#IB #Ixtisoslashtirilgan_maktablar
#International_Baccalaureate #Xalqaro_hamkorlik #maslahat #tashrif

IB- XALQARO TAN OLINGAN TA'LIM DASTURI

📆 Bugun Muhammad al-Xorazmiy nomidagi ixtisoslashtirilgan maktabda rahbariyat hamda MYP dasturi kordinatori, fan liderlari (ona-tili va adabiyot, ingliz tili hamda matematika, jismoniy tarbiya fanlari) bilan MYP dasturi yuzasidan muloqotlar o‘tkazildi.

✅Shuningdek, kimyo, science hamda matematika fanlari doirasida dars mashg‘ulotlari kuzatildi. Kunning 2-yarmida esa o‘quvchilarning ota-onalari bilan ham suhbatlar tashkil etildi.

📌Ma’lumot uchun, Xalqaro bakalavr dasturi (IB) – bu xalqaro bakalavr o‘quv markazi (IBO) tomonidan ishlab chiqilgan ta’lim dasturi bo‘lib, u dastur xalqaro standartlarga asoslangan keng ko‘lamli fanlarni o‘z ichiga oladi va tanqidiy fikrlash, tadqiqot qobiliyatlari va madaniyatlararo tushunishni rivojlantirishni rag‘batlantiradi.
________
✈️Telegram 📒Facebook 📷Instagram 🌐Web 📹Youtube 🌐Linkedin

#xalqaro_hamkorlik
#tabiiy_fanlar_taʼlimi_festivali

🤩 "TABIIY FANLAR TAʼLIMI" FESTIVALI BOSHLANDI

Ixtisoslashtirilgan ta’lim muassasalari agentligi va Koreya Respublikasining O‘zbekistondagi elchixonasi huzuridagi Koreya ta’lim markazi bilan hamkorlikda “Tabiiy fanlar ta’limi” festivali oʻtkazilmoqda.

Mazkur festival tabiiy va aniq fanlarga asoslangan amaliy mashg‘ulotlar tashkil etish orqali yoshlarni zamonaviy kasblarga yo‘naltirgan holda ularning ixtisoslashgan xalqaro dasturlar, loyihalar va tanlovlarda ishtirok etishini taʼminlash, yaratuvchanlik qobiliyatini shakllantirishni har tomonlama qo‘llab-quvvatlash hamda tizimda faoliyat yuritayotgan o‘qituvchilar orasida yaratuvchanlik g‘oyalarini shakllantirish va ularni amaliyot bilan bog‘lagan holda o‘quvchilarga yoritib berish ko‘nikmalarini rivojlantirish maqsadlarini oʻz ichiga olgan.

Agentlik tizimidagi Muhammad al-Xorazmiy nomidagi ixtisoslashtirilgan maktabi mezbonlik qilayotgan ushbu festivalning ochilish marosimida Agentlik rahbariyati, mas’ul xodimlari, Koreya Respublikasidan tashrif buyurgan mehmonlar, Koreya Respublikasining O‘zbekistondagi elchixonasi huzuridagi Koreya ta’lim markazi vakillari hamda o‘qituvchi va o‘quvchilar ishtirok etdi.

Ochilish marosimda ta’kidlanganidek, keyingi yillarda mamlakatlarimiz o‘rtasida ta’lim sohasida aloqalar kuchayib, hamkorlikda turli loyihalar, dasturlar amalga oshirilmoqda.

Xususan, joriy yilning may-iyun oylarida Agentlik va Koreya ta’lim markazi tomonidan “Incheon ta’lim festivali” o‘tkazilgan edi. Hamkorlikdagi navbatdagi loyiha – “Tabiiy fanlar ta’limi” festivali ham yuqoridagi vazifalarning mantiqiy davomidir.

Festivalda Prezident, ijod va ixtisoslashtirilgan maktablar hamda umumta’lim maktablarining jami 1600 nafar 6-9-sinf o‘quvchilari qatnashmoqda. Amaliy mashg‘ulotlar va topshiriqlar o‘zbek tiliga tarjima qilingan holda  2 smenada olib boriladi. Har bir smenada 400 nafar o‘quvchi 21 ta guruhga bo‘lingan holda ishtirok etadi. Bundan tashqari, Agentlik tizimida faoliyat yuritayotgan 30 nafar aniq va tabiiy fan o‘qituvchilari uchun seminar-trening tashkil etiladi.

“Tabiiy fanlar ta’limi” festivali ertaga, 14-avgust kuni oʻz ishini yakunlaydi.

Telegram | Facebook | Instagram | YouTube | Portal

#xalqaro_hamkorlik
#tabiiy_fanlar_taʼlimi_festivali

TA’LIM TIZIMIDA DO‘STONA HAMKORLIK

🇺🇿🇰🇷Mamlakat taraqqiyoti ta'lim taraqqiyotiga bog‘liq. Davlatimiz tomonidan ta'lim sohasida qilinayotgan ko‘plab ishlarning markazida rivojlangan xorijiy davlatlar ta’limidan andoza olish, ularning zamonaviy metodikalarini milliy ta’limimizga joriy etish masalasi turibdi. Oʻzbekiston va Janubiy Koreya barcha sohalar kabi taʼlim sohasida ham samarali hamkorlik qilib kelmoqda. Mamlakatimizning taʼlim tizimida Janubiy Koreya tajribasi keng joriy etilmoqda.

Mana shunday samarali hamkorlik doirasida Muhammad al-Xorazmiy nomidagi ixtisoslashtirilgan maktabda Janubiy Koreya bilan hamkorlikda Tabiiy fanlar ta’limi festivali ochilish marosimi bo‘lib o‘tdi. Tadbirda ikki xalq o'rtasidagi do’stlik rishtalarini mustahkamlash va kuchli ishonch aloqalarini yanada rivojlantirish maqsadida O‘zbekiston va Koreya madaniyati namunalarini ko‘rsatib beruvchi dasturlar namoyish etildi. Garchi ikki davlat o‘rtasidagi masofa yaqin bo‘lmasa-da, ular o‘rtasidagi ilm-fan va texnologiyalarning ilg‘or yutuqlarini o‘zaro almashish jarayoni qadim va do‘stona tarixga borib taqaladi.Koreya Respublikasi ham, O‘zbekiston ham ko‘hna tarix va boy madaniyatga ega davlatlar sifatida o‘zining tarixiy-ma’naviy merosini saqlab kelmoqda.

Albatta, bu festival ikki davlat uchun ham muhim ahamiyat kasb etuvchi manfaatli hamkorlik tadbirlaridan biri bo‘ladi!
__________
✈️Telegram 📒Facebook 📷Instagram 🌐Web 📹Youtube 🌐Linkedin

#IB
#International_Baccalaureate
#Xalqaro_hamkorlik

MUHAMMAD AL-XORAZMIY MAKTABIDA IB DASTURI

🇺🇿🇷🇺Muhammad al-Xorazmiy nomidagi ixtisoslashtirilgan maktabda IB dasturi maqsad va vazifalari bo‘yicha yig‘ilish tashkil etildi. Treningda maktab rahbari S.Shakirova IB dasturi boyicha istiqbolli rejalar haqida gapirar ekan, bu vazifaga har bir pedagog xodim mas’ul ekanligini va jiddiy yondashish lozimligini alohida ta’kidladi.

Ixtisoslashtirilgan fanlar bo‘yicha rahbar o‘inbosari F.Ismailov Moskvaning Letovo shahri maktablarida IB dasturining joriy etilishi hamda afzalliklari va yutuqlari haqida o‘rganilgan ishlar bo‘yicha ma’lumot berdi.

Shuningdek, trening davomida fan o‘qituvchilari – MYP koordinatori U.Sabirova hamda matematika fan yetakchisi Hamdamov Toshpo‘lat ushbu dasturning fanlarga tatbiq etilishi yuzasidan e’tibor qaratilishi lozim bo‘lgan jihatlar va baholash mezonlariga alohida to‘xtalib o‘tdilar.

Tadbir barcha uchun manfaatli bo‘ldi, har bir ishtirokchi o‘zini qiziqtirgan barcha savollarga javob oldi.
__
✈️Telegram 📒Facebook 📷Instagram 🌐Web 📹Youtube 🌐Linkedin

#IB
#International_Baccalaureate
#Xalqaro_hamkorlik

IB XALQARO DASTURI

☄️ XXI asrning jadal rivojlanayotgan dunyosida bolalarni kelajakdagi muammolarga tayyorlashda ta’lim hal qiluvchi rol o’ynaydi.

Xalqaro bakalavr dasturi (IB) – bu 21-asrning yuqori akademik qat’iyligi va ko’nikmalarini rivojlantirishga yo’naltirilganligi bilan butun dunyoda tan olingan o’rta ta’lim dasturi.

Ushbu maqsadlardan kelib chiqqan holda Muhammad al-Xorazmiy nomidagi ixtisoslashtirilgan maktabda IB xalqaro dasturi va bu dastur bo‘yicha maktab o‘quvchilarining maqsad va vazifalari xususida maktabning 8-9-sinf ota-onalari bilan seminar- tashkil etildi.

💬💭 Bunda ota-onalar IB xalqaro dasturining MYP bosqichi bilan yaqindan tanishdilar. Shuningdek, ushbu dastur o‘quvchilarga qanday imkoniyat va sharoitlar berishi haqida ham ma’lumotga ega bo‘lishdi. O‘quvchilar, ota-onalar va maktab jamoasi birgalikda bu dasturda belgilangan vazifa va maqsadlar sari hamjihatlikda harakat qilishlari lozimligini ham bilib oldilar.

IB dasturi o‘quvchilarni yetakchi bo’lishga o’rgatadi. Shunday ekan, ular jamoada ishlashni, qaror qabul qilishni, xatti-harakatlari uchun javobgar bo’lishni, o’z nuqtai nazarini himoya qilishni o’rganadilar. O’quv jarayonida ular o’ziga ishonch, mustaqillik va stressga chidamlilikni rivojlantiradilar. Albatta, har bir ota-ona o‘z farzandining IB dasturi profilida ko‘rsatilgan har tomonlama yetuk va komil shaxs bo‘lib ulg‘ayishini istaydi. Bu esa ota-onalar tomonidan berilgan savol-javoblarda ham o‘z aksini topganligini ko‘rish mumkin.✨
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#IB
#International_Baccalaureate
#Xalqaro_hamkorlik

YANGI IMKONIYATLAR ESHIGI TOMON

Xabaringiz bor, Muhammad al-Xorazmiy nomidagi ixtisoslashtirilgan maktabida Xalqaro IB dasturini joriy etish bo‘yicha bir qancha bosqichlardan o‘tildi.

🗓Bugun 14-dekabr kuni Muhammad al-Xorazmiy nomidagi ixtisoslashtirilgan maktabda IB xalqaro dasturi ko‘nikmalarini o‘zlashtirish bo‘yicha seminar-trening tashkil etildi. Seminarda Muhammad al-Xorazmiy nomidagi maktab fan liderlari bilan birga Mirzo Ulug‘bek maktabi o‘qituvchilari ham ishtirok etishdi.

🔖Seminar Muhammad al-Xorazmiy nomidagi ixtisoslashtirilgan maktabning IB koordinatori Umida Sabirova tomonidan “IB asosidagi o‘rta yosh dasturini joriy etishda qo‘shimcha resurslar va manbalardan foydalanish” mavzusida olib borildi.

Ma’lumotlar har bir fan kesimida, haqqoniy misollar yordamida tushuntirildi. Taqdimot tarzida berilgan ma’lumotlardan keyin o‘qituvchilar (guruhlarda) o‘rtasida musobaqa tashkil etildi. Berilgan ma’lumotlarni tez va to‘g‘ri tushungan guruhlar rag‘batlantirildi. ⬇️

💻Shuningdek, seminarda IB bo‘yicha topshiriqlarni yaratishda Sun’iy intellekdan oqilona foydalanish bo‘yicha ham yo‘riqnoma o‘tkazildi. Bugungi davr talabi bo‘lgan Sun’iy intellektlardan samarali foydalanish nafaqat o‘qituvchining ishini yengillashtiradi balki, moslashtirilgan o'quv materiallari va mashqlarini taklif qilishi mumkin. Sun'iy intellekt o'yinlar, simulyatsiyalar va boshqa interaktiv vositalar yordamida o'rganishni yanada qiziqarli va samarali qilishi mumkin. Bu esa o'quvchilarning motivatsiyasini oshiradi va ularning bilim olishga bo'lgan qiziqishini kuchaytiradi.

Seminar so‘ngida ishtirokchilar ushbu tadbirga ijobiy munosabat bildirdilar va kelgusidagi treningni qanday mavzuda tashkil etilish haqida taklif berdilar.💡
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#trening
#IB
#International_Baccalaureate
#Xalqaro_hamkorlik

TA’LIMGA ZAMONAVIY YONDASHUV

📎Muhammad al-Xorazmiy nomidagi ixtisoslashtirilgan maktabda filologiya va amaliy fanlar metodbirlashma o‘qituvchilari uchun IB -yangicha baholash tizimiga bag‘ishlangan keng ko‘lamli amaliy trening o‘tkazildi. Mazkur treningda barcha fanlar bo‘yicha 3-chorak uchun baholash mezonlarini to‘g‘ri tanlash va ularni dars jarayonida qo‘llash bo‘yicha masalalar atroflicha muhokama qilindi.

Tadbir davomida asosiy e’tibor quyidagi masalalarga qaratildi:
➖ IB tizimining xalqaro talablari va ular asosida baholashning metodik yondashuvlari;
➖Fanlarning xususiyatlariga mos ravishda baholash mezonlarini shakllantirish;
➖ BSB mezonlarini amalda qo‘llashda yuzaga keladigan muammolarni hal qilish yo‘llari;
➖O‘quvchilarning bilim va ko‘nikmalarini adolatli baholash tamoyillari.

📌Mashg’ulot treneri Umida Sabirova o‘zining katta tajribasi va bilimlari asosida o‘qituvchilarni qiziqtirgan savollarga javob berdi. U mezonlarni ishlab chiqish va ularni sinf darajasida amaliy qo‘llashning eng samarali usullarini tushuntirdi. Shu bilan birga, o‘qituvchilar uchun interaktiv mashg‘ulotlar tashkil etilib, yangi baholash tizimini tushunishga doir real vaziyatlar tahlil qilindi.

Treningda qatnashgan o‘qituvchilar ushbu amaliy tadbirdan mamnun ekanliklarini bildirdilar va bu kabi tajriba almashuv mashg‘ulotlari kelgusida o‘z pedagogik mahoratini oshirishda muhim o‘rin tutishini ta’kidladilar. Tadbir so‘ngida barcha ishtirokchilar yangi bilimlarini o‘z faoliyatiga samarali tatbiq etish bo‘yicha kelishib oldilar.⁉️

Bu kabi tadbirlar zamonaviy ta’lim talablariga mos ravishda o‘qituvchilarning professional rivojlanishiga katta hissa qo‘shadi.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin