#NationalExam

"...በፈተናው ዙሪያ ችግር ለመፍጠር የሚንቀሳቀስ ማንኛውንም አካል አንታገስም" - የአማራ ክልል ፖሊስ ኮሚሽን ኮሚሽነር አበረ አዳሙ

የአማራ ክልል ፖሊስ ኮሚሽን ኮሚሽነር አበረ አዳሙ የካቲት 29/2013 በሚጀምረው የ12ኛ ክፍል ፈተና ዙሪያ በክልሉ ችግር ለመፍጠር የሚንቀሳቀስ ማንኛውንም አካል አንታገስም አሉ።

ኮሚሽነር አበረ አዳሙ ይህን ያሉት ዛሬ በባህርዳር በነበረ የ12ኛ ክፍል ብሄራዊ ፈተና ላይ ትኩረት ያደረገ የምክክር መድረክ ላይ ነው።

ኮሚሽነሩ የክልሉን ሰላም የማይፈልጉ አካላት ፈተናውን እንዳያደናቅፉ በቅንጅትና በልዩ ትኩረት ይሰራልም ብለዋል።

በተጨማሪ ተማሪዎች የረጅም አመት ውጤታቸውን የሚያዩበት ጊዜ በመሆኑ የፀጥታ መዋቅሩ በልዩ ትኩረት ይሰራል ሲሉ ተናግረዋል።

በተለይም የጸጥታ ችግር ባለባቸው አካባቢዎች ልዩ የፀጥታ ሀይል ስምሪት ይደረጋል ያሉ ሲሆን የፀጥታ ተቋሙ ችግሮች ሲፈጠሩ ፈጣን ውሳኔዎችን መስጠት ይገባል ብለዋል፡፡

ፈተናውን የሚያውኩ ማንኛውም መረጃ ፈጥኖ ለፖሊስ አካላት መስጠት ከህብረተሰቡ የሚጠበቅ ተግባር መሆኑን ገልፀዋል፡፡

በዛሬው የምክክር መድረክ ተማሪዎች በማህበራዊ ሚዲያ የሚናፈሱና ትክክለኛ ምንጫቸው ከማይታወቁ መረጃዎች ራሳቸውን በመጠበቅ የተዘጋጁበትን ፈተና እንዲፈተኑ ጥሪ ቀርቧል።

በ2012 ዓ.ም በኮሮና ቫይረስ (ኮቪድ-19) ወረርሽኝ ምክንያት ሳይሰጥ የቀረው የ2012 ዓ.ም የ12ኛ ክፍል ብሄራዊ ፈተና ሊሰጥ 10 ቀናት ብቻ ቀርቶታል።

@tikvahethiopiaBot @tikvahethiopia

#AddisAbaba

"የወጣቶች ተሳትፎ ለብሄራዊ መግባባት እና ለመጪው ምርጫ" በሚል እዕስ ነገ ቅዳሜ ጥዋት 3 ሰዓት በብሄራዊ ትአትር መዘጋጀቱ አዘጋጆቹ ገልፀውልናል።

የመግቢያ ካርዱ በከተማዋ ውስጥ በሚገኙ የተለያዩ መደብሮች ማግኘት እንደሚቻል የተነገረ ሲሆን በመድረኩ ዶ/ር ብርሃኑ ሌንጂሶ ፣ ዶ/ር መስከረም ገስጥ፣ ፓስተር ፃድቁ አብዶ ፣ ዶ/ር ወዳጄነህ መሃረነ፣ ኡስታዝ አቡበክር አህመድ፣ መጋቢ ሀዲስ እሸቱ አለማየሁ ይገኛሉ።

ይህን መድረክ ያዘጋጀው ዓለም አቀፍ ማነቃቃት አገልግሎት ነው።

በሌላ መረጃ ፦

አፍሪካን ሞዛይክ ኤዲት (EDIT) የተሰኘ ትኩረቱን በፋሽን ላይ ያደረገ መጽሔት ታትሞ ለንባብ ሊበቃ መሆኑን አዘጋጆቹ በላኩልን መልዕክት ገልጸውልናል። መጽሔቱ ለብዙዎች ተደራሽ እንዲሆን በእንግሊዝኛ እና አማርኛ ቋንቋዎች ተዘጋጅቶ ለንባብ የሚበቃ ነውም ተብሏል።

76 የገጽ ብዛት ያሉት መጽሔቱ በአመት ሁለት ጊዜ በሦስት ሺ ቅጂ (1500 አማርኛ 1500 እንግሊዝኛ) ታትሞ ለገቢያ እንደሚቀርብ ከአዘጋጆቹ ሰምተናል።

ላለፉት 2 አመት ዝግጅት የተደረገበት መጽሔቱ የፊታችን ቅዳሜ የሚመረቅ ሲሆን የመጽሔቱን ምርቃት ተከትሎ እሁድ ለገጣፎ በሚገኘው የአፍሪካ ሞዛይክ ግቢ ውስጥ የተለያዩ ዝግጅቶች ተሰናድተዋል።

ለበለጠ መረጃ 0970231639 ላይ ማግኘት ይችላሉ።

@tikvahethiopiaBot @tikvahethiopia

አቶ ስብሀት ነጋ በግል ሀኪማቸው እንዲታከሙ ፍርድ ቤት አዘዘ!

(በዋዜማ ሬድዮ ጣቢያ)

የፌደራል የመጀመርያ ደረጃ ፍርድ ቤት አራዳ ምድብ 1ኛ የጊዜ ቀጠሮ ወንጀል ችሎት ዛሬ ረፋድ ላይ ተሰይም የእነ ስብሀት ነጋ እና ሌሎች 2 መዝገቦችን ተመልክቷል።

አቶ ስበሀት ህክምና እንደሚያስፈልጋቸው የገለፁት ጠበቆች ከዚህ ቀደም በፖሊስ ሆስፒታል ቢታከሙም ከህመማቸው አንፃር የሚመጥን እንዳልነበር አስረድተዋል።

በመሆኑም ከዚህ በፊት ክትትል ያደርጉበት በነበረው አዲስ ህይወት ሆስፒታል እንዲታከሙ እንዲፈቅድ ችሎቱን ጠይቀዋል።

የህገመንግስቱ አንቀፅ 21/2 መሰረት ተጠርጣሪው በግል ሀኪም ቢታከሙ የሚከለክል ሁኔታ አላየሁም ያለው ችሎቱ የግል ሀኪማቸው የህክምና መሳሪያዎቹን ይዞ ባረፉበት ቦታ እንዲያክማቸው አዟል።

የህመማቸው ሁኔታ ከፍተኛ መሳሪያውችን የሚጠይቅ ከሆነ ደግሞ ሀኪማቸው በችሎት ቀርቦ ቃለመሀላ ከፈፀመ በኋላ አስፈላጊው እጀባ ተደርጎላቸው በሆስፒታል ሆነው እንዲታከሙ ትዕዛዝ ሰጥቷል።

ይህ የማይሆን ከሆነ የይግባኝ አቤቱታ የማቅረብ መብታቸውም የተጠበቀ መሆኑን ችሎቱ አሳስቧል።

በሌባ በኩል የፌደራል ፖሊስ ባለፉት የምርመራ ቀናት የ85 ምስክሮችን ቃል መቀበሉን እና የጦር መሳሪያዎችን ማሰባሰቡን ለችሎቱ ገልጿል።

ሆኖም ተጨማሪ የምርመራ ስራዎች ስለሚቀሩት 14 ተጨማሪ ቀናት ጠይቋል።

የተጠርጣሪ ጠበቆች ምርመራው በጅምላ መሆን የለበትም በማለት ተቃውመዋል።

ይህን ሁሉ ጊዜ ለምርመራ ከተሰጠ በኋላ አሁንም በጅምላ ጊዜ ቀጠሮ መጠየቅ የለበትም ብለዋል።

ማን ምን አይነት ወንጀል እንደፈፀመ በግልፅ ሊቀመጥ ይገባል በማለት ተከራክረዋል። ፖሊስ የእያንዳንዱን ወንጀል ለይቶ እንዲያቀርብ ትዕዛዝ የሰጠው ችሎቱ ተጨማሪ 13 ቀን ፈቅዷል።

@tikvahethiopiaBot @tikvahethiopia