‍#Тасодиф

Космононавтлар метродан чиқиб, қор тўшалган дарахтзорни айланиб, цум орқасидаги "Книжни мир" китоб дўконига (русчани чочвормасамам) мўралаб ўтай, бахонада исиниб оламан, деган хаёлда кириб, Арестотелнинг "Метафизика" сини варақларкан, нега ўзбекчаси йўқ... ичимда сўкинаркан рўпарамдаги китоб жавони ортига ўтиб, не кўз билан кўрайки қатооор ўзбекча китоблар терилган! Аввал ўзбекча китоб сотилмасди бу дўконда. Ҳайратланиб, бир-бир титиб чиқаётсам, лоп этиб ўзимни "Жазба" шеърий китобим қўлга тушса денг. Бир эмас, 8 та!

Буни нимага айтябман? "Жазба" вилоятларни билмадиму Тошкентда қолмаган. Сўрайдиганлар кўп. Излаб юрганларга текин маълумот!

Цум автобс бекати ортидаги "Книжни мир" китоб дўкони, ўзбекча китоблар растасида турибди.
Нархи 68000 сўм экан.

@Jontemir_t

Yo‘l

Bu yo‘llar — sog‘inchni qalqitgan nahr,
Bu yo‘llar — dorbozning doriday tikka.
Kezarman, bir taraf — toshlangan chaqir,
Bir taraf ikkita rabotdan chiqqan.

Yurarman ikkita manzilga qarab,
Goh xayol, gohida qadamlar bilan.
Ko‘zga yaqinlarga to‘la bir taraf,
Bir yon so‘zga yaqin odamlar bilan.

Ko‘ngilni ikkiga bo‘lgan masofa,
Shahar eshitmaydi oh-u dodimni.
Men daydib changini chiqargan qirlar
Qo‘yib yubormaydi bir oyog‘imni.

Meni tush ko‘radi har tunda ovul,
Do‘konlar meningsiz ochib daftarin —
Do‘stlarim turnaday kirib bag‘riga,
Chiqishda tentirab buzar saflarin.

Men baland uylarni oralab, hasham,
Sheʼr o‘qib boraman dona-donalab.
Ichki cho‘ntagimning astarigacha
Farroshlik qiladi yemakxonalar.

Yo‘lning u boshida xira nur bilan,
Tongda yongan chiroq kabi yonaman.
Onamning yuziga ismim surtilar.
Boshpana topmagan boshi panaman.

Boraman, kelaman, yo‘ldaman va yo
Yurarman qismatim — burchimni o‘tab.
Har safar kuzatar o‘ksib bir ayol,
Yig‘lab etagimdan qo‘ymas bir go‘dak.

So‘z terib boraman, kelishda ham so‘z.
Taqdirning tadbirin bilgay qay kishi.
E voh, bu yo‘llardan tayindir bir kun
Ko‘zlarimni yumib jim-jit qaytishim.

Bu yo‘llar eltadi ikki rabotga.

Islom ALI

https://t.iss.one/IslomAli_shoir

@sheriylahzalar

Ijtimoiy tarmoqlarda chiroyli iqtiboslar qoʻyib boradigan sahifalar juda koʻp...

Lekin @sanduvoch_uz umuman oʻzgacha. Bu yerda manbasi nomaʼlum, havodan olingan, soxta aforizmlar joylanmaydi.

Faqat kitoblarda uchragan, gazeta, jurnal yoki saytlardan olingan va sahifa admini tomonidan tarjima qilingan iqtiboslar eʼlon qilinadi.

Turli mavzular, turfa mualliflar va “tesha tegmagan” hikmatlarning bari shu sahifada!

Ulanishni lozim topsangiz, marhamat:
@sanduvoch_uz

***

Tush ko’raman olis qishloqni,
Tepasida hilol suzadi.
Yo’l chetida mudragan bog’ni –
Sog’inchlarim titrab kezadi.

Hali juda olisda Zuhra,
Ammo bu dam titrar misli qush
Supadagi belanchak uzra
Ko’kdan yog’gan oltin va kumush.

Tushlarimda emasman yolg’iz,
Yuragimga sig’mas shodon baxt –
Tushlarimda anqiydi  yalpiz,
Qo’riqlaydi tushimni daraxt.

Yoz ertagi

Dalalarning qoq o‘rtasida
Yeru osmon aro bir ertak –
Yulduzlarning mayin sasidan
Tebranadi oppoq belanchak.
Uxlab qolar horigan ota,
Uxlab qolar terimchi — suluv,
Uxlab qolar chorbog‘ ortida
Ariqchada jildiragan suv.
Faqat qora ko‘zlarin ochib,
Hayratlarga to‘ldirib quchoq.
Onasiga o‘xshatib oyni,
Tamshanadi oyday chaqaloq.
Va mehrdan ichib, ko‘ksini
Chaqaloqqa tutar oy xushhol.
So‘ng allalar aytib, o‘ksinib,
Belanchakni tebratar shamol.

BAXTSIZLIK

Uyga qaytdi yarim kechada,
Yonar edi dahlizda chiroq.
Uxlar edi xotini… Biroq,
Erkak alam tuydi ichida.
Keyin borib qozonga boqdi,
Bo’m-bo’sh edi sovuq qozon ham.
Katta uyda chiroqni yoqdi,
Ammo tuydi ichida alam.
So’ng eshikni sekin ochdi-yu,
Malham izlab nolalariga,
Uzoq boqib turdi xotirjam
Uxlab yotgan bolalariga.
Uyga qaytdi yarim kechada,
Uxlar edi xotini biroq,
U tonggacha uxlolmay yotdi,
Tongga qadar o’chmadi chiroq.

***

Sizga ishonardim,
Sizni sevardim,
Sevardim sevgandek butun olamni.
Sizchi, aldadingiz…
Toshdek sovidim –
Bugun esa urdim men o’z bolamni.
Quralay ko’zlarni jovdiratgancha,
Bolamov, yig’lading,
Gunohing bilmay.
Men hushsiz yotardim –
Tegramda kecha…
Dunyodan ketgancha yotardim, o’lmay…
Yuragim o’rnida muzlab yotgan tosh,
Yig’ladim, ko’zlarim oqib ketmadi.
Majolim yo’q edi,
Yo’q edi bardosh…
Kuchim unga yetdi – sizga yetmadi…

Xurshid Davron.
@sheriylahzalar

БAҲОР КЕЛДИ СЕНИ СЎРОҚЛAБ

Салқин саҳарларда, бодом гулида,
Бинафша лабида, ерларда баҳор.
Қушларнинг парвози, елларнинг нози,
Бахмал водийларда, қирларда баҳор...

Қанча севар эдинг, бағрим, баҳорни,
Ўрик гулларининг эдинг мафтуни.
Ҳар уйғонган куртак ҳаёт берган каби
Кўзларингга суртиб ўпардинг уни,

Мана қимматлигим, яна баҳор келиб,
Сени излаб юрди, кезди сарсари.
Қишнинг ёқасидан тутиб сўради сени,
Ул ҳам ёш тўкди-ю, чекинди нари.

Сени излар экан, бўлиб шаббода,
Сен юрган боғларни қидириб чиқди.
Ёзиб кўрсатай деб ҳусн-кўркини,
Яшил япроқларни қидириб чиқди.

Топмай, сабри тугаб бўрон бўлди-ю,
Жарликларга олиб кетди бошини.
Фарҳод тоғларидан дарагинг излаб,
Сойларга қулатди тоғнинг тошини.

Қирларга илк чиққан қўйчивонлардан
Қайда шоир, дея айлади сўроқ.
Барида сукунат, маъюслик кўриб,
Ҳориб-чарчаб келди, тоқатлари тоқ...

Сўнгра жило бўлиб кирди ётоғимга,
Ҳулкар ва Омоннинг ўпди юзидан.
Сингиб ёш куйдирган заъфар ёноғимга
Секин хабар берди менга ўзидан.

Лекин ётоғимда сени тополмай,
Бир нуқтада қолди узоқ тикилиб.
Яна ел бўлди-ю, кезиб сарсари,
Мендан сўрай кетди қалбимни тилиб:

«Қани мен келганда кулиб қаршилаб,
Қўшиғи мавжланиб бир дарё оққан?
«Бахтим борми дея, яккаш сўроқлаб»
Мени шеърга ўраб суқланиб боққан?

Ўрик гулларига тўнмайди нега,
Елда ҳилпиратиб жингала сочин?
Нега мен келтирган шўх нашидага
Пешвоз чиқмайди у ёзиб қулочин?

Қандай ишққа тўлиб боқарди тонгга,
Камол топтирарди кенг хаёлимни.
Унинг рангдор, жозиб қўшиғида
Мудом кўрар эдим ўз жамолимни.

Қани ўша куйчи, хаёлчан йигит?
Нечун кўзингда ёш, туриб қолдинг лол.
Нечун қора либос, сочларингда оқ,
Нечун бу кўкламда сен паришонҳол?»

Қандай жавоб айтай, лолдир тилларим.
Баридан тутдим-у, келдим қошингга.
У ҳам ғаминг билан кезди афтода,
Боқиб туролмайин қабринг тошига.

Aламда тутақиб дарахтга кўчди,
Куртакни уйғотиб сўйлади ғамнок.
Сенинг ёдинг билан елиб беқарор,
Гуллар ғунчасини этди чок-чок.

Гул-у райҳонларнинг таралди атри,
Самони қоплади майин бир қўшиқ.
Бу қўшиқ нақадар ошно, яқин,
Нақадар ҳаётбахш, оташга тўлиқ.

Баҳорга бурканган сен севган элда,
Овозинг янгради жўшқин, забардаст.
Ўлмаган экансан, жоним, сен ҳаёт,
Мен ҳам ҳали сенсиз олмадим нафас.

Ҳижронинг қалбимда, созинг қўлимда,
Ҳаётни куйлайман, чекинар алам,
Тунлар тушимдасан, кундуз ёдимда,
Мен ҳаёт эканман, ҳаётсан сен ҳам!

Зулфия Исроилова

Бизни кузатинг:
Telegram|  Facebook | web-sayt

"Ҳаёт шовқини" нашр этилди. Ниҳоят!
Пушкин, Цветаева, Есенин, Платонов, Висоцкий, Рождественский, Асадов...

Китоб нархи: 20000
Нашриёт: "Муҳаррир"
Таржимон: ФЕРУЗШОҲ

t.iss.one/Feruz_Nematullayev

Juda ajoyib tarjimalar jamlanmasi... Vaqt oʻtishi bilan bu kitobni topolmay qolasiz. Ulgurib qoling, deyman-da, tez orada bu kitobni shaxsan oʻzimdan, Toshkentdan yoki boshqa hududlardan, (pochta orqali joʻnatamiz) xarid qilishingiz mumkin.
Kitobga ega boʻlishni istaganlar, sharhlar qismida " + " belgisini qoldiring...

Qani, kimga nechta joʻnataylik. Kitob narxi atiga 20 ming soʻm. Toshkent shahrida boʻlsangiz, kitobni shaxsan oʻzimdan @Nurmuhammad_Abduzoirov profili orqali olishingiz mumkin...
Agar boshqa hududlardan yozyotgan boʻlsangiz, kitob pochta orqali joʻnatiladi.

Менимча, ижодкорга унинг китоби талаш бўлиб кетишидан ортиқроқ "мотивация" бўлмаса керак...

Китоб чиқариб сотиш таваккалчилик, китобинг минг яхши бўлмасин, унга харидор топилмаса бундан ёмони йўқ. Аввалига ижодкорга бошқа китоб чиқариш учун тўсиқ яратса, кейин ижоддан совутиб бошлайди...

Тўғри-да, шоир ким учун ёзади, ёзганини биров ўқимаса, таржимонлар-чи?

Хуллас, гап бундай:
Феруз дўстим таржималарини саралаб китоб чиқарди. Сотяпмиз.
Нархи: 20 минг сўм.
Тошкентда турганлар ўзимдан олиши мумкин.
Вилоятдагиларга почта орқали жўнатамиз.
Харид қилиш учун @Nurmuhammad_Abduzoirov га ёзсангиз бўлади.
Китобдан қандай таржималар ўрин олгани сизга қизиқ бўлса, мундарижасини расмга тушириб қолдиряпман.

Ҳаёт шовқини.
Таржимон: Феруз Неъматуллаев.

Бугун харид қилганларга почта хизмати бепул.

#bugun_tuğilgan_kun

5-mart - shoira Guljamol Asqarova tug'ilgan kun!

Guljamol Asqarova she'ri
Sitorabonu ijrosida

@sheriylahzalar

САЛҚИН САҲАР, ДАРЁ БЎЙИ...

Салқин саҳар, дарё бўйи,
Жимжит дунё эсингдами.
Табиатнинг сўлим тўйи,
Тонгги рўё эсингдами?

Овлоқ, хушбуй жийда таги,
Пичир-пичир қалин барги,
Севгимизнинг шўх эртаги,
Сеҳрий савдо эсингдами?

Сулувлигинг сеҳрдан соз,
Сеҳрдан соз, сен сарвиноз,
Юз эсласам, барибир оз,
Меҳру вафо эсингдами?

Муҳаббатнинг оловлиги,
Оловдек беаёвлиги,
Ҳамишалик лов-ловлиги,
Кўзи шаҳло, эсингдами?

Оқ булут ҳам оқар секин,
Кўрса агар нима деркин
Бекин! Йўғ-э, тин ол эркин...
Салқин сабо эсингдами?

Эришмоқда олис чек ҳам,
Тонг фусункор, сулув бирам,
Ғазал янглиғ жарангдор дам,
Янгроқ ҳаво эсингдами?

Бошланур тўрғайлар куйи,
Табиатнинг тонгги тўйи,
Ўша висол, дарё бўйи,
Ёруғ рўё эсингдами?

Миртемир

Суратда: Миртемир ва Жонтемир.

@sheriylahzalar

#onajonlarimizga

Ayni tong...
Quyoshjon nurlari bilan,
Zaminni erkalab uyg‘otmoq payti.
Oxiri fevralni qattiq yiqitdi,
Bahorga yetmasdan ketmoqlik dardi.

O‘rik urush qilar shamollar bilan,
Bilib bo‘lmas bunda haqni, nohaqni.
Gullar to‘kiladi... shamol to‘kadi,
Bitta shundamikan ularning farqi.

O‘choqqa o‘t qalar uyg‘ongach onam,
Ichidan "puf-puf"lab chiqarar dardni.
Dasturxon yozilar.
"Qornim to‘q" deya
Keltirib qo‘yadi bir patnis baxtni!

Umri o‘taverar... Tin olmay chizib
Qog‘ozi tugaydi musavvir vaqtning.
Va shu bahonada onam yuzini
Ajinga to‘ldirgan lahzalar mardmi?!

O, siz mehridaryo, hislari nekbin,
Sabri hech tugamas ayol farzandi...
Axir shu ayolni kuldirmoq uchun
Martning sakkizini kutmoqlik shartmi?

✍Laylo Sobir qizi

@sheriylahzalar

‍AYOLGA MAQTOV

Shoirga yoʻl boʻlsin, sizni chizay deb,
boʻyoq quyultirib turar rassomlar!
Mukammal husningiz yogʻdusi uchun
oy ham navbatchilik qilar oqshomlar!

Shoirga yoʻl boʻlsin!
Kuylay deb sizni,
bastakorlar yurar yoqa chok, tajang:
torni temirchiga topshirvorgudek,
har jarang ustida qilib necha jang.

Eʼzozingiz buyuk!
Sarkarda Bobur,
juvonmard ruhlari boʻlgay ziyoda,
qoʻshinda birgina ot qolsa, shunga
sizni oʻtqazgandir,
qolib piyoda...

Shoirga yoʻl boʻlsin!
Sizdagi talʼat,
noziklik kimlarni oʻyga solmagan?!
Oqqush, suvdan chiqmay, taranaverib,
bejiz bir oyoqda uxlab qolmagan!

Sizday yasanmoqni istab, qish bitmay,
Izhorga lab juftlab har bir kurtagi,
oʻriklar chiqdilar — bir tong toʻla gul,
Nur kiydi jaʼmiki bog’lar yurtdagi.

Shoirga yoʻl boʻlsin, kechikdi shoir
bu inja raqobat, nurli taloshga:
Ha bizga hech yumush qolmabdi endi
Sizni juda qattiq sevishdan boshqa!

© Omon MATJON

@Jontemir_t

ғусса

йиллар оқиб ўтар ўртадан
баҳор селларидай шовуллаб,
биратўла учта-тўрттадан
қизғалдоқдай ёнар ловуллаб.

кулга дўнган йилларимизни
ҳар тарафга учирар шамол,
кўнгилдаги зилларимиздан
фол очади қушноч бу замон.

қуруқ янги йил арчасидай
умидларни тўкади жусса.
қайлардандир қор парчасидай
учиб кирар кўнгилга ғусса:

сийланмаган кўнгил зорлиги,
ўнгланмаган ишқнинг армони,
сенсиз дунёларнинг борлиги
ва тўкилган умид хазони…

СОЗИМ



Мен шоирман,
Истасангиз шу,
Ўзимники эрур шу созим,
Бировлардан олмадим туйғу,
Ўзгага ҳам бермам овозим.

Мен куйладим — гоҳ дилда кадар,
Гоҳ севиниб шеър тўқийман мен.
Тингламаса ўзгалар агар,
Ўз-ўзимга шеър ўқийман мен.

Мен куйладим ушбу оламда
Инсон бўлиб туғилганимни.
Мен куйладим баъзан аламда
Йиғлаб-йиғлаб бўғилганимни.

Мен куйладим бу олам аро
Собит турган халқимни фақат,
Мен куйладим ўтмишнинг қаро
Зулматида йўқлигин шафқат.

Керак бўлса, амр этса юрак,
Келтирурман умримга имон.
Менинг учун на таъзим керак,
На ҳолвайтар каби шуҳрат-шон.

Шайдо бўлиб юрганда бирдан
Хаёлимга ташламанг каманд.
Мижғов ва паст, ғийбат гаплардан
Жажжи шеърим қўюрман баланд.

Хаёл каби кенг эрур олам,
Майда гапни кўтармагай шеър.
Керак бўлса менинг учун ҳам
Жавоб берар бобом Алишер.

Абдулла Орипов


@sheriylahzalar

Assalomu alaykum, hurmatli kanal obunachilari.
Sizlarga chuqur qaygʻu bilan shuni maʼlum qilamanki, You Tube tarmogʻidagi @sheriylahzalar kanalimiz oʻchirib tashlandi.
Sababi shulki, bir nechta musiqa va tasvirlardan foydalanib, mualliflik huquqini buzgan emishman.
Kanalni qayta tiklashga harchand urinmay, bari befoyda ketdi.
Boʻlmadi...
Achindim. 2, 500 nafar kuzatuvchimiz bor edi...
Qolaversa, har bir video uchun soatlab, baʼzan kunlab vaqtimizni sarflagan edik...
Endi u videolar ham oʻzimizda yoʻq.

Biz esa tushkunlikka tushmaymiz.
Yerga ursa koʻkka sapchiymiz...
Yana-da kuchliroq boʻlib youtubeni qoʻlga olamiz.
Qani, ketdik.
https://youtube.com/@Sheriy_lahzalar?si=ecHwdSxEqtfvlANU
Bu link orqali you tubedagi
kanalga ulanib olishingiz mumkin...

Tez orada yana bir yangilik haqida xabar yozaman.

‍Абдуманнон МУҲАММАД

ШЕЪРЛАР

*     *     *

Ёмғир бу заминга қадалган нигоҳ,
Ёмғир бу нигоҳдан тўкилган сиёҳ.

Ёмғир — ишқ, юракка киради сизиб,
Гарчи, у севгининг бесуяк қизи.

Деворга осиғлиқ бир тишланган  нон,
Оҳ, ёмғир — умидин узмаган жувон.

Замин талаб қилар баҳорги божин,
Ёмғир — булутларнинг кесилган сочи.

*     *     *

Дераза пардаси,
Oқ, ҳарир парда.
Мен каби ойнадан қарайсан нолон.
Гул тутган олманинг новдаларига
Илдириб қўйсакми иккаламиз жон.

Гулдан гулга қўнган капалакларни,
Кўзинг-ла қувасан гоҳ ўйинқароқ!
Ифорга бурканган ҳавотанларни,
Ҳис қилиб кўрасан солланса япроқ.

Дераза пардаси,
О, юпун парда!
Ойнани очсам гар қоқасан қанот.
Жонимиз тўлғонар қара, бир дардда,
Сени дор бандилар, мени одамзод.

*     *     *

Кечани кезаман ойнинг остида,
Энг ёрқин юлдузга эргашаман
адашган денгизчидек...
Қуёш югуриб ўтар бошимдан,
У томон чўзилган қўлларим
муаллақ қолар.

Яна тун.
Сомон йўлини излайман...
пешонамни силаб,
сочимни ўйнайди
зериккан шамол.
–Йўл кўрсат, – дейман. – Йўл.
–Тўрт томонинг қибла,
кетавер бемалол!

Яна кун.
Яна тун.
Яна эпсизлик.
Қуёш. Ой. Юлдуз...
Ҳамма нарсанинг остида юраман –
Қачон бўй кўрсатар чексизлик?

Қачон бошимга чиқишга улгурдинг, ДУНЁ?!

*     *     *

Ёзиғлиқ дастурхон,
бўм-бўш нонсават...
ва,
бир марталик қўлсочиқ...

ҳаёллар чувалаш,
аралаш ҳислар...
тартибни билмаган оламон улар.
юракни мустамлака қилиш пайида
кўксимда аёвсиз қўзғалон қилар.

Қалб эса ҳурликни истайди мудом,
ва бир туйғу билан қолмоғи лозим.
мен эса бунчалар бўлмасам лоқайд...
...тинглайман бўғилган қалбим овозин.

дастурхондек очиқ,
ва бир марталик туйғулардан нонсаватдек бағри пора
менинг қалбим...

*     *     *

Ў, Жонтемир!

Қироат-ла тўкилмоқда томоғидан
ишқ китобин ёқиб турган олов сўзлар.
Елкасида осиқ хуржун,
бовурига
Бобомашраб нафасидан
белбоғ тугиб
кетиб борар,
бир қўлида ичилмаган бўза бўзлар.

Кетиб борар,
нурдан ёруғ ҳаёлларин кундузлари,
кечаларда кўрилмаган пок тушларин
йўлларига тўшаб қўяр маъшуқ ҳурлар.
Чарсиллайди осмонларда
қадамидан чўғдай тушган шеър излари!
У тўхтамас,
бир қўлида симруғ патин маҳкам тутиб,
Сўзни нурлаб, сўзни нурлаб
кетиб борар...

Борган сари қуюқлашар қоронғулик,
нурга ташна юрак куюр борган сари.
Ўт пуркаган жаҳаннамдай оловланар
патқаламни ҳар сермашда
сатрлари.
Уни чорлар кўк кўшкида бир ёруғлик,
ошиғини кутаётган шоҳсанамдай,
Ўша нурдан узмай нигоҳ
ташлар қадам.
Ғижимланиб итқитилар неча вароқ,
ҳар одими бир-биридан
бир баландроқ
бир баландроқ...

Сенга етиб боргунича Парвардигор,
нур улашма, ҳур улашма,
зулматга қор.
Зулматга қор, Парвардигор.

Борган сари қуюқлашар қоронғулик...

@sheriylahzalar

☆

Hazrat Navoiyning ochqich g‘azallari...

Ko‘rib, YouTubedagi izohlar qismida o‘z fikrlaringizni (baytlar sharhiga oid o‘z qarashlaringiz, variantlaringizni) qoldirishingiz mumkin. Bundan faqat xursand bo‘lamiz!

@sheriylahzalar

https://youtu.be/qBbsIQV7LEs?si=ojxu2oIh2mE29R9S