📺 Ленинградты бүзээлээшкинден долузу-биле хостаанының хүнүнге тураскааткан хаактыг поход.

⛷ “Тайга” станциязынга Ленинградты фашистерниң бүзээлээшкининден долузу-биле хостаанының хүнүнге тураскааткан хаактыг поход болуп эрткен. Ук спортчу болушкуннуң кол сорулгазы – ол дайынчы чылдарның төөгүлүг болуушкуннарының дугайында сагындырары. Хаактыг походтуң чүс хире киржикчилери “Январь диңмирээжи“ деп билдингир операцияның дайынчыларының ролюн күүседирин шенээннер.

#Тыва24 #Тиилелге80 #Медээлер #Спорт

📺 Кызылдың элээди армейжилери “Блокаданың хлеви” акцияга киришкен.

✍️ Январь 27- Ленинградты бүзээлээшкинден долузу-биле хостаан хүнү. Ол хүн Ленинград-Новгород стратегтиг халдаашкынныг операциязының түңнелинде немец-фашистерниң шериин чылча шапкан. Төөгүлүг бо хүнге тураскааткан “Блокаданың хлеви” деп акцияны элээди армейжилер Кызыл хоорайның төвүнге чоруткан.

#Тыва24 #Медээлер #Тиилелге80

📺 Найысылалдың 3 дугаар школазынга “Чугула чүүлдер дугайында чугаа” болуп эрткен..

✍️ Дайын халавының уржуктарын шыдажып эрткен кижилерге ханы хүндүткелди чалыы салгалга оттуруп, оларның эрес-дидим, маадырлыг чоруктарын магадаар болгаш сеткил-хөңнүнге кээргелди хайныктырары-биле чурттуң муң-муң өөредилге черлеринге январь 27-де ажык кичээлдер, лекциялар болуп эрткен. 1944 чылдың шак ол хүнүнде Маадыр-хоорай Ленинград фашистерниң бүзээлээшкининден бүрүнү-биле хостаттырган. Кызыл хоорайның 3 дугаар школазы база Бүгү-российжи сактыышкын, эрес-дидим чорук болгаш патриотизм акциязынга киришкен.

#Тыва24 #Тиилелге80 #Медээлер #Өөредилге

📺 Танцыда сактыышкын. Тиилелге шөлүнге онзагай акция болуп эрткен.
💥 Кызыл хоорайның Тиилелге шөлүнге “Танцыда сактыышкын. Душ болган вальс” деп Бүгү-российжи акция болуп эрткен. Ук хемчегни Сталинград тулчуушкунунуң 82 чылдаанынга тураскааткан. Хөгжүмнүг флешмобту Улусчу фронтунуң төлээлери организастап эрттирген.
#Тыва24 #Медээлер #УлусчуФронт #Тиилелге80

📺 Тураскаал номунуң чаа тому болгаш тураскаал самбыраларын чаартыры. Тываның башкарыкчы эртем ажылдакчылары Тиилелгениң 80 чыл оюнга уткуй кандыг ажыл чорудуп турарыл?

🎖 Тываның гуманитарлыг шинчилелдер институду хөй-ниитиге Тураскаал номунуң үшкү үндүрүлгезин бараалгадырынга белеткенип турар. Ол номче мооң мурнунда каяа-даа аттары чырыттынмаан Ада-чурттуң Улуг дайынының киржикчилери чаңгыс чер чурттугларывыстың аттары кирип турар. Ооң-биле чергелештир Тываның Баштыңының даалгазы-биле Кызыл хоорайның Тиилелге шөлүнде хүндүлел самбыразында дайынчыларның аттарын чаартыр ажылдар кидин-түлүк чоруп турар.

#Тыва24 #Медээлер #Тиилелге80

📺 Тываның кадеттер корпузунуң сургуулдарынга найысылалдың төөгүлүг тураскаалдарынче экскурсияны эрттирген.

✍️ «Билиг» ниитилелиниң организастап турары “Билиг.Баштайгылар” деп тускай хевирниң марафону ёзугаар Тываның кадеттер корпузунуң сургуулдарынга Ада-чурттуң Улуг дайынының төөгүлүг тураскаалдарынче эксурсияны эрттирген. Ооң бир онзагай талазы чүү болганыл дээрге, Чазак Даргазының оралакчызы Орлан Сарыглар экскурсоводтарның бирээзи болган. Оралакчы дарга уругларга чүнү тайылбырлап бергенил, дараазында материалда.

#Тыва24 #Медээлер #Тиилелге80 #ТываЧазак

📺 Кызылда «Георгий кожаазы» деп бүгү-российжи акция эгелей берген.

✍️ Апрель 23-те республиканың кол шөлүнге Бүгү-российжи «Георгий кожаазы» деп акция эгелээн. Патриотчу хемчегге хоорайның аңгы-аңгы школаларындан чалыы армейжилер болгаш регионнуң эрге-чагыргазының төлээлери киришкен.

#Тыва24 #Медээлер #Тиилелге80

📺 Кызылда Тиилелге Шөлүн чаартып эгелээн. Ук ажылды май 8-ке чедир доозар.

🎖 Ада-чурттуң Улуг дайынынга Тиилелгениң 80 чыл оюнга уткуштур Тиилелге Шөлүн чаартыр септелге ажылдары кидин-түлүк. Аңаа немей мурнуку чылдарда ады кирбейн турган Ада-чурттуң Улуг дайынының киржикчилериниң аттарын сиилбээн тураскаал самбыраны база тургузар. Эде кылып, чаартыр ажылдар кайы хире кылдынып турарыл база кажан доостурул, ол дугайында бистиң корреспондентивис материалында.

#Тыва24 #Медээлер #Тиилелге80

📺 Кызылга Ада-чурттуң Улуг дайынының төөгүзүнге тураскааткан квест оюнну эрттирген.

✍️ Тываның А.С.Пушкин аттыг национал библиотеказы апрель 29-та Ада-чурттуң Улуг дайынының төөгүзүнге тураскааткан квест-оюнну эрттирген. Аңаа найысылалдың аңгы-аңгы өөредилге черлеринден 100 хире студент киришкен.

#Тыва24 #Медээлер #Тиилелге80

📺 Кызыл хоорайга Ада-чурттуң Улуг дайынының маадырларынга мөгейиг езулалы болуп эрткен.

🎖 Улуг Тиилелгениң 80 чыл оюнга турскааткан Ада-чурттуң улуг дайынының дайынчыларынга мемориал баарынга чечектер салыр езулал Кызылга болуп эрткен. Тиилелгеге канчаар-даа аажок улуг үлүг-хуузун киирген бистиң солдаттарывыстың ачы-хавыяазын мөңгежидеринче угланган шак бо улуг ужур-уткалыг болуушкун байырлалдың чугула чаңчылы апарган.

#Тыва24 #Медээлер #Тиилелге80

📺 Кызылда тураскаалдарга чечектер салыр езулалдар болуп эрткен.

🎖 Тиилелге байырлалының бүдүүзүнде республиканың найысылалынга Тываның тылдың маадырлыг ажылдакчыларынга тураскааткан “Кызыл Кош” деп мемориалга база Тыва эки турачыларга тураскаал аарынга чечектер салыр база бир ёзулал болуп эрткен.

#Тыва24 #Медээлер #Тиилелге80 #КызылКош