#тарих
#зиёратгоҳ

“Кафтингни ерга бос, шунда мўъжизани кўрасан”...

🏞Қадамчи бува номи билан юритиладиган мазкур зиёратгоҳ Тошкент вилояти, Бўстонлиқ тумани, Бурчимулло қишлоғида жойлашган. Маҳаллий аҳолининг айтган ривоятларига кўра қачонлардир у ерга Идрис алайҳиссалом пойи қадами тегиб, унинг келиши сабабидан зиёратгоҳ неча минг йиллар ўтса ҳамки, ўз қадр-қимматини йўқотмаган.

🖐Идрис пайғамбар шундай сўлим масканни кўриб ҳайратга чўмади-ю, бу ерда нима сабабдан сув йўқлиги ҳақида Оллоҳга мурожаат қилиб дуо қилади. Шунда Оллоҳ Таоло Идрис пайғамбарга “Кафтингни ерга бос, шунда мўъжизани кўрасан”, деб амр этади. Ва ерга урилган панжанинг ҳар бири ўрнидан зилол сув сизиб чиқади.

💧Панжалари ўрнидан бешта булоқ пайдо бўлган деган ривоят бор. Ушбу бешта булоқлардан чиқадиган сув ҳозирда ҳам бор бўлиб, зиёратчилар ундан истеъмол қилишади. Яна зиёратгоҳ ҳовлисидаги улкан дарахт ҳам киши диққатини ўзига жалб этади. Пайғамбар ҳассаси ўрнида эса чинор дарахти ўсиб чиққан ва мазкур дарахт ўзининг азимлиги ва қадимийлиги билан инсон диққат-эътиборини ўзига жалб этади.

🌳Яна ушбу зиёратгоҳ билан боғлиқ қизиқ маълумот. Юртимизнинг деярли ҳамма масканларида жазирама ёз кунлари ҳукмронлик қилаётган бир вақтда “Қадамчи бува” маскани соя – салқинлиги билан инсонга ҳузур-ҳаловат бахш этади. У ерга борган инсон табиатнинг мўъжизакорлиги олдида ожиз эканлигини ҳис этади.

👏Қишлоқ аҳолиси ҳам ниҳоятда самимий. Биринчи маротаба мулоқотда бўлсангиз-да, улар сизни неча йиллик қадрдон дўсти каби қарши олиб, ҳайратингизга сабабчи бўлади.

🖌Таърифласак қалам ожизлик қиладиган, сўз бойлигимиз етмайдиган, ҳар бир манзилу макони алоҳида достонларга тенг бўлган жаннатмонанд Ўзбекистондир – бу! Шу азиз юртимизнинг ҳар бир гўшасини обод этиш барчамизнинг зиммамиздаги фарзандлик бурчимиз эканлигини асло унутмаслигимиз лозим!

🎞Фотолафҳа

Telegram|facebook

#зиёратгоҳ

‼️Муҳаммад (с.а.в.)нинг авлодларидан бўлган пайғамбар

🕌Икрима ота шу ерга масжид қурдириб имомлик қилади. Масжидда мингдан ортиқ намозхонлар ибодат қилишган. Икрима ота ўша атрофдаги инсонларга Ислом таълимотини ўргатади, Қуръон ва ҳадис илмларидан сабоқ беради.

🩺Авлиё Икрима отанинг қачон туғилганлиги ҳақида маълумотлар мавжуд эмас. Халқона карашларга кўра, Икрима ота пайғамбаримиз Муҳаммад (с.а. в.)нинг авлодларидан бўлган, деган фикрлар бор. Шунингдек, у турли хил касалликларни Қуръон ўқиб, дам солиб даволаб, донг таратган.

➡️ТЎЛИҚ ЎҚИШ

Telegram|facebook

#зиёратгоҳ

🕌🕌УЛУҒ ИСХОҚ ОТА ЗИЁРАТГОҲИ

📜Улуғсоғота – (Улуғ Исоқбобо) XII-XIII асрларда яшаган Яссавия таълимотининг намоёндаси, табиб, авлиё, Қуръон илми, тасаввуф илмини халқ орасида тарғиб қилган. Жониворларга меҳрибон бўлган ва ёрдам берган буюк меҳр соҳиби. Эски қабр ёнида ёши 800 йилдан ошган тут дарахти мавжуд.

📌XII асрга мансуб бўлиб, ушбу зиёратгоҳда у кишининг қабри ва улкан тут дарахти бор. Одамлар ушбу инсоннни авлиёсифат одам бўлган дейишади. Одамларнинг у кишига бўлган ихлослари шу даражадаки, ушбу жойдан 500 метр қолгандауловдан тушиб, пиёда юриб, зиёрат қилиб ўтишган.


@tarix_chorrahasida

#зиёратгоҳ_тарихи

⁉️⁉️“БЕШ ПАНЖА ” ЗИЁРАТГОҲИ НЕГА БУНДАЙ АТАЛГАН?

📎Чимён-Чорвоқ курорт зонаси бугунги кунда мамлакатимизда дам оладиган асосий масканлардан бири ҳисобланади. Айниқса, туристлар хордиқ чиқариши учун табиий, тарихий, археологик ёдгорликлар ва зиёратгоҳлар жуда ҳам кўп. Ана шундай жойлардан бири “Беш панжа” зиёратгоҳидир.  

📍“Беш панжа” зиёратгоҳи Бурчмулла қишлоғида яшовчи маҳаллий аҳоли томонидан Қадамжо бува зиёратгоҳи ҳам деб аталади.

БАТАФСИЛ🔽

#зиёратгоҳ_тарихи

⁉️⁉️"Оқ Қовоқ ота" ҳақида эшитганмисиз?

📎Тошкент вилояти кўпгина ғаройиб зиёратгоҳлар жойлашган манзил ҳисобланади. "Оқ Қовоқ ота" зиёратгоҳи ҳам ана шундай масканлардан биридир.

📖Олма ота шаҳрида 1996 йил нашр этилган "Багис Суан" китобида ёзилишича Оқ Қовоқ ота Тошкент вилоятининг Бўстонлиқ туманида, Товоқсой қишлоғида яшаб ўтган халқпарвар инсонлардан бири бўлган. Унинг авлодлари Қибрай туманида яшаган. Оқ Қовоқ отанинг отаси Энгкелди, бобоси Байтугай ва катта бобоси Суан деган "Бек" бўлган.

📍Оқ Қовоқ ота одил ва кучли инсон бўлган, халқни ҳақ йўлга бошлаган ҳамда фақат ҳақиқатни гапирган. Отанинг фойдали гаплари, қилган ишлари, дуолари халқ орасида тез тарқалиб кетган.

@tarix_chorrahasida

#зиёратгоҳ

🕌🕌УЛУҒ АЁЛНИНГ НОМИ УЧУН БУНЁД ЭТИЛГАН МАҚБАРА

⏳Анбар биби (Анбар она) мақбараси Занги ота умумий мажмуа таркибига кирган тарихий архитектура ёдгорлигидир. Мақбара аслида улуғ аёлнинг номи учун бунёд этилган бўлиб, Анбар биби номи тарихда "Меҳрибон ва саховатли улуғ она" тимсолида муқаддас саналган. Сулаймон Ҳаким ота Боқирғоний асли Хоразмдан бўлиб, тариқат илмининг намояндаларидан Хўжа Ахмад Яссавийнинг муриди ҳамда Занги отанинг устози ҳисобланган.

✨ Мақбарадаги хилхоналарда жойлашган қабрнинг бирига Анбар биби ва иккинчисига Сулаймон Ҳаким ота Боқирғонийнинг онаси дафн этилганлиги аниқланган.

📌Занги отанинг аҳли аёллари Анбар бибининг асли исми шажарада ёзилишича, Райҳона ва қизлари Қорасоч, унинг асл исми Ойжон бўлиб, вафотларидан сўнг икковлари бир қабристонда дафн қилинганлар. Анбар биби мақбараси XV аср бошларида қурилган.



@tarix_chorrahasida

#зиёратгоҳ_тарихи

⚪️🟣АВЛИЁСОЙ ИКРИМА ОТА ҚАДАМЖОСИ

🔺Бўстонлиқ туманида қад ростлаб турган “Авлиёсой Икрима ота” зиёратгоҳи дастлаб 1935-1940 йилларда советлар даврида бошқа муқаддас қадамжолар каби бузиб ташланган. Истиқлол йилларида, яъни 1995 йилда зиёратгоҳ қайтадан таъмирланиб қурилган.

✏️Ушбу инсоннинг қачон туғилганлиги ҳақида маълумотлар топилмаган. Халқона карашларга кўра, Икрима ота пайғамбаримиз Муҳаммад (с.а. в.)нинг авлодларидан бири бўлган. Икрима ота Чимбойлиқ қишлоғи аҳолисига ислом дини таълимотидан сабоқ берган.

🔖Шунингдек, у турли хил касалликларни Қуръон ўқиб даволаб, донг таратган.


@tarix_chorrahasida

#Зиёратгоҳ_тарихидан

📍Бармоқларидан 5 булоқ ҳосил қилган Ҳазрати Али

Ушбу зиёратгоҳ пайгамбаримиз (с.а.в) куёвлари Ҳазрати Aли номи билан аталади ва уларнинг рамзий зиёратгохи бўлиб инсонларга хизмат қилади.

📝Зиёратгохнинг тарихи аниқ манбаларга асосланмаган, фақат тилдан тилга ўтган ривоятлар асосида ота-боболаримиздан мерос етиб келган. Маҳаллий ривоятларга қараганда Ҳазрати Aли бу ерларга "Ислом дини"ни тарғиб қилиш мақсадида келган ва намоз вақти бўлиб қолганлиги туфайли бу ерда тўхтаган, аммо тахорат олгани сув бўлмаган. Шундан сўнг Аллоҳдан ёрдам сўраб бармоқларини ерга урган ва мўжиза туфайли 5 та булоқ суви пайдо бўлган экан. Булоқ ёнида ҳассаларини қўйиб намозларини ўқиб бўлгач қарасалар булоқ ёнига қўйган ҳасса кўкариб ниш урганига кўзи тушган экан.

🕌Шу воқеадан сўнг бу ерга мусулмонлар кўп ташриф буюриб ва Ҳазрати Aли қадамжоси зиёратгоҳга айлантирган экан.

📜Зиёратгоҳ 2010 йилга келиб ҳомийлар томонидан обод масканга айлантирилди. 2014 йил ушбу зиёратгоҳ қайта реконструкция қилинди. 2018 йилга келиб ушбу зиёратгоҳ Маданий мерос объекти сифатида давлат тасарруфига ўтди.

🌱Мазкур зиёратгоҳда қадимий чинор дарахти бўлиб, унинг ёши бир неча юз ёшдан ошганлиги айтилади. Дарахтнинг асосий қисмини қачонлардир чақмоқ уриб кетган. Бироқ, унинг илдизларини бақувватлигидан қуриган жойидан янги новдалар ўсиб чиқиб, ҳозирда ушбу иккинчи маротаба ўсиб чиққани ҳам улкан дарахтга айланган.

💧Зиёратгоҳда булоқ сувлари, aёллар ва эркаклар намоз ўқиш жойи, таҳоратхона, хизмат хонаси, Қуръон китобининг мармар тошдан ясалган монументи ва зиёратчиларга хизмат кўрсатиш жойи мавжуд.

😇Агар ўшбу маълумотлардан кейин зиёратгоҳга бўлган қизиқишингиз ортган бўлса, иккиланмай ташриф буюринг ва барчасига ўзингиз гувоҳ бўлинг.

@tarix_chorrahasida