#GlobalBankEthiopia

" ደቡብ ግሎባል ባንክ " ስያሜውን ወደ " ግሎባል ባንክ ኢትዮጵያ " መቀየሩን ሪፖርተር አስነብቧል።

ባንኩ ዛሬ በሚሊኒየም አዳራሽ ባካሄደው ጠቅላላ ጉባኤውን ስያሜውን ወደ " ግሎባል ባንክ ኢትዮጵያ " መቀየሩ ተገልጿል።

የባንኩ ዳይሬክተሮች ቦርድ ባንኩ ከዚህ በኋላ በአዲስ ስያሜና አርማ እንደሚቀጥል ያቀረበውን ሀሳብ የባንኩ ጠቅላላ ጉባኤ አጽድቆታል።

ግሎባል ባንክ ኢትዮጵያ ስያሜ የሚቀጥለው የቀድሞ ደቡብ ግሎባል ባንክ በ2014 ሒሳብ ዓመት ከታክስ በፊት 370 ሚሊዮን ብር ማትረፉም ተገልጿል።

ይኸም ካለፈው ተመሳሳይ የሒሳብ ዓመት ጋር ሲነፃጸር 41 በመቶ ወይም የ108.4 ሚሊዮን ብር ብልጫ እንዳለው ተነግሯል።

ባንኩ ተቀማጭ ሒሳቡን ከአሥር ቢሊዮን ብር በላይ ማድረሱንና ፣ በ2014 ሒሳብ ዓመትም 2.3 ቢሊዮን ብር መሰብሰብ መቻሉ ተገልጿል።

#ሪፖርተር

@tikvahethiopia

#Update #WorldCup

በFIFA የዓለም ሀገራት ዋንጫ የፍፃሜ ጨዋታ እያደረጉ የሚገኙት #ፈረንሳይ እና #አርጀንቲና መደበኛ 90 ደቂቃውን በ2 ለ 2 በሆነ ውጤት አጠናቀዋል።

ምንም እንኳን አርጀንቲና በሜሲ እና ዲማሪያ ጎል የመጀመሪያውን አጋማሽ በበላይነት ብታጠናቅቅም ፈረንሳይ በሁለተኛው አጋማሽ ቡድኗን አጠናክራው በወጣቱ ምባፔ ሁለት ጎሎች አቻ መሆን ችላለች።

ጨዋታው አቻ መሆኑን ተከትሎ ወደ ተጨማሪ 30 ደቂቃ አምርቷል።

ይህን የዓለም ሀገራት የእግር ኳስ ዋንጫ ፍልሚያ ሚሊዮኖች እየተከታተሉት ይገኛሉ። ማን አሸናፊ ይሆን ?

More : https://t.iss.one/tikvahethsport

@tikvahethiopia

#Update

ድራማዊው የዓለም ሀገራት ዋንጫ የፍፃሜ ጨዋታ ወደ መለያ ምት አመራ።

የፈረንሳይ እና አርጀንቲና ጨዋታ ወደ ተጨማሪ ደቂቃ ቢያመራም ጨዋታው #በአቻ ውጤት ተጠናቋል።

በተጨማሪው ደቂቃ አርጀንቲና በ #ሜሲ ጎል መሪነቱን ብትረከብም ፈረንሳይ ያገኘችውን የፍፁም ቅጣት ምት ምባፔ ወደ ጎል በመቀየር ጨዋታ በ3 ለ 3 አቻ ውጤት ወደ መለያ ምት አምርቷል።

ይህን ድራማዊ የFIFA ዓለም ሀገራት የፍፃሜ ጨዋታ ማን ያሸንፍ ይሆን ?

More : https://t.iss.one/tikvahethsport

@tikvahethiopia

🏆 #አርጀንቲና

አርጀርቲና የFIFA የዓለም ሀገራት ዋንጫን አነሳች።

የአርጀንቲና ብሔራዊ ቡድን የ2018 ዓለም ዋንጫ አሸናፊዎቹን ፈረንሳይን በመለያ ምት በመርታት ሻምፒዮን ሆነዋል።

ሊዮኔል ሜሲ በእግር ኳስ ህይወቱ የመጀመሪያ የዓለም ዋንጫውን ማሸነፍ ችሏል።

More : https://t.iss.one/tikvahethsport

@tikvahethiopia

ፎቶ ፦ የአርጀንቲና ብሔራዊ ቡድን በታሪካቸው ለሶስተኛ ጊዜ የFIFA የዓለም ሀገራት ዋንጫን አንስተዋል።

አርጀንቲና ከ36 ዓመታት በኃላ ነው ዋንጫውን ማሳካት የቻለችው።

የ7 ጊዜ ባላንዶር አሸናፊው ሜሲም በእግር ኳስ ህይወቱ የመጀመሪያውን የዓለም ዋንጫ ማሳካት ችሏል።

(ከድራማዊው የዓለም ዋንጫው የፍፃሜ ጨዋታ ቀደም ብሎ በትክክል አሸናፊውን ለገመቱ 20 የቤተሰባችን አባላት ለእንያንዳንዳቸው የ250 ብር የሞባይል ካርድ እንደምናበረክት አሳውቀን ነበር ፤ በአስተያየት መስጫው አርጀንቲና ብለው ለመለሱ አባላት በቅደም ተከተል ስጦታቸውን እንልካለን።)

@tikvahethiopia