#TPLF

' ህወሓት ' ውስጥ እየሆነ ያለው ምንድነው ?

ህዝባዊ ወያነ ሓርነት ትግራይ (ህወሓት) ከትግራዩ ጦርነት በፊት እንደ ህጋዊ ፓርቲ በምርጫ ቦርድ ስር ተመዝግቦ ይንቀሳቀስ ነበር።

ነገር ግን  ቦርዱ ፓርቲው " ኃይልን መሰረተ ያደረገ የአመጽ ተግባር ላይ ተሰማርቷል " በሚል ሰርዞታል።

የተወካዮች ምክር ቤትም ፓርቲውን " ሽብርተኛ ድርጅት " ሲልም ፈርጆት ነበር።

ደም አፋሳሹና አስከፊው ጦርነት እንዲያበቃ ፕሪቶሪያ ላይ ስምምነት ሲፈረም አንዱ ፈራሚ ይኸው ህወሓት ነበር።

በስምምነቱ ላይ ፓርቲው የተለጠፈበት የሽብርተኝነት ፍረጃ እንደሚፋቅ በግልጽ ሰፍሯል።

በዚህ መሰረት ከወራት በፊት ድርጅቱ ከሽብርተኛነት ተሰርዟል።

ነገር ግን የምዝገባው ጉዳይ ሌላ ነው።

ክፍፍሉ እና ' የቀደመ ህጋዊ ሰውነት ይመለስልኝ ' ጥያቄ ምንድነው ?

ህወሓት የፕሪቶሪያ ሰላም ስምምነት ከተፈረመ በኃላ በውስጥ የኃይል ሽኩቻ ላይ ነበር።

አመራሮቹም ቀስ በቀሰ በሂደት የለየለት መከፋፈል ውስጥ ገብተዋል።

ምንም እንኳን በይፋ ባይወጣም ግልጽ ክፍፍል ይታይ ነበር።

ይህም በአቶ ጌታቸው ረዳ እና በዶ/ር ደብረጽዮን ገ/ሚካኤል ቡድኖች መካከል ነው።

ባለፉት ወራት እጅግ በርከታ ስብሰባዎች ተደርገው የነበረ ቢሆንም ልዩነቶች ግን እየሰፉ እንጂ እየጠበቡ ሲሄዱ አልታዩም።

ከአንድነት ይልቅ መከፋፈሉ እና ሽኩቻው ጨምሮ ታይቷል።

በዚህ ሂደት ላይ ግን ህወሓት ፥ " ህጋዊ ሰውነታችን ወደነበረበት እንዲመለስ " የሚል ጥያቄ ለምርጫ ቦርድ ይቀርባል (ሚያዚያ ወር ላይ)።

ብሔራዊ ምርጫ ቦርድ ግን አንድ በአመጽ ተግባር ላይ ተሳትፎ የሰረዘውን ፓርቲ የቀደመው ህልውና መመለስ የሚያስችልበት የሕግ ድንጋጌ የለውም። በዚህም ጥያቄውን ሳይቀበለው ይቀራል።

ህወሓትንና ሌሎችንም ለመመዝገብ በሚል አዋጅ እስኪሻሻል ተደርጓል።

ህወሓትም ዳግም " ህጋዊው ሰውነቴ ወደነበረበት ይመለስ " ሲል በሊቀመንበሩ ዶ/ር ደብረጽዮን በኩል ጥያቄ ያቀርባል።

በእርግጥ ሁሉም አመራሮች " የነበረው ህልውና ይመለስ " የሚለው ላይ ልዩነት የላቸውም።

የተሻሻለው አዋጅም ግን በአመጽ ተሳትፎ ለተሰረዘ ፓርቲ የቀደመ ህልውናውን መመለስ የሚያስችል የህግ ድንጋጌ አልያዘም።

ይህን ተከትሎም ቦርዱ " #በልዩ_ሁኔታ " በሚል ፓርቲውን መዝግቦታል።

ዶ/ር ደብረጽዮን ገ/ሚካኤልም ወደ አዲስ አበባ ሄደው ከምርጫ ቦርድ የተሰጠውን " በልዩ ሁኔታ " መመዝገቡን የሚገልጽ ህጋዊ የሰውነት ማረጋገጫ የምስክር ወረቀት ፈርመው ወስደው መቐለ ሄደዋል።

ከዚህ በኃላ መቐለ ሄደው በሰጡት መግለጫ " እኛ ይሄን አንቀበልም ፤ የጠየቅነው ሌላ የተሰጠን ሌላ ነው " ሲሉ መግለጫ ሰጥተዋል።

" እኛ እንደዛ አልነበረም የተነጋገርነው ፤ የተባልነውም እንደዛ አልነበረም " የሚል ነገር አንስተዋል።

የእውቅና ምስክር ወረቀቱን ፈርመው ከወሰዱ በኃላ  " ከምቀደው ብዬ ነው ይዤው የመጣሁት " ብለዋል። ምዝገበውን እንደማይቀበሉት እና እንደተመዘገቡም እንደማይቆጠር ነው የገለጹት።

እነ አቶ ጌታቸው ረዳ በምስክር ወረቀቱ ጉዳይ ምንድነው አቋማቸው ?

- በምዝገባ ጉዳይ ለምርጫ ቦርድ የተላከው ደብዳቤ ማእከላዊ ኮሚቴ የማያውቀው በግለሰቦች የተላከ ነው።

- የተወሰኑ ግለሰቦች ናቸው ከድርጅቱ አሰራር ውጪ በቡድን በመሆን የፈረሙት እንጂ እኛ ለምዝገባ ብለን የፈረምነው ማንኛውም ሰነድ የለም።

- የኢትዮጵያ ብሔራዊ ምርጫ ቦርድ ' ህወሓት ' ን አስመልክቶ ለተወሰኑ ግለሰቦች የሰጠው እውቅና #የተጭበረበረ በመሆኑ ዳግም ሊያጤነው ይገባል ... የሚል ነው።

ጉባኤው ?

የህወሓት ፅህፈ ቤት እና ማህተምን የተቆጣጠረው የነ ዶ/ር ደብረጾን ገ/ሚካኤል ቡድን ክፍፍሉ እና ከምርጫ ቦርድ ጋር ያለው ልዩነት ሳይፈታ ለጉባኤ ዝግጅት ሲያደርግ ነበር።

በጣም አጭር ጊዜ ውስጥም የጉባኤ ተሳታፊ ለይቶ ጉባኤ ማካሄድ ጀምሯል።

ይህ ጉዳይ በቀጥታ የሚመለከተው አንዱ የህወሓት ቁጥጥር ኮሚሽን " አካሄዱን የጠበቀ አይደለም " በማለት ራሱን አግልሏል።

አቶ ጌታቸው ያሉበት 14 የማእከላዊ ኮሚቴ አባላት " እኛ የለንበትም " ብለው ራሳቸውን አግልለዋል።

የብሔራዊ ምርጫ ቦርድ ደግሞ ባለው አሰራር አንድ ህጋዊ ፓርቲ ጠቅላላይ ጉባኤ ከማድረጉ ከ21 ቀናት በፊት ለቦርዱ ማሳወቅ እንዳለበት ይገልጻል።

በመሆኑንም ፤ የቦርዱን አሰራር ያልተከተለ ፣ ቦርዱ ባልተገኘበት የሚደረግ ጉባኤ ላይ የሚተላለፉ ውሳኔዎችን እውቅና እንደማይሰጥ አሳውቋል።

ህወሓት ግን መቐለ ላይ ብሔራዊ ምርጫ ቦርድና በርካታ የማዕከላዊ ኮሚቴ አባላት በሌሉበት ጉባኤ እያካሄደ ነው።

ጉባኤ ማድረግ ምድነው ጥቅሙ ?

አንድን ጉባኤ ህጋዊ የሚያደርገው በሚመለከተው አካል እውቅና አግኝቶ አሰራሩን ተከትሎ ሲካሄድ ነው።

የፓርቲዎችን ጉዳይ የሚመለከተው ምርጫ ቦርድ በመሆኑ " አካሄዱ ትክክል አይደለም። እውቅናም አልሰጥም " ባለበት ሁኔታ ጉባኤ ቢደረግ ተሰብስቦ ከመበተን ውጭ ውጤት የለውም የሚሉ አሉ።

ዶ/ር ደብረጽዮን ግን ፥ " ህወሓትን አድኖ ህዝብ ከጥፋት መታደግ የጉባኤው ዋነኛ አላማ ነው " ብለዋል።

" የድርጅቱና የህዝቡ የተሟላ ድህንነት ማረጋገጥ በሚችል መልኩ በዴሞክራሲያዊ ውይይትና ክርክር ብቃት ያላቸው አመራሮች መምረጥ ይገባል "ም ብለዋል።

" የአሁኑ ጉባኤ ለድርጅቱ የሞት የሽረት ጉዳይ ነው " እንደሆነ ገልጸዋል።

አቶ ጌታቸው ፍጹም መግባባት ሳይሰረግበት እየተካሄደ ያለ መሆኑን ያነሳሉ።

የጉባኤው ውጤት ምን ሊሆን ይችላል ?

ጉባኤ ማድረግ ምን ችግር ላይፈጥር ይችላል።

ጉባኤውን ተከትሎ የሚተላለፉ ውሳኔዎች እውቅና ስለማያገኙ ሌላ ጭቅጭቅ እና ልዩነት መፍጠሩ ይጠበቃል።

ጉባኤው ላይ በእነ አቶ ጌታቸው እና ቡድናቸው ምትክ ሌሎች የመምረጥ ነገር ካለ ይበልጥ ነገሩ ይከራል።

አቶ ጌታቸውም " #ይቃወሙናል " የሚሏቸውን አመራሮች ለማስወገድ የሚደረግ ጉባኤ እንደሆነ ተናግረዋል።

ጉባኤው የሚያመጣው የግጭት ስጋት አለ ?

በትግራይ ፖለቲካውን የሚከታተሉ አካላት አሁን ላይ በተጨባጭ የሚታይ የግጭት ስጋት የለም ባይ ናቸው።

ጉባኤውን ተከትሎ ምርጫ ተደርጎ ፤ አመራሮችን የማስወገድ ነገር ከመጣ ግን በሂደት ጭቅጭቁና ንትርኩ መጨመሩ እንደማይቀር ያነሳሉ።

በፓርቲው ጉዳይ ከፌዴራል መንግሥት ጋር ያለው ልዩነት የመስፋት እድል ሊኖረው እንደሚችል ይገልጻሉ።

በፓርቲው ያሉት አንጃዎች የራሳቸው ደጋፊ ስላላቸው ልዩነታቸው በሰፋ ቁጥጥር በሂደት ወደ ኃይል እርምጃ እንዳይሄዱ ያሰጋል።

አሁን ላይ ግን በተጨባጭ የሚታይ የግጭት ስጋት ግን የለም።

#ትግራይ : ትግራይ ከአስከፊው ጦርነቱ በቅጡ ሳታገግም ፣ ብዙ ተጎጂ ባለበት ፣ ገና ተጠያቂነት ባልተረጋገጠበት ፣ ብዙ እገዛ የሚፈልግ ባለባት ፣ ተፈናቃይ ተሟልቶ ባልተመለሰበት ... ሌሎችም ብዙ ስራዎች ባልተሰሩበት ይህ የጉባኤ እና ምዝገባ ጉዳይ የህዝብ አጀንዳ እንዲሆን መደረጉ በርካቶችን ያስቆጣ ሆኗል። ይህ ጉዳይ ቀስ በቀስ በሂደት መሄድ እንደሚችልና መቅደም ያለባቸው ህዝባዊ ጉዳዮች መቅደም እንደነበረባቸው የሚያነሱ ብዙዎች ናቸው።

#TikvahEthiopia

@tikvahethiopia

#Ethiopia

" መላው የኢትዮጵያ ህዝብ ይቅርታ አድርጉልኝ ፤ ፕሬዜዳንታችንንም እዛው ሊወጡ ሲሉ ይቅርታ ጠይቂያለሁ አሁንም ይቅርታ ደግሜ ደጋግሜ ጠይቃለሁ !! " - አሰልጣኝ ገመዶ ደደፎ

አሰልጣኝ ገመዶ ደደፎ ምን አሉ ?

" የብር ጉዳይ አይደለም።

ለእኛ (ለአሰልጣኞች) እየተሰጠን ያለው Value የተለያየ ነው።

እኔ አስተማሪ ነበርኩ ፤ በአስተማሪነት ለ9 ዓመት አገልግያለሁ የጠላሁት ማንም ለሙያው ቦታ የሚሰጥ ሰው የለም።

በሀገራችን ላይ ለሙያ የሚሰጠው ክብር በጣም የሞተ ነው።

ይሄ መሆን የለበትም ሞያውን እንዴት እናሳድገው ፣ አትሌቲክሱ ወደቀ ውጤታችን ጠፋ ይባላል እዚህ ጋር ደግሞ አሰልጣኝ ይጠፋል። አትሌትን ያደረሱ አሰልጣኞች ይጠፋሉ። ስንቶቹን አሰልጣኞች እያጣን ነው።

እዚህ ጋር የሚሰጠው value ቅር ያሰኘኝ። እኔ ለታምራት የሰጡትን ኒሻን ሸልመንሃል ቢሉኝ ይሻል ነበር።

ለኔ ስሙ ይሻለልኛል። መኪና ሰጠንህ ብለው ህዝብ መሃል ተናግረው ቁልፍ እዛ ጋር ሰጥተው መኪናውን ባይሰጡኝ እና ሁለት ሚሊዮኑን ቢሰጡን ደስተኛ ነኝ።

አሁን እያልን ያለነው ለኛ የሚሰጠው value ፣ ሞራል ከገንዘቡ ይበልጣል ነው።

የገንዘብ ጉዳይ አይደለም። እኔ እኮ ከካምፓኒዎች ጋር ሰራለሁ፣ በአትሌቶች ማናጀርነት ሰራለሁ እኔ ገንዘቡ ችግሬ አይደለም። ድህነንትንም አውቀዋለሁ በድህነቴም እኖራለሁ።

የታምራት 7 ሚሊዮን ሽልማት ለኔ ይሰጠኝ እያልኩ አይደለም። ግን እኔ ከታምራት እኩል መልፋቴን፣ ከታምራት እኩል መድከሜን Value መሰጠት አለበት ነው።

እንደ ገና ልዩ ተሸላሚ ተብሎ መሸለም ያለበት ሲሳይ ለማ እንዴት አልተሸለመም ? እኔ እንዴት አድርጌ ሲሳይን አሳምኜ ፣ ታምራትን አሳምኜ ደክመን በስንት መከራ ነው ውጤቱ የመጣው። ይሄ ውጤት በስንት መከራ እንደመጣ እናውቃለን።

እኔ ጥዋት ኤርፖርት ስደርስ በጣም ነው የተሰማኝ። ሁሉም እዛ የነበረው የሚጠራው ሜዳሊያ ያመጡትን ልጆች ብቻ ነው። ሁሉም የሚጠራው ገመዶን ብቻ ነው።

' ና ገመዶ እዚህ ጋር ተቀመጥ ' ከኔ በፊት እኮ ትላንት ያኮራን ሁሴን ሽቦ አለ ፣ ትላንት በሜዳሊያ ያስደሰተን ሀጂ አዲሎ አለ፣ ትላንት ሜዳሊያ የሰጠችን አማኔ አለች። እዛ ጋር የትዕግስት ብር የአማኔ ትግል ነው። እነሱን ለይተው በጣም ነው ያስለቀሰኝ። ለነሱ በተሰጠው ክብር እምባዬን ነው የለቀኩት።

እኔን ብቻ ነው ሲጠሩ የነበረው ለምን እኔን ብቻ ይጠሩኛል ?

ይሄ ለአሰልጣኝ እየተሰጠ ያለው ክብር ከሚገባው በላይ ያንሳል። አትሌቶችም ይረሳሉ።

እኛ እያለን ያለው የሚሰጠው value ካልተስተካከለ አትሌቲክሱን ይገለዋል። ይስተካከል ነው።

እኔ የገለጽኩበት አይነት ስህተት ነው። አዎ ! እዛ መሆን አልነበረበትም። ግን አንዳንዴ ጊዜ unconscious ሆነህ እንዲህ ታደርጋለህ። ሰው ልትመታም ትችላለህ፣ ልታብድም ትችላለህ።

እኔ በውስጤ የተንጸባረቀው በፊት የነበሩ ችግሮች በሙሉ ጭንቅላቴ ውስጥ አንጸባርቀው ነው።

ያ ግን ቤተመንግስት መሆኑና ህዝቡን በማስቀየሜ የኢትዮጵያን ህዝብ በሙሉ በጣም ይቅርታ ጠይቃለሁ። ፕሬዜዳንታችንንም እዛው ሊወጡ ሲሉ ይቅርታ ጠይቂያለሁ አሁንም ይቅርታ ደግሜ ደጋግሜ ጠይቃለሁ።

የሞያ ጓደኞቼንም ይቅርታ ጠይቃለሁ።

ሰው ይሳሳታል ፤ ከስህተቱም ይታረማል።

ህዝቡ ለሙያ ክብር እንዲሰጥ መደገፍ አለበት። እኔ አስተማሪ በነበረኩ ሰዓት በጣም ያመኝ ነበር አስተምረህ ፣ የሆነ ቦታ  አድርሰህ ዶክተር ይሆናል አንተ እዛው ነው ያለኸው ገጠር ነው ያለኸው የትምህርት እድል የለው፣ ከስራ ከወጣ የሚኖርበት የለውም በቃ እዛው ተገሎ ሙያው ተረግጦ ይሄዳል ይሄ መሆን የለበትም።

ገንዘቡን አሁንም ቢሆን አልቀበልም ፤ ካስተካከሉት እቀበላለሁ።

እኔ ሀገሬ ደመወዝ ከፍላኝ አታውቅም ፣ ደመወዝ ተከፍሎኝ አያውቅም። አሁን ለመጀመሪያ ጊዜ ኦሎምፒክ የሁለት ወር ደመወዝ ከፍሎናል። እኛ የምንሰራው በራሳችን ለሀገራችን ነው የምንሰራው፤ በፍጹም አይከፋንም።

ለባለሙያ የሚሰጠው ክብር እኔ አፈረጥኩት እንጂ መፍረጡ አይቀርም ነበር። ከኔ በፊት የተሸለሙትም እኮ ውስጣቸው ቅጥል ብሏል። በውስጣቸው ይዘውት ነው።

ቀጥሎ በማሰልጠኑ እቀጥልበታለሁ። "

ቲክቫህ ኢትዮጵያ ይህ የአሰልጣኙ ቃል ለሸገር ኤፍ ኤም ስፖርት የተሰጠ መሆኑን ይገልጻል።

#CoachGemedoDedefo #Ethiopia

@tikvahethiopia

#Update

ሰባት የትግራይ የሲቪክ እና የንግድ ማህበራት በጋራ ባወጡት መግለጫ ፤ በህወሓት አመራሮች መካከል የተፈጠረውን አለመግባባት ለመፍታት ጥረት ማድረጋቸውን ነገር ግን ጥረታቸው አለመሳካቱን አሳውቀዋል።

በህወሓት አመራሮች የተፈጠረው መለያየት በድርጅቱ ዙሪያ ብቻ ተወስኖ እንዲቀር አሳስበዋል።

" ፓለቲካዊ ትርፍ ለማግኘት አልሞ ህዝብ ለመከፋፈል የሚደረገው ጥረት ብፅኑ እናወግዛለን " ብለዋል።

ማህበራቱ ህዝቡ የፓለቲከኞች መሳሪያ ሆኖ ደህንነቱና አንድነቱ አደጋ ላይ እንዳይወድቅ ከፍተኛ ጥንቃቄ እንዲያደርግ ጥሪ አቅርበዋል።

" የትግራይ የፀጥታ ሃይሎችም የልዩነት ፈጣሪ ከሆኑ ፓለቲከኞች ሳይወግኑ የህዝብ ደህንነት መጠበቅ ይገባቸዋል " በማለት አሳስበዋል። 

ማህበራቱ ፤ በፓለቲከኞቹ መካከል የተፈጠረውን አለመግባባት በመፍታት በኩል በአገር ውስጥ እና በውጭ ሀገራት የሚኖሩ የትግራይ ተወላጆች የሚጠበቅባቸው ሃላፊነት እንዲወጡ ጠይቀዋል።

የሲቪክና ንግድ ማህበራቱ ፦
1. የትግራይ ስቪል ማሀረበረሰብ ጥምረት :
2. የትግራይ ህዝባዊ ግንኙነት ምክር ቤት
3. ጥላ የምዕራብ ትግራይ ስቪክ ማህበረሰብ ማህበር
4. የትግራይ የንግድና የዘርፍ ማህበራት ምክር ቤት
5. የትግራይ የዘርፍ ማህበራት ምክር ቤት
6. ግርዓልታ የፓለሲ ጥናትና ስልጠና ስቪክ ማህበር
7. ማሕበር ምውሓስ ሰላምን ልምዓትን ዶብን ወሰንን ትግራይ ናቸው።

#TikvahEthiopiaMekelle

@tikvahethiopia 

#Infinix_Note40_Pro_Plus

የኢንፊኒክስ ኖት 40 ፕሮ ፕላስ 5G አጅግ ፈጣን እና በአለማችን የመጨረሻው የኔትወርክ ቴክኖሎጂ የሆነውን የ5G ኔትወርክ ማስጠቀም ሲያስችል በተለይም ከፍተኛ አቅም የሚፈልጉ ስራዎችን በስልካቸው በሚከውኑ ሰዎች ተመራጭ የሆነውን የ Mediatek Dimesnty 7020 ፕሮሰሰርን የተገጠመለት ፈጣን ስልክ ነው፡፡

#Note40Et #Note40Pro #Note40 #Note40ProPlus #InfinixEt

" መኖሪያ ቤታቸው የገቡት ትላንት ከምሽቱ 4 ሰዓት ገደማ ነው " - ቤተሰቦች

ከ6 ወራት በፊት " ማንነታቸው ባልታወቁ ሰዎች ታፍነው " መወሰዳቸው የተነገረላቸው የአማራ ክልል ምክር ቤት አባል አቶ ሀብታሙ በላይነህ ትላንት ተይዘው ከነበረበት መለቀቃቸውን ቤተሰቦቻቸውን ዋቢ በማድረግ ኢትዮጵያ ኢንሳይደር ዘግቧል።

የአብን የማዕከላዊ ኮሚቴ አባል የነበሩት አቶ ሀብታሙ፤ ደብዛቸው የጠፋው ከየካቲት 22፤ 2016 ጀምሮ ነበር።

በዕለቱ በአዲስ አበባ 4 ኪሎ አካባቢ " ሰው ላግኝ ብሎ ከቤት እንደወጣ አልተመለሰም ፤ ከዚያን ጊዜ አንስቶ ለ6 ወራት ያህል ያለበት ሳይታወቅ ቆይተዋል " ሲሉ አንድ የቅርብ ምንጭ  አስረድተዋል።

የአማራ ክልል የምክር ቤት አባሉ፣ በአዲስ አበባ ከተማ አያት አካባቢ ወደሚገኘው መኖሪያ ቤታቸው የገቡት ትላንት ከምሽቱ 4 ሰዓት ገደማ መሆኑን ቤተሰቦቻቸው ተናግረዋል።

አቶ ሀብታሙ በላይ እስካሁን ድረስ የት እንደቆዩና የነበሩበትን ሁኔታ በተመለከተ ግን በዚህ ጊዜ መናገር እንደማይፈልጉ ቤተሰቦቻቸው ገልጸዋል።

የኢትዮጵያ ሰብዓዊ መብቶች ኮሚሽን (ኢሰመኮ) የአቶ ሀብታሙን መለቀቅ አረጋግጣል።

የቆዩበት እና ሌሎችንም ዝርዝር ጉዳዮች በተመለከተ " ገና ቃላቸውን እንዳልሰጡ " አስረድቷል።

ሰኔ መጨረሻ ላይ ጠቅላይ ሚኒስትሩ በተገኙበት በተካሄደው የህዝብ ተወካዮች ም/ቤት መደበኛ ስብሰባ ላይ ምንም እንኳን ምላሽ ባይሰጥበትም የአቶ ሀብታሙ ጉዳይ በአብን የምክር ቤት ተመራጭ አቶ አበባው ደሳለው ተነስቶ እንደነበር ይታወሳል።  #EthiopiaInsider

@tikvahethiopia

#TPLF

በአመራሮች መካከል ከፍተኛ ክፍፍል የፈጠረውና በምርጫ ቦርድ እውቅና የተነፈገው የህወሓት ጉባኤ ዛሬ በዝግ ሲመክር ውሏል።

በዛሬ ውሎው የአዘጋጅ ኮሚቴ ሪፓርት አቅርቦ በአንድ ድምፀ ተአቅቦ በሙሉ ድምፅ ማፀደቁ ተሰምቷል። 

ከመላው ትግራይ በድምፅ መሳተፍ ከሚገባቸው 950 ጉባኤተኞች 785 ማለትም 83% ተገኝተዋል ተብሏል።

የተለያዩ ወረዳዎች በድምጽ የሚሳተፍ ሰው እንዳላኩ ተሰምቷል።

ከዛሬው የዝግ ስብሰባ በኃላ ድርጅቱ ባሰራጨው መረጃ ፤ " በጉባኤው አንሳተፍም ያሉ የማእከላዊ ኮሚቴ አባላት ስህተታቸው በማረም ወደ ጉባኤው በመግባት ሃሳቦች ለማቅረብ ዝግጁ ከሆኑ በሩ ክፍት ነው " ብሏል።

የህወሓት የ14ኛው ጉባኤ አዘጋጅ ኮሚቴ ምክትል ሰብሳቢ ተስፋይ ገ/እግዚአብሔር  " በኮሚቴው ስራ ውስጥ የሚታዩ ጣልቃ የመግባት ፣ ከፕሮግራም ውጪ ስብሰባ መጥራት፣ ውሳኔዎችን መጠምዘዝ የመሳሳሉ ተግባራት እንዲታረሙ ለመስራት ብሞክርም  አልተሳካም " በማለት ደብዳቤ ፅፈው ከሃላፊነት ራሳቸው ስለማግለላቸው  መዘገባችን ይታወሳል።

ይህ በእንዲህ እንዳለ ደግሞ በዛሬው ዕለት የወጡ አንዳንድ መረጃዎች እንደሚያመለክቱት ጉባኤውን የተቃወሙ የማእከላዊ ኮሚቴ አባላት ቁጥር ጨምሯል ፤ ቲክቫህ ኢትዮጵያ የመቐለ ቤተሰብ አባል የዚን መረጃ ትክክለኝት ለማጣራት ያደረገው ጥረት አልተሳካም።

@tikvahethiopia

#Alert🚨

የዝንጀሮ ፈንጣጣ (MPox) የዓለም አቀፍ አሳሳቢ የህዝብ ጤና ደኅንነት ስጋት (PHEIC) እንደሆነ የዓለም ጤና ድርጅት ዋና ዳይሬክተር ዶ/ር ቴድሮስ አድሃኖም ወሰኑ።

የዝንጀሮ ፈንጣጣ በዲሞክራቲክ ሪፐብሊክ ኮንጎ (DRC) እና በአፍሪካ የሥርጭት መጠኑ እየጨመረ መምጣቱን አሳውቀዋል።

ከዚህ ባለፈ፣ የዝንጀሮ ፈንጣጣን የአፍሪካ ሲዲሲ የህብረተሰብ ጤና አህጉራዊ ደህንነት ስጋት እንደሆነ ገልጿል።

በሌላ በኩል ፤ እስካሁን ድረስ በኢትዮጵያ ውስጥ የተያዘ ሰው #አለመኖሩን የኢትዮጵያ ጤና ሚኒስቴር ዛሬ አመልክቷል።

በቦሌ ዓለም አቀፍ ኤርፖርት እና ሞያሌን ጨምሮ በሌሎች የመግቢያ ቦታ ላይ የቁጥጥርና ማጣራት ስራ እየተሰራ ነው።

በሽታው እስካሁን በ13 የአፍሪካ ሀገራት መከሰቱን እንዲሁም፣ 2,863 ሰዎች በበሽታው መያዛቸው እና 517 ለህልፈት መዳረጋቸዉ መረጋገጡን የአፍሪካ ሲዲሲ መረጃ ያሳያል።

@tikvahethmagazine @tikvahethiopia

#Alert🚨

ከተ.መ.ድ የጤና ኤጀንሲ እንደተገኘው መረጃ በቅርቡ ኤምፖክስ (Mpox) ለመጀመሪያ ጊዜ በ4 የምስራቅ አፍሪካ ሀገራት ማለትም ፦
- በጎረቤታችን ኬንያ ፣
- በቡሩንዲ ፣
- በሩዋንዳ
- በኡጋንዳ ተገኝቷል። ሀገራቱም ሪፖርት አድርገዋል። በነዚህ ሀገራት ውስጥ የታየው በሽታ በኮንጎ ካለው ጋር የተገናኘ ነው።

የዝንጀሮ ፈንጣጣ ወይም Mpox በሽታ የሚከሰተው በቫይረስ አማካኝነት ነው።

ከሰው ወደ ሰው ይተላለፋል። በወሲባዊ ግንኙነት ፣ በቆዳ ንክኪ ፣ በቅርብ ርቀት ሆኖ ማውራት/ መተንፈስ ፣ በበሽታው ከተያዘ ሰው ጋር ባለ የቅርብ ግንኙነት ይተላለፋል።

አሁን ላይ #ዋነኛዎቹ ናቸው የሚባሉት ሁለቱ የቫይረሱ ዝርያዎች Clade 1 - በማእከላዊ አፍሪካ ውስጥ ያለ ፤  Clade 1b - እጅግ በጣም አደገኛ የሆነው አዲስ የቫይረሱ ዝርያ ነው።

@tikvahethiopia

🏆የመጀመሪያውን የእንግሊዝ ፕሪሚየር ሊግ ጨዋታ በኦልድትራፎርድ ስታዲዮም ማን ዩናይትድ ከፉልሃም ጋር የሚያደርጉትን ፍልሚያ አርብ ነሐሴ 10 ከምሽቱ 4፡00 ሰዓት በSS Premier League እና SS Liyu ቻናል በሜዳ ፓኬጅ በቀጥታ ይከታተሉ!

⚽️ዩናይትድ ከኮሚኒቲ ሺልድ ዋንጫ ሽንፈት በኋላ የዓመቱን የመጀመሪያ 3 ነጥብ ለማሸነፍ ይጫወታል!

🤔እናንተስ ከሊጉ የትኛውን ተጫዋች ለማየት ጓግታችኋል?

ዛሬውኑ ደንበኝነትዎን  ወደ ሜዳ ያሳድጉ የእንግሊዝ ፕሪሚየር ሊግ ጨዋታዎችን ከትንታኔ ፣ ከተጫዋች ብቃት እስከ ቡድን ወኔ በሱፐርስፖርት በቀጥታ ይከታተሉ!

ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh

#PremierLeagueallonDStv #ሁሉምያለውእኛጋርነው #DStvEthiopia

ሴንት ማርክ ኢንተ. ስኩል ለ 2017 ዓ.ም ባካበት ነው የ12 ዓመት በላይ የመማር ማስተማር ልምድ ጥራት ያለውን የት/ት አሰጣጣችንን ተደራሽ ለማድረግ 22 ከሚገኘው ዋና ጊቢ በተጨማሪ በመገናኛ ፣ ጎተራ እና መሪ ተማሪዎችን ተቀብሎ ለማስተማር ዝግጅቱን ጨርሷል።

👉 እንዳያመልጦዎ የቀረን ቦታ ውስን ስለሆነ ቀድመው ይመዝገቡ

ለበለጠ መረጃ በስልክ ቁጥራችን  0912506470/71 ይደውሉልን

ለልጅዎ የሚገባ ት/ት ቤት
ሴንት ማርክ ኢንተ. ስኩል
Follow us : Telegram - https://t.iss.one/SaintMarkSchool