#Ideathon #tanlov
#taqdirlash_marosimi
#videotafsilot

Xabar berilganidek, Qarshi shahridagi IT-texnoparkda viloyatimizda o‘tgan yildan boshlab o'tkazib kelinayotgan “Istiqbolli IT-loyihalar” (Ideathon) ko'rik-tanlovining joriy yildagi 1 va 2-mavsum g‘oliblarini taqdirlash marosimi bo'lib o'tdi. Quvonarlisi, tanlovda Qarshi davlat universiteti talabalaridan tarkib topgan jamoalar sovrinli o‘rinlarni band etishdi.

Jumladan, tanlovning 1-mavsumida Renessans jamoasi 2-o‘rinni qo‘lga kiritgan bo‘lsa, “Eng dolzarb muammoga yechim qilgan jamoa” nominatsiyasi bo‘yicha Intellegent jamoasi g‘olib deb topildi. 2-mavsum ham universitet jamoalariga omadli keldi. Xususan, Diamond jamoasi 2-o‘rinni egalladi, shuningdek, “Eng yaxshi jamoa” nominatsiyasi bo‘yicha g‘oliblik Utopiya jamoasiga nasib etdi.

G‘olib va sovrindorlarga qimmatbaho esdalik sovg‘alari topshirildi. Taqdirlash marosimidan so‘ng viloyat hokimi Murotjon Azimovning yoshlar bilan ochiq muloqoti tashkil etildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram