#Спорт

⚡️⚡️⚡️ “Ҳоким кубоги”нинг баскетбол ва волейбол бўйича қизлар ўртасида чорак финал учрашувлари бўлиб ўтди

Туманимиздаги 39-мактабда спортнинг волейбол туридан ўқувчи қизлар ўртасида туман “Ҳоким кубоги” спорт мусобақаларининг чорак финал учрашувлари ўтказилди.

Унда ҳудуд босқичида ғолиб бўлган 8 та жамоада 90 нафар қиз ғолиблик учун майдонга чиқишди.

Муросасиз кечган беллашувларнинг якуний натижасига кўра финал учрашувида 33-мактаб ва 58-мактаб жамоалари ғолиблик учун майдонга чиқадиган бўлди.

Шунингдек, 39-мактаб ва 28-мактаб жамоалари 3-ўрин учун курашади.

Баскетбол бўйича мактаб ўқувчи қизлари ўртасидаги чорак финал баҳсларида эса ҳудудий босқичларда ғолиб бўлган 8 та жамоада 80 нафар қизлар майдонга тушди.

Туманимиздаги 45-мактабда бўлиб ўтган беллашув натижаларига кўра 11-мактаб ва 30-мактаб жамоалари финалда ғолиблик учун курашадиган бўлди. Фахрли 3-ўрин учун 31-мактаб ва 27-мактаб жамоалари курашади.

Кези келганда алоҳида таъкидлаш жоизки, туманимизда ёшларни спортга кенг жалб қилиш ишлари тўғри йўлга қўйилгани, қолаверса маҳаллаларимизда “Ҳоким кубоги” мусобақалари ташкил этиб борилаётгани истеъдодли ёшларни юзага чиқармоқда.

Шу боис, ёшларимиз турли спорт мусобақаларининг вилоят ҳамда республика босқичларида муносиб иштирок этиб, туманимиз спортчилари нималарга қодир эканлигини исботламоқда.

Маълумот учун айтганда, эртага 20 март куни 45-, 39-мактабда волейбол ва баскетбол бўйича ўғил болалар ўртасида "Ҳоким кубоги" мусобақаларининг чорак финал учрашуви бўлиб ўтади.

Финал учрашувларида ғолиб бўлган жамоаларга ҳоким Шоҳрух Шоаҳмедов томонидан махсус диплом, медаль ва қимматбаҳо совғалар тантанали тарзда топширилади.

👉 @PARKENT_TONGI

#Ҳоким_назоратида

⚡️⚡️⚡️ Фермер хўжаликларининг ички ариқлари бетонланиб, Ёшлик маҳалласида 250 метр узунликда пиёдалар йўлакчаси барпо этилмоқда

Аввал хабар берганимиздек, ҳоким Шоҳрух Шоаҳмедов туманимиз қишлоқ хўжалигида сув йўқотишларини камайтириш ва сувни тежаб ишлатиш борасида зарур чора-тадбирлар режасини белгилаб берган эди.

Режага кўра, фермер хўжаликларига тегишли бўлган ер майдонидаги ички ариқларни бетонлаш ишлари амалга оширилмоқда.

Жойларда фермер хўжаликлари томонидан ички ариқларни бетонлаш тадбирларининг сифатини назорат қилаётган ҳоким Гулбоғ ҳудудида бўлди. Ушбу жараёнларни ўрганиш давомида фермер хўжаликлари раҳбарлари ва ишчилари билан суҳбатлашди.

Мулоқотлар давомида ҳоким ички ариқларни бетонлаш ишларини сифатли қилиб, имкон қадар тезроқ якунлаш борасида муҳим тавсияларни берди.

Шунингдек, ҳоким Ёшлик маҳалла аҳолиси учун қулайлик яратиш мақсадида 250 метр узунликдаги пиёдалар йўлакчасини  барпо этиш жараёнларини ҳам ўрганганди.

Шоҳрух Шоаҳмедов мазкур пиёдалар йўлакчаси маҳалла аҳолиси учун кўп йиллар хизмат қилиши учун бажарилаётган ишларни сифатли якунлаш борасида тегишли кўрсатмаларни берди.

Ҳудудларда амалга оширилаётган ушбу ўзгаришлар ҳоким назоратида тургани боис, ўрганишлар давомида мутасаддиларнинг жавобгарлик масъулиятини ошириш борасида зарур топшириқлар берилди.

👉 @PARKENT_TONGI