ጠቅላይ ሚኒስትሩ ቃል በቃል ለወ/ሪት ብርቱካን ሚደቅሳ ደውዬ እነግራለሁ ብለውናል!

"በምላሹ ምን ያህል እረካችሁ ለሚለው፤ ማለት ምፈልገው ጠቅላይ ሚኒስትሩ ያሉት ነገር አለ፤ የህዝቡ ፍላጎት ይሄ የሚሆን ከሆነ በህግ እና በህገ መንግስታዊ ስርዓት መሰረት እንዲጠናቀቅ አደርጋለሁ። ቃል በቃል ደግሞ ለምርጫ ቦርድ ሰብሳቢ ለሆኑት ለወ/ሪት ብርቱካን ሚደቅሳ ደውዬ እነግራለሁ ነው ያሉት። ይሄን ያሉት የደቡብ ክልል ምክትል ርዕሰ መስተዳደር አቶ ርስቱ ይርዳው እና የቀድሞ የደኢህዴን ሊቀ መንበር ወ/ሮ ሙፈሪያት ከሚል ባሉበት ነው።" አክቲቪስ ወርቅነህ ገበየሁ (እሁድ የወላይታ ዞን ተወካዮች ከጠቅላይ ሚኒስትሩ ጋር በነበራቸው ውይይት ላይ ከተሳተፉት መካከል አንዱ)

#OMN (ኦሮሚያ ሚዲያ ኔትዎርክ)

@tikvahethiopia @tikvahethiopiaBot

አምባሳደር ሬድዋን የሹመት ደብዳቤያቸውን ለፕሬዝዳንት ኢሳያስ አፈወርቂ አቀረቡ!

በኤርትራ የኢትዮጵያ አምባሳደር ሬድዋን ሑሴን የሹመት ደብዳቤያቸውን ለፕሬዝዳንት ኢሳያስ አፈወርቂ አቀረቡ። የኤርትራ ማስታወቂያ ምኒስትር የማነ ገብረ መስቀል በትዊተር ገፃቸው እንደገለጹት አምባሳደር ሬድዋን ጨምሮ 21 አምባሳደሮች የሹመት ደብዳቤያቸውን ለፕሬዝዳንቱ አቅርበዋል። ሬድዋን በኤርትራ የኢትዮጵያ አምባሳደር ሆነው የተሾሙት ባለፈው ሐምሌ 11 ቀን 2010 ዓ.ም. ነበር። የኢትዮጵያው ጠቅላይ ምኒስትር ዐቢይ አሕመድ በኤርትራ ባደረጓቸው ጉብኝቶች አምባሳደሩ ሲያጅቧቸው ታይቷል። ሬድዋን ሑሴን ወደ አስመራ ከመዛወራቸው በፊት በአየርላንድ የኢትዮጵያ አምባሳደር ሆነው ሰርተዋል።

(የጀርመን ድምፅ ሬድዮ)

@tikvahethiopiaBot @tikvahethiopia

ፕሮፌሰር መረራ ጉዲና ስለ ፓርቲዎች ውህደት...

"የፓርቲዎች ወደ አንድ ውህድ ፓርቲ መሰባሰብ የተሻለ እንቅስቃሴ ለማድረግ ያስችላል...የፖለቲካ ፓርቲዎች የሚያደርጉት ውህደት በስምምነት እንጂ በግዳጅ ላይ የተመሰረተ መሆን የለበትም...በኢትዮጵያ የመድበለ ፓርቲ ስርዓት መጠናከር የፓርቲዎች መሰባሰብ አስፈላጊ ነው... በተለይ የፓርቲዎች መሰባሰብ አቅማቸውን በማጠናከር የህዝብ ጥያቄን በአግባቡ ለመመለስ ያስችላል።"

(ኢዜአ)

@tikvahethioia @tikvahethiopiaBot

#NEBE #SIDAMA

የኢትዮጵያ ብሔራዊ ምርጫ ቦርድ የሲዳማ ህዝበ ውሳኔን የመጨረሻ ውጤት ይፋ አደረገ። ባለፈው ህዳር 13 ቀን 2012 ዓ.ም የህዝበ ውሳኔው የመጀመሪያ ደረጃ ውጤት ይፋ የተደረገ ሲሆን፥ በዛሬው እለት ደግሞ የመጨረሻ ውጤት ይፋ አድርጓል። በዚህም 97 ነጥብ 7 በመቶ የሆኑት መራጮች ሲዳማ በክልልነት እንዲደራጅ ድምጽ ሲሰጡ፥ 1 ነጥብ 47 በመቶዎቹ ሲዳማ በደቡብ ክልል ለመቆየት ድምጽ ሰጥተዋል።

https://telegra.ph/FBC-12-04

(ኤፍ ቢ ሲ)

@tikvahethiopia @tikvahethiopiaBot

መቐለ በተካሄደው ሕገ መንግስትን እና ህብረ ብሔራዊ የፌደራሊዝም ስርዓት የማዳን ሁለተኛ አገር አቀፍ መድረክ የተላለፈው የአቋም መግለጫ!

አገራችን ኢትዮጵያ ብሔሮች፣ ብሔረሰቦችና ህዝቦች በመፈቃቀድ በጋራ የመሰረቷት ቤት እንደመሆንዋ በብዝሃነት ላይ የተመሰረተ አንድነትን ለመገንባት የሚያስችል ሕገ መንግስት እና ህብረ ብሔራዊ ፌደራሊዝምን በብሔሮች፣ ብሔረሰቦችና ህዝቦች ይሁንታ ፀድቆ ወደ ሥራ ከገባ ወዲህ ከሃያ ዓመታት በላይ አስቆጥሯል።

በነዚህ ዓመታት ውስጥ ሕገመንግስታዊነትንና ህብረ ብሄራዊ የፌደራልዝም ስርዓትን ቀስ በቀስ እግር እየተከሉ በሰላም፣ በልማት እና በዴሞክራሲ ረገድ ብዙ ለውጦች የተመዘገቡ ቢሆንም ቅሉ በመንግስት ውስጥ እየገነገነ በመጣው ኪራይ ሰብሳቢነት፣ የፀረ ዴሞክራሲ አሰራር እና የመልካም አስተዳደር ችግር የተጀመረውን መልካም ሥራ በተለይም ሕገ መንግስቱንና ህብረ ብሔራዊ የፌደራሊዝም ስርዓቱን ለከፍተኛ አደጋ ተጋልጠዋል። ኢህአዴግ በህብረ በሔራዊ የፌደራሊዝም ስርዓት እንዲመራት በአደራ የተቀበላት አገርና የተሰጠው የፖሊተካ ስልጣን መንገድ ስቶ አገሪቷን ወደ መበታተን አያመራች ነው።

More👇
https://telegra.ph/TPLF-12-04

@tikvahethiopia @tikvahethiopiaBot

#HARAR

የኢትዮጵያ ንግድ ባንክ በዛሬው ዕለት "ሂላል" በሚል ስያሜ የሸርዓ መርህን መሠረት በማድረግ ሙሉ በሙሉ ከወለድ ነፃ የሆነ የባንክ አገልግሎት የሚሰጥ ቅርንጫፍ በሐረር ከተማ ከፍቷል፡፡ የኢትዮጵያ ንግድ ባንክ ፕሬዝዳንትና ዋና ስራ አስፈፃሚ አቶ ባጫ ጊና በምርቃት ሥነ-ሥርዓቱ ላይ እንደተናገሩት የኢትዮጵያ ንግድ ባንክ ከዛሬ 60 ዓመት በፊት በሐረር ከተማ የመጀመሪያ ቅርንጫፉን ከፍቶ ሥራ መጀመሩን አስታውሰው፣ በዛሬው ዕለት ደግሞ የሸርዓ መርህን መሠረት አድርጎ ሙሉ በሙሉ ከወለድ ነፃ የሆነ የባንክ አገልግሎት የሚሰጥ ቅርንጫፍ መክፈቱን ገልፀዋል፡፡

(CBE)

@tikvahethiopia @tikvahethiopiaBot

#ኡቡንቱ - 'እኔ ነኝ ምክንያቱም እኛ ነን'

ቲክቫህ ቤተሰቦች - አርባ ምንጭ❤️

ኡቡንቱ - እኛ አንድ ሰብዓዊ ቤተሰብ መሆናችን ላይ የተመሠረተ የአፍሪካ ጥንታዊ ፍልስፍና ነው። እኛ ወንድምና እህት ነን። እዚህ ምድር ላይ አብረን እንጓዛለን፡፡ አንድ ሰው የሚበላው ሲያጣ ሁሉም ሰዎች በዚህ ረሃብ ይሰቃያሉ። አንዱ ሲበደል ሁላችንም ህመሙን ይሰማናል፡፡ አንድ ልጅ በሚሰቃይበት ጊዜ እንባዎች በሁሉም ሰው ጉንጮዎች ላይ ይፈስሳሉ፡፡ የእኛን ተቀዳሚ ሰብአዊነት በመገንዘብ፣ እኛን አንድ የሚያደርግ ጠንካራ ትስስር፣ የሰው ልጆችን በሙሉ የሚያስተሳስር የማይጠፋ ቦንድ ነው።

#Ubuntu #ኡቡንቱ #አርባምንጭ #Day2

#ቲክቫህኢትዮጵያ #ጋሞዞን #ፒስሞዴል

(✍AFRIKHPRI FOUNDATION)
@tikvahethiopiaBot @tikvahethiopia

"የትራፊክ አደጋ እየገደለን ነው፣ ቀስ ብለን እናሽከርክር፣ #እንደርሳለን"

“ወጣቶች ለሰብዓዊ መብቶች መከበር የሚያበረክቱትን ግንባር ቀደም ሚና አጠናክረው መቀጥል ይገባቸዋል” - ዶክተር ዳንኤል በቀለ

ወጣቶች ራሳቸውን ከአፍራሽ ድርጊቶች በመቆጠብ ለሰላም፣ ለዲሞክራሲና ለሰብዓዊ መብቶች መከበር ያላቸውን ሚና አስጠብቀው መቀጠል እንደሚገባቸው የኢትዮጵያ ሰብዓዊ መብቶች ኮሚሽን ኮሚሽነር ዶክተር ዳንኤል በቀለ ገለጹ፡፡

በመጪው ማክሰኞ ህዳር 30 ቀን 2012 ዓ.ም በዓለም ለ71ኛ ጊዜ የሚከበረውን ዓለም አቀፍ የሰብዓዊ መብቶች ቀን አስመልክቶ በተዘጋጀ ጋዜጣዊ መግለጫ የኢትዮጵያ ሰብዓዊ መብቶች ኮሚሽን ኮሚሽነር ዶክተር ዳንኤል በቀለ፤ በኢትዮጵያ ታሪክ ውስጥ ወጣቶች በተለያዩ ጊዜያት በተፈጠሩ ታሪካዊ ሽግግሮች ውስት ግንባር ቀደም ተዋናይ መሆናቸውን አመላክተዋል፡፡

የበዓሉ ዋነኛ ዓላማም ከህበረተሰቡና እርስ በእርስ እንዲወያዩ ሁኔታዎችን በማመቻቸት የወጣቶችን አዎንታዊ ሚና ለማጎልበት መሆኑን የጠቆሙት ኮሚሽነሩ፤ “አሁንም ወጣቶች ራሳቸውን ከአፍራሽ ድርጊቶች በመቆጠብ ለሰላም፣ ለዲሞክራሲና ለሰብዓዊ መብቶች መከበር ያላቸውን ሚና አስጠብቀው መቀጠል ይገባቸዋል” የሚል መልዕክት አስተላልፈዋል፡፡

(EPA)

@tikvahethiopia @tikvahethiopiaBot

ኢትዮጵያ አሁን ያለችበት ሁኔታ “ከመቼውም ጊዜ በላይ የተወሳሰበ ነው” ያለው የኦሮሞ ነፃነት ግንባር (ኦነግ) አጠቃላይ የሃገራዊ ንግግር መድረክ እንዲጠራ ጠይቋል። ግንባሩ ህዳር 16/2012 ዓ.ም. ባወጣው መግለጫ “ችግሩን ይበልጥ በማስፋፋት ወደ ህዝቦች ግጭት ለመቀየር ሲሞክር እየታየ ነው” ብሏል።

@tikvahethiopia @tikvahethiopiaBot

በዘንድሮው የ2019 CNN HEROES ውስጥ የተካተተችው ፍሬወይኒ መብርሃቱን የተመለከተውን ተከታዩን የCNN AFRICA ዘገባ ተመልከቱት!

@tikvahethiopiaBot @tikvahethiopia

100 MOST INFLUENTIAL AFRICANS...

የኢትዮጵያ አየር መንገድ ዋና ሥራ አስፈፃሚ አቶ ተወልደ ገብረማርያም በኒው አፍሪካን መጋዚን ከ100 አፍሪካውያን ተፅእኖ ፈጣሪዎች መካከል አንዱ ሆነው ተመርጠዋል፡፡

(የኢትዮጵያአየርመንገድ)

@tikvahethiopia @tikvahethiopiaBot

ዩኒቨርሲቲዎች የሥርዓተ አልበኞች መፈንጫ አይሁኑ!
.
.
.
...ዩኒቨርሲቲዎችን የግጭት የስበት ማዕከል በማድረግ አገሪቱን ቀውስ ውስጥ ለመክተት የሚደረገው አደገኛ እንቅስቃሴ በፍጥነት ካልተገታ፣ አንፃራዊ ሰላምና መረጋጋት መፍጠር በፍፁም አይቻልም፡፡ በዩኒቨርሲቲዎች የመማር ማስተማር ሒደቱ በሰላማዊ መንገድ መከናወን አቅቶት የተማሪዎች፣ የመምህራንና የድጋፍ ሰጪ ሠራተኞች ሕይወት ለአደጋ ተጋልጧል፡፡

በዩኒቨርሲቲዎች አካባቢ የሚፈጸሙ ጥቃቶችም ሆኑ የሚቀሰቀሱ ግጭቶች በእነ ማን እንደሚከናወኑ የማይታወቅ ይመስል፣ ሀቁን ፍርጥርጥ ለማድረግ ለምን እንደማይፈለግ ያስገርማል፡፡ ‹ፀረ ሰላም ኃይሎች› የሚባሉት እነ ማን ናቸው ቢባል መልሱ የዩኒቨርሲቲዎች ማኅበረሰቦች በሚገባ ያውቋቸዋል ነው፡፡

በተለያዩ ዩኒቨርሲቲዎች የመማር ማስተማሩ ሒደት የማይመለከታቸው ሲገኙ ለምን ዝም ይባላል? ማንንም ሳይፈሩ የሚያስፈራሩና ጥቃት የሚፈጽሙ በግልጽ እየታዩ ዝም የሚባለው እስከ መቼ ነው? ዩኒቨርሲቲዎች የሥርዓተ አልበኞች መፈንጪያ እየሆኑ በዝምታ ማለፍ ተባባሪ ከመሆን አይተናነስም፡፡

More👇
https://telegra.ph/REPORTER-12-05

(ሪፖርተር ጋዜጣ ባለፈው ሳምንት ይዞት ከወጣው ርዕሰ አንቀፅ የተወሰደ ፅሁፍ))

@tikvahethiopiaBot @tikvahethiopia