የበጎ ሰው ሽልማት!

#ETHIOPIA| ለሀገርና ለሕዝብ አርአያነት ያለው ታላቅ ተግባር ያከናወኑ ሰዎችን ዕውቅና የሚሰጠው የበጎ ሰው ሽልማት የ2011 ዓ.ም መርሐ ግብሩን በመጀመር ከግንቦት 2 እስከ ሰኔ 1 ቀን 2011 ዓ.ም ድረስ የእጩዎች ጥቆማ እየተቀበለ ነው፡፡

በዚህ መሰረት ጥቆማ የምንቀበለው በስልክ፣ በቫይበር፣ #በቴሌግራም፣ በኋትስአፕ፣ በኢሜይል፣ በፖስታና በግንባር ሲሆን

አድራሻዎቹም፦
√ስልክ፡ 0960-402990 (ቫይበር፣ ቴሌግራምና ኋትስአፕን ጨምሮ)፤

√ኢሜይል፡ [email protected]

√ፖስታ፡ 150035

√በግንባር፤ አዲስ አበባ፣ ለም ሆቴል አካባቢ፣ ማትያስ ህንጻ፣ 5ኛ ፎቅ

በጎ ሠሪዎችን በማክበርና በመሸለም ሌሎች በጎ ሠሪዎችን እናፍራ!

***

የበጎ ሰው ሽልማት የ2011 የሽልማት ዘርፎች፦

1. መምህርነት
2. ሳይንስ (ህክምና፣ ቴክኖሎጂ፣ ፊዚክስ፣ ምህንድስና፣ ኬሚስትሪ፣ አርክቴክቸር፣ ወዘተ)
3. ኪነ ጥበብ/ሥነ-ጥበብ፣ (በፎቶ ግራፍ ዘርፍ)
4. በጎ አድራጎት (ርዳታና ሰብአዊ አገልግሎት)
5. ቢዘነስና ሥራ ፈጠራ
6. መንግሥታዊ የሥራ ተቋማት ኃላፊነት
7. ቅርስና ባህል
8. ማህበራዊ ጥናት
9. ሚዲያና ጋዜጠኝነት
10. ለኢትዮጵያ እድገት አስተዋጽዖ ያበረከቱ ዳያስፖራዎች

በጎ ሠሪዎችን በማክበርና በመሸለም ሌሎች በጎ ሠሪዎችን እናፍራ!

Via #ጋዜጠኛ_ጌጡ_ተመስገን

@tsegabwolde @tikvahethiopia

ቴሌግራም❓

በአዲስ አበባ ከተማ የ10ኛ ክፍል ተማሪዎች የብሔራዊ ፈተና መልሶችን በቴሌግራም ለማዘዋወር ሲሞክሩ መያዛቸውን የትምህርት ሚኒስቴር አስታወቀ። የ10ኛ ክፍል ብሔራዊ የመልቀቂያ ፈተና መሰጠት ከተጀመረበት ከትናንትናው ዕለት ጀምሮ ቴሌግራምን ጨምሮ የተለያዩ የኢንተርኔት አገልግሎቶች ተቋርጠዋል።

ትናንት ሰኔ 3 ቀን 2011 ዓ.ም. የተጀመረው የ10ኛ ክፍል ብሔራዊ ፈተና በሰላም እየተካሔደ መሆኑን የገለጹት የኢትዮጵያ የትምህርት ሚኒስቴር የኮሙኒኬሽን ጉዳዮች ዳይሬክቶሬት ዳይሬክተር ወይዘሮ ሐረጓ ማሞ "ጥቃቅን" ችግሮች መታየታቸውን ገልጸዋል። ችግሮቹ ፈተናውን ሊያስተጓጉሉ የሚችሉ አይደሉም ያሉት ወይዘሮ ሐረጓ በአዲስ አበባ በሚገኝ አንድ ትምህርት ቤት ለፈተና የተቀመጡ ተማሪዎች "በቴሌግራም አፕልኬሽን ተጠቅመው መልሶቹን ለማዘዋወር ሲሞከር ወዲያው በቁጥጥር ሥር እንዲውል" ተደርጓል ሲሉ ለዶይቼ ቬለ «DW» ተናግረዋል። በውስን የኢንተርኔት ግንኙነት ውስጥ ግልጋሎት መስጠት የሚችለው የቴሌግራም የመልዕክት መለዋወጫ ከቅርብ ጊዜያት ወዲህ በበርካታ ኢትዮጵያውያን ዘንድ ተቀባይነት እያገኘ መጥቷል። ከትናንት ጀምሮ ይኸው የቴሌግራም የመልዕክት መለዋወጫ #ባልታወቀ ምክንያት በተለያዩ የኢትዮጵያ ክፍሎች ግልጋሎት መስጠት #አቁሞ ነበር። ኩነቱ መተግበሪያው በኢትዮጵያ መንግሥት ሙሉ በሙሉ ግልጋሎት እንዳይሰጥ ታግዶ ይሆን የሚል ሥጋትም አጭሮ ነበር።

የቴሌግራምም ይሆን የኢንተርኔት ግልጋሎቶች በኢትዮጵያ ግልጋሎቶቻቸው የተቆራረጠበትን ምክንያት አገልግሎት አቅራቢው ኢትዮ-ቴሌኮም በይፋ አልገለጸም።

በርካታ ኢትዮጵያውያን የኢንተርኔት ተጠቃሚዎች ግልጋሎቱ ለብሔራዊ ፈተናው ደኅንነት ተብሎ ሳይቋረጥ እንዳልቀረ ጠርጥረዋል። የኢንተርኔት አገልግሎት ከተቋረጠባቸው አካባቢዎች መካከል ዛሬ ከቀኑ ዘጠኝ ሰዓት ገደማ ጀምሮ ወደ ሥራ ተመልሷል። በአዲስ አበባ፣ በመቐለ፣ በቦረና፣ በባሕር ዳር፣ በአዳማ፣ በቢሾፍቱ፣ በስልጤ ዞን ዳሎቻ አካባቢዎች የተቋረጠው የኢንተርኔት ግልጋሎት ሥራ ከጀመረባቸው መካከል ይገኙበታል። ዶይቼ ቬለ በአዲስ አበባ የተወሰኑ አካባቢዎች ቴሌግራም መስራት መጀመሩን ቢያረጋግጥም በሌሎች የአገሪቱ ክፍሎች አሁንም እንደቆመ መሆኑን የሚጠቁሙ መረጃዎች ደርሰውታል።

በአዲስ አበባ የፈተና መልስ #በቴሌግራም በኩል ለማዘዋወር የተሞከረበትን ትምህርት ቤት ጨምሮ ዝርዝር ማብራሪያ ከመስጠት የተቆጠቡት ወይዘሮ #ሐረጓ "ይኸንን ያደረጉ ግለሰቦች ማንነት፤ የት ቦታ እንደተፈጸመ፤ የት ቦታ እንደተያዘ #በቅርብ ሪፖርት ይደረጋል የሚል ዕምነት አለኝ" ሲሉ ተናግረዋል።

ወይዘሮ ሐረጓ "ማንኛውንም የኤሌክትሮኒክ መሳሪያ በፈተና ክፍል ውስጥ ይዞ መገኘት እንደማይገባቸው ለፈታኞችም ለተፈታኝ ተማሪዎችም ተነግሯቸዋል። ያልተፈቀዱ ነገሮች ይዞ መግባት በራሱ አንድ ወንጀል ነው። ሁለተኛ ይዘው በገቡት መሳሪያ ፈተናውን ለሌላ ወገን ለማስተላለፍ መሞከር ደግሞ ሌላ ሁለተኛ የደምብ ጥሰት ነው" ብለዋል። የዘንድሮው የ10ኛ ክፍል ብሄራዊ ፈተና ከሰኔ 03 እስከ ሰኔ 05 ቀን 2011 ዓ.ም ይሰጣል። እንዲሁም የዩኒቨርሲቲ መግቢያ ፈተና ሰኔ 6፣7፣10 እና 11 ቀን 2011 ዓ.ም ይካሔዳል። በዚህ አመት 1,277,533 ተማሪዎች የ10ኛ ክፍል እንዲሁም 322,317 ተማሪዎች የ12ኛ ክፍል መልቀቂያ ፈተና ለመውሰድ መመዝገባቸውን የአገር አቀፍ ትምህርት ምዘናና ፈተናዎች ኤጀንሲ መረጃ ይጠቁማል።

ምንጭ፦ DW
@tsegabwolde @tikvahethiopia

በአዲስ አበባ የፈተና መልስ/10ኛ ክፍል/ #በቴሌግራም በኩል ለማዘዋወር ሲሞክሩ የነበሩ ተማሪዎች መያዛቸውን ትምህርት ሚንስቴር አስታውቋል።

Via #DW
@tsegabwolde @tikvahethiopia

#update የ10ኛ ክፍል የብሔራዊ ፈተናን የጥያቄዎች መልስ #በቴሌግራም ለመቀባበል የሞከሩ ተማሪዎች መያዛቸው ተሰምቷል። ትምህርት ሚኒስቴር በዘንድሮው የ10ኛ ክፍል ብሔራዊ ፈተና አንዳንድ ተማሪዎች በቴሌግራም ማህበራዊ ድረ ገፅ ተጠቅመው ያልተገባ ማድረጋቸውን ለሸገር ራድዮ ተናግሯል።

ሸገር ራድዮ 102.1 በዚህ በብሔራዊ ፈተና ወቅት እንዴት ተማሪዎች #የእጅ_ስልክ የመሳሰሉ መሳሪያዎችን ይዘው ወደ ተማሪ ቤት ዘለቁ ቁጥጥርስ ምን መሳይ ነበር ብሎ ጠይቋል። ትምህርት ሚንስቴር ስለጉዳይ ተጨማሪ ማብራሪያ እንደሚሰጥ ተናግሯል። ትናንት የጀመረው የ10ኛ ክፍል ብሄራዊ ፈተና እስከ ሰኔ 5፣2011 ዓ.ም እንደሚስጥ ታውቋል።

ዘንድሮ 1,277,533 የ10ኛ ክፍል ተማሪዎች የመልቀቂያ ፈተናቸውን ለመውሰድ በተማሪ ቤታቸው ወንበር ላይ እንደሚቀመጡ የአገር አቀፍ ትምህርት ምዘናና ፈተናዎች ኤጀንሲ መናገሩን ሰምተናል።

ምንጭ፦ ሸገር ራድዮ
@tsegabwolde @tikvahethiopia

" ...ፈተናዉ ተሰርቋል" - ፈተና የወሰዱ ሃኪሞች

ባለፈው ሳምንት ሰኞ ዕለት ለትምህርት ዕድል የደረጃ እድገት መለያ ፈተና ከወሰዱ እና በመንግሥት ተቀጥረው ከሚሰሩ ጠቅላላ ሐኪሞች መካከል የተወሰኑ ሃኪሞች ፈተናው ቀድሞ ወጥቷል የሚል ቅሬታ እያቀረቡ ይገኛሉ።

በመጀመርያ ዲግሪ በህክምና ትምህርት ትምህርታቸውን ተከታትለው ተመርቀው በመንግሥት የህክምና ተቋማት ላይ በመላው ኢትዮጵያ እየሠሩ የሚገኙ ወደ 5 ሺህ የሚሆኑት ጠቅላላ ሐኪሞች በትምህርት ዕድል መልክ የሚሰጥ የደረጃ እድገት ለማግኘት በአቅራቢያቸው የሚገኙ የከፍተኛ ትምህርት ተቋማትን በመምረጥ በ20 ዩኒቨርሲቲዎች ለምዘና ተቀምጠው ነበር።

ሆኖም #በቴሌግራም ፈተናው ቀድሞ በመውጣቱ ቅሬታ አድሮብናል በማለት ሐኪሞቹ ለጀርመን ድምፅ ሬድዮ ጣቢያ ሲናገሩ ተደምጠዋል።

አንድ ቅሬታ አቅራቢ ፈተናው እሁድ ዕለት ቀድሞ ወጥቶ ተፈታኞች ይዘው ገብተው ነበር ብሏል።

ባለፈዉ ሳምንት ሰኞ ሙሉ ቀን ሁለት መቶ (200) ጥያቄዎች ለመመዘኛነት ቀርበው መፈተናቸውን የገለፀው ፈተናችንን ጨርሰን እንደወጣን ጥያቄዎቹ ቀድመው እንደወጡ ማወቅ ችለናል ሲል ለሬድዬ ጣቢያው ተናግሯል።

ሃኪሞቹ ጉዳዩ ዳግም እንዲታይ ሲሉ ጠይቀዋል።

በጉዳዩ ዙሪያ ሬድዮ ጣቢያው ከኢ.ፌ.ዴ.ሪ. ጤና ሚኒስቴር ምላሽ እንዲሰጥ ለማድረግ ያደረገው ሙከራ እንዳልተሳካለት አሳውቋል።

@tikvahethiopia @tikvahethiopiaBOT