#pdf
🗞 نسخه کامل شماره١٣٠٣ #سیروان ١٢ آبان ١٤٠٣

#سیروان_میدیای_کوردی
#رسانه_مناطق_کردنشین

@sirwan_weekly

🎼 #حسین_صفامنش نوێترن گۆرانی خۆی به زاراوه‌ی لوڕی بەختیاری بەڵاو دەکاتەوە.

#سیروان_میدیای_کوردی

@sirwan_weekly

🔹 هەڵپەڕکێی سێجار (سجار_سجا) کرنی(کرندی) لە ناوچەی داڵەهۆ

سه‌رچاوه: قدیمی‌های کرند

#سیروان_میدیای_کوردی
@sirwan_weekly

🔹 پێشنیارێکی کوردانە
بۆ شۆرا و شارەداری سنە*

✍🏻 سەیدهاشمی هیدایەتی

وەک شاروەرێکی کوردی ئێرانی داواکارم لە شۆرای شار و شارەداری سنە, بۆ خزمەت بە زمانی دایکی و پاراستنی فەرهەنگی کوردی, هەموو تابلۆکانی ناوشار وەک ناوی شەقامەکان و کۆڵانەکان و هەرجۆرە ڕێنماییەک بکەن بە دوو زمانەی کوردی و فارسی.

🔹 ئەم ڕەسم و یاسا لە تەواوی وڵاتە چەن زمانییەکاندا باوە. ئێمەیش مافی ئێمەیە لە کەناری زمانی فەرمی فارسیدا زمانی دایکیمان  بپارێزدرێت. دیارە ئەگەر ئەم تابلۆگەلە بۆ ناساندن و رێنمایی خەڵک دانراوە دەبێ بە زمانی دانیشتووانی هەر شار و شارۆچکەیەک بێت.

🔹لەم داخوازییەدا روو دەکەمە تەواوی ئەو کەسانەی شەریکە و دووکان و دەم و دەزگای شەخسی خۆیان هەیە   دەڵێم: براو خۆشکی کوردم ڕەوایە ئێمە پێشتر و دڵسۆزانەتر لە ڕێکخراوە دەوڵەتی و گشتییەکان ئەم ئەرکە ئینسانی و نەتەوایەتییە بەڕێوە ببەین.

* گەرچی رووی من ـ لەم وتارەدا ـ  ئەندامانی شۆراو شارەداری شاری سنەیە بەڵام ڕەوایە ئەم ئەرکە گربنگە لە تەواوی شارو شارۆچکە کوردیبەکاندا بەڕێوە بچێت.

۱۴۰۲/۴/۳
@KDproblems


#سیروان_میدیای_کوردی

@sirwan_weekly

🔹 فێستیڤاڵی گه‌لاوێژ کۆتایی هات و خەڵاتەکان دابەشکران

بەدابەشکردنی خەڵاتەکانی فێستیڤاڵ، سێیەمین رۆژی 27 هەمین فێستیڤاڵی نێودەوڵەتی گەلاوێژ سەرکەوتووانە کۆتایی هات.
 

"لەم فێستیڤاڵەدا 179 بابەت لە شیعر و لێکۆڵینەوەو چیرۆک بەشداربوون و لیژنەکانی هەڵسەنگاندن یەکەم و دووەم و سێیەمیان هەڵبژارد.
 
لەدەستپێکی دابەشکردنی خەڵاتەکاندا خەڵاتی زێڕینی گەلاوێژ پێشکەش بە شاعیری کورد #جەمال_غەمبار کرا و خەڵاتی زێڕینی کوردستان پێشکەش بە نوسەری عەرەب #واسینی_ئەعرەج کرا.
 
هەر لە فێستیڤاڵەکەدا خەڵاتی یەکەمی شیعر و لێکۆڵینەوەو چیرۆک پێشکەش بە نوسەران و ئەدیبانی بادینان کرا، کەبەم شێوەیە بوو:
 
خەڵاتی یەکەمی لێکۆڵینەوە پێشکەش بە رێبەر کوردۆ کرا
خەلاتی یەکەمی چیرۆک پیشکەش بە کاهین کانی کرا
خەڵاتی یەکەمی شیعر پێشکەش بە میللەت محەمەد موحسین کرا
 
هاوکات لە فێستیڤاڵەکەدا خەڵاتی یەکەم و دووەم و سێیەم بۆ شیعر و چیرۆک و لێکۆڵینەوە پیشکەشکرا کەبەم شێوەیە بوو:
 
خەڵاتی لێکۆڵینەوە:
خەڵاتی یەکەم ، سەروەت عەبدوڵڵا
خەڵاتی دووەم، شکار وەفا مەحمود
خەڵاتی سێیەم، محەمەد نەبی

خەڵاتی چیرۆک:
خەڵاتی یەکەم، عادل قادری
خەڵاتی دووەم، سوهەیب عەلی
خەڵاتی سێیەم، رەنج رەسوڵ رەزا
 
خەڵاتی شیعر:
خەڵاتی یەکەم، کەریم شەریف
خەڵاتی دووەم، ئەکرەم هەواس
خەڵاتی سێیەم، دڵشاد کاوانی
 
بەم شێوەیەش ئەمڕۆ شەممە کۆتایی هات بە 27هەمین فێستیڤاڵی نێودەوڵەتی گەلاوێژ، کەماوەی سێ رۆژی خایاند و چەندین چالاکی ئەدەبی و هونەری و لێکۆڵینەوەی تێیدا پیشکەشکرا و تێیدا فێستیڤاڵەكە میوانداری  12 توێژەری كوردو فارس و عەرەبی کرد.

سه‌رچاوه: pukmedia

#سیروان_میدیای_کوردی

@sirwan_weekly

🔹 هاوکات لە گەڵ پەردە لادان لە سەر «خەڵاتی قەڵەمی هەژار» لە زانکۆی کوردستان ، مامۆستا ماجد رۆحانی ئەم ویدئۆیەی بڵاو کردەوە
#سیروان_میدیای_کوردی

@sirwan_weekly

🔹 خەڵاتی قەڵەمی هەژار

✍🏻 #به‌ختیار_سه‌جادی *

لە زانکۆی کوردستان لە سنە لە ساڵی ٢٠٠٠ بەم لاوە کۆمەڵێ هەنگاوی گەورە و بنەڕەتی بۆ پەرەپێدانی زمان و ئەدەبی کوردی هەڵگیراون کە لە سەرتاسەری ئێراندا نەک هەر یەکەمین و تاقە هەوڵن لەو بوارەدا بەڵکوو ئەستەمیشە تا ساڵانی تر هەنگاوی دیکەی لەو ئاستە و بەو چەشنە هەڵبگیردرێ. هەندێکیان بریتین لە:

- دانانی ناوەندی توێژینەوەی کوردستانناسی لە ساڵی ٢٠٠٠دا
- داڕشتنی بەرنامەی خوێندنی زمان و ئەدەبی کوردی لە چوارچێوەی ١٤٠ یەکەدا بۆ قۆناغی بەکالۆریۆس لە ٢٠٠٢دا و پەسەندکرانی لە وەزارەتی خوێندنی باڵا لە ٢٠٠٣دا
- پەسەندکرانی وەرگرتنی خوێندکار بۆ بەشی کوردی لە نامیلکەی کونکووری ساڵی ٢٠٠٤ (کە بەری پێ گیرا و خوێندکار وەرنەگیردرا)
- کردنەوەی بەشی زمان و ئەدەبی کوردی و وەرگرتنی خوێندکار لە ٢٠١۵دا
- بەرزکردنەوەی ئاستی زانستیی ناوەندی توێژینەوەی کوردستانناسی بۆ توێژینگە لە ٢٠١٦دا
- دەرکردنی یەکەمین ژورناڵی زمان و ئەدەبی کوردی لە ئێران لە ٢٠١۵دا
- دانانی ئەنجومەنی زانستیی خوێندکاری بۆ زمان و ئەدەبی کوردی و دەرچوونی یەکەم ژمارەی گۆڤارەکەی ئەنجومەن لە ٢٠١٦دا
- دانانی زمان و ئەدەبی کوردی وەک وانەی بژاردە لە چوارچێوەی ٢ یەکەدا بۆ خوێندکارانی هەموو بەشەکانی زانکۆ لە ٢٠١٧دا
- نووسینی بەرنامەی خوێندنی زمان و ئەدەبی کوردی لە چوارچێوەی ٣٢ یەکەدا بۆ قۆناغی ماستێر و پەسەندکرانی لە وەزارت لە ٢٠١٨دا
- پەسەندکرانی پژوهشنامه ادبیات کردی وەک یەکەمین و تاقە ژورناڵی زمان و ئەدەبی کوردیی دانپێدانراوی وەزارەتی خوێندنی باڵای ئێران لە ۲۰۱۹دا
- بەدەستهێنانی هاوکۆلکەی کاریگەری لە ناوەندی ئای‌ئێس‌سی وەک تاقە ژورناڵی کوردیی هەڵگری ئەم تایبەتمەندییە لە ٢٠٢١دا

وێڕای ئەو خاڵانەی سەرەوە، ژمارەیەکی زۆری چالاکیی پتەو و پێوەندیدار بە زمان و ئەدەبی کوردییەوە لە زانکۆی کوردستان لە سنە ئەنجام‌دراون و گەلێک هەنگاوی کردەیی بۆ ئەم مەبەستە نراون، لەوانە بەڕێوەبردنی دەیان سمینار و کارگەی زانستی، چەندین کۆنفرانسی نێودەوڵەتی و سەمپۆزیۆم و فێستیڤاڵ، بڵاوکردنەوەی دەیان کتێب و نووسینی سەرچاوە بە کوردی بۆ وانەکانی بەشی کوردی.

خەڵاتی قەڵەمی هەژار، کە لە لایەن توێژینگەی کوردستانناسیی زانکۆی کوردستانەوە بەڕێوەدەچێت، سەرەتا لە ٢٠١٧دا ناسێندرا. ئێستا جێگای خۆشحاڵییە کە توێژینگەی کوردستانناسی شێلگیرانە هەوڵی داوە ئەم خەڵاتە بە باشترین شێوە بخاتەوە گەڕ. هیوادارم ئەم خەڵاتە بتوانێ دەوری باش بگێڕێت لە گەشەپێدانی پێگە و گوتاری زمان و ئەدەبی کوردی و بردنەسەری ئاستی هۆشیاریی کۆمەڵایەتی لەم ڕووەوە بە مەبەستی مسۆگەرتربوونی ناسنامەی کوردی.

ڕێوڕەسمەکە بە شێوەیەکی شیاو و ئاست‌بەرز بەڕێوەچوو و بوو بە مایەی دڵخۆشیی ئەویندارانی زمان و وێژەی کوردی. پەردەلادان لە کۆبەرهەمی مامۆستا هەژار، کە بڵاوکردنەوەی لە لایەن بەڕێز ماجد مەردۆخ رۆحانی-یەوە سەرپەرشتی کراوە و ئێستا بە شێوەیەکی ڕێکوپێک لە بەردەستە، بیرۆکەیەکی جوان و کارێکی بایەخدار بوو کە ڕێوڕەسمەکەی دەوڵەمەندتر کرد.

من ئەندامی لێژنەی دانانی ئەساسنامە و نووسینەوەی پەیڕەوی خەڵاتەکە بووم لە سەردەمی کۆرۆنا. لێژنەکە سەرکەوتووانە ئەرکەکەی جێبەجێ کرد و پەیڕەوەکەی پێشکەش کرد. بەڵام بۆ ئەم خولەی ئێستا و لەبەر سەرقاڵی وازم لە ئەندامێتی لە لێژنەکە هێنا. وەک بەڵێنم داوە، پاڵپشتی لەم خەڵاتە دەکەم و پشتیوانی لەم هەنگاوە بەنرخەی توێژینگەی کوردستانناسی دەکەم. هەوڵ و ماندووبوونی بەرپرسانی زانکۆی کوردستان و سەرجەم بەڕێزانی توێژینگە لەم پێناوەدا جێگای دەستخۆشی و مایەی پێزانینە. هیوادارم ئەم جۆرە هەوڵانە هەردەم لە گەشەکردندا بن و ئاواتی سەرکەفتن و سەرفرازیم هەیە بۆ هەڵسووڕاوانی خەڵاتەکە.

*مامۆستای زانکۆ و خاوه‌نی دوو بڕوانامه‌ی دوکتورا له فه‌لسه‌فه‌ و ئە‌دەبی ئینگلیزی

#سیروان_میدیای_کوردی

@sirwan_weekly

#حەوتەوانه کتێبی نوێی سەلاحەددین خەدیو رۆشنبیری کورد به ناسینی نووسه‌ر

🔹 لێکدانەوەی حەوت دەستەواژەی بژاردەی سیاسی

ناسیۆنالیزمی کوردی کۆنەکتێبێکی کراوەیە کە ئێستا بەشەکۆتاییەکانی نەنووسراوە. لە سەدەی نۆزدە و  سەرەتاکانی سەدەی بیستەم دا لە سەر دەستی شێخ و مەلا و ڕێبەرانی تەریقەت کەوتە دارەدارە و لە کۆتاییەکانی سەدە دا ڕووناکبیرانی چەپاژۆ بوونە پێشەنگ و جڵەوکێشی. ئێستاکەش خەریکی هەڵس و کەوتە دەگەڵ ئەو شەپۆلە جیهانییەی کە بە نەتەوەخوازیی پەڕگیری ڕاساژۆ دەناسرێ . با لەوەش گەڕێین کە هەمووی ئەوانه لە سەر داروپەردووی  چەشنێک خۆناسینی کوردانەی لەمێژین داندراون. داستانی ئەم کتێبه خۆی نەداوە لە گێڕانەوەی ئەو سەربوردە فکرییە دوورودرێژه و خۆی له شەن‌وکەوی پاراستووە، بەڵکوو سەرەنجی داوەتە سەر پەراوێزەکانی ڕەوتەکە، واتە دەکرێ بلێین جۆرێک تێڕامانه لە هەندێک کەلێن و کەلەبەری  بەڕواڵەت سادە بەڵام لە ڕاستی‌دا گرینگ .../ شارنامه
#سیروان_میدیای_کوردی

@sirwan_news

🔹بۆ یادی دوو نووسەری کورد، بەڕێزان فەتاحی ئەمیری و مەنسووری یاقووتی

✍🏼 #عەتا_نەهایی

#تایبه‌تی_سیروان ، ‌سه‌روتاری ژماره1312
#به‌شی_یه‌که‌م

لەم سەرەتای ساردی زستانەدا کوردستان و گەلی ئەدەبدۆستی کورد دواماڵاواییان لە دوو نووسەری گەورە و بەناوبانگی خۆیان کرد. یەکیان کاک فەتاحی ئەمیری نووسەری رۆمانگەلێکی وەک "هاوارەبەرە"، "میرزا"، "زیندەخەون" و... بە زمانی کوردی، لە شارە جوانەکەی بۆکان و ئەوی دیکەش کاک مەنسووری یاقووتی نووسەری کۆچیرۆکگەلێکی وەک "زخم"، "چراغی بر فراز مادیان کوه"، داستانهای آهودرە" و... بە زمانی فارسی، لە مەزنە شاری کرماشان.
دوو نووسەری تێکۆشەر و دەروەست کە وێڕای جیاوازیی زمانی بەرهەمەکانییان، لە زۆر لایەنی دیکەوە ژیان و بەرهەم و تەنانەت مردنەکەشیان لە یەک دەچوو. هەر دووکیان لە دایک بووی دوو گوند لە دوو ناوچەی کوردستان بوون و بە دوو شێوەزاری کوردی و لە نێو فەرهەنگ و ئەدەبێکی دەوڵەمەندی زارەکی ناوچەکەیاندا پەروەردە بووبوون، کە دواتر کاریگەرییەکی گەورەی لە سەر زمانی نووسین و بەرهەمەکانیان دانا. بە خۆشییەوە کاک فەتاح، بە پێچەوانەی مەنسوور یاقووتی لە سەردەمێکدا دەستی بە نووسین کرد کە سووکە مەجالێک بۆ نووسین و چاپ و بڵاوکردنەوە بە زمانی دایکی لە ئارادا بوو. ئەو یەکەم رۆمانەکەی "هاوارەبەرە" لە دوا ساڵەکانی دەهەی شەستی کۆچیدا بڵاو کردەوە کە یەکەم رۆمان بوو لە پاش شۆڕشی ٥٧ لە ئێران، بە زمانی کوردی نووسرابێت و لە ناوەوەی وڵات چاپکرابێت و ڕاستەوخۆ بە دەستی خوێنەرانی گەیشتبێت. رۆمانێک کە وێڕای پێشەنگیی و جوانییە ئەدەبییەکانی پڕ بوو لە وشەی رەسەن و تەعبیری جوانی شێوەزاری موکریانی، بەتایبەت ئەو ناوچەیە کە کاک فەتاح تێیدا گەورە بووبوو. ئەو دواتر لە هەموو ڕۆمانەکانیدا، شان بە شانی هەڵچوون و بەرز بوونەوەی بەهای ئەدەبی و تواناکانی بۆ نوێکردنەوەی شێوازی گێڕانەوە، پەرەی بەو زمانە پوخت و پاکیزە و، نەسر و پەخشانە جوان و ڕەوانەشی دا. بەڵام مەنسووری یاقووتی لە سەردەمێکدا دەستی بە نووسین کرد (دوا ساڵەکانی دەهەی چل و سەرەتای دەهەی پەنجای کۆچی) کە بە داخەوە هیچ مەجالێک بۆ نووسین بە زمانی دایکی نەبوو. ئەو لە دوا ساڵەکانی دەهەی پەنجا و لە پاش سەرکەوتنی شۆڕشی ٥٧، بۆ قەرەبوو کردنەی ئەو خەسارە، لە دژوارترین قۆناغی ژیانی سیاسی و ئەدەبی خۆیدا دەستی بە کۆکردنەوە و لێکۆڵینەوە و توێژینەوە لە ئەدەبی زارەکی، بە تایبەت ئەفسانە و حەقایەتە کوردییەکانی ناوچەی کرماشان کرد و بەرهەمی ئەو هەوڵە چەند کتێبێکی وەک "ئەفسانەکانی گوندنشینانی کورد"، "ڕاسەکان: کۆمەڵێک ئەفسانە و حەقایەتی کوردی" و هتد بوون.
لایەنێکی لێکچووی دیکەی ژیانی کاک فەتاح و کاک مەنسووری یاقووتی ئەوە بوو کە لە قۆناغێکی ژیانیاندا تێکۆشەری سیاسی و خەباتکاری ڕێگای ئازادی بوون و لە پێناوی بیر و باوەڕی سیاسی و ئایدیۆلۆژیاندا تووشی گەلێک مەینەت و چەرمەسەری و ئێش و ئازار بووبوون. کاک فەتاح وەک پیاوێکی بوێری شناسخواز و نەتەوەیی بەر لە شۆڕش و لە سەردەمی پاشایەتیدا سێ ساڵ گیرابوو، یاقووتیش وەک کەسێکی چەپی عەداڵەتخواز، هەم لە سەردەمی پاشایەتی و هەم لە دوای سەرکەوتنی شۆڕشیش چەند ساڵێکی تەمەنی خۆی لە گرتووخانە بەسەر بردبوو. کاریگەری ئێش و ئازارەکانی ئەو دەمانە لە بەرهەمی هەردووکیاندا ڕەنگی داوەتەوە


#سیروان_میدیای_کوردی

@sirwan_news

🔹بۆ یادی دوو نووسەری کورد، بەڕێزان فەتاحی ئەمیری و مەنسووری یاقووتی

✍🏼 #عەتا_نەهایی

#تایبه‌تی_سیروان ، ‌سه‌روتاری ژماره1312
#به‌شی_دووه‌م_و_کۆتایی

پێشینەی ناسیاویی من لەگەڵ کاک فەتاح دەگەڕێتەوە بۆ نزیکەی چل ساڵێک لەمە پێش، بۆ سەردەمی گەنجی و سەرەتای تەجرەبەی چیرۆکنووسیم. ئەویش لە تەمەنی چل ساڵیدا بوو تازە یەکەم ڕۆمانی، هاوارە بەرەی چاپ کردبوو. لە ئەدەبی داستانیی فارسیدا کاریگەری زمان و فەزای رۆمانەکانی مەحموودی دەوڵەت ئابادی لەسەر بوو. بەڵام من زیاتر دڵم لە لای بەرهەمی چیرۆکنووسە مۆدێڕنەکانی وەک سادقی هیدایەت، هووشەنگ گوڵشیری و بەهرام سادقی بوو. ئەو، ئەوەی بەلاوە ئاسایی بوو. پێی وابوو نووسەرانی کوردیش وەک نووسەرانی هەموو دنیا پێویستە ڕێچکەی جیاواز تاقی بکەنەوە و زمان و شێوازی گێڕانەوەی جیاوازیان هەبێت. ئەو پیاوێکی دێموکرات و رۆشنبیر بوو، نووسەرێکی واقیعگەرا و واقیعنوێن کە شێلگیرانە هەوڵیدەدا لە رۆمانەکانیدا گرینگترین پرس و کێشەکانی کۆمەڵگەی کوردی بگێڕێتەوە. کاک فەتاح بە درێژایی ئەو هەموو ساڵە بۆ من هاوڕێ و مامۆستا و برایەکی گەورە بوو کە خەرمانێک یادەوەری خۆشی، بەتایبەت لە کۆمەڵێک سەفەری ئەدەبیدا کە پێکەوە بووین، لە لام جێ هێشتووە. بە پێچەوانەی کاک فەتاح، من مەنسووری یاقووتیم تەنیا یەکجار، لە سەرەتای دەهەی هەشتا، لە بانە، لە فستیڤاڵی چیرۆکی کوردی بینیوە و لەوە دواش چەند جارێک بە تەلەفۆن قسەمان کردووە. بەڵام لە ساڵانی بەر لە شۆڕش، لە تافی مێر مندالیمەوە، لە ڕێگەی چیرۆکەکانیەوە ناسیومە. کاک مەنسووری یاقووتی وەک عەلی ئەشرەفی دەروێشیان و سەمەدی بێهرەنگی و چەند چیرۆکنوووسێکی دیکە لە ناوە دیارەکانی چیرۆکی فارسی لەو دەمەدا بوون. کۆمەڵێک نووسەری گەنج بە بیروباوەڕی چەپی مارکسیستی کە زۆربەیان مامۆستای قوتابخانە، بەتایبەت قوتابخانەی گوندەکان بوون. کۆمەڵێک نووسەری ئایدیالیست و ئارمانجخواز کە لە نووسینەکانیاندا زیاتر ئاوڕیان لە ئێش و ئازار و مەینەتیاکانی خەڵکی هەژار لە گوندەکان و پەراوێزی شارەکان دەدایەوە و، واقیعە تاڵەکانی ژیانی ئەو چین و توێژانەی کۆمەڵگەیان دەگێڕایەوە. ئەوان رەخنەگرێکی جیدی و نەیارێکی ڕادیکاڵی سیستەمی سیاسی ئەو سەردەمە بوون و هەر بەو بۆنەشەوە گیران و لە بەندیخانەکاندا تووشی عەزێت و ئازار و شکنجەیەکی زۆر بوون. یاقووتی دوای سەرکەوتنی شۆڕش و ڕووخانی حکوومەتی پاشایەتیش، بە هۆی بیر و باوەڕ و چالاکیی سیاسییەوە تووشی گەلێک چەرمەسەری بوو. سەرەتا لە پیشە دڵخوازەکەی خۆی کە مامۆستای قوتابخانە بوو، دەرکرا. پاشان ناچار بوو هاوکات لەگەڵ درێژەدانی بە کاری چیرۆکنووسی، بۆ بژیوی ژیانی خۆی و بنەماڵەکەی، کرێکاری و داڵانداری بکات. دوای ماوەیەک ناچار بە خۆشاردنەوە و ژیانی نهێنی بوو، بەڵام ئەوەش دادی نەدا و پاش چەند ساڵێک گیرا و بۆ ماوەی پێنج ساڵی دیکەش کەوتە بەندیخانەوە. ئەو بە درێژایی حەفتا و شەش ساڵی تەمەنی، ژیانێکی تەژی لە چەرمەسەری و هەژاری و زیندان و ئێش و ئازار و شکستی بوو. بەڵام لە سەختترین قۆناغەکان و لەو پەڕی بێهیواییشدا بۆ ساتێک پشتی لە قەڵەمەکەی نەکرد و وازی لە نووسین نەهێنا. ئەو کە سەردەمانێک لە نێو بەشێک لە نوسەران و خوێنەراندا بە چیخۆفی ئێران ناوی دەرکردبوو، بە درێژایی ئەو ساڵانە دەیان کۆمەڵە چیرۆکی کورت و بڵیند، سێ ڕۆمان، دوو کۆمەڵە شێعر، دەیان کتێبی ڕەخنەیی و توێژینەوەی ئەدەبی و دەیان وتاری نووسی و بڵاو کردەوە. هەروەها بە زمانی کوردیش کۆمەڵە شێعرێکی لۆرکا و چیڕۆکێکی کورتی خۆی بە ناوی "چاڵ" بڵاو کردەوە.
دواهەم شت کە دەمەوێ بیڵێم لێکچوونی دوا ساڵەکانی ژیان و پاشان مردن و دواماڵاواییانە. ئەو دوو نووسەرە پڕ بەهرە و بەرهەمەی کورد، بەو ژیانە پڕ لە ڕەنج و ئازارەیانەوە شایستەی دوارۆژانێکی ئاسوودە و مەرگێکی ئارام و بێ ئێشا و ئازار بوون. بەڵام بە داخەوە چەرخی گەردوون و خامەی چارەنووس بە خواست و خۆزگە و هیوا و ئاواتی ئێمە نەسووڕا و نەینووسی. نەخۆشییەکی دزێوی وەک شێرپەنجە بۆ ماوەیەکی دوور و درێژ لە جەستەی ماندوویاندا ڕەگی داکوتا و دوا ساڵ و دوا ڕۆژەکانی ژیانیانی لە هەمیشە تاڵتر و بە ئازارتر کرد.
رۆحیان شاد و یادی ئازیزیان بەخێر بێت.

#سیروان_میدیای_کوردی

@sirwan_news