በቻይና በአንድ ከተማ 9 ሚሊዮን ሰዎችን ኮቪድ-19 ልትመረምር እየተዘጋጀች ነው !

በምስራቋ የቻይና Qingdao ከተማ እሁድ 9 ሰዎች ላይ ኮሮና ቫይረስ መገኘቱትን ተከትሎ 9,000,000 የከተማው ነዋሪዎች እንደሚመረመሩ ተገልጿል።

በቫይረሱ መያዛቸው የተረጋገጠ ዘጠኙም ሰዎች ከውጭ ሀገር የሚገቡ የኮቪድ-19 ታጋላጮችን ከሚያክም አንድ ሆስፒታል ጋር ግንኙነት የነበራቸው መሆኑን የጤና ሚኒስቴሩን ጠቅሶ ቪኦኤ ዘግቧል።

@tikvahethiopiaBot @tikvahethiopia

በትግራይ ክልል ያጋጠመውን የአንበጣ መንጋ ለመከላከል ይረዳ ዘንድ ባለሃብቶች፣ የግል እና የመንግስት ተቋማት በርካታ ድጋፎችን እያደረጉ ይገኛሉ።

በሌላ በኩል ደግሞ የትግራይ ልማት ማህበር (TDA) gofundme በመክፈት በኢንተርኔት ባደረገው የገንዘብ ማሰባሰብ ስራ በውጭ የሚኖሩ የትግራይ ተወላጅ የሆኑ ዳይስፖራዎች ባደረጉት የገንዘብ ድጋፍ እስከ ዛሬ ጥዋት ድረስ ከ17 ሚሊዮን ብር በላይ መሰብሰቡ ተገልጿል።

በትግራይ ክልል ከነሃሴ ወር ጀምሮ በተከሰተው የአንበጣ መንጋ እስካሁን 20 ሄክታር የሚሆን ሰብል በትግራይ ደቡባዊና ደቡብ ምስራቃዊ ዞን መውደሙን ከትግራይ ቴሌቪዥን የተገኘው መረጃ ያሳያል።

@tikvahethiopiaBot @tikvahethiopia

ለ7ኛ ጊዜ የተካሄደው የሶማሌ ክልል ፓርቲዎች ስብሰባ !

የሶማሌ ክልል የፖለቲካ ፓርቲዎች የጋራ ምክር ቤት ስብሰባ ለ7ኛ ጊዜ ከትላንት በስቲያ በጅግጅጋ ተካሂዷል።

በስብሰባው ገዥው ፓርቲ ጨምሮ 5 በክልሉ የሚንቀሳቀሱ የፖለቲካ ፓርቲዎች ተሳትፈዋል።

ፓርቲዎቹ በክልላዊ ጉዳዮች ፣ በመጪው ሀገራዊ ምርጫ እና የክልሉን ህዝብ አንድነት እና ሰላም በማስጠበቅ ዙሪያ ተወያይተዋል። (SRTV)

@tikvahethiopiaBot @tikvahethiopia

#EAF

ዛሬ ጥቅምት 03/2013 በፖላንድ ጊዲኒያ የዓለም ግማሽ ማራቶን ሻምፒዮና ላይ የሚሳተፈው የኢትዮጵያ አትሌቲክስ ልኡካን ቡድን አሸኛኘት ይደረግለታል።

@tikvahethiopiaBot @tikvahethiopia

የትምህርት ሚኒስቴር ለክልሎች የአፍ እና አፍንጫ መሸፈኛ (ማስክ) ስርጭት እያካሄደ ነው፡፡ የስርጭቱ ቁጥራዊ መረጃ ከላይ ቀርቧል! #MoE

@tikvahethiopia @tikvahethiopiaBot

ችሎት!

አቶ ልደቱ አያሌው ዛሬ በምስራቅ ሸዋ ዞን ከፍተኛ ፍርድ ቤት ቀርበዋል።

አቶ ልደቱ ፍርድ ቤት የቀረቡት በኦሮሚያ ክልል አቃቤ ህግ የተመሰረተባቸውን "ህገወጥ የጦር መሳርያ መያዝ" ከስ ምስክሮች ለመስማት ነበር።

አቃቤ ህግ ግን ምስክሮችን ማቅረብ ያልቻለ ሲሆን ፍርድ ቤቱ የቢሾፍቱ ወረዳ ፖሊስ ምስክሮቹን አስገድዶ እንዲያቀርብለት ትዕዛዝ ይጻፍልኝ በማለት ጠይቋል፡፡

በዚህም ፍርድ ቤቱ ለጥቅምት 5/2013 ቀጠሮ ሰጥቷል።

(አል ዓይን)
@tikvahethiopiaBot @tikvahethiopia

#AtoAhmedShide

ዛሬ የገንዘብ ሚኒስትሩ አቶ አህመድ ሺዴ በ2013 በጀት ዓመት የ3 ወራት እቅድ አፈፃፀም ላይ መግለጫ ሰጥተዋል።

አቶ አህመድ ሽዴ ፥ የኢትዮጵያ አየር መንገድን በከፊል ወደ ግል ለማዘዋወር የጀመረውን ስራ ለጊዜው መቋረጡን አሳውቀዋል።

ትግራይ ክልል ለሚገኙ አገልግሎት ሰጪ ተቋማት በከተሞች ለሚገኙ ዜጎች የበጀት ድጋፍ ለማድረግ ጥረት በመደረግ ላይ ነው ብለዋል።

ለመንግስት የስራ ሀላፊዎች አ/አ ሲኤምሲ አካባቢ የተገነቡ መኖሪያ ቤቶችን በጨረታ በመሸጥ እስከ አንድ ቢሊዮን ብር ለማግኘት መታቀዱን ገልፀዋል።

በ2013 ዓ/ም የመጀመሪያ ሩብ ዓመት 80.8 ቢሊዮን ብር ገቢ መሰብሰቡንም ሚኒስትሩ ገልፀዋል - (etv)

@tikvahethiopiaBot @tikvahethiopia

#UPDATE

ትምህርት ሚኒስቴር ሃዋሳ ኢንዲስትሪ ፓርክ የተመረቱ የአፍ እና አፍንጫ መሸፈኛዎችን ከስር ከስር እርክክብ በማድረግ ለሁሉም ክልሎች እንዲሰራጩ በማድረግ ላይ ነው።

የደቡብ ክልል የመጀመሪያውን ዙር የአፍና አፍንጫ መሸፈኛ ስርጭት ዛሬ ተረክቧል።

እንደ ትምህርት ሚኒስቴር መረጃ ክልሎች የተረከቡትን የአፍና አፍንጫ መሸፈኛዎች በየትምህርት ቤቱ የማከፋፈል ስራውን እንደሚሰሩ ይጠበቃል።

@tikvahethiopiaBot @tikvahethiopia

#UPDATE

በዛሬው ዕለት የኢትዮጵያ ብሄራዊ ባንክ በ1 ወር ማውጣት በሚቻለው የገንዘብ መጠን ላይ ጥሎት የነበረውን ገደብ አንስቷል።

ባለፈው ዓመት ግንቦት ወር የወጣው መመሪያ ግለሰቦች በወር ከ 1 ሚሊየን ብር በላይ እንዳያወጡ ይከለክላል፡፡

ድርጅቶች ደግሞ በ1 ወር ከ2 ነጥብ 5 ሚሊየን ብር በላይ ጥሬ ገንዘብ እንዳያወጡ ተከልክሎ እንደነበር የሚታወስ ነው። (ኤፍ ቢ ሲ)

@tikvahethiopiaBot @tikvahethiopia

#WNM

የዎላይታ ብሔራዊ ንቅናቄ (ዎብን) የዎላይታ ሕዝብ በክልል የመደራጀት ጥያቄ የደረሰበት ደረጃ የዎላይታ ዞን አስተዳደር ለሕዝቡ ግልፅ እንዲያደርግ ጥሪ አቀረበ !

ከዎብን መግለጫ የተወሰደ ፦

" ... አዲሱ የወላይታ ዞን አመራር ወደ ሥልጣን ሲመጣ የዎላይታ ሕዝብ በክልል የመደራጀት ጥያቄ ምላሽ እንዲሰጠው በቁርጠኝነት የሚሠራ መሆኑን ገልፆ ነበር።

ይሁን እንጅ ዛሬ ለሕዝቡ ጥያቄ ምላሽ ከማስገኘት አኳያ ሂደቱ የደረሰበት ደረጃ በየጊዜው ለሕዝቡ ግልፅ እየተደረገ ባለመሆኑ ሕዝባችንን ጉዳዩ በተያዘበት ሁኔታና እና በአመራሩ ህዝባዊነት ላይ ከፍተኛ ጥርጣሬ እንዲያድርበት አድርጓል፡፡

በመሆኑም ጉዳዩን ይዞ የሚገኘው የዎላይታ አስተዳደር እና የዞኑ ምክር ቤት እጅግ አንገብጋቢ የሆነው የዎላይታ የሕዝብ በክልል የመደራጀት ጥያቄ የደረሰበትን ደረጃ አስመልክቶ ይፋዊ መግለጫ እንዲሰጥ ዎብን አጥብቆ ይጠይቃል።"

@tikvahethiopiaBot @tikvahethiopia

ጥናት ፦

በኮቪድ-19 ታሞ የሚያውቅ ሰው ቫይረሱ በድጋሚ ሊይዘው እንደሚችል አዲስ የወጣ ጥናት አመለከተ።

ትናንት ላንሴት መጽሄት ላይ የወጣው ጥናት ዩናይትድ ስቴትስ ኔቫዳ ግዛት ውስጥ አንድ የሃያ አምስት ዓመት ወጣት ሚያዝያ ወር ውስጥ ኮሮናቫይረስ ይዞት እንደገና ሰኔ ወር ላይ እንደያዘው አመልክቷል።

በሁለተኛው በጽኑ ታሞ ሆስፒታል መግባቱና ተጨማሪ ኦክሲጂን የሚያስፈልገው ደረጃ ላይ ደርሶ እንደነበር ጥናቱ አክሏል።

በዓለም 2 ጊዜ በኮሮና ቫይረስ መያዛቸው የተረጋገጠው ሰዎች እስካሁና አምስት ብቻ ሲሆኑ የዩናያትድ ስቴትሱ የመጀመሪያ መሆኗ ታውቋል። (VOA)

@tikvahethiopiaBot @tikvahethiopia

#COVID19Ethiopia

በኢትዮጵያ ባለፉት 24 ሰዓት በተደረገው 6,344 የላብራቶሪ ምርመራ 582 ሰዎች በቫይረሱ መያዛቸው ሲረጋገጥ የ4 ሰዎች ህይወት አልፏል። በተጨማሪ በትላንትናው ዕለት 403 ሰዎች አገግመዋል።

በአጠቃላይ በሀገራችን በኮቪድ-19 የተያዙ ሰዎች 85,718 የደረሱ ሲሆን የሟቾች ቁጥር 1,305 ደርሷል ፤ ከበሽታው ያገገሙ አጠቃላይ ሰዎች ቁጥር ደግሞ 39,307 ደርሷል።

@tikvahethiopiaBot @tikvahethiopia

* ማስተካከያ

ግለሰቦች እና ኩባንያዎች ከባንክ እንዲያወጡ የፈቀደውን ወርሃዊ የጥሬ ገንዘብ ጣሪያ አለማንሳቱን ብሔራዊ ባንክ አስታውቋል። ብሄራዊ ባንክ ግለሰቦች ሆነ ኩባንያዎች የሚያወጡት ወርሃዊ የጥሬ ገንዘብ ጣሪያ ተነስቷል የሚለው መረጃ ትክክል አለመሆኑን ተናግረዋል።

@tikvahethiopiaBot @tikvahethiopia