" በዝቋላ አቡነ ገብረ መንፈስ ቅዱስ ገዳም ተከስቶ የነበረው የጸጥታ ችግር ለጊዜው ተቀርፏል " - ኢኦተቤ

ቅዳሜ ታሕሣሥ  2 /2015 ዓ.ም  ታጣቂዎች ወደ ዝቋላ ደብረ ከዋክብት አቡነ ገብረ መንፈስ ቅዱስ ገዳም ገብተው ነበር።

የገዳሙ አበምኔት መምህር አባ ገብረሕይወት የተከሰተውን ክስተት በተመለከተ ለኢኦተቤ ቴሌቪዥን በሰጡት ቃል ፤ ታጣቂዎች የገዳሙን መነኮሳት የሞባይል ስልኮች የጥበቃ መሣሪያዎች እና ሦስት መነኮሳትን አርብሮብ ወደ ተባለ ቦታ ከወሰዱ በኋላ  በሰላም እንደለቀቋቸውና የወሰዱትን ንብረት መመለሳቸውን ገልፀዋል።

" ታጣቂዎቹ የመንግሥት ተቃዋሚዎች " ይሆናሉ  የሚል ግምት እንዳላቸው የገለጹት አበምኔቱ በገዳሙ በአሁኑ ሰዓት ሰላማዊ እንቅስቃሴ መቀጠሉን ገልጸውዋል።

@tikvahethiopia

አርቲስት ታሪኩ ብርሃኑ (ባባ) ከዚህ ዓለም በሞት ተለየ።

በተለያዩ የሀገራችን ፊልሞች ላይ በድንቅ ብቃት በመተወን በተለይ ደግሞ በወጣቶች ዘንድ እጅግ የሚወደደው አርቲስት ታሪኩ ብርሃኑ (ባባ) ከዚህ ዓለም በሞት መለየቱን ለማረጋገጥ ተችሏል።

አርቲስት ታሪኩ (ባባ) አርባ ያህል ፊልሞች ላይ የተወነ ሲሆን በህመም ምክንያት ህይወቱ ማለፉን የኢትዮጵያ ፕሬስ ድርጅት (ኢፕድ) ከአርቲስቱ የቅርብ ሰዎች ለማረጋገጥ መቻሉን አሳውቋል።

አርቲስት ታሪኩ ብርሃኑ የአንድ ልጅ አባት ነበረ።

አርቲስት ታሪኩ ብርሃኑ (ባባ) ፦
- ወጣት በ97፣
- ወንድሜ ያዕቆብ፣
- ላውንድሪ ቦይ፣
- ማርትሬዛ፣
- ይመችሽ-የአራዳ ልጅ 2 ፣
- ሞኙ የአራዳ ልጅ 4፣
-  አንድ ሁለት ፣
- ብር ርርር፣
- ወደው አይሰርቁ፣
- ወፌ ቆመች፣
-  እንደ ቀልድ ፣
- ወቶ አደር ፣
- አባት ሀገር
- የሞግዚቷ ልጆች፣
- ይዋጣልን ፣
- ዋሻው፣
- ወሬ ነጋሪ እና ሌሎችም ፊልሞች ላይ ተውኗል።

@tikvahethiopia

ፎቶ ፦ የቤኒሻንጉል ሕዝብ ነጻነት ንቅናቄ (ቤሕነን) ታጣቂ ቡድን ከቤኒሻንጉል ጉሙዝ ክልል መንግሥት ጋር የሰላም ስምምነት መፈራረሙና ወደ ሀገር መግባቱ ዛሬ ክልሉ አሳውቋል።

የቤሕነን ታጣቂ ቡድን እና የቤኒሻንጉሙዝ ክልል መንግሥት የሰላም ስምምነት ላይ የደረሱት በሱዳን #ካርቱም መሆኑ የተገለፀ ሲሆን በዚህም ቡድኑ የሰላም አማራጮችን በመከተል ወደ ክልሉ ተመልሷል ተብሏል።

በሰላም ስምምነቱ መሠረት የቡድኑ አባላት ትጥቃቸውን ፍትተው ተሃድሶ በመውሰድ በክልሉ የሰላም እና የልማት ሥራዎች ላይ እንደሚሰማሩ ክልሉ ገልጿል።

(የቤኒሻንጉል ጉሙዝ ክልል ኮሚኒኬሽን)

@tikvahethiopia

#Update

የኢትዮጵያ የዓይን ባንክ ፤ ዛሬ ከሰዓት ባወጣው መግለጫ ፤ በታዋቂው እና ተወዳጁ አርቲስት ታሪኩ ብርሃኑ (ባባ) ህልፈት ሀዘን እንደተሰማው ገልጿል።

በመግለጫው ፤ አርቲስት ታሪኩ ብርሃኑ (ባባ) በህይወት በነበረበት ወቅት የዓይን ባንኩ አምባሳደር እንደነበርና ህልፈት በሚያጋጥምበት ጊዜ የዓይን ብሌኑን ለመለገስ ቃልገብቶ እንደነበር ጠቁሟል።

አርቲስቱ በገባው ቃል መሰረትም በቤተሰቦቹ እና በጓደኞቹ ቀና ትብብር ቃሉ ተፈፃሚ መሆኑን ባንኩ አሳውቋል።

የኢትዮጵያ ዓይን ባንክ ፤ አርቲስት ታሪኩ ብርሃኑ (ባባ) " ስሙንም ብርሃኑንም ከመቃብር በላይ ህያው አድርጎ ያለፈ መልካም አርቲስት " ሲል ጠርቶታል።

በሌላ በኩል ፤ የአርቲስት ታሪኩ ብርሃኑ (ባባ)ን ስርዓተ ቀብር ለማስፈፀም ኮሚቴ ተዋቅሮ እየሰራ ሲሆን ይኸው ኮሚቴ የአርቲስቱ ስርዓተ ቀብር ነገ ታህሳስ 3 ቀን 2015 ዓ/ም ከቀኑ 9:00 ሰዓት በመንበረ ጸባዖት ቅድስት ሥላሴ ካቴድራል ወዳጅ ዘመዶቹ በተገኙበት እንደሚፈፀም ገልጻል።

ከስርዓተ ቀብሩ ቀደም ብሎ ከጠዋቱ 5:00 ሰዓት ጀምሮ በኢትዮዽያ ብሔራዊ ቴአትር ሽኝት ይደረጋልም ተብሏል።

@tikvahethiopia

#Update

የክቡር ዶ/ር ቄስ በሊና ሳርካ ስርዓተ ቀብር ዛሬ ይፈፀማል።

ከግማሽ ምዕተ ዓመት በላይ የኢትዮጵያ ወንጌላዊት ቤተክርስቲያን መካነ ኢየሱስ አገልጋይ የነበሩት ቄስ ዶ/ር በሊና ሳርካ ባለፈው ህዳር 27 ቀን 2015 ዓ.ም ማረፋቸው ይታወሳል።

የእኚህ በቤተከርስቲያንም ሆነ በአገር ደረጃ ተወዳጅ የነበሩት አባት አሸኛኘት አገልግሎት ዛሬ ሰኞ ታህሣሥ 3 ቀን 2015 ዓ/ም ይካሄዳል ፤ ከአሸኛኘት ስነ ስርዓቱ በኃላ ስርዓተ ቀብራቸው ይፈፀማል።

ለቄስ ዶ/ር በሊና ሳርካ የቀብር ስርዓትን ለማስፈፀም በወጣውና በተመለከትነው መርሃ ግብር መሰረት ፦ በአሁን ሰዓት (እስከ 4:00 ድረስ) አስክሬናቸው ከመኖሪያ ቤታቸው ወደ እንጦጦ ማህበረ ምዕመናን እየተሸኘ ነው።

ከ4:00 - 6:00 የአስክሬን ሽኝት በኢትዮጵያ ወንጌላዊት ቤተክርስቲያን መካነ ኢየሱስ እንጦጦ ማ/ምዕመናን ይደረጋል።

በተጨማሪ በወጣው መርሃግብር መሰረት በወዳጅነት አደባባይ ሽኝት የሚደረግ ሲሆን ከዚህ በኃላ ከ9:00 - 10:00 አስክሬናቸው በጴጥሮስ ወ. ጳውሎስ መካነ መቃብር በክብር ያርፋል።

ፎቶ ፦ የክቡር ቄስ ዶ/ር በሊና ሳርካ የሽኝት ኘሮግራም በመኖሪያ ቤታቸው

@tikvahethiopia