#አቢሲንያ_ባንክ
ረመዷን ከሪም ! አዲስ አበባን ጨምሮ በተመረጡ 25 የአገራችን ከተሞች ላይ ለፆም መያዣ (ሱሁር) እና ማፍጠሪያ የሚያገለግል የ 2014 ዓ.ም. የጊዜ ሰሌዳ ከታች የሚገኘውን የቴሌግራም ቻነል ሊንክ በመጠቀም ያግኙ!

የአቢሲንያ ባንክን ትክክለኛ የቴሌግራም ቻነል መቀላቀልዎንም አይርሱ ! https://t.iss.one/BoAEth
አቢሲንያ አሚን! ዕሴትዎን ያከበረ!

#EthiopianAirlines

የኢትዮጵያ አየር መንገድ " ከኢድ እስከ ኢድ ወደ ሀገር ቤት " ጥሪን ተቀብለው ወደ ኢትዮጵያ ለሚመጡ ኢትዮጵያውያን፣ ትውልደ ኢትዮጵያውያንና የኢትዮጵያ ወዳጆች የአየር ጉዞ ትኬት ዋጋ ላይ 20 % ቅናሽ ማድረጉን አስታውቋል።

ወደ ሀገር ቤት ተጓዦች ትኬታቸውን እኤአ ሚያዝያ 6 እስከ ሚያዝያ 21 ቀን 2022 በመቁረጥ እና ጉዟቸውን ከሚያዝያ 25 እስከ ግንቦት 15 ቀን 2022 ድረስ በማመቻቸት የዕድሉ ተጠቃሚ እንዲሆኑ ጥሪ ቀርቧል።

@tikvahethiopia

ሀገርና ትውልድ እየገደለ ያለው የፈተና ስርቆት !

የትምህርት ሚኒስትር ፕ/ር ብርሃኑ ነጋ ፦

" ... ፈተናዎች ይሰረቃሉ። ቢያብስ እኔ እስከናውቀው ከ2008 ዓ/ም ጀምሮ የሁለተኛ ደረጃ መልቀቂያ ፈተና ያልተሰረቀበት ጊዜ ያለ አይመስለኝም፤ ደረጃው ይለያይ እንጂ።

አንዱ መሰረታዊ ጥያቄ መጠየቅ ያለብን እንዴት ነው የሚሰረቀው ? ማነው የሚሰርቀው ? ለምድነው የሚሰርቀው ? የሚለው ነው።

አንደኛው በአጠቃላይ ፈተናውን አውጥቶ ሶሻል ሚዲያ ላይ ለቆ ሁሉም እንዲያገኘው ማድረግ ነው። ይሄ የተወሰነ ግሩፕን ለመጥቀም የታለመ እንቅስቃሴ አይደለም። በአጠቃላይ የትምህርትሩትን Integrity ለማናጋት የሚደረግ እንቅስቃሴ ነው። ምክንያቱም አንድ ፈተና አውጥቶ ለሁሉም በሶሻል ሚዲያ ሲለቀቀ አንድ የተወሰነ ግሩፕ የሚጠቀምበት ሁኔታ የለም ሁሉም ነው የሚያገኘውና፤ እሱ በአጠቃላይ እንደማህበረሰብ ሁሉን ነገር ፖለቲካ እና የፖለቲካ ትርፍ ማግኛ እየተደረገ የሚኬድበት አካሄድ ያመጣው ጣጣ ነው። በስፋት እና በስነስርዓት መታለፍ ያለበት ሂደት ነው።

ፈተና ሚሰረቀው ግን በዛ መልክ ብቻ አይደለም፤ በተለያየ መልክ ፈተና ይሰረቃል። ከየት በኩል ነው ስርቆቱ ሊመጣ የሚችለው ብለን ለማየት ሞክረን ነበር።

ፈተና አውጭዎቹ ፣ ፈተና የሚያዘጋጁ ሰዎች አካባቢ ስርቆት ሊፈፀም ይችላል። ፈተና አውጭዎችን የምንከታተልበት መንገድ በጥንቃቄ ለመመለከት ሞክረናል እዛ አካባቢ ትልቅ አደጋ አላየንም።

ፈተና ሲታተም ፤ አታሚ መስሪያ ቤት ውስጥ የሚደረገው ጥንቃቄ እና ጥበቃ አለ። ፈተና የሚያትመው 4 ኪሎ ያለው ብርሃንና ሰላም ማተሚያ ቤት ነው። ፈተና ማተመ ከተጀመረ ጀምሮ በፌዴራል ፖሊስ ዕዝ ስር ነው። በሙሉ ካሜራ እየታየ ነው የሚታተመው ያ ፈተና እዛ ይሰረቃል የሚለው እድል አነስተኛ ነው።

በአብዛኛው ፈተና ከስርጭት ጋር በተያያዘ ፈተናው ተይዞ በየክልሎች በሚሰራጭበት ጊዜ ካለው ጀምሮ ነው ችግሩ ያለው።

አንዳንዱ ሆን ተብሎ ነው፤ አንዳንዱ በየክልሉ ያሉ የመንግስት በዞን ይሁን በወረዳ በተለያየ ደረጃ ያሉ የመንግስት ባለሟሎች የሚሳተፉበት ነው። ይሄ መነሻው ይሄን ፈተና ሰርቆ ለአካባቢው ተወላጆች / ተፈታኞች በመስጠት አካባቢዬን እጠቅማለሁ ተብሎ የሚታሰብ የትምህርት ስርዓቱን ከፖለቲካ እና ከክልላዊነት ጋር ያጣበቀው አካሄዳችን ያመጣው በጣም ትልቅ ችግር ነው።

... ፈተና ሰርቀን የአካባቢያችንን ሰው እንጠቅማለን ፤ የአካባቢያችንን ተማሪ እንጠቅማለን ብሎ የሚያስብ ሰው የሚያስበው ምንድነው ? ያ በስርቆት አልፎ የመጣ ተማሪ ኮሌጅ ገብቶ በስርቆት እና በማጭበርበር ድግሪ ያገኛል ፤ በስርቆት እና በማጭበርበር የያዘውን ድግሪ ይዞ እዛው ክልል መንግስት ውስጥ ነው ስራ የሚቀጠረው እና በትክክል እንዲሰራ ነው የሚጠበቀው ? ክልል መንግስት ውስጥ ገብቶ መስረቅ ነው የሚጀምረው / የትም ቦታ ቢገባ።

የስርቆት ስርዓቱ አንዴ ከታች ማበላሸት ከጀምርን በፍፁም መቆሚያ የሌለው ማንንም በተለየ የማይጠቅም ህብረተሰብን ግን በጋራ ይዞ ገደል የሚገባ ስራ ነው።

ፈተናዎች የሚሰረቁት ፤ ፈተናው ከመሰረቁ ባሻገር ተማሪዎች ሊፈተኑ ከገቡ በኃላ ያለአግባብ በኩረጃ ወይም በፈታኞች እርዳታ ያለ አግባብ ውጤት እንዲያመጡ በተቀናበረ እና በተደራጀ መንገድ እንቅስቃሴ ይካሄዳል።

... የምናውቃቸው ነገሮች አሉ። አንዳንድ ክልል ፈታኞች ሲሄዱ ገንዘብ ተዋጥቶ፣ በሬ ታርዶ ፣ ድግስ ተደርጎ ፣ እንደውም ከገንዘቡ ተጨማሪ ለፈታኞቹ ጉቦ ተሰጥቶ ወይ ፈተናውን አይቶ እዛው እራሳቸው አርመው ለተማሪዎቹ እንዲሰጡ ወይም እርስ በእርስ ሲኮራረጁ ዝም ብሎ እንዲያዩ የሚደረግበት ጉደኛ ሀገር እኮ ነው ያለነው።

የግል ትምህርት ቤቶች ባለቤቶች የነሱ ትምህርት ቤቶች የሚፈተኑባቸውን ትምህርት ቤቶች / ቦታዎች እየፈለጉ ፈታኞቹን ለማማለል ጉቦ ለመስጠት የሚወጣው ወጪ በሚሊዮን ነው የሚቆጠረው።

እንዴት አድርገን ነው እንደሀገር በዚህ ሁኔታ ይሄ 12ኛ ክፍል ፈተና ላይ የጀመረ ነገር አይደለም የምናወራው ፤ ከስር ጀምሮ የመጣ ነው ኮሌጅ ሲደርስ ደግሞ የሚያቆም አይደለም። ኮሌጅ ውስጥ ያለውን የፈተና ስርቆት እና ማጭበርበር እና ኩረጃ ሁላችንም የምናውቀው ነው።

ወረቀት ለአንድ ትምህርት ስርዓት ለአንድ ሰው ዲፕሎማ / ዲግሪ ሲሰጥ ለህብረተሰቡ እየነገር ያለው ይህ ሰው በተማረበት ትምህርት መስክ ይሄን ያህል ውጤት አለው ተቀበል ነው ህብረተሰብን የሚለው። ያ ወረቀት በስርቆት ከመጣ፣ ያ ወረቀት በኩረጃ ከመጣ ያ ወረቀት ትርጉም የለውም።

... ብዙ የግል ኮሌጆች የዲግሪ ወፍጮ ቤቶች ናቸው ። ዲግሪ ነው እየሸጡ ያሉት ልጆችን አስተምረው ፣ አብቅተው አይደለም። ያ ማለት ጥሩ ጥሩ ትምህርት ቤቶች ፣ ጥሩ የሚያስተምሩ የሉም ማለት አይደለም።

ነገር ግን አንዴ የትምህርት ስርዓቱ ከታች እስከ ላይ መሰረታዊ Integrity ከተበላሸ ፤ ለምን ይገርመናል አሁን ያለንበት መከራ ውስጥ መሆናችን እንደ ሀገር ። የሚያበላሸው ሁሉን ነገር ነው። ሲቪል ሰርቪሳችን ፣ ፖለቲካችንን ያበላሸዋል።

በትንሽ በትልቁ የምንባለው እና የምንጋደለው እኮ ከትምህርት ስርዓትም ጋር የተያያዘ ነው። ለዚህ ነው ይሄን ነገር እንደቀላል ነገር አይደለም ማለት ያለብን ፤ ... በመሰረታዊ መንገድ ይሄን ካልቀየርነው የትም አንሄድም። "

@tikvahethiopia

" የአድማ እቅዱን ትተነዋል "

ከቀናት በፊት የነዳጅ ትራንስፖርት ባለንብረቶች ማኅበር የሥራ ማቆም አድማ ለማድረግ የጊዜ ገደብ አስቀምጦ እንደነበር ይታወሳል።

ማህበሩ ፤ መንግስት ዝቅተኛ የትርፍ ህዳግን ካልከለሰ እና ለሚነሳው ጥያቄ ምላሽ ካልተሰጠው በ10 ቀናት ውስጥ የሥራ ማቆም አድማ እንደሚያደርግ ገልጾ ነበር።

ትላንት አዲስ በወጣው መግለጫ ማህበሩ አድማ ለማድረግ ያሰበውን እቅድ ትቶታል።

ይህም የሆነው ከትራንስፖርት እና ሎጅስቲክስ ሚንስቴር ጋር ገንቢ ውይይት በመጀመሩ መሆኑን ገልጿል።

" የነዳጅ ታሽከርካሪዎች መደበኛ ሥራቸውን ይቀጥላሉ " ያለው ማህበሩ " መንግሥት በስምምነቱ መሠረት መፍትሔ ይሰጠናል ብለን እናምናለን " ብሏል።

Credit : The Reporter

@tikvahethiopia

#ነዳጅ

መንግስት ከተመረጡ የብዙሃን አገልግሎት ተሽከርካሪዎች ውጭ የነዳጅ ድጎማን በሂደት እንደሚነሳ ታውቋል። ይህ ድጎማ ሲነሳ የተሽከርካሪ ባለቤቶች ጫና ሊያጋጥማቸው እንደሚችል ይታመናል።

አቶ ገብረመስቀል ጫላ (የንግድ እና ቀጠናዊ ትስስር ሚኒስትር) ፦

" ነዳጅ በጣም ውድ ምርት ነው ። እኛ ሀገር ግን እንደ ውድ ምርት አንጠቀምም። ስለዚህ እያንዳንዱ ተሽከርካሪ ያለው ዜጋ ነዳጅን በቁጠባ መጠቀም አለበት።

ትንሽ ሲቆይ ነዳጅ እንደሬሽን በኮታ ሊሰጥም ይችላል። ስለዚህ ያ ከመምጣቱ በፊት እያንዳንዱ ዜጋ ይሄ ገንዘብ የኔ ገንዘብ ነው የሀገሬ ነው ማለት አለበት።

እኛ አሁን እንደመንግስት 4 ቢሊዮን ዶላር ለመድረስ እንደወላድ ሴት ቀን እንደምትቆጥር ነው በየአንዳንዷ ቀን ስንት ዶላር እንደገባች የምንቆጥረው በዛ ልክ ተሰርቶ የሚመጣውን ዶላር ውስጥ ፤ ከዛ ዶላር ሶስት አራተኛውን ለነዳጅ ነው የምንከፍለው።

ስለዚህ ይሄ የሁላችንም ገንዘብ ስለሆነ ነዳጅን መቆጠብ የሁላችንም ኃላፊነት ነው የሚሆነው። አለፍ ሲልም የዛ አካል የሚሆነው ቅዳሜ እና እሁድ በህዝብ ትራንስፖርት መጠቀም ፤ እንደዚሁም የእግር ጉዞ መለማመድም በጣም ወሳኝ ሆኖ ነው የሚገኘው። "

@tikvahethiopia

#TikvahFamily

ከሰሞኑን በአዲስ አበባ ከተማ ከሙስሊም ተማሪዎች ጋር በተያያዘ በርካታ ጉዳዮች እየተነሱ እንደሆነ ይታወቃል።

የቲክቫህ - ኢትዮጵያ ቤተሰብ አባላትም ጉዳዩ በዛው ዕለት አልያም በቀጣዩ ቀን የሚመለከታቸው አካላት በመነጋገር #በፍጥነት_ይፈቱታል በሚል በትኩረት ሲከታተሉ የቆዩ ሲሆን ቀናት አልፎ አሁን ላይ ምዕመኑ ሰልፍ እስኪወጣ አስገድዶታል።

ዛሬ ምዕመኑ በአንዳንድ መስጂዶች በሰልፍ ድምፁን አሰምቷል።

የአዲስ አበባ እስልምና ጉዳዮች ከፍተኛ ምክር ቤት " ሆን ተብሎ በሚመስልና በዘመቻ መልኩ የረመዳን ፆም ወቅትን ጠብቆና አንዳንድ ትምህርት ቤቶች፤ ተማሪዎች ፈተና በሚፈተኑበት ጊዜ ጭምር ትምህርት ቤት ውስጥም አትሰግዱም ፤ ወጥታችሁም (ከግቢ) አትሰግዱም ብለዋቸዋል " ሲል ይገልጻል።

አንዳንድ የትምህርት ቤት አስተዳደሮችም ተማሪዎቹን ኢ-ህገመንግስታዊ የሆነ " ተንኳሽ ንግግር " ተናግረዋቸዋል ብሏል።

የአዲስ አበባ አስተዳደር ትምህርት ቢሮ ምንም እንኳን ስለጉዳዩ በግልፅ ያለው ነገር ባይኖርም ትምህርት ከማንኛውም ሀይማኖታዊ እንቅስቃሴ ነጻ በሆነ ሁኔታ መካሄድ አለበት ሲል አሳውቋል።

ዛሬ የነበረውን የተቃውሞ ሰልፍ እንዲሁም አጠቃላይ ከሰሞኑ የነበሩትን ሁኔታዎች በሚመለከት ለቲክቫህ ቤተሰብ አባላት በዝርዝር ቀርቧል ፤ ያንብቡ 👇https://telegra.ph/Tikvah-Ethiopia-04-08

@tikvahethiopia