄር ህገ መንግስታዊ መብቶችን የምጻረሩ እንደሆኑ በመረዳት የብሄሩ ተወላጅ የሆኑ አመራር በሙሉ የቀረበው ሰነድ ለውይይት የማይጋብዝ እንደሆነ አቋም በመያዝ ከስብሰባው ራሳቸውን ካገለሉ በኋላ በ29/06/2011 ዓ/ም; አጠቃላይ ክልላዊ መድረኩን ለማስኬድ ምቹ ሁኔታ ስላልነበረ መድረኩ ሊቋረጥ ችሏል።

ከዚህ ጋር ተያይዞ በዕለቱ በከተማው የሚገኙ የሲዳማ ብሄር ወጣቶች በዲርጊቱ ላይ ስሜታቸውን ከገለጹ በኋላ በአጭር ጊዜ ውስጥ ወደየቤታቸው ተመልሷል።

በአሁኑ ሰአትም በከተማው የሚገኝ ህብረተሰብ ያለምንም የጸጥታ ስጋት የዘወትር ተግባር በአግባቡ በማከናወን ላይ ይገኛል።

ይህ በእንዲህ እንዳለ ህብረተሰቡን እንዳይረጋጋ ለማድረግ አቅደው የሚሰሩ አንዳንድ ሚድያዎች እና በግለሰብ ደረጃ በማህበራዊ ገጾች ላይ አፍራሽ መልዕክቶች እየተለቀቁ ስለሚገኙ ህብረተሰቡ በዚህ ሳይሸበር የዘወትር ተግባሩን እንዲያከናውን ከተማ አስተዳደሩ ጥርውን ያቀርባል።

(ሀዋሳ ከተማ አስተዳደር የመ.ኮሙ.)
@tsegabwolde @tikvahethiopia

ወንጀል ነክ መረጃ‼️

በሞያሌ ከተማ በጦር መሳሪያ በመታገዝ ከባድ የሰው #መግደል ሙከራና ግድያ የፈፀሙ ግለሰቦች ላይ ዐቃቤ ሕግ ክስ መሰረተ።

1ኛ ተከሳሽ ወታደር ማትያስ ሞጉሬ እና ሌሎች 5 ተከሳሾች በወንጅል ሕጉ አንቀጽ 27(1)፣32(1)(ለ) እና 539 (1) (ሀ) ላይ የተመለከተውን በመተላለፍ ሰውን ለመግደል በማሰብ መጋቢት 01 ቀን 2010 ዓ.ም ከቀኑ ሰባት ሰዓት ሲሆን በሞያሌ ከተማ ልዩ ቦታው ሸዋ በር ተብሎ በሚጠራው አካባቢ በክስ መዝገቡ የተጠቀሰው 3ኛ ተከሳሽ ኮ/ል አብርሃ አረጋይ ማንኛውንም ጸጉረ ልውጥ ሰዎችን ተኩስ እና ግድሉ በማለት፣ ለ2ኛ ተከሳሽ አስር አለቃ ሀብታሙ ተገኝ፣ ለ4ኛ ተከሳሽ ወታደርር አብዱልፈታህ ዱቦ ለ5ኛ ተከሳሽ አስር አለቃ ስለሺ ሽናሞ እና ለ6ኛ ተከሳሽ አስር አለቃ አስደናቂ ወረና ትዕዛዝ በመስጠት ተከሳሾች በተለያዩ ሰዎች ላይ በክላሽ ጠመንጃ ጥይት በመተኮስ የአካል ጉዳት፣ የግድያ ሙከራና የግድያ ወንጅል በመፈፀማቸው በጠቅላይ ዐቃቤ ሕግ የተደራጁ ድንበር ተሻጋሪ እና አገራዊ ጉዳት የሚያስከትሉ ወንጀል ጉዳዮች ዳይሬክቶሬት ዐቃቤ ሕግ የካቲት 28 ቀን 2011ዓ.ም በአንድ መዝገብ በ6ቱ ተከሳሾች ላይ 15 ክስችን መስርቷል፡፡

ተከሳሾች በመከላከያ እስር ቤት ለ 9ወራት በምርመራ ላይ ቆይተው ከወርሃ ጥቅምት2011 ዓ.ም ጀምሮ በቃሊቲ ማረሚያ ቤት ቆይተዋል፡፡

አቃቤ ህግም በ1ኛ ተከሳሽ ላይ በሁለት የግድያ ሙከራና በአንድ ከባድ ግድያ፣ በሁለተኛ ተከሳሽ ላይ በ3 ከባድ ግድያ በ1 ከባድ የግድያ ሙከራ፣ በሶስተኛ ተከሳሽ ላይ በ4 ከባድ የግድያ ሙከራ በ6 ከባድ ግድያዎች በ4 ተከሳሽ በአንድ ከባድ ግድያ በአንድ ከባድ ግድያ ሙከራ በ5 ተከሳሽ በ2 ከባድ የግድያ ሙከራና በ3 ከባድ ግድያ በ6 ተከሳሽ ላይ በአንድ ከባድ የግድያ ሙከራና በአንድ ከባድ ግድያ አቃቤ ሀግ ክስ መስርቶባቸዋል፡፡

ተከሳሾች #ተከላካይ_ጠበቃ በግላቸው ማቆም እንደማይችሉና መንግስት ጠበቃ እንዲያቆምላቸው ለፍርድቤቱ የዕምነት ክህደት ቃላቸውን ሰጥተዋል፡፡ ፍርድቤቱም መንግስት ጠበቃ እንዲያቆምላቸው ፈቅዶ ለመጋቢት 5 ቀን 2011 ዓ.ም የክስ ሂደቱን ለመስማት ቀጠሮ ሰጥቷል፡፡

ምንጭ፦ የፌደራል ጠቅላይ አቃቤ ህግ
@tsegabwolde @tikvahethiopia