#2022_yil_1_martdan

🔰 Qonunchilikka ko'ra:

➖ meva-sabzavotchilik klasterlari (kooperatsiyalar) va fermer xo'jaliklariga – eksport shartnomasi mavjud bo'lib, meva-sabzavot hosilini xavf-xatardan sug'urtalash xizmatidan foydalanganda to'langan sug'urta mukofotining 50 foizi, biroq sug'urta pulining 1 foizdan ortiq bo'lmagan qismi qoplab beriladi;

➖ meva-sabzavotchilik klasterlariga (kooperatsiyalarga) – xorijdan malakali agronom, entomolog, laboratoriya mutaxassislarini jalb qilish xarajatlarining 50 foizi, biroq bir oyga 1 nafar mutaxassis uchun 1 ming AQSH dollari ekvivalentidan oshmagan qismi Qishloq xo'jaligi vazirligining tuman bo'limlari orqali kompensatsiya qilinadi.

Kanalga ulanish👇👇👇
https://t.iss.one/huquqiyaxborot_lotin

#Xotin_qizlar_huquqi

🔰 "Ayollar daftari" va "Temir daftar" ga kiritilgan oilalarning farzandlari hamda "Yoshlar daftari"ga kiritilgan yangi turmush qurgan yoshlarning yakka tartibdagi xonadonida qo'shimcha uy-joy qurish uchun garovsiz 33 mln so'mgacha kredit beriladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Qonunchilikka ko'ra:

🔹 chakana savdo, umumiy ovqatlanish va aholiga maishiy xizmat ko'rsatish obyektlarida xaridni amalga oshirib, xarid chekini mobil ilovada ro'yxatdan o'tkazgan jismoniy shaxslarga oy yakuni bilan xarid summasining 1 foizi qaytariladi.

Bundan avtomobil sotib olganlik uchun, temir yo'l va avia chipta xaridi, kommunal va aloqa xizmati uchun to'lov, shuningdek, to'lov tizimi operatorlari orqali to'lovni amalga oshirganda olingan xarid cheklari mustasno;

🔹 sotib oluvchiga cheklarni yoki ularga tenglashtirilgan hujjatlarni bermasdan tovarlarni sotganlik va xizmatlar ko'rsatganlik, qalbaki markirovka qo'llanilganligi yoki markirovka mavjud emasligi to'g'risida soliq organlariga maxsus dastur orqali xabar bergan jismoniy shaxslarga undirilgan jarimaning 20 foizi miqdorida mukofot to'lanadi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

❗️Pedagoglarning faoliyatiga ta'lim oluvchilar bilimini to'g'ri va xolis baholashiga ta'sir ko'rsatish orqali aralashish yoki pedagogning xizmat vazifalarini bajarishiga to'sqinlik qilish:

➖ fuqarolarga BHMning 5 baravaridan 7 baravarigacha (1 mln 350 ming so'mdan 1 mln 890 ming so'mgacha);

➖ mansabdor shaxslarga esa 7 baravaridan 10 baravarigacha (1 mln 890 ming so'mdan 2 mln 700 ming so'mgacha) miqdorda jarima solishga sabab bo'ladi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔘 Qonunchilikka ko'ra:

“Ijtimoiy himoya yagona reestri” axborot tizimida ro'yxatga olingan shaxslarga, shuningdek, I va II guruh nogironligi bo'lgan shaxslarga davlat xizmatlari markazlari va (yoki) Yagona interaktiv davlat xizmatlari portali (my.gov.uz) orqali davlat xizmatlarini ko'rsatishda davlat bojlari, yig'imlar va boshqa har qanday to'lovlar bo'yicha 50 foiz miqdorida chegirma qo'llaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno).

Kanalga ulanish👇👇👇
https://t.iss.one/huquqiyaxborot_lotin

#Bilasizmi

📱Operator va provayderlar har bir abonentga, shu jumladan, abonentning shaxsiy hisob raqamida mablag'lar bo'lmagan holda, tegishli xizmatlar uchun O'zbekiston hududida belgilangan yagona raqamlarni abonent tomonidan terish yordamida favqulodda tezkor xizmatlarni bepul va kecha-kunduz davomida chaqirish imkoniyatini ta'minlashi kerak.

➡️ Favqulodda tezkor xizmatlar quyidagilar:

🔸 yong'in xavfsizligi xizmati;
🔸 ichki ishlar organlari;
🔸 tez tibbiy yordam;
🔸 gaz tarmog'ining avariya xizmati;
🔸 Favqulodda vaziyatlar vazirligining qutqaruv xizmati.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Fuqaroning hayoti xavf ostida bo'lgan taqdirda tibbiyot xodimlari uni davolash-profilaktika muassasasiga olib borish uchun har qanday transport turidan foydalanish huquqiga ega.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Qonunchilikka ko'ra, yetim bolalar va ota-ona qaramog'idan mahrum bo'lgan bolalar davlat bog'chalari va maktablarga navbatga qo'yilmasdan joylashtiriladi.

💰 Ularga texnikum, kollej, akademik litsey yoki OTMda o'qiyotganda har o'quv yilida 1 marotaba o'quv, ilmiy va badiiy adabiyotlar (kitoblar) xarid qilish uchun BHMning 5 baravari (1 mln 350 ming so'm) miqdorida subsidiya beriladi.

✅ Yetim bolalar va ota-ona qaramog'idan mahrum bo'lgan bolalar o'qishni davlat OTMlarida davom ettirganda ularga stipendiya 50 foizga oshirilgan holda to'lanadi.

Kanalga ulanish👇👇👇
https://t.iss.one/huquqiyaxborot_lotin

#Xotin_qizlar_huquqi

🔰 Qizlar va ayollar orasida onkologik kasalliklar tarqalishining oldini olish va erta diagnostika qilish quyidagi milliy dasturlar asosida amalga oshiriladi:

➖ 9–14 yoshdagi o'smir qizlarni odam papillomasi virusiga qarshi vaksina bilan emlash;

➖ 30–55 yoshdagi ayollar orasida bachadon bo'yni va 45–65 yoshdagi ayollar orasida ko'krak bezi saratoni skriningi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

“Xalqaro shartnomani tasdiqlash to'g'risida”gi Prezident qarori (PQ–142-son, 25.02.2022-y.) qabul qilindi.

➡️ Qarorga muvofiq, O'zbekiston hamda Pokiston Hukumatlari o'rtasida tranzit savdosi to'g'risidagi bitim (2021-yil 15-iyulda Toshkent shahrida imzolangan) tasdiqlandi.

🏢 Investitsiya va tashqi savdo vazirligi, Transport vazirligi va Davlat bojxona qo'mitasi ushbu xalqaro shartnomani amalga oshirish uchun mas'ul vakolatli organlar etib belgilandi.

⚠️ Vazirlar Mahkamasi hamda tegishli vazirlik va idoralarning rahbarlari mazkur xalqaro shartnoma kuchga kirgandan keyin O'zbekistonning majburiyatlari bajarilishini ta'minlaydi.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

💰 Har bir maktabdagi bir nafar jismoniy tarbiya o'qituvchisining lavozim maoshiga 20 foiz miqdorida ustama to'lash orqali mahallalarga "sport targ'ibotchisi" sifatida biriktiriladi.

Kanalga ulanish👇👇👇
https://t.iss.one/huquqiyaxborot_lotin

#2022_yil_1_martdan

🔰Quyidagi xizmatlar YIDXP (my.gov.uz) orqali elektron shaklda ko'rsatiladi:

➖ O'zbekistonga chet davlat fuqarosini taklif qilish;
➖ chet davlatda O'zbekiston fuqaroligini tasdiqlash bo'yicha tegishli hujjatlar va ma'lumotnomalar olish;
➖ sudlanganlik (sudlanmaganlik) haqidagi ma'lumotlar olish;
➖ avtotransport vositalarida taqiq mavjudligini tekshirish;
➖ jazoni ijro etish muassasalari va manzil koloniyalarida saqlanayotganlarni ularning yaqin qarindoshlari bilan uchrashuv vaqtini belgilash.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

✅ Barcha yuridik yoki jismoniy shaxs o'z nomiga tovar belgisini ro'yxatdan o'tkazishi mumkin.

➡️ Tovar belgisi (xizmat ko'rsatish belgisi) bu bir yuridik va jismoniy shaxslar tovarlari va xizmatlarini boshqa yuridik va jismoniy shaxslarning shu turdagi tovarlaridan farqlash uchun xizmat qiladigan, belgilangan tartibda ro'yxatdan o'tkazilgan belgilardir.

Kanalga ulanish👇👇👇
https://t.iss.one/huquqiyaxborot_lotin

#Adliya_xabari

Xotin-qizlar huquqlari bo'yicha umummilliy imtihonga ro'yxatdan o'tish davom etmoqda

➡️ Batafsil: https://youtu.be/Fh1GDkNeuhY

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

Charm-poyabzal va mo‘ynachilik korxonalari uchun 5 foizlik kredit ajratiladi

https://bit.ly/3sjTokp

Kanalga ulanish👇👇👇
https://t.iss.one/huquqiyaxborot_lotin

#Bilasizmi

⏳ Iste'molchi sifatli nooziq-ovqat tovarini (masalan, sovun, idish-tovoq, o'yinchoqlar, kanselyariya mollari va shu kabilar) sotib olgan kunidan boshlab 10 kun ichida ayni shunday tovarga almashtirib olishga haqli.

✅ Agar sotuvchida bunday tovar mavjud bo'lmasa, iste'molchi to'langan pulni qaytarib olishi mumkin.

♻️ Almashtirilayotgan tovarlarning narxida tafovut bo'lsa, qayta hisob-kitob qilinadi.

↪️ Shuningdek, zarur sifatdagi, qaytarib olinmaydigan yoki shunga o'xshash tovarga almashtirilmaydigan tovarlar ro'yxati bilan bu yerda tanishishingiz mumkin.

Kanalga ulanish👇👇👇
https://t.iss.one/huquqiyaxborot_lotin

#Xotin_qizlar_huquqi

🔰 Quyidagi toifadagi shaxslarni ishga qabul qilishda dastlabki sinov muddati qo'llanilmaydi:

🔸 homilador ayollar, uch yoshga to'lmagan bolasi bor ayollarga;
🔸 korxona uchun belgilangan minimal ish joylari hisobidan ishga yuborilgan shaxslarga;
🔸 o'rta maxsus, kasb-hunar ta'limi muassasalarining hamda oliy o'quv yurtlarining tegishli ta'lim muassasasini tamomlagan kundan e'tiboran uch yil ichida birinchi bor ishga kirayotgan bitiruvchilarga;
🔸 xodim bilan 6 oygacha muddatga mehnat shartnomasi tuzilgan hollarda.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

➡️ Tibbiyot muassasalari rahbarlari alohida o'rnak ko'rsatgan vrachlarga Tibbiyot tashkilotlarini moddiy rag'batlantirish va rivojlantirish jamg'armasi mablag'lari hisobidan tarif stavkasining 100 foizigacha bo'lgan miqdorda har oylik shaxsiy ustamalar belgilash huquqiga ega.

Kanalga ulanish👇👇👇
https://t.iss.one/huquqiyaxborot_lotin

#Bilasizmi

🔰 Pensionerga hisoblab chiqarib qo'yilgan, lekin uning tomonidan o'z vaqtida talab qilib olinmagan pensiya puli pensiyani olish maqsadida murojaat etilganidan oldingi 12 oydan oshmagan davr uchun to'lanadi.

➡️ Pensiyani tayinlovchi yoki to'lovchi organning aybi bilan o'z vaqtida olinmay qolgan pensiya puli o'tgan davr uchun muddati cheklanmagan holda to'lanadi.

Kanalga ulanish 👇👇👇
https://t.iss.one/huquqiyaxborot_lotin

#2022_yil_1_martdan

🔰 Qonunchilikka ko'ra:

➖ bolalikdan nogiron bo'lgan shaxslar va I va II guruh nogironlari daromad solig'i bo'yicha imtiyoz mehnatga haq to'lashning eng kam miqdorining 1,41 baravaridan 3 baravarigacha oshiriladi;

➖ 2024 yil 1 martgacha ish beruvchilarga nogironlar uchun to'langan ijtimoiy soliq Davlat byudjetidan to'liq qaytarib beriladi.

Kanalga ulanish 👇👇👇
https://t.iss.one/huquqiyaxborot_lotin