Бүгүн "Үүт туттарыыта - 2023" бүттэ. Атын соҕотуопкалыыр тэрилтэлэри кытта тэҥнээтэххэ, биһиэнэ хойукка дылы үлэлээтилэр. Бу үүт туттаран дохуот аахсар ИП-га наһаа көмөлөөх 👍

Биһиги ыам ыйын 1 күнүттэн ыабыт үүппүтүн туттаран саҕалаабыппыт. Ол күнтэн сарсыардабыт "үүт сыата хаһый" диэнтэн саҕаланар😀🤭

Былаан туолла. Үүппүт сыата 6 %-тан түспэтэ кэнники икки ыйга. Бүгүн түмүктүүр күҥҥэ - 6.30%🤩

Үүт тутааччы Вераҕа, Любовь Петровнаҕа махтанабыт, эһиил көрсүөххэ диэри диибит👋🏻

#тыасирэ #агробизнес #үүт

Бүгүҥҥүттэн үүт туттарыыта 1 Дьөппөҥҥө саҕаланна👍

"Үүт туттарааччы Скрябин Аркадий Владимирович 2024 сылы арыйда. Маннык үөрэн-көтөн үүт туттара кэлэллэрэ биһигини үөрдэр, үлэлиэх-хамсыах санаабыт өссө күүһүрэр. Быйылгыттан биир лиитэрэ үүт 80 солк буолла. Онон сүөһү ииттэр барыстаах буолан иһэр, эдэрдэр хаһаайыстыбаланыҥ диэн сүбэлиибин", - диэтэ үүт тутар собуокка үлэлиир, бэйэтэ кэргэнин кытта улахан хаһаайыстыбалаах Вера Яндреева.

Былырыын муус устар ортотуттан үүт тутуута саҕаламмыта. Сылын аайы эрдэлээн иһэр, онон дьон былааннаан үлэлииллэригэр тоҕоостоох буолла👍

Бу собуокка хоточчулар уонна тиит-эбэлэр үүттэрин туттараллар.


#тыасирэ #үүт #дохуот