#داستان #کوردی_که‌لهوری
🔹️ ئەور بووچانی
✍ نۊسەر: #سابیر_سەبووری
📌 شعر: #جەمشید_وەیسی
یەی ڕووژ لە ڕووژەیل گەرم تاوسان لە ناو ئەورەیل ڕەنگین ئاسمان ، ئەور کەو بۊچگێگ بۊ ، ئێ ئەورە شێوەی گوڵ داشت و لە وێنەی گوڵ مێرەبان بۊ .
ئەور چیرووکمان لە ئاسمان هاتیادو چیادو شعر خوەنیاد ، شعرەیل ئەور بوو نم واران دیان .
ئەور لە لای خوەی وەتیا:
ئەورم پڕ لە وارانم
لە بەرزی ئاسمانم
تک تک تکیەم زەۊ تەڕ کەم
بڵاچە و گرمهڕ کەم
ئاو دەم وە گوڵ وە چیمەن
سەوزەو کەم دەیشت و دیمەن
ئەور چیرووکمان هەمیشە لە لای خوەی وەتیا م لە کوورە بوارم؟
ئاخێ ئەور فرە مێرەبان بۊ و تواسیا دڵ گشت شاد بکێد . یەی ڕووژ لە دۊای شعر خوەنین کەفتە ڕێ تا جیێگ پەیا بکێد ئەڕا وارین . چێ و چێ ، تاگەر ڕەسی وە دەشت فرە گەورایگ . تمام دەیشت لە وێنەی خوەر زەرد بۊ . چمان دەیشت بەشێگ لە خوەر بۊ . بافەیل زەرد گەنم لە دۊرەو دڕەوشیان و لەورە وەرزێر پیرێگ داشت گەنم درەو کردیا . وەرزێر کار کردیاد و شعر خوەنیاد ئەو وەتیا:
گەنم و نژی ، نخە و ماش
ڕووژەو بۊ یەواش یەواش
خەلیەم چنم درەو کەم
چەپگ چەپگ وە باوش باوش
خەلیەم بەر گرت وە خەروار
خودای کەرەم کوولەوار
سپاسد کەم وە هزار
لە تو ڕووزی لە من کار
ئەور دڵێ نات بوارێ . چون ئەگەر بواریاد گەنمەیل وەرزێر تەڕەو بیان.ئەور وەرزێر و دەیشت نادە جی و وە دەنگ خەمینێگ وەت: م لە کوورە بوارم؟
چێ و چێ تاگەر ڕەسی وە بان سەر کۊەسان بەرز و خوەش دیمەنێگ . لە پای کۊەسان کوڕ شوان ک لە شوون پەسەگانێ شەکەتەو بۊد نیشتە بان سان تەختێگ و وەرکەگەی کە تازە لە داڵگ پێیا بۊد ، گردە باوش و دەس کردە شعر خوەنین ئڕای :
ناز و ڕەنگین ، وەرکەگەم
ئای وەرکە بۊچگڵەگەم
وەرک خوەمی نە هن کەس
وە خودا نیەمەد وە سەد پەس
بلوور ژەنم خەود بای
خەوەیل کەو کەود بای
ئەور دڵێ نات بوارێ چون ئەگەر بواریاد ، کورپەی تازە پێیا بۊ ، تەڕەو بیادو زقم خواردیا.
لە نوو وە دەنگ خەمینێگ وەت:م لە کوورە بوارم؟
ئەور کوڕ شوان و کۊەسان نادە جی و چێ تاگەر ڕەسی وە باخ سەرسەوز و ڕەنگینێگ . باخ بوو وەهار دیاد . لە ناو باخ سێفەیل گوڵاو لە قەی دارەیل دڕەوشیان . دارەیل گڵایل خوەیان لەقانیان . مەلۊچگەیل ئاواز خوەنیان . چمان گشتێ دڵێیان واران تواسیا .
ئەور لە لای خوەی وەت:یە خاسترین جییە ئەڕا وارین
دەس کردە واران و شعر خوەنی:
ئەورم پڕ لە وارانم
لە بەرزی ئاسمانم
تک تک تکیەم زەۊ تەڕ کەم
بڵاچە و گرمهڕ کەم
ئاو دەم وە گوڵ وە چیمەن
سەوزەو کەم دەیشت و دیمەن
دۊەت خاون باخ تا دەنگ واران شنەفت ، وە خوەشیەو لە ماڵ هاتە دەیشت و دەس کردە هەڵپەڕین . دۊەت ک فرە خوەشاڵ بۊ ، وە دەنگ بەرز شعر خوەنیاد و وەتیا:
خش خش خش خش واران تێ
واران وە سەر داران تێ
سەوزەو کێ دەیشت و دیمەن
گوڵ سەر هێز دێد و چیمەن
واران واران واران تێ
لە ئەور بەهاران تێ
ئەور بەهار خوەش هاتی
تو دڵخوەشی وڵاتی
#سیروان_رسانه‌مرجع_مناطق‌کردنشین
@sirwan_weekly
🔹️ ئەور بووچانی
✍ نۊسەر: #سابیر_سەبووری
📌 شعر: #جەمشید_وەیسی
یەی ڕووژ لە ڕووژەیل گەرم تاوسان لە ناو ئەورەیل ڕەنگین ئاسمان ، ئەور کەو بۊچگێگ بۊ ، ئێ ئەورە شێوەی گوڵ داشت و لە وێنەی گوڵ مێرەبان بۊ .
ئەور چیرووکمان لە ئاسمان هاتیادو چیادو شعر خوەنیاد ، شعرەیل ئەور بوو نم واران دیان .
ئەور لە لای خوەی وەتیا:
ئەورم پڕ لە وارانم
لە بەرزی ئاسمانم
تک تک تکیەم زەۊ تەڕ کەم
بڵاچە و گرمهڕ کەم
ئاو دەم وە گوڵ وە چیمەن
سەوزەو کەم دەیشت و دیمەن
ئەور چیرووکمان هەمیشە لە لای خوەی وەتیا م لە کوورە بوارم؟
ئاخێ ئەور فرە مێرەبان بۊ و تواسیا دڵ گشت شاد بکێد . یەی ڕووژ لە دۊای شعر خوەنین کەفتە ڕێ تا جیێگ پەیا بکێد ئەڕا وارین . چێ و چێ ، تاگەر ڕەسی وە دەشت فرە گەورایگ . تمام دەیشت لە وێنەی خوەر زەرد بۊ . چمان دەیشت بەشێگ لە خوەر بۊ . بافەیل زەرد گەنم لە دۊرەو دڕەوشیان و لەورە وەرزێر پیرێگ داشت گەنم درەو کردیا . وەرزێر کار کردیاد و شعر خوەنیاد ئەو وەتیا:
گەنم و نژی ، نخە و ماش
ڕووژەو بۊ یەواش یەواش
خەلیەم چنم درەو کەم
چەپگ چەپگ وە باوش باوش
خەلیەم بەر گرت وە خەروار
خودای کەرەم کوولەوار
سپاسد کەم وە هزار
لە تو ڕووزی لە من کار
ئەور دڵێ نات بوارێ . چون ئەگەر بواریاد گەنمەیل وەرزێر تەڕەو بیان.ئەور وەرزێر و دەیشت نادە جی و وە دەنگ خەمینێگ وەت: م لە کوورە بوارم؟
چێ و چێ تاگەر ڕەسی وە بان سەر کۊەسان بەرز و خوەش دیمەنێگ . لە پای کۊەسان کوڕ شوان ک لە شوون پەسەگانێ شەکەتەو بۊد نیشتە بان سان تەختێگ و وەرکەگەی کە تازە لە داڵگ پێیا بۊد ، گردە باوش و دەس کردە شعر خوەنین ئڕای :
ناز و ڕەنگین ، وەرکەگەم
ئای وەرکە بۊچگڵەگەم
وەرک خوەمی نە هن کەس
وە خودا نیەمەد وە سەد پەس
بلوور ژەنم خەود بای
خەوەیل کەو کەود بای
ئەور دڵێ نات بوارێ چون ئەگەر بواریاد ، کورپەی تازە پێیا بۊ ، تەڕەو بیادو زقم خواردیا.
لە نوو وە دەنگ خەمینێگ وەت:م لە کوورە بوارم؟
ئەور کوڕ شوان و کۊەسان نادە جی و چێ تاگەر ڕەسی وە باخ سەرسەوز و ڕەنگینێگ . باخ بوو وەهار دیاد . لە ناو باخ سێفەیل گوڵاو لە قەی دارەیل دڕەوشیان . دارەیل گڵایل خوەیان لەقانیان . مەلۊچگەیل ئاواز خوەنیان . چمان گشتێ دڵێیان واران تواسیا .
ئەور لە لای خوەی وەت:یە خاسترین جییە ئەڕا وارین
دەس کردە واران و شعر خوەنی:
ئەورم پڕ لە وارانم
لە بەرزی ئاسمانم
تک تک تکیەم زەۊ تەڕ کەم
بڵاچە و گرمهڕ کەم
ئاو دەم وە گوڵ وە چیمەن
سەوزەو کەم دەیشت و دیمەن
دۊەت خاون باخ تا دەنگ واران شنەفت ، وە خوەشیەو لە ماڵ هاتە دەیشت و دەس کردە هەڵپەڕین . دۊەت ک فرە خوەشاڵ بۊ ، وە دەنگ بەرز شعر خوەنیاد و وەتیا:
خش خش خش خش واران تێ
واران وە سەر داران تێ
سەوزەو کێ دەیشت و دیمەن
گوڵ سەر هێز دێد و چیمەن
واران واران واران تێ
لە ئەور بەهاران تێ
ئەور بەهار خوەش هاتی
تو دڵخوەشی وڵاتی
#سیروان_رسانه‌مرجع_مناطق‌کردنشین
@sirwan_weekly