#Qonunchilikdagi_yangiliklar

❗️Banklarga o'rnatiladigan makroprudensial normativlarga doir talablar belgilandi

«Banklarga o'rnatiladigan makroprudensial normativlar hamda ular tomonidan beriladigan kreditlar (mikroqarzlar) bo'yicha to'lovlarning eng yuqori qiymatlariga doir talablar to'g'risida» gi nizom (ro'yxat raqami: 3618, 22.04.2025-y.) Adliya vazirligida davlat ro'yxatidan o'tkazildi.

🔰Mazkur Nizom banklarga, shu jumladan mikromoliya banklariga (bank) qo'yiladigan makroprudensial normativlar hamda ular tomonidan jismoniy shaxslarga beriladigan kreditlar (mikroqarzlar) bo'yicha to'lovlarning eng yuqori qiymatlariga doir talablarni belgilaydi.

📋Nizomga ko'ra, banklarga o'rnatiladigan makroprudensial normativlarga quyidagilar kiradi:

▪️qarz yuki ko'rsatkichi;

▪️kreditning garovga nisbati ko'rsatkichi;

▪️kreditlar (mikroqarzlar) kesimida to'planish (konsentrasiya) koeffisientlari.

✅Bank tomonidan qarz oluvchiga kredit (mikroqarz) berilishida uning qarz yuki ko'rsatkichi 50 foizdan oshmasligi lozim.

📝Shuningdek, bank tomonidan qarz oluvchiga beriladigan kredit (mikroqarz) bo'yicha foiz to'lovlari hamda boshqa to'lovlar yig'indisi kreditning (mikroqarzning) asosiy qarz qoldig'iga nisbatan kunlik 0,25 foizdan oshmasligi lozim.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Toshkent davlat tibbiyot universiteti tashkil etiladi

“Tibbiyot sohasida kadrlar tayyorlash tizimini tubdan takomillashtirish chora-tadbirlari to'g'risida”gi Prezident Qarori (PQ-149-son, 22.04.2025 y.) qabul qilindi

🔰Qarorga ko'ra:

🔹Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya instituti negizida Toshkent davlat tibbiyot universiteti tashkil etiladi;

🔹Toshkent tibbiyot akademiyasining markaziy ilmiy-tekshirish laboratoriyasi negizida Tibbiyot ilmiy-innovatsion tadqiqot instituti faoliyati yo'lga qo'yiladi;

🔹Toshkent tibbiyot akademiyasining Urganch filiali Urganch davlat tibbiyot instituti etib qayta tashkil etiladi;

🔹Toshkent tibbiyot akademiyasining ko'p tarmoqli klinikasi, Toshkent pediatriya tibbiyot instituti klinikasi va Toshkent davlat stomatologiya instituti klinikasi Toshkent davlat tibbiyot universiteti klinikalari etib qayta nomlanadi;

🔹Toshkent tibbiyot akademiyasining Termiz va Chirchiq filiallari Toshkent davlat tibbiyot universitetining Termiz va Chirchiq filiallari etib qayta nomlanadi;

🔹Toshkent tibbiyot akademiyasi akademik litseyi, Toshkent pediatriya tibbiyot instituti akademik litseyi va Toshkent davlat stomatologiya instituti akademik litseyi Toshkent davlat tibbiyot universitetining 1-, 2- va 3-son akademik litseylari etib qayta nomlanadi.

✅ Ta'lim dasturlarini xalqaro tibbiy ta'lim standartlariga muvofiqlashtirib, kompetensiyalarga asoslangan tibbiy ta'lim dasturlarini joriy etish Universitetning asosiy vazifalari va faoliyati yo'nalishlaridan biri etib belgilandi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Bitiruvchi kurs talabalariga Universitet diplomi beriladi

⚡️ Qarorga ko'ra, Universitet tibbiyot sohasi uchun oliy ma'lumotli mutaxassislar va ilmiy kadrlar tayyorlash, qayta tayyorlash va ularning malakasini oshirish bo'yicha yetakchi oliy ta'lim muassasasi hisoblanadi.

🗓 2025/2026-o'quv yilidan magistraturada bosqichma-bosqich xorijiy tillarda o'qitiladigan alohida guruhlar tashkil etadi.

🏢 Ixtisoslashtirilgan tibbiyot markazlari va Toshkent shahridagi tibbiyot muassasalari Universitet talabalari uchun klinik amaliyot bazalari etib belgilanadi.

🎓 Universitetga talabalarni o'qishga qabul qilish 2025/2026-o'quv yilidan boshlanadi.

📕 2025/2026-o'quv yilidan Toshkent tibbiyot akademiyasi, Toshkent pediatriya tibbiyot instituti va Toshkent davlat stomatologiya institutida tahsil olayotgan barcha talabalar o'qishini Universitetda davom ettiradi hamda bitiruvchi kurs talabalariga belgilangan tartibda Universitet diplomi beriladi.

📁 Universitet tuzilmasida homiylik xayriyalari hisobidan to'ldiriladigan Toshkent davlat tibbiyot universitetini rivojlantirish jamg'armasi tashkil etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Mikro gidroelektr stansiyalari tarmog‘i rivojlantiriladi

Manba: PQ-129-son, 28.03.2025-yil

Kanalga ulanish👇👇👇
https://t.iss.one/huquqiyaxborot_lotin

#2025_yil_1_maydan

⚠️Qonunchilikka ko'ra, o'z faoliyatini YATT, mikrofirma yoki kichik korxona toifasigacha yiriklashtirgan o'zini o'zi band qilgan shaxslar va tadbirkorlarga quyidagi miqdorlarda garovsiz kreditlar beriladi:

➖Oilaviy tadbirkorlikni rivojlantirish dasturi doirasida – 50 million so'mgacha,

➖Kichik biznesni uzluksiz qo'llab-quvvatlash kompleks dasturi doirasida – 150 million so'mgacha.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Kam taʼminlangan oilalarga elektr va gaz to‘lovlarining bir qismi kompensatsiya qilib beriladi

Manba: PQ-134-son, 02.04.2025-yil

Kanalga ulanish👇👇👇
https://t.iss.one/huquqiyaxborot_lotin

Bugun Shayxontohur tumani Davlat xizmatlari marakazida “O‘zbekistonda davlat xizmatlari ko‘rsatishni yana-da takomillashtirish” loyihasiga rasman start berildi.

Tadbirda, Adliya vaziri A.Tashkulov, Yevropa Ittifoqining O‘zbekistondagi vakolatxonasi hamkorlik bo‘limi rahbari janob Vim Riyempa, Birlashgan Millatlar Tashkiloti Taraqqiyot Dasturining O‘zbekistondagi doimiy vakili Akiko Fuji xonim, shuningdek, xorijiy davlatlar va xalqaro tashkilotlar, milliy hamkor tashkilotlar vakillari ishtirok etdi.

Shu o‘rinda, Adliya vazirligi, Yevropa Ittifoqining O‘zbekistondagi vakolatxonasi hamda Birlashgan Millatlar Tashkiloti Taraqqiyot Dasturi bilan birgalikda amalga oshirilgan 2019-2024-yillarga mo‘ljallangan “O‘zbekistonning qishloq hududlarida davlat xizmatlarini taqdim etishni takomillashtirish va boshqaruv darajasini oshirish” qo‘shma loyihasining birinchi fazasi muvaffaqiyatli yakunlandi.

Taʼkidlash joizki, o‘tgan 5 yil davomida loyiha doirasida salmoqli ishlar amalga oshirildi.

Xususan, FHDYning dalolatnoma yozuvlari raqamlashtirildi, xizmatlarni real vaqt rejimida monitoring qilish bo‘yicha Situatsion markaz ishga tushirildi, pilot hududlarda xodimlarning salohiyatini oshirish bo‘yicha bir qancha treninglar o‘tkazildi.

Ayniqsa davlat xizmatlari markazlarida inklyuziv muhit yaratilganligi imkoniyati cheklangan shaxslar uchun davlat xizmatlaridan foydalanishda teng imkoniyatlarni taʼminlashda, ularga qulaylik yaratishda muhim ahamiyat kasb etmoqda.

Jumladan, Nukus shahrida tashkil qilingan Davlat xizmatlari markazi bugungi kunga kelib 50 mingdan ortiq aholiga sifatli va qulay xizmatlar ko‘rsatmoqda.

Bugun start berilgan loyihada inklyuziv va foydalanuvchilarga yo‘naltirilgan davlat xizmatlaridan foydalanish imkoniyatini yaratish, raqamlashtirish orqali ilg‘or texnologiyalar va amaliyotlarni integratsiyalash kabi maqsadlar qo’yildi.

Shuningdek, davlat xizmatlarini ko‘rsatishda inson omilini kamaytirish orqali xizmatlarni avtomat shaklga o‘tkazish, proaktiv xizmatlarni kengaytirish, sunʼiy intellektni joriy qilish hamda aholining o‘ziga o‘zi xizmat ko‘rsatish imkoniyatlarini oshirishga doir tadbirlarni amalga oshirish kutilmoqda.

📌 Kanalga ulanish