📺 Тываның командазы «Ада-чурт камгалакчыларының Кубогунда» киржип турар.

✍️ Март 12-де Ханты-Мансий автономнуг округта бир дугаар Бүгү-российжи спорттуң кышкы хевирлеринге «Ада-чурт камгалакчыларының Кубогу» эгелээн. Ажыдыышкын ёзулалынга Тывадан команда база киришкен.

#Тыва24 #Медээлер #ТШО #Спорт

📺 Тывада «Тываның Маадырлары» программага киржир күзелин илереткен чагыглар хүлээп алыышкыны кидин-түлүк.

🎖 Тывага март эгезинде «Тываның Маадырлары» деп регионалдыг программа боттанып эгелээн. Ол «Маадырлар үези» деп Президентиниң кадрлар программазының тыва хевири болур. Ооң эки талаларының дугайында болгаш канчаар чагыг киирериниң дугайында бистиң тырттырар бөлүүвүс сонуургаан.

#Тыва24 #Медээлер #ТываныңМаадырлары #ТШО

📺 Тускай шериг операциязының маадырынга тураскааткан мини-футболга республика турнири болуп эрткен.

🎖 “Эрес-дидим чорук дээш” орденниң кавалери Долаан Донгак тускай шериг операциязының девискээринге Ада-чуртун камгалап тургаш, маадырлыы-биле амы-тынындан чарылган. Ооң эрес-дидимин, кижизиг мөзүзүн чоок улузу, эш-өөрү утпас. Ынчангаш Долаан Донгакка тураскааткан республика чергелиг мини-футбол маргылдаазын эрттирген. Аңаа бистиң тырттырар бөлүүвүс база барып четкен.

#Тыва24 #Медээлер #ТШО

📺 Тиилелге хүнүнге уткуй тускай шериг операциязында дайынчыларга ачы-дуза чыыр акция эгелээн.

🤝 Тускай шериг операциязында киржип турар оолдарынга ачы-дуза чедирер буянныг үүле Тываның бүгү чурттакчыларын каттыштырып турар. Бо удаада база ээлчегли дузаламчы чыылдазы республикада эгелей берген. Бо удаада Улусчу фронтунуң күүсекчи комитединче Дүрген суурнуң херээженнер эвилели, Тиилелгениң волонтерлары база хууда сайгарлыкчылар дайынчы оолдарга хереглеттине бээр чүүлдерни эккелген.

#Тыва24 #Медээлер #ТШО

📺 Россияның Маадыры Буян Куулар «Тываның Маадырлары» регионалдыг программага киржир күзелин илередип, билдириишкинни киирген.

🎖 «Тываның Маадырлары» регионалдыг программага киржиксеп турар күзелдиглер саны хүнден хүнче көвүдеп турар. Оларның бирээзи – амгы үеде шериг албанында хевээр Россия Федерациязының Маадыры Буян Куулар. Ол ук төлевилелдиң эки талаларын демдеглеп чугаалаан.

#Тыва24 #Медээлер #ТШО #ТываныңМаадырлары

📺 Тываның яамылары болгаш ведомстволары Улусчу фронтуну “Автопоезд” акциязында киржип турар.

✍️ “Автопоезд” акциязының аайы-биле тускай шериг операциязында бистиң дайынчыларывысче чорудар кылдыр он-он автомашиналарны чыып, белеткээн. Ук буянныг ажыл ам-даа уламчылап турар. Бо хүнде республиканың яамылары болгаш ведомстволары чорудар автомашиналарны чыып, селип-сетпээр ажылдарда идепкейлиг киржип турар.

#Тыва24 #Медээлер #ТШО #Автопоезд

📺 Буян-Билэг Ооржак: “Тываның Маадырлары" деп программа дайынчыларга Ада-чуртка бараан болурун уламчылаарынга дузалаар».

✍️ «Тываның Маадырлары» деп регионалдыг программага киржир чагыгларны хүлээп алыр ажыл Тывада уламчылап турар. Бо хүнде тускай шериг операциязының 400 ажыг дайынчылары болгаш хоочуннары билдириишкиннерни киирген. Чадаана хоорайның 1 дугаар школазының директорунуң чөвүлекчизи, тускай шериг операциязының киржикчизи, башкы Буян-Билэг Ооржак база профессионал хөгжүлде программазын эртер күзелин илереткен.

#Тыва24 #Медээлер #ТШО #ТываныңМаадырлары

📺 Тыва фронтуга бо удаада чеже автомашина чыып шыдааныл?

🚙 Бо хүннерде тускай шериг операциязының мурнуку одуруунда чаалажып турар дайынчыларывыска дуза кадарын бистиң республикавыс уламчылап турар. Ук ачы-дуза янзы-бүрү: хол-биле кылган блиндаж лааларындан эгелээш, автомашиналарга чедир. Бо удаада фронтуже элээн хөй санныг автомашиналардан тургустунган автоколонна аъттаныптар. Тыва каш демир аъттарны дайынчы оолдарывыска чыып шыдааныл? Ол дугайында корреспондентивистиң материалында.

#Тыва24 #Медээлер #ТШО #Автопоезд

📺 "Автопоезд" акциязы уламчылап турар.

🚙 Тускай шериг операциязында дайынчыларже деткимче кылдыр чорудар автомашиналарның ийи дугаар бөлүүн чорударынга белеткеп турар.

#Тыва24 #Медээлер #ТШО #Автопоезд

📺 Тускай шериг операциязының хоочуну «Тываның Маадырлары» программазынга киржир.

🎖 «Тываның Маадырлары» деп келир үениң удуртукчу кадрларын белеткээр төлевилелче билдириишкиннер киирери колдуунда дооступ турар. Программаның кол сорулгазы - тускай шериг операциязының киржикчилериниң аразындан бедик мергежилдиг удуртукчуларны белеткээри. Улаштыр олар эрге-чагырганың күрүне болгаш муниципалдыг адырларынга ажылче хаара туттунар. Кордакчыларның бирээзи Жуков медалының эдилекчизи Леонид Ховалыг.

#Тыва24 #Медээлер #ТываныңМаадырлары #ТШО

📺 Депутаттар тускай шериг операциязында дайынчыларга дуза кылдыр машиналарны дамчыткан.

🚙 Республиканың Баштыңы Владислав Ховалыгның даалгазы-биле Улусчу фронтунуң «Автопоезд» төлевилели езугаар тускай шериг операциязының девискээринче чорудар автомашиналарның чыылдазы болгаш белеткели дооступ турар. Тываның чурттакчы чону, регионнуң яамы, ведомстволары дайынчыларга чедирер машиналарны болгаш гуманиатрлыг дузаны эккеп, хүлээдип турар. Бо удаада Улусчу фронтуга «Буханка» деп адаар УАЗ машинаны хүлээткен.

#Тыва24 #Медээлер #Автопоезд #ТШО

📺 «Тываның Маадырлары» төлевилел тускай шериг операциязының киржикчилеринге чаа аргаларны берип турар.

🎖 Бөгүнгү байдал-биле бир дугаар ээлчегде шитпирлээр сорулгаларның бирээзи – бистиң Төрээн чуртувустуң камгалакчыларын деткиири. Оларның ниитилелге туружун катап тургузуп, тайбың амыдырал агымынче киирип, хөй-ниитиже хаара тударынче онза кичээнгейни угландырган. Ынчалдыр Тываның Баштыңы Владислав Ховалыгның эгелээшкини-биле бо чылын тускай шериг операциязының киржикчилеринге боттарының мергежил талазы-биле ажыл-агыйынга чаа бедиктерже үнер арганы берип турар «Тываның Маадырлары» деп төлевилел эгелей берген. Шак мындыг бир төөгүнү дараазында сюжеттен көрүңер.

#Тыва24 #Медээлер #ТываныңМаадырлары #ТШО

📺 Тываның Баштыңы Владислав Ховалыг дайынчыларга дээш чыгган автомашиналарны чедирип берген.

🚙 Улусчу фронтунуң Бүгү-российжи «Автопоезд» акциязы-биле тускай шериг операциязында киржип турар дайынчыларга дээш чыгган автомашиналарны Тываның баштыңы Владислав Ховалыг боду чедирип берген. Бистиң дайынчыларывыска орук далдавас машиналардан аңгыда, оон өске чүнү чедирип бергенин дараазында сюжеттен көрүп болур.

#Тыва24 #Медээлер #ТШО #Автопоезд #ТываныңБаштыңы

📺 Ээлчеглиг ачы-дуза.

🤝 Тывада идепкейжилер тускай шериг операциязының киржикчилеринге гуманитарлыг дуза чыылдазын ам-даа уламчылап турар. Хүннүң-не волонтерлар, сайгарлыкчылар, янзы-бүрү албан черлери болгаш республиканың бөдүүн чурттакчылары дайынчыларны деткиири-биле каттыжып, мөөңнежип турарлар.

#Тыва24 #Медээлер #ТШО #АчыДуза

📺 Хол бөмбүүнге тускай маргылдаа

🏐 Тускай шериг операциязының эгезинден тура-ла республиканың эрге-чагыргазы, волонтерлар, аңгы-аңгы албан черлери болгаш чурттакчы чон тускай шериг операциязының киржикчилерин болгаш оларның өг-бүлелерин деткиири-биле демниг кады ажылдап турар. Шак ынчалдыр Кызылга кадык болгаш идепкейлиг амыдыралды суртаалдап нептередиринче угланган албан черлериниң аразынга хол бөмбүүнге маргылдаа болуп эрткен. Аңаа чеже команда киришкенин, кандыг шаңнал-макталдар көрдүнгенин бистиң тырттырар бөлүүвүс сонуургаан.

#Тыва24 #Медээлер #ТШО #Спорт