በኢትዮጵያ ያለው የኮቪድ-19 ስርጭት አሳሳቢ ነው፤ እጅግ ከፍተኛ ጥንቃቄ ይደረግ!

በኢትዮጵያ በኮቪድ-19 ምክንያት የሚሞቱ ሰዎች ቁጥር፣በበሽታው የሚያዙ ሰዎች ቁጥር እና በፀና የሚታመሙ ሰዎች ቁጥር በየዕለቱ በእጅጉ እያሻቀበ ነው።

ባለፉት 24 ሰዓታት ውስጥ የ12 ሰዎች ህይወት ሲያልፍ ከተደረገው 6,089 የኮቪድ-19 የላብራቶሪ ምርመራ ደግሞ 977 ሰዎች በበሽታው መያዛቸው ተረጋግጧል።

ትላንት 387 ሰዎች ከበሽታው አገግመዋል።

ኮቪድ-19 ወረርሽኝ በኢትዮጵያ ከተከሰተበት ጊዜ አንስቶ 155,234 ሰዎች በቫይረሱ ሲያዙ ከነዚህ መካከል ፣2,316 ሰዎች ሞተዋል፤ 133,438 ሰዎች ከበሽታው አገግመዋል።

አሁን ላይ 386 ሰዎች በፀና ታመው በህክምና ክትትል ላይ ይገኛሉ።

#Purpose #Tikvah
@tikvahethiopiaBot @tikvahethiopia

ከዋጋ ንረቱ በተጨማሪ የሚዛን ጉድለት ለሸማቹ ትልቅ ፈተና መሆኑ ተገለጸ !

ምክንያታዊ ያልሆነ የሸቀጦችና የምግብ ነክ ዋጋ ጭማሪ ከሚዛን ጉድለት ጋር ተደምሮ ህብረተሰቡን እያማረረ መሆኑን የንግድ ውድድርና ሸማቾች ጥበቃ ባለስልጣን ለኢትዮጵያ ፕሬስ ድርጅት አስታውቋል፡፡

በባለስልጣን መስሪያ ቤቱ፥ አሁን እየተስተዋለ ያለው የዋጋ ግሽበት በአመዛኙ ሰው ሰራሽ ነው ብሏል። እራሱ ባለስልጣን መስሪያ ቤቱን ጨምሮ ሌሎች ባለድርሻ አካላት በጉዳዩ ዙሪያ በቅንጅት ባለመስራታቸው ችግሩ እየተባባሰ መጥቷልም ብሏል።

ከዋጋ ንረቱ በተጨማሪ በጣም ያልዘመኑ /አናሎግ/ ሚዛን ላይ ከፍተኛ የማጭበርበር ሥራ እንደሚሰራ ባለስልጣን መ/ቤቱ በጥናት እንደተረጋገጠ አሳውቋል።

አንዳንድ ነጋዴዎች የኪሎውን መያዣ ብረትና ከኪሎው ስር የሚወተፈው ማግኔት በማውጣት በእያንዳንዱ ሸቀጥ ላይ ከመቶ እስከ ሁለት መቶ ግራም እንደሚያጨበረብሩ በጥናቱ መለየቱን ተገልጿል።

የጥናቱን ውጤት ተከትሎ በተደረገ ክትትል ችግሩ በተገኘባቸው ወፍጮ ቤቶችና ሱቆች ላይ ህጋዊ እርምጃ መወሰዱን መስሪያ ቤቱ ጠቁሞ ሚዛኖች ዲጅታል እንዲሆኑ መግባባት ላይ ተደርሶ አንዳንድ ስጋ ቤቶችና አትክልትና ፍራፍሬ መሸጫ ሱቆች ተግባራዊ ቢያደርጉም የነበረው ቅንጅታዊ አሰራር በመላላቱ ምክንያት አሁን ላይ ሚዛን ላይ የሚደረገው ክትትል ያለበት ደረጃ ለመግለጽ ያስቸግራል ተብሏል።

ምንም እንኳ በአንዴ ሁሉን ሚዛኖች ወደ ድጅታል መቀየር አስቸጋሪ ቢሆንም ያለውን ሚዛን መከታተልና ቁጥጥር ማድረግ በንግድ ላይ የሚታየውን የሚዛን ጉድለት ህገ ወጥነት ለመከላከል በጋራ መሰራት እንደሚገባ መስረያ ቤቱ አመልክቷል። (ኢፕድ)

@tikvahethiopia @tikvahethiopiaBOT

#OrangeDigitalCenterEthiopia

ኦሬንጅ የዲጂታል ማዕከል (ኦዲሲ) የምረቃ ስነስርዓት ዛሬ በአይሲቲ ፓርክ እየተካሄደ ይገኛል።

አዲስ አበባ በ "አይሲቲ ፓርክ" ውስጥ በ500 እስኩዌር ሜትር ላይ የሰፈረው ኦሬንጅ የዲጂታል ማዕከል (ኦዲሲ) በምሥራቅ አፍሪካ የመጀመሪያው ሲሆን ኦሬንጅ እየሰራ ከሚገኝባቸው 32 ሀገራት ማለትም በአውሮፓ፣ በመካከለኛው ምሥራቅ እና አፍሪካ አህጉራት አንዱ አካል ነው።

ማዕከሉ ለወጣቶች ነፃና ክፍት የሆኑ ፤ አዳዲስ ቴክኖሎጂዎችን በማቅረብ ፣ ሥራ ፈጣሪዎችን በመደገፍ እና የንግድ ሐሳባቸውን እንዲያጎለብቱ በማድረግ ብቁ የሆኑ ሐሳቦች ላይ መዋዕለ ንዋይ በማፍሰስ የሚደግፍ ይሆናል ተብሏል።

በውስጡም የኮዲንግ ማሰልጠኛ ማዕከል ፣ የኦሬንጅ ፋውንዴሽን ፋብላብ ሶሊዴር፣ ስታርትአፕ አክሲለሬተር እንዲሁም ኦሬንጅ ቬንቸር አፍሪካ የመዋዕለ ንዋይ ድጋፍ የሚመቻችበት ፕሮግራሞችን አቅፎ የያዘ ነው።

@tikvahethiopiaBot @tikvahethiopia

የኢዜማ አባላቶቼ ተደበደቡብኝና ታሰሩብኝ ክስ የመንግስት ምላሽ ፦

የኢትዮጵያ ዜጎች ለማህበራዊ ፍትህ ፓርቲ ከአስራ አንድ በላይ የሚሆኑ የፓርቲው አባላት በደቡብ ክልል ኮንሶ ዞን የምርጫ ቅስቀሳ በማድረግ ላይ እያሉ ድብደባ እንደተፈፀመባቸውና ለቀናት መታሰራቸው በኃላም ከእስር መፈታታቸውንአስታውቋል።

ኢዜማ የህዝብ ግንኙነት ኃላፊ አቶ ናትናኤል ፈለቀ፥ "ባለን መረጃ የካቲት 4 የመንግስት የድጋፍ ሰልፍ ይደረግ ነበር በኃላም ይህ ሰልፍ ተሰርዞ ምርጫ ቅስቀሳ እንዲደረግ በተያዘለት ጊዜ ሲደረግ ኢዜማ የምርጫ ቅስቀሳ ከማድረግ ተቆጥቦ ሰልፉ ከተካሄደ በኃላ ነው ወደ ቅስቀሳ የገቡት ከዚህ በኃላ ነው እስርና ድብደባው በአባላቶቻችን ላይ የደረሰው" ብለዋል።

የፓርቲው አባላት ሲታሰሩ የኢዜማን አርማ መያዛቸውን፣ የፓርቲውን የምርጫ ምልክት ያለበት ቲሸርትም ለብሰው እንደነበር በኮንሶ ዞን የኢዜማ ምክትል ሊቀመንበር ገልፀዋል።

ምክትል ሊቀመንበሩ ፥ የአካባቢው ፀጥታ አካላት የኢዜማን ቲሸርት የለበሱ አካላትን እየቀጠቀጡ እና እየደበደቡ ነበር ብለዋል ፤ አንደኛው የኢዜማን ቲሸርት የለበሰ ሃኪምም በሳንጃ ሁሉ ተወግቷል ሲሉ ገልፀዋል።

መንግስት በኢዜማ አባላት ላይ በማህበራዊ ኑሮ ላይ ሳይቀር ከፍተኛ ጫና እያዳደረ መሆኑንም አብራርተዋል። ሁኔታው አሳሳቢ መሆኑ አሳውቀዋል።

"እነሱ በየአዳራሹ ቅስቀሳ ያደርጋሉ ፣ ቀበሌዎች ላይም በመንግስት ሃብት (ሞተር እና መኪና) እንደልባቸው እየተንቀሳቀሱ ቅስቀሳ ያደርጋሉ እኛ ግን በራሳችን ፅ/ቤታችን እንኳን እንዳንሰበሰብ ሊያደርጉን ነው" ብለዋል።

የታሰሩት የኢዜማ አባላት ማክሰኞ እለት ተፈተዋል።

የኮንሶ ዞን የሰላም እና ፀጥታ መምሪያ ኃላፊ አቶ ሃሰን ወላሎ ፥ በኢዜማ ምርጫ ቅስቀሳ ምክንያት የታሰረ ሰው የለም ብለዋል። ነገር ግን መንግስት ፈርሷል እያሉ ኢ-ህገመንግስታዊ የሆነ ሰንደቅ ዓላማ በመያዝ በአደባባይ ሲያውጁ/ሁከትና ብጥብጥ ለመቀስቀስ ሲጥሩ የነበሩ ግለሰቦች እንደነበሩ ገልፀዋል።

#EthiopiaElection2013

https://telegra.ph/EZEMA-02-25

የነፃነት እና እኩልነት ፓርቲ የምርጫ እንቅስቃሴ ፦

ነፃነት እና እኩልነት ፓርቲ የምርጫ ቅስቀሳውን ማካሄድ መጀመሩን የፓርቲው ሊቀመንበር አብዱልቃድር አደም ገልፀውልናል።

ፓርቲው የምርጫ ቅስቀሳ የጀመረው በአዲስ አበባ ከተማ ሲሆን በጎዳና ላይ የምርጫ ቅስቀሳ አድርጓል።

በቀጣይ በስፋት በሀገር አቀፍ ደረጀ ወደ ምርጫ ቀስቀሳ እንደሚገባ ዶ/ር አብዱልቃድር አሳውቀውናል።

ነፃነት እና እኩልነት ፓርቲ አሁን ላይ የእጩ የማስመዝገብ ስራ ላይ በትኩረት እየሰራ ነው። በየክልሉ ያሉት የፓርቲው አደረጃጀቶችን ሰፊ ትኩረት ሰጥተው እየሰሩ የሚገኙት በዚሁ በእጩ የማስመዝገብ ስራ ላይ ነው።

ጎን ለጎን እንዲሁም ምዝገባው እንዳለቀ ነፃነት እና እኩብነት ፓርቲ በሰፊው የምርጫ ቅስቀሳ ለመስራት ዝግጅት እያደረገ ይገኛል።

ነፃነት እና እኩልነት ፓርቲ የአዲስ አባባ ቅስቀሳ እንዴት ነበር ?

ነፃነት እና እኩልነት ፓርቲ የምርጫ ቅስቀሳ በጀመረበት አዲስ አበባ ይሄ ነው ተብሎ የሚገልፅ ምንም አይነት ችግር እንዳልገጠመው አሳውቆናል።

ቅስቀሳው በሁሉም ክ/ከተማ በሰላማዊ እና በተሳካ ሁኔታ ነው የተካሄደው።

ነገር ግን ፓርቲው ከወዲሁ ወደክልል በሚወርድበት ጊዜ ችግር ይገጥመኛል የሚል ስጋት አለው ይህም የመነጫው አሁን ላይ ሌሎች ፓርቲዎች ችግር እየገጠመን ነው በማለት ሪፖርት እያደረጉ በመሆኑ ነው።

በሌላ በኩል ፦

በርከት ያሉ የቲክቫህ አባላት ነፃነት እና እኩልነት ፓርቲ ለምንድነው በስፋት በሚዲያዎች ላይ የማናገኘው ? የሚል ጥያቄ አንስተው ጥያቄ አቅርበዋል ፤ ለዚህም የፓርቲውን ሊቀመንበር ዶ/ር አብዱልቃድርን ምላሽ እንዲሰጡን ጠይቀናል።

ዶክተር አብዱልቃድር፥ ነፃነት እና እኩልነት ፓርቲ ባሉት የሚዲያ አማራጮች እንደሚንቀሳቀስ ገልፀዋል ፤ ነገር ግን የፖለቲካ ጉዳይ ጥንቃቄ የሚፈልግ በመሆኑ ፓርቲው በሚዲያ ወጥቶ ወደህዝብ የሚያስተላልፈው መልዕክት በህዝብ ላይ ችግር የሚፈጥር እንዳይሆን ከፍተኛ ጥንቃቄ እንደሚያደርግ አብራርተዋል።

#EthiopiaElection2013 #TikvahEthiopia

https://telegra.ph/Freedom--Equality-Party-02-25

በትግራይ የእርዳታ እህል በህገ-ወጥ መንገድ ወጥቶ ሊጓጓዝ ሲል በቁጥጥር ስር ዋለ !

የፌዴራል መንግስት ለሽሬ ከተማ እና ለአካባቢዋ ነዋሪዎች ዕርዳታ እንዲውል የላከው ከ800 ኩንታል በላይ እህል በህገ-ወጥ መንገድ ወጥቶ ሊጓጓዝ ሲል በቁጥጥር ስር መዋሉን በአስቸኳይ ጊዜ አዋጅ የሽሬ ከተማ የጸጥታ ስምሪት ማስታወቁን ኢዜአ ዘገበ።

የኢዜአ ዘገባ እህሉ ወዴት ሊጓጓዝ እንደነበር ግን አይገልፅም።

ከዚህ ህገ-ወጥ የሆነ ድርጊት ጋር ግንኙነት አላቸው ተብለው የተጠረጠሩ 10 ሰዎች በቁጥጥር ስር መዋላቸውም ተገልጿል፡፡

ለትግራይ ተልኮ ወደ ሌላ ቦታ ሊጓጓዝ የነበረው እህል በቁጥጥር ስር የዋለው ለመከላከያ ሃይል በተሰጠው ጥቆማ መሰረት መሆኑን በአስቸኳይ ጊዜ አዋጅ የሽሬ ከተማ የጸጥታ ስምሪት ሃላፊ ሻለቃ አብርሃም አረሩ ተናግረዋል።

ከወንጀሉ ጋር የተጠረጠሩ ሰባት ግለሰቦችንና ሶስት አሽከርካሪዎች በቁጥጥር ስር መዋላቸው ተገልጿል።

@tikvahethiopiaBot @tikvahethiopia

ጥናት ፦

በፋይዘር እና ባዩንቴክ የተሰራው የኮቪድ-19 ክትባት ፣ እየተከተቡ ባሉ ሰዎች ላይ ቀደም ብሎ በሙከራው ወቅት ያስመዘገበውን ዓይነት ውጤታማነት እያሳየ መሆኑን አንድ አዲስ ጥናት አመለከተ።

የእስራኤል "ክሌሊት የምርምር ተቋም" ተመራማሪዎች ባካሄዱት አንድ ነጥብ ሁለት ሚሊዮን ሰዎች ያሳተፈ ጥናት እንደገለጠው ሁለት ጊዜ የሚሰጠው የፋይዘር ክትባት በማናቸውም የዕድሜ ክልል ውስጥ ያሉ ክትባቱን የወሰዱ ሰዎች በቫይረሱ የህመም ስሜት በሚያመጣ ደረጃ እንዳይጠቁ በማድረግ ረገድ 94 ከመቶ ውጤታማነት አሳይቷል።

አንዷን ብቻ ክትባት ለወሰዱ ሰዎች፤ 57 ከመቶ ቫይረሱን የመከላከል ዓቅም ሰጥቷቸዋል።

በአቻ ተመራማሪዎች ተገምግሞ 'በኒው ኢንግላንድ የህክምና መጽሄት' ላይ የወጣው ይህ የእስራኤሉ ጥናት በሃገር አቀፍ የኮቪድ19 ክትባት መርሃ ግብር ላይ ያተኮረ ግምገማ ሲካሄድ የመጀመሪያ መሆኑን ቪኦኤ በድረገፁ አስነብቧል።

@tikvahethiopiaBot @tikvahethiopia

የፊታችን ቅዳሜ ፐብሊክ ሴሚናር በአ/አ ይካሄዳል።

"ኢትዮጵያ በእምነትና በእውነት መንገዶች" በሚል ርዕስ የፊታችን ቅዳሜ በዋቢ ሸበሌ ሆቴል ፐብሊክ ሴሚናር ማዘጋጀታቸውን አድሜሽ መፅሃፍትና ኢቨንት ኦርጋናይዘር እና ማህበረ-ሰብዓዊ አሳውቀውናል።

ሴሚናሩ በዋቢ ሸበሌ ሆቴል የሚደረግ ሲሆን መግቢያ 200 ብር መሆኑ ነው የተገለፀው።

በዚህ ፐብሊክ ሴሚናር ላይ የተለያዩ ቁልፍ የውይይት ሃሳቦች ይነሳሉ የተባለ ሲሆን አበባው አያሌው (የታሪክ ምሁርና መምህር) ፣ ጤንነት ሰጠኝ (ደራሲና የማዕከለ-ሰብ ጥበቦች ተመራማሪ) በአቅራቢነት ይሳተፉበታል ተብሏል።

የሴሚናሩ አላማ ነፃ የዕይታ አማራጮች እንዲሰፉ መደላድል በመፍጠር፣ ሀገር-በቀል የሆኑ ሐሳቦችን በማስተዋወቅ የራሱ አቋም ያለው ህብረተሰብ እንዲፈጠር የራሱን አስተዋፅኦ ማድረግ ነው ብለዋል አዘጋጆቹ።

@tikvahethiopiaBot @tikvahethiopia