#FDREDefenseForce

ዛሬ የሀገር መከላከያ ሠራዊት ህብረት ስልጠና ዋና መምሪያ ከመላው ኢትዮጵያ በመመልመል ሲያሰለጥናቸው የቆየውን ምልምል ወታደሮች አስመርቋል።

ምልምል ወታደሮቹ ሁርሶ፣ ጦላይና ብርሸለቆ በሚገኙ የወታደራዊ ማሰልጠኛዎች ስልጠናቸውን ያጠናቀቁ ናቸው።

ሰልጣኞቹ በፍላጎታቸው ወደ መከላከያ ሰራዊት በመቀላቀልና መስፈርቱን በሟሟላት በዛሬው ዕለት በየማሰልጠኛ ተቋሙ ተመርቀዋል።

ተመራቂ ምልምል ወታደሮቹ የአካል ብቃት ፣የተኩስና የስልት ስልጠናዎችን በመውሰድ ከፍተኛ አቅም መገንባታቸውን በተግባር ማሳየታቸው ተገልጿል።

@tikvahethiopia

#LemiKura

1.8 ሚሊዮን ብር የሚገመት ለገና በዓል የሚዉል ቁሳቁስ ለአቅመ ደካማ ወገኖች በስጦታ መልክ ተበረከተ።

ድጋፉ በለሚ ኩራ ክ/ከተማ የወጣቶችና በጎ ፍቃድ ማስተባበሪያ ጽ/ቤት አስተባባሪነት ነው የተደረገው።

ድጋፉ በክፍለ ከተማው እና በወረዳዉ ያሉ አመራሮች እና ሰራተኞችን በማስተባበር የተደረገ መሆኑ ፅ/ቤቱ ለቲክቫህ ገልጿል።

የለሚ ኩራ ክ/ከተማ ከፍተኛ አመራሮች ፤ የወረዳ አመራሮች እና ሌሎች ባለድርሻ አካላት በተገኙበት ነው የገና በዓል ስጦታው የተበረከተው።

@tikvahethiopia

#AddisAbabaPoliceCommission

የአዲስ አበባ ፖሊስ ኮሚሽን የገና በዓል በሠላም እንዲከበር አስፈላጊውን ዝግጅት ማጠናቀቁን አስታውቋል።

ኮሚሽኑ “የመዲናዋን ሠላምና ጸጥታ ለማስከበር ከወጣቶች ጋር እየሰራሁ ነው” ብሏል።

ኅብረተሰቡ በዓሉን በሠላማዊ ሁኔታ እንዲያከብር ለማድረግ ከሃይማኖት አባቶችና ከወጣቶች ጋር ውይይት እንደተካሄደ አሳውቋል።

ፖሊስ የወቅቱን የፀጥታ ሁኔታ ግምት ውስጥ ያስገባ ጥበቃ እየተደረገ እንደሚገኝ አሳውቆ ፥ ሕዝቡ በዓሉን ለማክበር ሲንቀሳቀስ ስጋት እንዳይገባው እየሰራን ነው ብሏል።

የከተማዋ ነዋሪዎች በዓሉ በሠላም እንዲከበር ከፖሊስ ጋር መተባበር ይጠበቅባቸዋል ተብሏል። ~ ENA

@tikvahethiopia @tikvahethiopiaBOT

ለራያ ዩኒቨርስቲ ነባር መደበኛ ተማሪዎች ጥሪ ተደረገ።

የራያ ዩኒቨርስቲ ጥር 15 እና 16 ቀን 2013 ዓ.ም የመደበኛ ተማሪዎች ምዝገባ እንደሚያካሂድ አሳውቋል፡፡

ተማሪዎች በተጠቀሱት ቀናት ተገኝተው ምዝገባ እንዲያካሂዱ ማሳሰቢያ የተላለፈ ሲሆን መደበኛ ትምህርት ጥር 17 ቀን 2013 ዓ.ም እንደሚጀምር ተገልጿል።

@tikvahethiopia

#Egypt #Sudan

በግብፅ እና ሱዳን ጉብኝት ለማድረግ ወደ አፍሪካ የገቡት የአሜሪካው የግምጃ ቤት ኃላፊ ስቴቨን ምኑቺን ካርቱም መግባታቸውን የሱዳን ዜና አገልግሎት ዘግቧል፡፡

ስቴቨን ምኑቺን ካርቱም ሲደርሱ በሱዳን የገንዘበና ኢኮኖሚ ዕቅድ ሚኒስትር ዶ/ር ሂባ መሐመድ አሊ እና በሱዳን የአሜሪካ አምባሳደር አቀባበል እንደተረገላቸው ተገልጿል፡፡

ምኑቺን ትናንት ከግብፁ ፕሬዚዳንት አብዱል ፋታህ አልሲሲ ጋር በካይሮ ተወያይተዋል።

በካርቱም ቆይታቸው ከሉዓላዊ የሽግግር ምክር ቤት ሊቀ መንበር አብዱል ፋታህ አል ቡርሃን እና ከጠቅላይ ሚኒስትር አብደላ ሃምዶክ (ዶ/ር ) ጋር እንደሚወያዩ ይጠበቃል፡፡

ምኑቺን ትናንት በግብፅ ከሀገሪቱ ፕሬዚዳንት አብዱል ፋታህ አልሲሲ ጋር ኢትዮጵያ በዓባይ ወንዝ ላይ እየሰራችው ባለው የሕዳሴ ግድብ ሰሞነኛ ጉዳዮች ዙሪያ መወያየታቸውን የፕሬዚዳንቱ ጽ/ቤት ገልጿል።

ምኑቺን በሱዳን ቆይታቸውም እንዲሁ በግብፅ እንዳደረጉት ሁሉ ስለ ሕዳሴ ግድብ ድርድርና ቀጣናዊ ጉዳዮች ላይ እንደሚወያዩ ተገልጿል፡፡

በተጨማሪም የሱዳንን ወቅታዊ ሁኔታ በተመለከተ ውይይት እንደሚኖራቸው ይጠበቃል፡፡

ስቴቨን ምኑቺን የሕዳሴ ግድብ ድርድር በአሜሪካ ሲደረግ ፣ ከታዛቢነት ሚናቸው አልፈው ፣ ድርድሩን በሦስተኛ ወገንነት ሲመሩ እንደነበር የሚታወቅ ነው፡፡

በአሜሪካ ግምጃ ቤት የተዘጋጀውን ሰነድም ኢትዮጵያ እና ሱዳን አንፈርምም ማለታቸው ይታወሳል፡፡ ~ ኣል ዓይን ኒውስ

@tikvahethiopia

የትላንት ለሊቱ የእሳት አደጋ ...

አደጋው የደረሰበት ቦት እና ሰዓት ፦

• አ/አ ቂርቆስ ክፍለ ከተማ ወረዳ 11 መኮንኖች ክበብ በሚባለው አካባቢ ከሌሊቱ 8 ሰዓት ገደማ።

የደረሰው ጉዳት ፦

• 2 ሚልዮን 300 ሺህ ብር የሚገመት ንብረት ወድሟል። አደጋው በአንድ እንጨት ቤት፣ ጋራዥ ቤት እና በቶርኖ ቤት ላይ ከፍተኛ ጉዳት አድርሷል።

በጋራዡ ውስጥ ከነበሩት 5 መኪኖች መካከል ሁለቱ ሙሉ ለሙሉ ሲወድሙ 3ቱ ከፍተኛ ጉዳት ደረሶባቸዋል።

በእሳት አደጋው በሰው ህይወት ላይ የደረሰ ጉዳት የለም።

እሳቱን ለጥፋት የተደረገው ስራ ፦

እሳቱን ለማጥፋት በተደረገ ርብርብ 26 ሚልዮን ብር የሚገመት ንብረት ለማዳን ተችሏል።

አደጋውን ለመቆጣጠር 9 የእሳት ማጥፊያ መኪኖች አገልገሎት ሰጥተዋል።

የአደጋው ምክንያት ፦

የእሳት አደጋው መንስኤ ገና በመጣራት ላይ ነው።

ምንጭ፦ የአዲስ አበባ የእሳትና አደጋ ስጋት ስራ አመራር ኮሚሽን ፣ ኢዜአ

PHOTO : COSTA (Tikvah Family)
@tikvahethiopia @tikvahethiopiaBOT

አሁንም ስደተኞች ወደ ሱዳን እየገቡ ነው።

UNHCR አሁንም ስደተኞች ከኢትዮጵያ ትግራይ ክልል ወደ ሱዳን እየገቡ ነው አለ።

በቅርቡ ወደ ሱዳን ከተሰደዱት ሰዎች መካከል ደግሞ የመጀመሪያዎቹን ወደ አዲስ የስደተኞች ማቆያ ማዘዋወሩን ገልጿል።

2021 በገባ ጥቂት ቀናት 800 የሚደርሱ ሰዎች ድንበር ተሻግረው ወደ ምሥራቃዊ ሱዳን የገቡ መሆኑን ድርጅቱ አሳውቋል።

ከኅዳር ወር ጀምሮ ከ56 ሺህ በላይ ስደተኞች ከኢትዮጵያ ወደ ሱዳን መሰደዳቸውንም UNHCR አስታውሷል።

በቅርቡ የደረሱት ስደተኞች በጦርነት መካከል መንቀሳቀስ ሳይችሉ የቆዩ ፣ በተለያዩ ታጣቂ ቡድኖች ጥቃት የደረሰባቸው እና ቤታቸው የተዘረፈ ፣ ያለፈቃዳቸው ለውትድርና የተመለመሉ አዋቂ ወንዶች እና ልጆች እንዲሁም ወሲባዊ ጥቃት ያጋጠማቸው ሴቶች እና ልጃገረዶች ይገኙባቸዋል።

ድርጅቱ መግለጫ ላይ እንዳለው ወደ ሱዳን የደረሱት አዲሶቹ ስደተኞች ከያዟቸው ጥቂት ልብሶች ውጪ ምንም የሌላቸው ናቸው።

ለቀናት ባደረጉት ጉዞ የተጎሳቆሉና የደከሙ ናቸው ሲልም ገልጿል።

ከመካከላቸው ከ30 በመቶ የሚበልጡት ዕድሜያቸው ከ18 ዓመት በታች ሲሆን 5 በመቶው ደግሞ ከ60 ዓመት በላይ ናቸው።

ኡምራኩባ የስደተኞች ጣቢያ ሊሞላ መቃረቡን የገለጸው UNHCR ከአጋሮቹ ጋር በመሆን በድንበር ላይ ካሉ የመቀበያ ቦታዎች ስደተኞቹን ከገዳሪፍ ከተማ 136 ኪሎ ሜትሮች ርቆ ወደ የሚገኘው አዲስ ወደ ተከፈተው @ቱናይድባህ በፍጥነት ለማዘዋወር እየጣረ መሆኑን ገልጿል።

የስደተኞች መቀበያ ቦታዎቹ በበርካታ ሰዎች የተጨናነቁና ለድንበር ቅርብ በሆኑ ቦታዎች ላይ ስላሉ የስደተኞቹ ደኅንነትን ስጋት ውስጥ የሚጥሉ ናቸው ብሏል። ~ BBC

@tikvahethiopia @tikvahethiopiaBOT

#MoSHE

በፀጥታ ችግር ምክንያት ትምህርታቸውን ያቋረጡ ተማሪዎች ከአቻ (ባቻቸው) ጋር ጥሪ እንዲደረግላቸው ተባለ።

የሳይንስና ከፍተኛ ትምህርት ሚኒስቴር በ2012 ዓ.ም በፀጥታ ችግር ምክንያት ትምህርታቸውን ያቋረጡ ተማሪዎች ከአቻ (ባቾቻቸው) ጋር ጥሪ ይደረግላቸው ዘንድ ሁሉንም ዩኒቨርሲቲዎች አሳስቧል። ~ EHEISU

@tikvahethiopia @tikvahethiopiaBOT