#ETHIOPIA

የኢትዮጵያ የፖለቲካ ፓርቲዎች የጋራ ምክር ቤት በላከልን ባለ 7 ነጥብ የቋም መግለጫ በሰሜን ኢትዮጵያ ዳግም የተቀሰቀሰው ጦርነት ቆሞ ሰላማዊ ድርድር እንዲቀጥል ጠይቋል።

ምክር ቤቱ በሶስተኛ ወገን አማካኝነት ግጭቱን በድርድር ለመፍታት ሲደረግ የነበረውን ቅድመ ዝግጅት በቅርበት ሲከታተል እንደነበረ የገለፀ ሲሆን የድርድር ሂደቱ ተቋርጦ ግጭት መቀስቀሱ እጅጉን እንዳሳሰበው አመልክቷል።

ዳግም ግጭት እንዲቀሰቀስ ምክንያት የሆነውን ጥቃት የጀመሩት የህዉሃት ኃይሎች መሆናቸው የገለፀው ምክር ቤቱ ፤ የህወሓት ኃይሎች የሠላም አማራጭ እንዳልተሟጠጠ አውቀው ቀደም ሲል በመንግስት የተወሰደውን የተኩስ አቁም እርምጃ በማክበር ወደ ሠላማዊ ውይይትና ድርድር እንዲገቡ ጠይቋል።

የትግራይ ህዝብም ህዉሃት ጦርነትን አቁሞ ወደ ሰላማዊ ድርድር እንዲገባ ተፅዕኖ እንዲፈጥር ጥሪ አቅርቧል።

ምክር ቤቱ በዚህ መግለጫው ፤ የውጪ ኃይሎች ከአገራችን የውስጥ ጉዳይ እጃቸውን እንዲሰበስቡና የሰላም መንገድን ብቻ አጥብቀው እንዲደግፉ የጋራ አጥብቆ እንደሚታገል አረጋግጧል።

የአለም አቀፉ የዲፕሎማቲክ ማህበረሰብም የችግሩን አሳሳቢነት ተገንዝቦ ጦርነቱ በሚቆምበትና ሰላማዊ ውይይትና ድርድር በሚጀምርበት ሁኔታ ላይ በፍትሐዊነትና በገለልተኝነት አጋርነቱን እንዲያሳይ አጥብቆ ጠይቋል።

(ተጨማሪ ከላይ ተያይዟል)

@tikvahethiopia

#Update

ሩቶ እ.ኤ.አ. መስከረም 13 አምስተኛው የኬንያ ፕሬዜዳንት ሆነው ቃለ መሃላ ይፈፅማሉ።

በዛሬው ዕለት የጎረቤት ሀገር ኬንያ ጠቅላይ ፍርድ ቤት የዊሊያም ሩቶን ፕሬዚዳንታዊ ምርጫ ማሸነፍ አፅንቷል።

ፍርድ ቤቱ የነሀሴ 9 (እኤአ) ድምጽ ውጤት እንዲሰረዝ ለማድረግ የቀረቡ ሁሉንም ክሶች ውድቅ አድርጓል።

ሩቶ በመጪው መስከረም 13 (እኤአ) የኬንያ አምስተኛው ፕሬዝዳንት ሆነው ቃለ መሃላ እንደሚፈፅሙ ተገልጿል።

በኬንያ ፕሬዜዳንታዊ ምርጫ ሩቶ ማሸነፋቸውን ተከትሎ ዋነኛ ተቀናቃኛቸው ራይላ ኦዲንጋ የምርጫ ውጤቱን በመቃወም ጉዳዩን ወደ ፍርድ ቤት ማቅረባቸው አይዘነጋም።

@tikvahethiopia

#Update

የቦሪስ ጆንሰን ተተኪ ተመረጡ።

የብሪታንያ የውጭ ጉዳይ ሚኒስትር የነበሩት ሊዝ ትረስ አዲሷ የብሪታንያ ጠቅላይ ሚኒስትር ሆነው ተመርጠዋል።

ትረስ እድሜያቸው 47 ሲሆን የቦሪስ ጆንሰን ተተኪ ሆነዋል።

ሶስተኛዋ የሀገሪቱ ሴት ጠቅላይ ሚኒስትርም እንደሆኑ ተገልጿል።

ትረስ ተፎካካሪያቸው የነበሩት ሪሺ ሱናክን ሲሆኑ ያሸነፉት 57.4% ድምፅ በማግኘት እንደሆነ ዶቼ ቨለ ዘግቧል።

@tikvahethiopia

" አስቸኳይ የሰላም ጥሪ "

የአገር በቀል የሲቪል ማህበረሰብ ድርጅቶች በነገው ዕለት " አስቸኳይ የሰላም ጥሪ " ሊያቀርቡ ነው።

የኢትዮጵያ ወቅታዊ ሁኔታ አሳስቧቸው የተሰባሰቡት አገር በቀል የሲቪል ማህበረስብ ድርጅቶች በነገው ዕለት በአዲስ አበባ ኢንተር ሌግዠሪ ሆቴል በጋራ በሚሰጡት መግለጫ " አስቸኳይ የሰላም ጥሪ " እንደሚያቀርቡ ተገልጾልናል።

ይህንን " የአቸኳይ የሰላም ጥሪ " መግለጫ ሁሉም መገናኛ ብዙሃን በቦታው ላይ ተገኝተው በመግለጫው የሚተላለፈውን የሰላም መልዕክት ለኢትዮጵያ ህዝብ እንዲያደርሱ ተጋብዘዋል።

የአገር በቀል የሲቪል ማኅበረሰብ ድርጅቶች ባለፈው ዓመት በዚህ ወቅት " የአዲስ ዓመት የሰላም ጥሪ " አቅርበው እንደነበር የሚዘነጋ አይደለም።

@tikvahethiopia

#Update

ቅዱስ ፓትርያርኩ ለህክምና ከሄዱበት አሜሪካ ወደ ሀገራቸው ኢትዮጵያ ሲገቡ አቀባበል ይደረግላቸዋል።

ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ሕክምናቸውን አጠናቀው ነገ ጷጉሜን 1 ቀን 2014 ዓ/ም ወደ ኢትዮጵያና ወቅዱስ መንበራቸው ይመለሳሉ።

ቅዱስ ፓትራርኩ ወደ ኢትዮጵያና ወቅዱስ መንበራቸው መመለሳቸውን ተከትሎ ከቦሌ ዓለም አቀፍ ኤርፖርት ጀምሮ አቀባበል እንደሚደረግላቸው ታውቋል።

የጠቅላይ ቤተ ክህነት ሕዝብ ግንኙነት የብፁዕ ወቅዱስ ፓትርያርኩ በጤና ወደ መንበራቸው መመለሳቸው የቤተ ክርስቲያን ደስታ ነው ያለ ሲሆን በዚሁ መጠን ይፋዊ አቀበበል ዝግጅት ተደርጓል ሲል አሳውቋል።

የቅዱስነታቸውን ወደ አገር ቤት መመለስን አስመልክቶ በመንበረ ፓትርያርክ ጠቅላይ ጽሕፈት ቤት የአቀባበል ኮሚቴ ተቋቁሞ ሲሰራ የቆየ ሲሆን አሁን ላይ የአቀባበል ቅድመ ዝግጅቱ #መጠናቀቁን ለማወቅ ተችሏል።

የኢትዮጵያ ኦርቶዶክስ ተዋሕዶ ቤተክርስቲያን ቅዱስነታቸው ወደ ሀገራቸውና ወቅዱስ መንበራቸው መመለስን ተከትሎ ነገ ለሚደረገው አቀባበል ሁሉም ሚዲያዎች ጥዋት 1 ሰዓት ላይ ቦሌ ኤርፖርት (VIP) እንዲገኙላት ጥሪ አቅርባለች።

@tikvahethiopia

#HappeningNow

ቅዱስነታቸው በሰላም ወደ ሀገራቸው ኢትዮጵያና ወቅዱስ መንበራቸው ተመልሰዋል።

ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት በሀገረ አሜሪካ ሲያደርጉ የነበረውን ሕክምናቸውን አጠናቀው ዛሬ ጷጉሜን 1 ቀን 2014 ዓ/ም ወደ ኢትዮጵያና ወቅዱስ መንበራቸው በሰላምና በመልካም ጤና ተመልሰዋል።

የቅዱስነታቸውን ወደ ሀገርና ወቅዱስ መንበራቸው መመለስን ተከትሎ በአሁን ሰዓት የአቀባበል ሥነሥርዓት በመንበረ ፓትርያርክ ቅድስተ ቅዱሳን ማርያም ገዳም እየተካሄደ ነው።

የፎቶ ባለቤት : የኢ/ኦ/ተ/ቤተክርስቲያን ሕዝብ ግንኙነት መምሪያ

@tikvahethiopia