#ajdodlarga #ehtirom

TARIX QA'RIDAGI IKKI NUR

🖋Muhammad al-Xorazmiy nomidagi ixtisoslashtirilgan maktabda 12-fevral kuni buyuk ajdodlarimiz Alisher Navoiy tavalludining 583 yilligi va Zahiriddin Muhammad Bobur tavalludining 541 yilligiga bag'ishlab "Tarix qa'ridagi ikki nur" nomli bayram tadbiri tashkil etildi.

Maktab o'quvchilari ishtirokidagi bayram tadbiri haqiqiy teatrga aylanib ketdi. "Navoiyning tug'ilishi'," Bola Alisher", "Navoiyning yigitlik davri", Zahriddinning Vatanni tark etishi", "Bobur va Ko'ykiy", "Gulbadanbegim monologi" va "Imom G'azzoliy" sahnalari namoyish etildi. 🖌

❗️Shuningdek, tadbirga Rajabiylar sulolasining vakili Aziz Rajabiy o'zining Hazrat Navoiy g'azallari bilan aytiladigan qo'shiqlari bilan fayz kiritdi.

Ulug'lar yodiga bag'ishlangan tadbir ustozlar va o'quvchilarda katta taassurot qoldirdi.
_______
✈️Telegram 📒Facebook 📷Instagram 🌐Web 📹Youtube

#IB
#International_Baccalaureate
#Xalqaro_hamkorlik

TA’LIMGA ZAMONAVIY YONDASHUV

🌍 Ma’lumki, Muhammad al-Xorazmiy nomidagi ixtisoslashtirilgan maktabda IB (International Baccalaureate) dasturini joriy qilish bo’yicha tayyorgarliklar olib borilmoqda.

💬 Joriy yilning 10-fevral kuni Muhammad al-Xoramiy nomidagi ixtisoslashtirilgan maktabda IB liderlarining seminari bo’lib o’tdi. Seminarni IB koordinatori Mishel Gaddy olib bordi. Barcha fan liderlari bir oylik maxsus kursdan olingan bilim hamda ma’lumotlar asosida yillik taqvim-rejalarni IB talabi asosida ishlab chiqdilar. Shuningdek, sakkizta fan liderlari IB dasturining o’z fanlariga xos jihatlari bilan bo’lishdilar.

✅Shu bilan birga, IB akkreditatsiyasidan o’tish yo’lidagi keyingi qadamlar va rejalar haqida gaplashib olindi. Har bir fan lideri fevral va mart oylari uchun o’z vazifalari va maqsadlarini belgilab oldi.
__________
✈️Telegram 📒Facebook 📷Instagram 🌐Web 📹Youtube

#Bobur_tavalludining_541_yilligi

BORI ELGA YAXSHILIG’ QILG’ILKI MUNDIN YAXSHI YO’Q…

🇺🇿 O‘zbek mumtoz adabiyotining yirik vakili, buyuk shoir, tarixchi, geograf, davlat arbobi, iste’dodli sarkarda, boburiylar sulolasi asoschisi, temuriy shahzoda Zahiriddin Muhammad Bobur 1483-yil 14-fevralda o‘zining “Boburnoma” asarida mahorat bilan tasvirlagan go‘zal Farg‘ona viloyatining poytaxti Andijonda tug‘ilgan.

Bobur o‘zbek adabiyotida lirik janrlar rivojiga katta hissa qo‘shgan xassos shoirdir. Uning lirikasini g‘azal, ruboiy, qit’a, tuyuq, masnaviy va muammolar tashkil etadi. Bobur she`riyatida ona yurtga muhabbat, vatanni qo‘msash motivlari katta o‘rin egallaydi.
Shoir tavalludi munosabati bilan Muhammad al-Xoramiy nomidagi maktab o’quvchilari va o’qituvchilari “Adiblar xiyoboni”da bo’lib, Zahiriddin Muhammad Bobur poyiga gular qo’ydilar.📝

Zahiriddin Muhammad Bobur biz uchun mahobatli bir yulduz. Uning zavqbaxsh umri hech qachon so‘nmaydi. Ana shu musaffo nur siz-u bizning ong va idrokimiz yorishuviga xizmat qiladi.✨
__________
✈️Telegram 📒Facebook 📷Instagram 🌐Web 📹Youtube

#seminar

MATEMATIKLAR DTM SAVOLLARI MUHOKAMASIDA

⚡️Turli seminar, trening va uchrashuvlar ustozlar o'rtasida fikr va tajriba almashish uchun qulay fursatdir. Semenarlarni ko'proq tashkil etish ustozlarning ijodiy qirralarini kashf etishga yordam beradi.

👨‍💻Buni yaxshi anglagan maktabimiz matematika ustozlari har hafta ana shunday treninglarni tashkil etishni kanda qilishmayapti. Navbatdagi mavzu "Testdagi murakkabroq misollar, ularni tez va oson yechish usullari" bo'ldi. Mavzuni matematika fani o'qituvchisi Mirzo Ulug'bek Qurbonov yoritib berdi.

👨‍💼 Tadbirda ustoz Mirfozil Mirzaahmedov ko'p yillik tajribalaridan kelib chiqib, o'z tavsiya va maslahatlarini ayamadilar. Shuningdek, ustozlar Ahmad Xolmatov, Feruz Mamirov, Muhiddin Matmurodovlar ham o'z fikr va mulohazalarini bo'lishdilar.

🕰 Uchrashuv so'nggida navbatdagi mavzu haqida kelishib olindi.
__________
✈️Telegram 📒Facebook 📷Instagram 🌐Web 📹Youtube