⚡️Uchinchi “Ustozlar milliy forumi”da surxondaryolik pedagoglar faol qatnashmoqda

▶️ Ayni damda Maktabgacha va maktab ta’limi vazirligi tomonidan tashkil etilgan an’anaviy III “Ustozlar Milliy forumi” Toshkent viloyatidagi “Renessans” bolalar oromgohida bo’lib o’tmoqda.

🔼Ushbu tadbir yangi o’quv yili oldidan ilg’or metodikalar va sohadagi yangiliklarni o’qituvchilarga yetkazish maqsadida har yili o’tkaziladi.

🖥Mahorat darslari umumta’lim fanlari, maktabgacha ta’lim, ma’naviyat kabi yo’nalishlarni qamrab olgan. Trening mashg’ulotlari
2 kun davom etadi.

✔️Forumda Surxondaryo viloyatidan 14 nafar faol va tajribali o‘qituvchilar qatnashmoqda.

#Ustozlarforumi #Surxondaryo #treninglar

Telegram | Facebook | Instagram | You tube | Twitter | Veb-sayt

📉Surxondaryoda III "Ustozlar milliy forumi" o‘tkazildi

🔼"Yangi O'zbekiston maktab ostonasidan boshlanadi" shiori ostidagi an'anaviy III "Ustozlar milliy forumi" bugun Termiz shahridagi muhtasham San’at saroyida bo‘lib o‘tdi.

➡️Forum avvalida san’at va sport, "Barkamol avlod" bolalar maktablari o'quvchilari, kitobxon va rassom, ijodkor va san’atkor yoshlarning ijodiy chiqishlari, shuningdek, maktab darsliklari, "Prezident sovg'alari", maktab formalari ko'rgazmalari namoyish etildi.

ℹ️Tadbirda viloyat hokimi Ulug'bek Qosimov ishtirok etib, o'qituvchilar va o'quvchilar bilan suhbatlashdi. Viloyat rahbari ta'lim tizimidagi ilg'or o'zgarishlarga hissa qo'shayotgan pedagoglarga o'z minnatdorchiligini bildirdi.

#Ustozlarforumi #korgazma

Telegram | Facebook | Instagram | You tube | Twitter | Veb-sayt

📉Surxondaryoda III "Ustozlar milliy forumi" o‘tkazildi

📊Milliy forumda Surxondaryo viloyati hokimi Ulug‘bek Qosimov ishtirok etib, tadbirda jam bo‘lgan 700 dan ortiq muallimlar orqali vohamizdagi barcha pedagoglarni mustaqilligimizning o‘ttiz uch yillik bayrami hamda “Bilimlar kuni” bilan tabrikladi. Shuningdek, tizimda so‘nggi yillarda olib borilgan keng ko‘lamli ishlar haqida to‘xtalib, viloyatdagi 961 ta maktabda qariyb 533 ming o‘quvchiga 47 mingdan ortiq o‘qituvchi va murabbiylar ta’lim-tarbiya berib kelayotgani hamda ularning 3 547 nafari oliy toifali o‘qituvchilar ekani, bu ko‘rsatkich so‘nggi yetti yilda qariyb to‘rt barobarga oshganligini ta’kidladi.

➡️Tadbirda ta’lim-tarbiya tizimida alohida o‘rnak ko‘rsatgan, ta’lim tizimini rivojlantirishga munosib hissa qo‘shayotgan, faol, tashabbuskor va izlanuvchan, munosib natijalarga erishayotgan 15 nafar pedagoglar, muallim va murabbiylarimiz viloyat hokimining faxriy yorliq va sovg‘alari bilan taqdirlandi.

ℹ️Taqdirlash marosimida sohada ko‘p yillardan buyon mehnat qilib kelayotgan faxriy ustozlar so‘zga chiqib, ta’lim tizimiga qaratilayotgan e’tibor xususida, pedagog kasbining jamiyat, kelajak avlod oldidagi mas’uliyati haqida so‘z yuritdi.

✔️Viloyatning taniqli san’atkorlari ishtirokidagi konsert dasturi tadbir ishtirokchilariga yanada ko‘tarinkilik bag‘ishladi.

#Ustozlarforumi #taqdirlash #konsertdasturi

Telegram | Facebook | Instagram | You tube | Twitter | Veb-sayt

☄️III "Ustozlar milliy forumi"ning shahar va tuman bosqichlari boshlandi

➡️Bugun viloyatimizning barcha hududlarida an'anaviy III "Ustozlar milliy forumi"ga start berildi.

✔️Forum doirasida 15 ta sho‘bada pedagoglar uchun seminar-trening va mahorat darslari tashkil etilmoqda. Bunda ustozlar bilim va mahoratlarini oshirish barobarida o‘zaro tajriba ham almashishmoqda.

🔔Shuningdek, forum doirasida hududlardagi ta'lim tizimida alohida o'rnak ko'rsatib kelayotgan o'qituvchi-murabbiylar munosib taqdirlanmoqda.

#ustozlarforumi #seminar #taqdirlash #hududlar

Telegram | Facebook | Instagram | You tube | Twitter | Veb-sayt