⚡️Дыл чокта, чон турбас...

💬Ноябрь 1-ниң хүнүн республикада «Тыва дылдың хүнү» кылдыр 2016 чылда доктааткан. Тыва Республиканың күрүне дылын камгалап, деткип, сайзырадыры чугула дээрзинге кым-даа чигзинмес дээрзи чугаажок. Ылаңгыя өзүп олурар салгалывысты кижизидип турар школаларда ук айтырыгже улуг кичээнгейни салыры чугула. Кызылдың 9 дугаар гимназиязының өөреникчилери «Төлевилел-21» деп тускай программаның киржикчилери. Бистиң тырттырар бөлүүвүс 4 «Б» класстың төлевилел аайы-биле эрттирип турар тыва дыл кичээлин сонуургап четкен. Теманы бистиң корреспондентивис уламчылаар-дыр.

❗️Узнать подробнее👈

#ТываДыл #Кичээл #Гимназия #Кызыл #Өөредилге #Тыва24

📢Тыва дылда ажык кичээл

💬2016 чылда ноябрь 1-ниң хүнүн республикада «Тыва дылдың хүнү» кылдыр доктааткан. Тыва Республиканың күрүне дылын камгалап, деткип, сайзырадыры чугула дээрзинге кым-даа чигзинмес дээрзи чугаажок. Ылаңгыя өзүп олурар салгалывысты кижизидип турар школаларда ук айтырыгже улуг кичээнгейни салыры чугула. Кызылдың А.А. Алдын-оол аттыг 2 дугаар школазынга тыва дыл хүнүнге уткуштур ажык кичээлди эрттирген. Хемчегге бистиң тырттырар бөлүүвүс база барып, четкен.

❗️Узнать подробнее👈

#ТываДыл #Кичээл #Школа #Кызыл #Өөредилге #Тыва24

“Көдээ суурнуң башкызы”.

Январь 10-да эгелээн «Көдээ суурнуң башкызы” деп программага киржир күзелдиглерниң шилилге мөөрейи Тывада уламчылап турар. Бо чылын федералдыг программа-биле 1 сая рубль хемчээлдиг чаңгыс катап төлээр акша деткимчени сес башкы алыр. Республиканың кайы кожууннарынче программаның киржикчилерин хуваап чорударыл, дараазында сюжетте.

#Тыва24 #Өөредилге #Медээлер #Программа

Вавилин ээтпээнде чаа уруглар садының тудуу эгелээр.

2025 чыл үнген соонда Президент Владимир Путинниң даалгазы-биле чаа-чаа национал төлевилелдер чуртувустуң девискээринге боттанып эгелээр. Ук төлевилелдер Россияның чурттакчы чонунуң амыдырал-чуртталгазының шынарын экижидеринче угланган программаларның уланчызы болуп турар. Национал төлевилелдер аайы-биле Тывага кандыг чаа социал ужур-дузалыг оран-сава туттунар дээнил, ол дугайында дараазында материалда.

#Тыва24 #Өөредилге #Медээлер #Нацтөлевилел #Нацпроект

📺 Уруглар садтарында чаштарны шыдыраага өөредип турар.
♟ Найысылалдың 31 дугаар уруглар садында шыдыраа өрээлин ажыткан. Тываның Шыдыраа федерациязының президентизи, республиканың өөредилге сайыдының хүлээлгезин күүседип турар Ренат Ооржак чаштарга шыдырааның солун оюнун көргүскен. Бистиң тырттырар бөлүүвүс база ук онзагай хемчегге барып четкен.
#Тыва24 #Шыдыраа #Медээлер #Өөредилге #Спорт

📺 Буянныг болгаш кайгамчык чараш танцы-сам. Тускай шериг операциязының дайынчыларын деткииринче угланган ректор балы Тываның күрүне университединге болуп эрткен.

👩‍🎓👨‍🎓 Российжи студентилер хүнүнде Тываның күрүне университединиң чаңчыл болган кайгамчык чараш, өңгүр-каас болуушкуну – ректор балы болуп эрткен. Национал театрда үш дугаар чыл шак бо чараш болуушкун #КАДЫБИС деп ачы-буян чедирилгезиниң хештэгиниң адаанда эртип турар.

#Тыва24 #ТШО #Медээлер #Өөредилге

📺 Найысылалдың 3 дугаар школазынга “Чугула чүүлдер дугайында чугаа” болуп эрткен..

✍️ Дайын халавының уржуктарын шыдажып эрткен кижилерге ханы хүндүткелди чалыы салгалга оттуруп, оларның эрес-дидим, маадырлыг чоруктарын магадаар болгаш сеткил-хөңнүнге кээргелди хайныктырары-биле чурттуң муң-муң өөредилге черлеринге январь 27-де ажык кичээлдер, лекциялар болуп эрткен. 1944 чылдың шак ол хүнүнде Маадыр-хоорай Ленинград фашистерниң бүзээлээшкининден бүрүнү-биле хостаттырган. Кызыл хоорайның 3 дугаар школазы база Бүгү-российжи сактыышкын, эрес-дидим чорук болгаш патриотизм акциязынга киришкен.

#Тыва24 #Тиилелге80 #Медээлер #Өөредилге

📢Самагалтайның школа назыны четпээн чаштары “Баштайгыларның юннаттары” шимчээшкинниң одуруунче кирген.

📺Төрээн чуртунуң экологиязының дугайында билип алыры, баштайгы шинчилелдер, төлевилелдер болгаш өске-даа. Самагалтайның “Дамырак” аттыг уруглар садының чаштары “Баштайгыларның юннаттары” шимчээшкинниң одуруунче кирген.

#Тыва24 #Медээлер #Өөредилге #ТесХем

📢Россияның найысылалында өөренип чурттап чоруур студентилеривистиң амыдыралындан

📺Чоокта чаа болуп эрткен Россияның студентилер хүнүн таварыштыр Москвада өөренип турар тыва студентилеривистиң амыдыралын сонуургап көрдүвүс. Ында аныяктар улуг хоорайның шиинче кире берген чурттап чорза-даа, төрээн чериниң культуразы болгаш ёзу-чаңчылдарын утпайн, кадагалап арттырарын кызыдып чоруурлар.

#Тыва24 #Медээлер #Өөредилге

📺 85 чыл эрткенде капитал септелге. Хөндергей шолазында чаарттынган байдалдар.

🏫 Хөндергей школазының өөреникчилери чаарттынган школада өөренип эгелээн. Ам бо хүнде школа таныттынмас апарган – чаа үеге дүүштүр кылган дизайн, интерактивтиг класстар, экижиткен одалга системазы болгаш өске-даа. Ол дугайында Чөөн-Хемчик кожуундан репортаж.

#Тыва24 #Медээлер #Өөредилге #Хөндергей

📺 Тываның школаларында өөреникчилер чемгерер аъш-чем аразынче хой эъдин киирген.

✍️ Тываның школаларында өөреникчилер чемгерер аъш-чем даңзызын чаарткан. Ук эдилгелерни Москва хоорайда Ажыл-агый адырларында чемненилге институдунуң специалистериниң бистиң республикавыска таарыштыр тускай ажылдап кылган сүмелерин барымдаалап тургаш, киирген. Эң-не кол өскерилге – хой эъдинден кылып белеткээн аъш-чем аймаа. Кызыл хоорайның 16 дугаар лицейиниң чемненилге черинде чаа даңзы езугаар белеткеттинген аъш-чемни ада-иелер амзап көрген.

#Тыва24 #Медээлер #Өөредилге

📺 Хууда уруглар садтарының аразынга хөглүг чарыштар болуп эрткен.

👪 Эрткен дыштаныр хүннерде найысылалга Ада-чурт камгалакчыларының хүнүнге тураскааткан республиканың хуу уруглар садтарында бичии оолдарның болгаш оларның ачаларының аразынга хөглүг чарыштар болуп эрткен.

#Тыва24 #Медээлер #Өөредилге #АдаЧуртКамгалакчызы

📺 Тывага Айыыл чок чорук болгаш Төрээн чер камгалалыныӊ үндезин билиглери» деп чаа эртемниӊ баштайгы олимпиадазы болуп эрткен.

✍️ Кызылда Президентиниӊ кадет училищезинге “Айыыл чок чоруктуӊ болгаш Төрээн чериниӊ камгалалыныӊ үндезин билиглери» деп чаа эртемниӊ баштайгы олимпиадазы болуп эрткен. Бо эртемде шериг белеткелиг база немеп кааны онзагай.

#Тыва24 #Медээлер #Олимпиада #Өөредилге

📺 Кызылга класс удуртукчуларының республика чергелиг 2 дугаар шуулганы болуп эрткен.

✍️ “Сылдысчыгаш” деп салым-чаяанныг уруглар төвүнге класс удуртукчуларының болгаш дагдыныкчыларның 2-ги республика шуулганы болуп эрткен. Хемчегни Ада-чурт камгалакчызының чылынга тураскааткан.

#Тыва24 #Медээлер #Өөредилге

📺 «Солнышко» уруглар сады 5 харлаан

👪 22 дугаар «Солнышко» уруглар сады бо чылын 5 чыл оюн демдеглеп турар. Тургустунган хүнүнге тураскааткан байырлыг хемчегни дүлгээзинниг танцы-сам, ырлар болгаш чогаадыкчы солун көргүзүглерлиг кылдыр демдеглеп эрттирген. Оон аңгыда ажыл-агыйынга шылгараан тергииннерни база шаңнап-мактаан.

#Тыва24 #Медээлер #Өөредилге

📺 Тываның кадеттер корпузунга “Ус-шеверлер хоорайы” деп республика мөөрейиниң ажыдыышкыны болуп эрткен.

✍️ Тываның кадеттер корпузунга “Ус-шеверлер хоорайы” деп республика чергелиг мөөрейниң байырлыг ажыдыышкыны болуп эрткен. Мөөрейге школачылар аңгы-аңгы номинацияларга боттарының билиглерин көргүскен: аргыттынар, даараныры, чурулга, узаныры, чазаныр дээш оон-даа өске. Уран чүүл хөгжүдеринче угланган мөөрейниң ажыдыышкыны бистиң корреспондентивистиң материалында.

#Тыва24 #Медээлер #Өөредилге

📺Найысылалдың уруглар садтарының бирээзинге тодаргай угланыышкынныг специалистерге өөредилге хемчеглери эрткен.

✍️ Дүүн Кызылдың 31 дугаар уруглар садынга тодаргай угланыышкыннарда ажылдап турар специалистерге өөредилге болуп эрткен. Оларның санынче логопедтер, дефектологтар болгаш кадыының байдалы кызыгаарлыг уруглар-биле ажылдап турар кижизидикчи башкылар кирип турар. Өөредилгениң сорулгазы башкыларның билиг-мергежилин бедидери, профессионал билиглерин делгемчидип, онзагай уруглар-биле ажылдаар адырга арга-дуржулгазын солчуру болур.

#Тыва24 #Медээлер #Өөредилге

📺 Бора-Тайга суурда школаның үндезин септелгези кандыг байдалда чоруп турарыл?

✍️ Бо чылын Тывада 6 школага үндезин септелге чорудары көрдүнген, оларның чамдыызында ажылдар кидин-түлүк эгелей берген. Чижээлээрге, Сүт-Хөл кожууннуң Бора-Тайга школазында капитал септелге апрель эгезинде эгелей берген, сентябрь 1-ге чедир доостур ужурлуг. Бо үеде септелге ажылдары кайы чадада чоруп турарын бистиң корреспондентивис таныштырар-дыр.

#Тыва24 #Медээлер #Өөредилге #ШколаларСептелгези