" ሸገር ከተማ ተጠሪነቱ ለኦሮሚያ ክልላዊ መንግሥት ነው "

በአዲስ አበባ ከተማ ዙሪያ የሚገኙ ስድስት (6) ከተሞች የተዋቀረው ሸገር ከተማን የማደራጀት ሥራ መጀመሩን የከተማው ኃላፊዎች እንደገለፁ ሪፖረተር ጋዜጣ አስነብቧል።

የከተማው ምክትል ከንቲባ እንደሆኑ የተነገረላቸው አቶ ጉግሳ ደጀኔ ፤ በአዲስ አበባ ዙሪያ የሚገኙ 6 ከተሞች በአንድ ከተማ አስተዳደርና በአንድ ከንቲባ እንዲመሩ መደረጉን ገልጸዋል፡፡

ከተሞቹ ፦
• ሰበታ፣
• ቡራዩ፣
• ለገጣፎ ለገዳዲ፣
• ሱሉልታ፣
• ገላንና መናገሻ በሥሩ የሚገኙ ከተሞች እንደሆኑ ተገልጿል።

አቶ ጉግሳ ደጀኔ ለጋዜጣው በሰጡት ቃል ፦

- አዲሱ የሸገር ከተማ በ12 ክፍላተ ከተሞች፣ በ36 ወረዳዎች፣ 40 የገጠር ቀበሌዎች የተደራጀ (የተዋቀረ) ነው።

- የከተሞች ዕድገት ወደኋላ የቀረ በመሆኑና በከተሞች መስፋፋት ሳቢያ አርሶ አደሮች ከመኖሪያ ቀዬአቸው በመፈናቀላቸው ነው ከተማው የተመሰረተው።

- ስድስቱ ከተሞች በጋራ የሚያከናውኑት ሥራ ተፎካካሪ እንዲሆኑ የሚያስችላቸው ሲሆን ዋና ጽሕፈት ቤታቸው #አዲስ_አበባ፤ ሳሪስ አካባቢ ነው።

- ዋና ጽሕፈት ቤቱን ለመምረጥ (አ/አ) የራሱ የሆነ መነሻ ተቀምጦለታል ፤ ይህም ለሁሉም ከተሞች አማካይ መሆን የሚያስችል ቦታ ታሳቢ በማድረግ ነው።

- ሸገር ከተማ ተጠሪነቱ ለኦሮሚያ ክልላዊ መንግሥት ነው። እንደማንኛውም መንግሥታዊ አስተዳደር ሕግ አውጪ፣ ሕግ አስፈጻሚና የዳኝነቱ ሥርዓትን የሚመሩ አካላት ይኖሩታል።

- ለአዲሱ የሸገር ከተማ በቅርቡ ተሾመ አዱኛ (ዶ/ር) ከንቲባ ሆነው ተሹመዋል።

ያንብቡ : https://telegra.ph/Reporter-12-19

Credit : ሪፖርተር ጋዜጣ

@tikvahethiopia

ፎቶ ፦ በጎፋ ዞን የሀይማኖት ፎረም አስተባባሪነት በዛላ ወረዳ ከሁሉም ቤተእምነት በመውጣጣት በአከባቢው ለገጠመው ከፍተኛ የተፈጥሮ አደጋ ፈጣሪ ምህረቱን እንዲያወርድ የአደባባይ ፀሎት ተካሄደ።

ዛሬ ከሁሉም ቤተ እምነት የተውጣጡ ነዋሪዎች ከንጋቱ በ11:00 ላይ አደባባይ በመውጣት እንደየ እምነታቸው ፈጣሪ ምህረትን እንዲያወርድ ተማፅነዋል።

በወረዳው ለተከታታይ ዓመታት በሰውና እንስሳት ላይ ለደረሰው የተፈጥሮ አደጋ ነው መላው ማህበረሰብ፣ ሀገር ሽማግሌዎች ፣ ሀይማኖት አባቶች፣ ወጣቶች ወጥተው የአደባባይ ፀሎት ያካሄዱት።

በዋናነት የአደባባይ ጽሎት ያስፈለገበት ምክንያት በአከባቢው 4 ተከታታይ ዓመት ዝናብ ባለመዝነቡ ወንዞች እየደረቁ በሰውና በእንስሳት ላይ ከፍተኛ ጉዳት ከፈጣሪ ቁጣ በመድረሱ ነው።

በጸሎታቸው " ፈጣሪ ለኃጥያታችን ሁሉ ይቅርታ እንዲያደርግ ፤ ቁጣዉን እንዲመልስልን፤ ምህርቱን እንዲሰጠን  " በንስሐ በፈጣሪ ፊት በመንበርከክ ፀሎትና ምልጃ አቅርበዋል።

መረጃው የዛላ ኮሚኒኬሽን ቢሮ ነው።

@tikvahethiopia

" እኔ የትራፊክ አደጋ አልደረሰብኝም " - አትሌት ኃይሌ ገ/ስላሴ

አንጋፋው አትሌት ኃይሌ ገ/ስላሴ የትራፊክ አደጋ #እንዳልደረሰበት ተናገረ።

አትሌት ኃይሌ " የትራፊክ አደጋ እንደደረሰበት " ሚዲያዎች እየዘገቡ ሲሆን አትሌቱ ለአል ዓይን አማርኛው ክፍል በሰጠው ቃል " መረጃው ሀሰት ነው እኔ ላይ የትራፊክ አደጋ አልደረሰም " ብሏል።

ኃይሌ ፤ " ያለንበት ሁኔታ እጅግ ከባድ ነው፣ ሌላም ነገር ቢሆን እንዲህ ነው የውሸት መረጃ የሚሰራጨው " ብሏል።

ዛሬ ጠዋት " ብስራት ኤፍ ኤም 101.1 " በተሰኘው ሬድዮ ጣቢያ ከሚሰራጨው " አውቶሞቲቭ " የሬድዮ ፕሮግራም ጋር በስልክ ተደውሎልኝ ስለፍጥነት መገደቢያ ወይም ስፒድ ብሬከር ችግር መሆኑን አስተያየት ሰጥቼ ነበር ያለው ኃይሌ ፤ " ይህ ማለት ግን ዛሬ በእኔ ላይ የትራፊክ አደጋ ደርሶብኛል ማለት አይደለም " ሲል ተናግሯል።

አትሌት ኃይሌ ገብረስላሴ ፤ በተሰራጨው ሀሰተኛ ዘገባ ምክንያት ቤተሰቦቼ እና ጓደኞቼ አሳስቧቸው እጅግ ብዙ የስልክ ጥሪዎች እያደረሱኝ ነው ሲል ለአል ዓይን አማርኛ አገልግሎት ክፍል በሰጠው ቃል ተናግሯል።

#አልዓይንኒውስ

@tikvahethiopia

#ጥቆማ

የኢትዮጵያ መከላከያ ዩንቨርሲቲ ለ2015 ዓ.ም የትምህርት ዘመን ከላይ በተዘረዘሩት የሙያ መስኮች የተቀመጠውን መስፈርት የሚያሟሉ አመልካቾች ፦
- በመምህርነት፣
- በተመራማሪነት እና በረዳት መምህርነት መቅጠር እንደሚፈልግ አሳውቋል።

መወዳደር የምትፈልጉ መስፈርቱን የምታሟሉ በተጠቀሱት አድራሻዎች ማመልከት ትችላላችሁ።

@tikvahethiopia

#Update

የኢትዮጵያ ንግድ ባንክ የሰላም ስምምነት ተከትሎ በሽረ፣ አላማጣ እና ኮረም ከተማዎች በሚገኙ ቅርንጫፎቹ ከውጭ ሀገር እና ከሀገር ውስጥ የሚላኩ ገንዘቦችን የመቀበል እንዲሁም ገንዘብ የማስቀመጥ አገልግሎት መስጠት መጀመሩን ዛሬ ምሽት አሳውቋል።

ባንኩ በቀጣይ ሁኔታዎች እንደፈቀዱ አገልግሎቱን በማስፋትና በየደረጃው በሁሉም ቅርንጫፎች ላይ አገልግሎት ለማስጀመር እንደሚሰራ ገልጿል።

በሰሜን ኢትዮጵያ ክፍል በነበረው ጦርነት ሳቢያ ለበርካታ ወራት የትግራይ ክልል አካባቢዎች የባንክ አገልግሎት ማግኘት ሳይችሉ እንደቀሩ ይታወቃል።

@tikvahethiopia

#AddisAbaba

በአዲስ አበባ ከተማ ከ300 በላይ ነጋዴዎች የሚሳተፉበት ባዛር በ " ኤግዚቢሽን ማዕከል " እየተካሄደ ይገኛል።

ይኸው ባዛር በDct ኢንተርቴይመንትና ኢቨንትስ  " አሲና ገና " በሚል መዘጋጀቱ የተገለፀ ሲሆን ከታህሳስ 8/2015 - ታህሳስ 28/2015 ይቆያል ተብሏል።

አዘጋጆቹ በላኩት መልዕክት በባዛሩ ከ300 በላይ የአገር ውስጥ እና የባህር ማዶ አምራቾች አክፋፋዮች ነጋዴዎች የተሳተፉበት መሆን ገልፀው ፤ " ጎብኝዎች በእውነተኛ ቅናሽ ነው የሚገበዩት " ብለዋል።

ባዛሩ በሚቆይባቸው ቀናት ታላላቅ እና ታዋቂ  ድምፃውያን ስራቸውን ለታዳሚ እንደሚያቅርቡም አዘጋጆቹ አክለዋል።

Credit : ዋልተንጉስ ዘ ሸገር

@tikvahethiopia