📖“Besh tashabbus” olimpiadasining maktab bosqichlari boshlandi

O‘zbekiston Respublikasi Prezidenti tashabbusi bilan yoshlarda sog‘lom turmush tarzini qaror toptirish, ularning bo‘sh vaqtini mazmunli tashkil etish maqsadida joriy etilgan “Besh tashabbus” olimpiadasining maktab bosqichlari 25-sentabrdan 5-oktyabrga qadar yurtimiz bo‘ylab yuqori saviyada tashkil etilmoqda.

Surxondaryo viloyatida umumta’lim maktablari o‘quvchilarining 80 foizdan ortig‘i onlayn ro‘yxatdan o‘tib, mazkur sport musobaqalarida faol ishtirok etmoqda. Olimpiada doirasida futbol, voleybol, basketbol kabi jamoaviy sport turlari bilan bir qatorda, shaxmat kabi intellektual yo‘nalishlarda ham musobaqalar o‘tkazilmoqda.

Ushbu musobaqalar yoshlarning:

jismoniy chiniqishi,
sog‘lom turmush tarzini shakllantirishi,
jamoaviylik va do‘stona raqobat ruhida tarbiyalanishiga xizmat qilmoqda.

G‘oliblar keyingi bosqichlarga yo‘llanma olib, viloyat va respublika miqyosida o‘z iqtidorini namoyon etish imkoniga ega bo‘ladilar.

👍Telegram   👍Facebook
👍Instagram 👍You tube
👍Twitter       👍Veb-sayt

📖Vazir o‘rinbosari Surxondaryoda

Bugun Maktabgacha va maktab ta’limi vazirining o‘rinbosari Farhod Boqiyev Surxondaryo viloyatiga tashrif buyurib, Angor tumanidagi 13-sonli maktabgacha ta’lim tashkiloti, 18-maktab hamda Jarqo‘rg‘on tumanidagi 33-, 66- va 68-maktablar faoliyatini o‘rgandi.

Tashrif davomida ta’lim muassasalarida ma’naviy-ma’rifiy ishlar samaradorligini yanada oshirish bo‘yicha amalga oshirilayotgan chora-tadbirlar tahlil qilindi. Xususan, o‘quvchilarda milliy qadriyatlarga hurmat, yuksak ma’naviyat va mustaqil fikrlash ko‘nikmalarini shakllantirishda milliytarbiya.uz platformasidan foydalanish darajasi o‘rganildi.

Shuningdek, kuz-qish mavsumiga puxta tayyorgarlik masalasi ham alohida ko‘rib chiqildi. O‘quv xonalarining issiqlik ta’minoti, xavfsizlik choralarining kuchaytirilishi, elektr va boshqa muhandislik-kommunikatsiya tarmoqlarining tayyorgarligiga jiddiy e'tibor qaratish lozimligi ta'kidlandi.

Bundan tashqari, o‘quv jarayonining samaradorligini oshirish, pedagog kadrlarning faoliyatini qo‘llab-quvvatlash, ta’lim-tarbiya jarayonini yangi bosqichga olib chiqish borasida o‘qituvchilar bilan fikr almashildi.

Shuningdek, Termiz shahri va Termiz tumanidagi ta'lim muassasalarining ma'naviy-ma'rifiy ishlar bo‘yicha direktor o‘rinbosarlari ishtirokida "Kelajak soati" darslarini yuqori saviyada tashkil etish masalasi muhokama qilindi va mavjud kamchiliklarni bartaraf etish yuzasidan mas'ullarga tegishli ko‘rsatmalar berildi.

👍Telegram   👍Facebook
👍Instagram 👍You tube
👍Twitter       👍Veb-sayt