#HappeningNow

ለዲፕሎማቲክ ማህበረሰብ ማብራሪያ እየተሰጠ ነው።

በአሁን ሰዓት መቀመጫቸውን አዲስ አበባ ላይ ላደረጉ የዲፕሎማቲክ ማህበረሰብ አባላት በወቅታዊ ጉዳይ ላይ ማብራሪያ እየተሰጠ ይገኛል።

ማብራሪያው በኢፌዴሪ ውጭ ጉዳይ ሚንስትር ዴኤታ አምባሳደር ሬድዋን ሁሴን እና በፍትህ ሚንስትሩ ዶክተር ጌዲዮን ጢሞቲዎስ ነው እየተሰጠ የሚገኘው።

አምባሳደር ሬድዋን ሁሴን ማብራሪያው የዲፕሎማቲክ ማህበረሰቡ በወቅታዊ ጉዳይ ላይ በቂ ግንዛቤ እንዲኖራቸው እና ብዥታውን ለማጥራት ይረዳል ብለዋል። በሃገሪቱ ላይ የተጋረጠውን ፈተና ለመከላከል የአስቸኳይ ጊዜ አዋጅ ማወጁ እንዳስፈለገም ተናግረዋል።

በአስቸኳይ ጊዜ አዋጁ ላይ የፍትህ ሚንስትሩ ዶክተር ጌዲዮን ማብራሪያ እየሰጡ ይገኛሉ።

Credit : ኤፍቢሲ

@tikvahethiopia

#HappeningNow

በአሁን ሰዓት በአዲስ አበባ ከተማ መስቀል አደባባይ ህወሓትን እና ሸኔን የሚያወግዝ የኢትዮጵያ ሀገር መከላከያ ሰራዊትን የሚደግፍ ሰልፍ በመካሄድ ላይ ነው።

በሰልፉ ላይ የውጭ ሀገር ጣልቃ ገብነትንና የውጭ ሀገር መገነኛ ብዙሃንን አጥብቀው የሚተቹ በአማርኛ እና በእንግሊዘኛ የተፃፉ የተለያዩ መፈክሮች በሰልፈኞች ተይዘዋል።

ሰልፈኞች ካያዟቸው መፈክሮች መካከል ፦

- የአሜሪካ እና የእንግሊዝ ኤምባሲዎች ከኢትዮጵያ ይውጡና ቦታው ለልማት ይዋል።

- CNN ፣ BBC በኢትዮጵያ ጉዳይ ሀሰተኛ ዜናዎቻችሁን አቁሙ።

- የአውሮፓ መንግስታት መሰሪነታችሁን አቁሙ ፤ በግልፅ ግቡኑና ህወሓትን በጦር ሜዳ አግዙት።

- ኢትዮጵያ በውክልና ጦርነት አትንበረከክም።

- SHAME ON YOU USA !

- You are liar you can't repeat #Libya in Ethiopia again.

- Americans don't come back we are better off without you.

- #No_More የሚሉት ይገኙበታል።

በተጨማሪም ሰልፈኞቹ ከያዟቸው ሌሎች መፈክሮች መካከል ፦

- ይህ ትውልድ የኢትዮጵያን ሉአላዊነት ያስከብራል።

- የቀኝ ገዢዎች ሀሳብ ይመክናል ፤ ኢትዮጵያ ታሸንፋለች።

- ክብር ለመከላከያ ሰራዊት

- ኢትዮጵያን ማሸነፍ አይቻልም።

- እኔ የሀገሬ ጠባቂ ነኝ።

- ከኢትዮጵያዬ 🇪🇹 የሚበልጥብኝ የለም።

- እኛ እያለን ኢትዮጵያ ሀገራችን በፍፁም አትፈርስም፤ የሚሉት ይጠቀሳሉ።

ፎቶ ፦ ከአ/አ ፕሬስ ሴክሬተሪያት

@tikvahethiopia

#HappeningNow

በቴፒ ከተማ የእርቀ ሠላም ኮንፈረንስ እየተካሄደ ነው።

በደ/ ምዕራብ ኢትዮጵያ ህዝቦች ክልል ሸካ ዞን በተለይ በየኪ ወረዳ እና ቴፒ ከተማ ተፈጥሮ የነበረውን የጸጥታ ችግር በእርቀ ሠላም ኮንፈረንስ ለመፍታት ያለመው የእርቅ እና የሰላም መድረክ በቴፒ ከተማ በአሁን ሰዓት እየተካሄደ ይገኛል።

@tikvahethiopia

#HappeningNow

የኢትዮጵያ ንግድ ባንክ በኢትዮጵያ ለመጀመሪያ ጊዜ ስራ ላይ የሚውል ያለውን አዲስ አገልግሎት (መተግበሪያ) ስራ ማስጀመሪያ መርሃ ግብር እያከናወነ ይገኛል።

አገልግሎቱ በኢትዮጵያ ንግድ ባንክ እና በኢግል ላይን ሲስተምስ ቴክኖሎጂ ትብብር እንደተዘጋጀ ተገልጿል።

የኢትዮጵያ ንግድ ባንክ፥ " አዲሱ የሆቴሎች መተግበሪያ በኢትዮጵያ ለመጀመሪያ ጊዜ ስራ ላይ የሚውለው ሲሆን የሆቴልና ቱሪዝም ዘርፉን አሰራር እንደሚያዘምን ይጠበቃል " ብሏል።

@tikvahethiopia

#HappeningNow

" አዲስ የሰብዓዊ መብት ተሟጋቾች ትውልድ "

ሴንተር ፎር አድቫንስመንት ኦፍ ራይትስ ኤንድ ዴሞክራሲ (ካርድ) “የሰብአዊ መብት ተሟጋቾች አዲስ ትውልድ’’ በሚል ያሰለጠናቸውን ተማሪዎች ዛሬ እያስመረቀ ይገኛል።

ዛሬ የሚመረቁት 364 የሚሆኑ የመንግሥትና የግል ሁለተኛ ደረጃ ትምህርት ቤት ተማሪዎች መሠረታዊ የሰብዓዊ መብት ፅንሰ ሐሳቦችን፣ የሥርዓተ ፆታ እኩልነት፣ ሐሳብን በነጻነት የመግለጽ መብት እንዲሁም የመሰብሰብና የመደራጀት መብቶች ላይ ሥልጠናዎችን ወስደነዋል።

በዛሬው ዕለት በኢንትር ላግዠሪ ሆቴል እየተካሄደ በሚገኘው የሰብዓዊ መብት ፌስቲቫል የኢትዮጵያ ሰብዓዊ መብቶች ኮሚሽን ኮሚሽነር ዶ/ር ዳንኤል በቀለ፤ የኢትዮጵያ ብሔራዊ ምርጫ ሰብሳቢ ወ/ሪት ብርቱኳን ሚዴቅሳ ተገኝተዋል።

መርኃግብሩን የካርድ ኤክስኪዩቲቭ ዳይሬክተር በፍቃዱ ኃይሉ በንግግር ከፍተዋል።

🔴 Live : https://fb.watch/9Rmjulyc8J/

@tikvahethiopia

#HappeningNow

በአሁኑ ሰዓት የጦር ሀይሎች ጠቅላይ አዛዥ ጠ/ሚር ዶ/ር ዐቢይ አህመድ በተገኙበት የአውደ ውጊያ ውሎ የሜዳሊያ ሽልማት እና አዲሱ የመከለከያ ጠቅላይ መምሪያ ህንጻ ምረቃ እየተከናወነ ይገኛል።

በስነ ስርዓቱ ላይ የሰልፍ እና የአየር ትርዒትም ቀርቧል።

#FDREDefenseForce

@tikvahethiopia

#HappeningNow

" ወደ ቅዱስ ላልይበላ ተመልከቱ ! "

ለታሪካዊው እና ዓለማቀፋዊው የላልይበላ ቅርስ በሸራተን አዲስ ሆቴል የገቢ ማሰባሰቢያ መርሐ ግብር እየተካሄደ ነው።

የቅዱስ ላልይበላ አብያተ ክርስቲያናት የኢትዮጵያ ኦርቶዶክስ ተዋሕዶ ቤተ ክርስቲያን ብቻ ሳይሆን የሁሉም ሃይማኖቶች እና ብሔረሰቦች ከዚያም አልፎ የዓለም ሁሉ ቅርስ በመሆናቸው ቅርሱን በመጠበቅ ላይ ያሉ ወገኖችን መርዳትና መደገፍ የዓለም ሁሉ ትኩረት ሊሆን እንደሚገባ ተገልጿል።

" ወደ ቅዱስ ላልይበላ ተመልከቱ!" በሚል ጥሪ ዛሬ በሸራተን አዲስ የገቢ ማሰባሰቢያ መርሐ ግብር እየተካሄደ ነው።

በዚህም ለጥንታዊው እና ታሪካዊው ላልይበላ ካህናት፣ ገዳማውያን፣ ቅርስ ጠባቂዎች ፣ የአብነት ተማሪዎች ፣ አረጋውያን እና ህጻናትን ለመርዳት ብሎም የቅርሱን ልማት ለማፋጠን ሁሉም እንዲረባረብ ጥሪ መቅረቡን የኢኦተቤ ቴሌቪዥን ዘግቧል።

ማስታወሻ፦ ድጋፍ ማድረግ የምትፈልጉ በኢትዮጵያ ንግድ ባንክ ፣ አቢሲኒያ እና ዳሽን ባንኮች በ 👉 0712 የባንክ የሒሳብ ቁጥር ድጋፍ ማድረግ ትችላላችሁ።

@tikvahethiopia

#HappeningNow

ኢትዮ ቴሌኮም ቴሌብር መላ፤ ቴሌብር እንደኪሴ እንዲሁም ቴሌብር ቁጠባ የተሰኙ የፋይናንሻል አገልግሎቶችን ዛሬ በስካይ ላይት ሆቴል በማስተዋወቅ ላይ ይገኛል።

ቴሌ ብር መላ፦ የቴሌብር ደንበኞቹን ባንቀሳቀሱት የገንዘብ ዝውውር መሰረት ታይቶ እስከ በቀን እስከ 2,000 በወር ደግሞ እስከ 10,000 ብር የሚደርስ ብድር የሚያመቻች አገልግሎት ነው።

ቴሌ ብር እንደኪሴ ፦ በቴሌብር አማካኝነት ግብይት በሚፈጸምበት ጊዜ የቴሌብር ሂሳቦ ከሚገዙት እቃ በታች ከሆነ ቀሪውን ክፍያ ጨምሮ ለሻጭ ይከፍልና ገንዘብ ገቢ ሲያደርጉ ከሂሳቦ ላይ ተቀናሽ የሚያደርግ አገልግሎት ነው።

ቴሌብር ቁጠባ፦ ቴሌብር ላይ ካለው የገንዘብ መጠን ላይ መቆጠብ የሚያስችል አገልግሎት ሲሆን በሁለት አማራጮች ማለትም በወለድና ያለወለድ የቀረበ ነው። የወለድ መጠኑም 7% ሲሆን ወለዱ መጠን በቀን ተሰልቶ በሂሳቦ ገቢ ይደረጋል።

ተጨማሪ መረጃ እንልክላችኃለን!

@tikvahethiopia

#HappeningNow #AddisAbaba

በ2015 ዓ/ም የትምህርት ዘመን ወደ ሙሉ ትግበራ በሚግባው አዲሱ ስርዓተ ትምህርት ዙሪያ ውይይት ተጀመረ።

የአዲስ አበባ ከተማ አስተዳደር ትምህርት ቢሮ እና ስልጠና እና ጥራት ቁጥጥር ባለስልጣን በ2015 የትምህርት ዘመን ወደ ሙሉ ትግበራ የሚገባውን አዲሱ ስርዓተ ትምህርት ትግበራን በተመለከተ ከግል እና መንግስታዊ ካልሆኑ ትምህርት ተቋማት ባለቤቶች ጋር የውይይት መድረክ መካሄድ መጀመሩን ከአዲስ አበባ ትምህርት ቢሮ የተገኘው መረጃ ያሳያል።

ከትምህርት ሚኒስቴር ሚኒስትር ፕ/ር ብርሃኑ ነጋ እንደተገኘው መረጃ ፤ የአዲሱ ስርዓተ ትምህርት በመጀመሪያ ደረጃ ትምህርት ቤቶች ላይ በተወሰኑ ትምህርት ቤቶች ተሞክሮ የተጠናቀቀ ሲሆን ከሚቀጥለው ዓመት ጀምሮ በሁሉም ትምህርት ቤቶች ስራ ይጀምራል ተብሎ ይጠበቃል።

በተመሳሳይ በቀጣይ ዓመት የ2ኛ ደረጃ ካሪኩለም የሙከራ ስራ በተወሰኑ ትምህርት ቤቶች ላይ የሚሞከር ሲሆን 2016 ዓ/ም ላይ ሙሉ ለሙሉ ተግባራዊ መሆን ይጀምራል።

@tikvahethiopia

#HappeningNow

ቅዱስነታቸው በሰላም ወደ ሀገራቸው ኢትዮጵያና ወቅዱስ መንበራቸው ተመልሰዋል።

ብፁዕ ወቅዱስ አቡነ ማትያስ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት በሀገረ አሜሪካ ሲያደርጉ የነበረውን ሕክምናቸውን አጠናቀው ዛሬ ጷጉሜን 1 ቀን 2014 ዓ/ም ወደ ኢትዮጵያና ወቅዱስ መንበራቸው በሰላምና በመልካም ጤና ተመልሰዋል።

የቅዱስነታቸውን ወደ ሀገርና ወቅዱስ መንበራቸው መመለስን ተከትሎ በአሁን ሰዓት የአቀባበል ሥነሥርዓት በመንበረ ፓትርያርክ ቅድስተ ቅዱሳን ማርያም ገዳም እየተካሄደ ነው።

የፎቶ ባለቤት : የኢ/ኦ/ተ/ቤተክርስቲያን ሕዝብ ግንኙነት መምሪያ

@tikvahethiopia

#HappeningNow

ሳፋሪኮም ኢትዮጵያ ሀገር አቀፍ የቴሌኮም አገልግሎት ማስጀመሪያ ስነ ስርዓቱን በአዲስ አበባ " ወዳጅነት አደባባይ " በአሁን ሰዓት እያካሄደ ይገኛል።

በዚሁ ስነስርዓት ላይ ቀደም ብሎ እንደተገለፀው የኢትዮጵያ ጠ/ሚ ዶ/ር ዐቢይ አህመድ እና የኬንያው ፕሬዜዳንት ዶ/ር ዊሊያም ሩቶ ተገኝተዋል።

Photo Credit : Safaricom Ethiopia

@tikvahethiopia

#HappeningNow

የሀሳብ ቅኝት የተሰኘው በሀሰተኛ መረጃ እንዲሁም የጥላቻ ንግግርን ለመግታት የሚደረጉ ጥረቶች ላይ ያተኮረው ልዩ የወጣቶች መድረክ በሸራተን አዲስ መካሄድ ጀምሯል።

ዝግጅቱን ኦላይን መከታተል ለምትፈልጉ https://fb.watch/g3zmdGYwI6/

@tikvahethmagazine