#Update

አቶ አክሊሉ ለማ የዎላይታ ዞን ዋና አስተዳዳሪ ሆነዉ ተሹመዋል።

በሌላ በኩል ወ/ሮ ካሠች ኤሊያስ የዎላይታ ዞን ምክር ቤት ዋና አፈ ጉባኤ ሆነው ተሹመዋል።

Photo Credit : የዎላይታ ሶዶ ኮሚኒኬሽን

@tikvahethiopia

#Awi : አቶ እንግዳ ደኛው የአዊ ብሔረሰብ አስተዳደር ዋና አስተዳዳሪ በመሆን ተሾሙ።

ዛሬ እየተካሄደ በሚገኘው የአዊ ብሔረሰብ ምክር ቤት 5ኛ ዙር 22ኛ መደበኛ ጉባዔ አቶ እንግዳ ደኛው የአዊ ብሔረሰብ አስተዳደር ዋና አስተዳዳሪ ሆነው ተሹመዋል።

አቶ በላይነህ የኔሰው ደግሞ ምክትል አስተዳዳሪ እና የገጠር መሬት አስተዳደር መምሪያ ኃለፊ ሆነው ተሹመዋል።

መረጃው የአዊ ኮሚኒኬሽን ነው።

@tikvahethiopia

#SomaliRegion : የሶማሊ ክልል ም/ቤት ሁለተኛ ቀን ውሎውን እያካሄደ ይገኛል።

ትላንት የክልሉ ፕሬዜዳንት ፣ ምክትል ፕሬዜዳንት ፣ አፈጉባኤ እና የምክትል አፈጉባኤ ሹመት በምክር ቤት ፀድቋል።

በመቀጠልም 2 የኦብነግ (ONLF) አባላት ያሉበት 27 የክልሉ ስራ አፅፈፃሚ አካላት ሹመት ፀድቆ ነበር።

በዛሬው የሁለተኛ ቀን ውሎ ምክር ቤቱ በክልሉ ፕሬዝዳንት አቶ ሙስጠፋ ሙሁመድ አቅራቢነት የተለያዩ ሹመቶችን አፅድቋል።

* አጠቃላይ በሶማሊ ክልል ምክር ቤት የፀደቁ ሹመቶች ከላይ ተያይዟል።

Credit : Somali Communication & SMMA

@tikvahethiopia

#Gambella : ትላንት በጋምቤላ ከተማ በ2 ባጃጅ ውስጥ አንድ የቡድን መሳሪያ (ላውንቸር)፣ አንድ ክላሽንኮቭ፣ 76 የዲሽቃ ጥይትና 705 የክላሽንኮቭ ጥይቶች በቁጥጥር ስር መዋሉን የክልሉ ሰላምና ፀጥታ ቢሮ አሳውቋል።

የተያዙት ህገወጥ የጦር መሳሪያዎች ከጋምቤላ ከተማ 01 ቀበሌ ወደ 03 ቀበሌ ሲዘዋወር መሆኑንም ቢሮው ገልጿል።

የጦር መሳሪዎቹ በቁጥጥር ስር የዋሉት በህብረተሰቡ ጥቆማ ፖሊስ ባደረገው ክትትል ነው ተብሏል።

አዘዋዋሪዎቹ በቁጥጥር ስር ውለው የማጣራት ስራ እየተከናወነ መሆኑንም የክልሉ ሰላምና ፀጥታ ቢሮ አስታውቋል።

የፌዴራል ፖሊስ በበኩሉ ፥ " ህገ ወጥ የጦር መሳሪያዎቹ ለኦነግ ሸኔ ተላላኪዎች በተለይም ራሱን የጋምቤላ ነፃነት ግንባር (ጋነግ) ብሎ ለሚጠራው ድርጅት ለማስተላለፍ ሲሞክር ነው የታያዘው" ብሏል።

በቁጥጥር ስር ከዋሉት ህገወጥ የጦር መሳሪያዎች "ላውንቸር" የቡድን መሳሪያ እንጂ በግለሰብ የሚያዝ እንዳልሆነ ፖሊስ አስረድቷል። ይህ መሳሪያ ምሽግ ለመስበር፣ ተሸከርካሪና ትልልቅ ህንፃዎችን ለማውደም የሚያገለግል ነው።

* በጋምቤላ ክልል ባለፉት 3 ወራት 61 ህገ ወጥ የጦር መሳሪያና በርካታ ተተኳሽ ጥይቶች በቁጥጥር ስር ውለዋል ከክልሉ ሰላምና ፀጥታ ቢሮ በተገኘው መረጃ።

Credit : ጋምቤላ ፕሬስ ሴክሬተሪያት

@tikvahethiopia

#Bahridar : በባህር ዳር ከተማ ከግለሰብ ቤት ውስጥ ህገወጥ የጦር መሳሪያ ተያዘ።

በዳግማዊ ሚኒሊክ ክፍለ ከተማ ልዩ ቦታው ማር ዘነብ ቀበሌ ሲቱ ዋርካ አካባቢ በአንድ ተጠርጣሪ ቤት ፖሊስ ባደረገው ድንገተኛ ፍተሻ ፦
• 3676 የክላሽ ጥይት፣
• 1288 የመትረየስ ጥይት፣
• 3 ክላሽንኮፍ ጠመንጃ እና 20 የተለያዩ ሽጉጦች ከመሰል ጥይቶቻቸው ጋር መያዙን የ9ኛ ዋና ፖሊስ ጣቢያ የማህበረሰብ አቀፍ ወንጀል መከላከል ክፍል አሳውቋል።

ፖሊስ ህገወጥ የጦር መሳሪያውን በድንገተኛ ፍተሻ ሊይዝ የቻለው ከህብረተሰቡ በደረሰው ጥቆማ መሆኑን ገልጿል።

Credit : አማራ ፖሊስ

@tikvahethiopia

#EZEMA : ዛሬ በኮንሶ ዞን የሽግግር ምክር ቤት እንዲሁም በጋሞ ዞን ምክር ቤት በነበረው ጉባኤ ላይ 2 የኢዜማ አባላት በዞን ስራ አስፈፃሚነት ሹመት ተሰጥቷቸዋል።

በኮንሶ ዞን የኢዜማ ፓለቲካ ፓርቲ ሊቀመንበር አቶ አቤል ለሚታ የኮንሶ ዞን ወጣቶችና ስፓርት መምሪያ ኃላፊ ሆነው ተሹመዋል።

በጋሞ ዞን አስተዳደር ደግሞ አቶ መለሰ ጮራ የዞኑ የሳይንስና ቴክኖሎጂ መምሪ ኃላፊ ሆነው ተሹመዋል።

@tikvahethiopia