@TikvahGift

ውድ ቤተሰቦቻችን የትንሳኤ በዓል መዳሻ አስመልክቶ ከዚህ ቀደም በበዓላት ወቅት ከምናደርገው በተለየ የ " እንኳን አደረሳችሁ " የሞባይል ካርድ ስጦታዎች ተዘጋጅተዋል።

ለ10 ቀናት በተከታታይ በሚቆየው በዚሁ መርሃግብር በየዙሩ ለበርካታ የቤተሰባችን አባላቶች የሞባይል ካርድ እና ፓኬጅ ሽልማቶች ተዘጋጅተዋል።

Tikvah Gift https://t.iss.one/+SnnnagG5QdRvkFPX

@tikvahgift

#ረመዳን

የታላቁ የረመዳን ፆም በትግራይ ክልል መቐለ ምን ይመስላል ?

የእልምና እምነት ተከታዮች ለቪኦኤ ሬድዮ የሠጡት ቃል ፦

አቶ አደም ያሲን ሐሰን ፦

" ሀብታሞቹ በተቻለ መጠን ይተባበራሉ ፤ እንደ ድሮ ሳይሆን ችግር በጣም ችግር አለ።

ድሮ ሃብታሞች ይሰጡ ነበር 30 ሰው ፣ 10 ሰው ብለው ይወስኑ ነበር አፍጥር ላይ ፤ አብልተው አጠጥተው ፣ ልብስ ሰጥተው ይሰዱ ነበር አሁን እንደሱ አልተቻለም።

ኢኮኖሚያቸው፤ ከኪሳቸውም ብዙ ወጪ የሚያደርጉት ስለሌለ ፤ ገንዘብም ስላጠራቸው ብዙ ለመስራት አልተቻለም። ባንክ ስለሌለ፣ ስራ ስለሌለ ሊረዱና ሊንቀሳቀሱ አልቻሉም። "

አቶ አህመድ አወል ፦

" መሰረታዊ ነገሮች እንደ ቴምር ፣ እንደ ሩዝ ፣ ዘይት ለማግኘት በጣም ከባድ ነው። ህብረተሰቡ ካለችው ትንሽ ከሚያፈጥራት ነገር እያካፈለ ነው እያሳለፈ ያለው።

የአፍጥር ፕሮግራም ድሮ ጥሩ ነበር፤ ያለውን አዘጋጅቶ አሰባስቦ ብርም፣ ቴምርም፣ ምግብም ይሁን አዘጋጅቶ ምስኪኖችን ጠርቶ ያበላ ነበር አሁን ግን ከብዷል።

ለራሱ ስለከበደው ለራሱ ማፍጠሪያ ያደረጋት ትንሽ በሰሃን አድርጎ ለጎረቤትም ያለችውን ነው እንጂ እንደድሮ አይደለም ከበድ ይላል።

ይህ ለረመዳን ብቻ ሳይሆን በአጠቃላይ ህብረተሰቡ በጣም ተቸግሯል። በተለይ በረመዳን ፆመ ውለህ የሚበላ ስታጣ በጣም ይሳዝናልም።

የመተጋገዝ ባህልን ለማስቀጠል ተቸግረናል ሃብታም ይሁን ድሃ አሁን ላይ ባንክ በመዘጋቱ፣ ስራም ስለሌለ እኩል ሆኗል።

እኔ በህይወቴ ብዙ ረመዳን አሳልፊያለሁ ፤ እንደአሁኑ አይቼም አላውቅም፤ ከባድ ነው የዓለም ማህበረሰብ አንዳች መፍትሄ ካላመጣ በጣም የሚከብድ ነው። "

ወ/ሮ ስትሆነ መሐመድ ብርሃን ፦

" ... ረመዳን በጣም ያሳዝናል ፤ የነበረው እና አሁን ያለው በጣም ይለያያል፤ ግን ምን ማድረግ አይቻልም ወቅቱ ያመጣው ስለሆነ ለአላህ ጥለን ዱአ ማድረግ ብቻ ነው። ፍጡር በልቶ ለሊት የማይበላ ሰው ነው የሚበዛው ከዚህ የሚያሳዝን ነገር የለም ሰው ለመኖር መብላት አለበት ካልበላ በጣም ያሳዝናል።

የሚኖር ሰው ለደስታ፣ ለሳቅ ፣ ለጫወታ ነው ከዚህ ሁሉ የወጣን ነን እኛ ፤ የትግራይ ሰው እጅግ በጣም ያሳዝናል በዚህ በዚህ ሲታይ፤ ባንክ የለም፣ ማውጣት የለም፤ ያለውም ብር አጥቷል የሌለውም አጥቷል ሁሉም አንድ ነው። ያለው በጣም በብዙ ችግር ነው ዱአ አድርጉልን ፤ በዓለም ላይ ያላችሁ በሙሉ ዱአ አድርጉልን። "

አቶ አብዱራህማን መሀመድ ሳላህ፦

" በዚህ ረመዳን ላይ የኑሮው ጉዳይ በጣም እየወረደ ነው ያለው። እንቅስቃሴ የለም፤ ሌላው ግን በሰላም ሰግደን እወጣለን ፣ መስጂጋችን በሰላም እንገባለን፣ እንደድሮው ነው ሰላም ያለነው አልሃምዱሊላህ ፤ ሰላም ስላልነበር አምና ቤታችን ነበር የምንሰግደው አሁን አልሃምዱሊላህ ሰላም ነው። ቤት ባፈራው ነው እንጂ ፤ እንደድሮ አፍጥር በወዙም የለም፤ እንቅስቃሴ የለም ገቢ የለም "

የቀጣዩ ዓመት ረመዳን ፤ አሁን ያለው ችግር ተወግዶ ሰላም የሰፈነበት እንዲሆን ያላቸውን ምኞት ለሬድዮ ጣቢያው ገልፀዋል።

@tikvahethiopia