#Qonunchilikdagi_yangiliklar

❗️ Mustaqilligimizning 34 yilligi yuksak saviyada nishonlanadi

“O'zbekiston Respublikasi davlat mustaqilligining o'ttiz to'rt yillik bayramiga tayyorgarlik ko'rish va uni o'tkazish to'g'risida”gi Prezident qarori (PQ–222-son, 10.07.2025 y.) qabul qilindi.

🔰 Qarorga ko'ra, milliy istiqlolimizning 34 yillik shonli sanasi Yangi O'zbekistonning taraqqiyot darajasi, jahon maydonidagi obro'-e'tiboriga har tomonlama munosib tarzda, yuksak saviyada nishonlanadi.

📙 Mustaqillikning 34 yilligiga bag'ishlangan bayram tadbirlari “Vatan uchun, millat uchun, xalq uchun!” degan ezgu g'oyani o'zida mujassam etgan holda o'tkaziladi.

✔️ Mustaqillik bayrami Qoraqalpog'iston Respublikasi, viloyatlar markazlari va Toshkent shahrida, shuningdek, barcha shahar hamda tumanlar, qishloq va ovullarda munosib nishonlanishi ta'minlanadi.

📜 “Ona diyor – ranglar jilosida”, “Vatan uchun yashaylik!”, “Eng ulug', eng aziz” kabi an'anaviy ko'rik-tanlovlar yuqori darajada o'tkaziladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Mahalliy davlat hokimiyati vakillik organlari faoliyati yanada rivojlantiriladi

Manba: PF-98-son, 23.06.2025-yil.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Fuqarolar va fuqaroligi bo'lmagan shaxslarni yashash joyi bo'yicha ro'yxatdan o'tkazish tartibi belgilandi

“O'zbekiston Respublikasi fuqarolarini, chet el fuqarolarini hamda fuqaroligi bo'lmagan shaxslarni yashash joyi va turgan joyi bo'yicha ro'yxatdan o'tkazish to'g'risida”gi Qonun (O'RQ–1074-son, 10.07.2025 y.) qabul qilindi.

🔰 Qonunga ko'ra, shaxslarning yashashi uchun uy-joy maydonini beruvchi turar joy mulkdori yoki uni tasarruf etish huquqiga ega shaxs ushbu shaxslarni yashash joyi yoki turgan joyi bo'yicha o'z vaqtida ro'yxatdan o'tkazishi kerak.

📋 Joylashtirish vositalarida turgan shaxslarni turgan joyi bo'yicha xabardor qilish tartibida ro'yxatdan o'tkazish mas'ul xodimlar tomonidan “E-mehmon” tizimi orqali amalga oshiriladi.

📝 O'zbekistonning xorijda doimiy yashovchi fuqarolari O'zbekistonga kirgan kundan 10 ish kunidan kechiktirmay yashash joyi yoki turgan joyi bo'yicha ro'yxatdan o'tishi shart.

✔️ O'zbekiston fuqarolarini yashash joyi bo'yicha ro'yxatdan o'tkazish quyidagilarda amalga oshiriladi:

▪️ ichki ishlar organlarining migratsiya va fuqarolikni rasmiylashtirish bo'linmalarida;
▪️ davlat xizmatlari markazlarida;
▪️ YIDXP (my.gov.uz) orqali.

🔗 Yashash joyi va turgan joy bo'yicha ro'yxatdan o'tkazishda uy-joy maydonining ijtimoiy normasiga rioya etish talab qilinadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Ma'muriy huquqbuzarlik to'g'risidagi ishlarni yuritishda xususiy ayblov instituti joriy etiladi

Qonun (O'RQ–1075-son, 10.07.2025-y.) bilan Ma'muriy javobgarlik to'g'risidagi kodeksga o'zgartirish va qo'shimchalar kiritildi.

🔰 Qonun bilan Kodeksga ayrim huquqbuzarliklar uchun ma'muriy javobgarlikni bekor qilishga qaratilgan o'zgartirishlar kiritildi, jumladan:

🔹 avtomat telefonlarni shikastlantirganlik;

🔹 ruxsatsiz radiouzatkich shoxobchasi o'rnatish va (yoki) undan foydalanganlik.

✍️ Shuningdek, ayrim belgilangan ma'muriy huquqbuzarliklar (xususan, tuhmat, haqorat qilish va boshqalar) jabrlanuvchining huquqbuzarni javobgarlikka tortish haqidagi arizasiga ko'ra javobgarlikka sabab bo'lishi belgilandi.

📜 Biroq, jabrlanuvchi nochor ahvolda bo'lganligi, voyaga yetmaganligi yoki boshqa sabablarga ko'ra o'z huquqlarini himoya qila olmasa, vakolatli organning mansabdor shaxsi jabrlanuvchining arizasisiz ish yuritishni boshlashi shart.

📍 Qonun rasmiy e'lon qilingan kundan e'tiboran kuchga kiradi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Soliqqa oid nizolar bo'yicha ekspert kengashi tashkil etiladi

“Soliqqa oid nizolarni sudgacha hal qilish mexanizmlarini takomillashtirish chora-tadbirlari to'g'risida”gi Prezident qarori (PQ–223-son, 11.07.2025 y.) qabul qilindi.

🔰 Qarorni qabul qilishdan ko'zlangan maqsad etib tadbirkorlar va soliq organlari o'rtasidagi nizolarni hal qilish uchun sarflanadigan vaqt va xarajatlarni kamaytirish belgilandi.

📘 Qarorga ko'ra, Savdo-sanoat palatasi huzurida soliq, iqtisodiyot, moliya va huquq masalalari bo'yicha ekspertlardan iborat Soliqqa oid nizolar bo'yicha ekspert kengashi tashkil etiladi.

⌛️ Ekspert kengashining majlislari 1 oyda kamida 2 marta o'tkaziladi.

📝 Ekspert kengashiga soliqqa oid nizolarni ko'rib chiqishda quyidagi vakolatlar beriladi:

🔹 soliq organlarining qarorlaridan norozi bo'lgan tadbirkorlarning murojaatlarini ko'rib chiqish, bundan jinoyat ishi doirasida yoki sud tartibida ko'rib chiqilayotgan soliqqa oid nizolar mustasno;

🔹 murojaatlarni ko'rib chiqish natijasi yuzasidan xulosa qabul qilish;

🔹 qabul qilingan xulosalarni majburiy tartibda ko'rib chiqish uchun soliq, bojxona va tegishli davlat organlariga yuborish hamda bu haqda tadbirkorni xabardor qilish.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Liftlarni texnik ko'rikdan o'tkazish tartibi belgilandi

Hukumat qarori (431-son, 12.07.2025-y.) bilan “Liftlarni texnik ko'rikdan o'tkazish tartibi to'g'risida”gi nizom tasdiqlandi.

🔰 Nizomga ko'ra, bino va inshootlarda o'rnatilgan, doimiy ravishda foydalanishda bo'lgan liftlar 12 oydan oshmagan holda kamida 1 marta majburiy davriy texnik ko'rikdan o'tkaziladi.

✔️ Foydalanishga topshirilgan va yangi o'rnatilgan har qanday lift maxsus elektron axborot tizimida ro'yxatga olinishidan avval dastlabki texnik ko'rikdan o'tkazilishi shart.

🏛 Dastlabki texnik ko'rik lift pudratchisining murojaatiga binoan 10 ish kunidan kechiktirmay ixtisoslashgan tashkilot tomonidan amalga oshiriladi.

📜 Bunda texnik ko'rik natijalarining toifasiga qarab quyidagi ranglarda ma'lumot yorlig'i liftga yopishtiriladi:

🟢 foydalanishga yaroqli liftga “yashil”;

🔵 qisman nosoz liftga “moviy”;

🟡 nosoz liftga “sariq”;

🔴 foydalanish uchun xavfli liftga “qizil”.

🚫 Texnik ko'rik natijasida foydalanish uchun xavfli va qizil rangli ma'lumot yorlig'i bilan belgilangan liftdan foydalanish taqiqlanishi lozim.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Ilk rivojlanish markazlari tashkil etiladi

Hukumat qarori (439-son, 14.07.2025 y.) bilan “Ilk rivojlanish markazlari to'g'risida”gi nizom tasdiqlandi.

🏛 Nizom maktabgacha ta'lim bilan qamrab olinmagan hamda alohida ta'lim ehtiyojlari bo'lgan bolalarga ta'lim-tarbiya xizmatlarini ko'rsatish bo'yicha Ilk rivojlanish markazlarini tashkil etish tartibini belgilaydi.

📙 Markazlar 3–6 yoshli bolalarni, xususan, kambag'allik darajasi yuqori va alohida ta'lim ehtiyojlari bo'lgan oilalar farzandlarini qamrab olgan holda tashkil etiladi.

✔️ Markazlar quyidagi 2 ta model asosida faoliyat ko'rsatadi:

🔹 maxsus maktabgacha ta'lim xizmati modeli – pedagoglar tomonidan alohida ta'lim ehtiyojlari bo'lgan oilalarning 2–7 yoshli farzandlari uchun yashash xonadoniga borgan holda ta'lim-tarbiya jarayonini tashkil etish;

🔹 o'yin guruhi modeli – 3–6 yoshli bolalar uchun Markazlarda tashkil etilgan qisqa muddatli (3,5–4 soat) guruh.

📝 Markazlar tuman (shahar) maktabgacha va maktab ta'limi bo'limi huzurida tashkil etiladi.

⛔️ Markazlarga qabul qilingan barcha tarbiyalanuvchilardan ota-ona to'lovi undirilmaydi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️Davlat boshqaruvi tizimida samaradorlik oshiriladi

“Davlat boshqaruvi tizimida samaradorlik, proaktivlik va natijadorlikni oshirish chora-tadbirlari to'g'risida”gi Prezident Farmoni (PF-111-son, 14.07.2025 y.) qabul qilindi

🔰Farmonga ko'ra:

🔹Axborot va ommaviy kommunikatsiyalar agentligi tugatilib uning axborot sohasida nazorat va monitoring bo'yicha vazifa va funksiyalari Axborotlashtirish va telekommunikatsiyalar sohasida nazorat inspeksiyasiga o'tkazildi;

🔹Ommaviy kommunikatsiyalar masalalari bo'yicha markaz Administratsiya bo'ysunuviga o'tkazildi;

🔹Narkotiklarni nazorat qilish milliy markazi negizida Narkotiklar va o'qotar qurollarni nazorat qilish agentligi tashkil etildi;

🔹Administratsiya Matbuot xizmati media-markazi negizida Ommaviy axborot vositalari uchun kontent tayyorlash markazi tashkil etildi;

🔹Davlat xizmatini rivojlantirish agentligi negizida Boshqaruv samaradorligi agentligi tashkil etildi;

🔹Vazirlar Mahkamasi huzuridagi Madaniyat va san'atni rivojlantirish jamg'armasi Administratsiya bo'ysunuviga o'tkazildi.

🗓 2025-yil 1-sentabrgacha quyidagilarga qaratilgan normativ-huquqiy hujjatlar loyihalari ishlab chiqiladi:

➖byurokratik to'siqlarni bartaraf etish, takrorlanuvchi nazorat funksiyalarini bekor qilish, qaror qabul qilishda shaffoflik va ochiqlikni ta'minlashga qaratilgan respublika va mahalliy ijro etuvchi hokimiyat organlari faoliyati samaradorligini oshirish;

➖ hududlarni kompleks rivojlantirish, aholi bandligini ta'minlash va daromadlarini oshirish borasida mahalliy hokimliklar iqtisodiy, ma'muriy va moliyaviy vakolatlarini yanada kengaytirish.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Istiqbolli tashabbuslar rag'batlantiriladi

“Islohotlarni amalga oshirishda istiqbolli tashabbuslarni yanada qo'llab-quvvatlash bo'yicha qo'shimcha chora-tadbirlar to'g'risida”gi Prezident Farmoni (PF–113-son, 14.07.2025 y.) qabul qilindi.

🔰 Farmonga ko'ra, quyidagilar aholining istiqbolli tashabbuslarini rag'batlantirish chora-tadbirlarining asosiy maqsadlari etib belgilandi, jumladan:

🔹 samarali va xalqchil islohotlarni amalga oshirishda keng jamoatchilik va jamiyatning turli qatlamlari vakillarining ishtirokini qo'llab-quvvatlash;

🔹 istiqbolli tashabbuslarni qo'llab-quvvatlash maqsadida keng aholi qatlami uchun ochiq muloqot maydonini yaratish;

🔹 zamonaviy, ilg'or g'oyalar va istiqbolli tashabbuslarni saralash va tanlab olishning samarali mexanizmlarini joriy qilish.

🏛 2025-yildan har yili "Kelajak uchun" istiqbolli tashabbuslar forumi o'tkazib boriladi.

📙 Forum o'tkaziladigan ustuvor yo'nalishlar har yili “Kelajak uchun” istiqbolli tashabbuslar forumiga tayyorgarlik ko'rish va uni o'tkazish bo'yicha tashkiliy qo'mita tomonidan belgilab beriladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ “Kelajak uchun” istiqbolli tashabbuslar forumi o'tkaziladi

Farmon bilan “Kelajak uchun” istiqbolli tashabbuslar forumini o'tkazish tartibi to'g'risida”gi nizom tasdiqlandi.

🔰 Nizom “Kelajak uchun” istiqbolli tashabbuslar forumini o'tkazishga tayyorgarlik ko'rish, istiqbolli tashabbuslarni yig'ish, tahlil qilish va ko'rib chiqish hamda ularni amalga oshirish tartibini belgilaydi.

⏳ Forum doirasida istiqbolli tashabbuslarni yig'ish, dastlabki saralash va umumlashtirish jarayonlari Strategik islohotlar agentligi tomonidan har yili 1-iyuldan 1-sentabrgacha o'tkaziladi.

📙 Forumda muhokama qilish uchun yuboriladigan istiqbolli tashabbuslar quyidagi mezonlarga muvofiq bo'lishi lozim:

➖ dolzarblik;
➖ o'ziga xoslik;
➖ imkoniyatlilik;
➖ ta'sirchanlik;
➖ tarmoq yoki jamiyatga ijobiy ta'sir ko'rsatish.

📝 Mentorlar kengashi tomonidan top-10 deb topilgan eng dolzarb istiqbolli tashabbuslar Prezident ishtirokida o'tkaziladigan Forumning yalpi majlisida muhokama qilinadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Jazoni ijro etish muassasalaridan ozod qilingan shaxslarga nafaqa tayinlash tartibi belgilandi

Hukumat qarori (444-son, 16.07.2025 y.) bilan “Jazoni ijro etish muassasalaridan ozod qilingan shaxslarga bir martalik nafaqa tayinlash va to'lash tartibi to'g'risida”gi nizom tasdiqlandi.

🔰 Nizom jazoni ijro etish muassasalaridan ozod qilingan shaxslarga bir martalik nafaqa tayinlash va to'lash tartibini belgilaydi.

🔗 Nafaqa tayinlash uchun murojaat qilish, murojaatlarni ko'rib chiqish va nafaqalarni tayinlash “E-probatsiya” axborot tizimi orqali amalga oshiriladi.

✍️ Ariza beruvchi jazoni ijro etish muassasasidan ozod qilingan kundan boshlab 1 oy ichida tuman (shahar) probasiya bo'limlari (vakolatli organ) ga shaxsan murojaat qiladi.

⏳ Vakolatli organ 1 ish kunida ariza beruvchini nafaqa tayinlangani va nafaqani olish uchun murojaat qilinishi lozim bo'lgan tijorat banki to'g'risida xabardor qiladi.

📙 Nafaqa oluvchi shaxsini tasdiqlovchi hujjatlar yoki jazoni o'tab bo'lganlik yoxud jazodan ozod qilinganlik haqidagi ma'lumotnoma asosida, 1 oy muddatda tijorat bankining istalgan filialiga murojaat qilishi mumkin.

📌 Ma'lumot uchun: nafaqa miqdori BHMning 6 baravarini tashkil etadi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Respublika va mahalliy ijro etuvchi hokimiyat organlarida ichki nazorat tizimi takomillashtiriladi

Hukumat qarori (446-son, 16.07.2025-y.) bilan “2025–2027 yillarda respublika va mahalliy ijro etuvchi hokimiyat organlarida ichki nazorat tizimini yanada takomillashtirish” konsepsiyasi tasdiqlandi.

🔰 Konsepsiya respublika va mahalliy ijro etuvchi hokimiyat organlarida ichki nazorat tizimini takomillashtirishning ustuvor yo'nalishlari, vazifalari, o'rta va uzoq muddatli istiqboldagi rivojlanish bosqichlarini belgilaydi.

📙 Konsepsiyaga ko'ra, ichki nazorat tizimini rivojlantirish quyidagi yo'nalishlarni o'z ichiga oladi:
➖ nazorat muhitining yaxlit tizimini shakllantirish;
➖ xavflarni boshqarishning samarali tizimini joriy etish;
➖ nazorat jarayonlarining natijadorligini oshirish;
➖ axborot va kommunikasiya tizimini takomillashtirish;
➖ ichki nazorat tizimini doimiy monitoring qilish hamda hisobdorlikni yanada mustahkamlash.

📜 Ushbu ustuvor yo'nalishlarini quyidagi mexanizmlar orqali amalga oshirish lozim:

🔹 ichki nazorat tizimini tashkil etishni standartlashtirish maqsadida qonunchilik asoslarini takomillashtirish;

🔹 ichki nazorat tizimini tashkil etishni yanada rivojlantirish;

🔹 xodimlarni tayyorlash, qayta tayyorlash va ularning malakasini oshirish tizimini rivojlantirish.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Ayrim temir yo'l transporti xodimlarining ish vaqti rejimlari tartibga solindi

“Ishi bevosita poezdlar harakati bilan bog'liq bo'lgan temir yo'l transporti ayrim toifadagi xodimlarining ish vaqti va dam olish vaqti rejimlari to'g'risida”gi nizom Adliya vazirligida davlat ro'yxatidan o'tkazildi (ro'yxat raqami: 3650-son, 17.07.2025 y.).

🔰 Nizomga ko'ra, ish vaqtining normal davomiyligi 5 kunlik yoki 6 kunlik ish haftasida haftasiga 40 soatdan ortiq bo'lishi mumkin emas.

⏳ Ishlarni bajarish joyi xizmat ko'rsatilayotgan asosiy ish joyidan tashqarida bo'lsa, mazkur toifadagi xodimlarning 24 soatda bosib o'tgan yo'lining 8 soati bevosita ularning ish vaqtiga qo'shiladi.

✔️ Poezdlar harakati bilan bevosita bog'liq bo'lgan temir yo'l transporti xodimlarining ish vaqtiga quyidagilar kiradi:

🔹 ishga tayyorgarlik ko'rish vaqti, shu jumladan, yo'l-yo'riqdan o'tish vaqti;

🔹 ishdan oldingi tibbiy ko'rikdan o'tish vaqti;

🔹 asosiy mehnat vazifalarini bajarishga bevosita sarflanadigan vaqti;

🔹 asosiy ish joyidan xizmat ko'rsatilayotgan ish joyiga yo'lovchi sifatida borish va undan qaytish hamda kutish vaqti;

🔹 xodimga bevosita bog'liq bo'lmagan holatlarda uning bo'sh turib qolgan vaqti.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ O'quvchilar fiziologiya holati asosida sport turlariga yo'naltiriladi

“O'quvchilarning fiziologiya va antropometriya holatiga baho berish orqali ularni sport turlariga yo'naltirish hamda sportni ommalashtirish chora-tadbirlari to'g'risida”gi Hukumat qarori (447-son, 17.07.2025-y.) qabul qilindi.

🔰 Qarorga ko'ra, umumiy o'rta ta'lim maktablarida o'quvchilarni tibbiy ko'riklardan o'tkazishda ularning fiziologiya va antropometriya holatiga baho berish orqali sport turiga bo'lgan qobiliyatini aniqlash va sportga yo'naltirish bo'yicha elektron tizim yo'lga qo'yiladi.

🔗 2025/2026-o'quv yilidan har yili 1 marta maktab hamshiralari uchun o'quvchilarning fiziologik va antropometrik ko'rsatkichlarini aniqlash bo'yicha o'quv-seminarlar tashkil etiladi.

📙 Shuningdek, o'quvchilarni tibbiy ko'rikdan o'tkazish orqali ularning fiziologik va antropometrik ko'rsatkichlari shakllantirilib, “Elektron sog'liqni saqlash” axborot tizimiga kiritiladi.

📋 “ERP-maktab” axborot tizimida o'quvchilarning fiziologik va antropometrik ko'rsatkichlari asosida ularning sport turiga bo'lgan qiziqishlari aniqlanadi va tizimda qayd etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Bakalavr va magistrlar tayyorlash bo'yicha davlat granti tasdiqlandi

“Davlat oliy ta'lim tashkilotlariga o'qishga qabul qilishning davlat buyurtmasi parametrlarini tasdiqlash to'g'risida”gi Prezident farmoyishi (PF–43-son, 18.07.2025-y.) qabul qilindi.

🔰 Farmoyish bilan 2025/2026-o'quv yili va kelgusi 3 o'quv yili uchun davlat oliy ta'lim tashkilotlariga davlat buyurtmasi asosida o'qishga qabul qilish davlat buyurtmasi parametrlari tasdiqlandi. Bunda:

🔹 bakalavriat bosqichiga kunduzgi ta'lim shakli bo'yicha:

▪️ 2025/2026-o'quv yili uchun – 35 500 ta;
▪️ 2026/2027-o'quv yili uchun – 36 023 ta;
▪️ 2027/2028-o'quv yili uchun – 36 460 ta;
▪️ 2028/2029-o'quv yili uchun – 36 761 ta.

🔹 magistratura bosqichiga kunduzgi ta'lim shakli bo'yicha:

▪️ 2025/2026-o'quv yili uchun – 9 922 ta;
▪️ 2026/2027-o'quv yili uchun – 10 191 ta;
▪️ 2027/2028-o'quv yili uchun – 10 477 ta;
▪️ 2028/2029-o'quv yili uchun – 10 784 ta.

📝 Oliy ta'lim, fan va innovasiyalar vazirligi quyidagilar bo'yicha takliflarni Davlat komissiyasiga taqdim etadi:

🔸 respublikada faoliyat yuritayotgan xorijiy oliy ta'lim tashkilotlari va ularning filiallari hamda nodavlat oliy ta'lim tashkilotlariga ajratilgan 1 320 ta davlat grantining taqsimoti yuzasidan;

🔸 davlat oliy ta'lim tashkilotlarida o'qish istagini bildirgan, xorijda istiqomat qilayotgan yosh vatandoshlar uchun 30 ta davlat grantining ta'lim yo'nalishlari kesimidagi taqsimoti bo'yicha;

🔸 Oila va xotin-qizlar qo'mitasi bilan birgalikda xotin-qizlar uchun ajratilgan 4 000 ta davlat grantining taqsimoti yuzasidan.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ O'zbekiston va Mo'g'uliston o'rtasida qishloq xo'jaligi sohasidagi kelishuvlar amalga oshiriladi

“Mo'g'ulistonga oliy darajadagi tashrif davomida qishloq xo'jaligi va oziq-ovqat sohalarida erishilgan kelishuvlarni amalga oshirish chora-tadbirlari to'g'risida”gi Prezident qarori (PQ–225-son, 17.07.2025-y.) qabul qilindi.

🔰 Qarorga ko'ra, O'zbekiston va Mo'g'uliston o'rtasida 2025–2026-yillarda qishloq xo'jaligi va oziq-ovqat sohalarida amalga oshiriladigan chora-tadbirlarning asosiy ko'rsatkichlari etib quyidagilar belgilandi, jumladan:

🔹 Mo'g'ulistondan O'zbekistonga 100 ming bosh mayda shoxli mollarni olib kelish va mahalliy sharoitda naslchilik-seleksiya ishlari yordamida ko'paytirish orqali ularning sonini 2029-yil yakuniga qadar 1 mln boshga yetkazish;

🔹 meva-sabzavot va oziq-ovqat mahsulotlarining Mo'g'ulistonga eksport hajmini har yili oshirib borib, 10 barobarga ko'paytirish choralarini ko'rish.

✔️ 2025-yil 1-avgustdan 2027-yil 31-dekabrgacha Mo'g'ulistondan mayda shoxli mollarni O'zbekistonga import qilishda tadbirkorlarga:

🔸 havo transportida tashish xarajatlarining 50 foizi Davlat byudjeti hisobidan qoplab beriladi;

🔸 QQSni to'lash muddatini foizlar hisoblanmagan holda to'lov ta'minotisiz kechiktirib to'lash imkoniyati beriladi.

📝 2025–2026-yillarda quyidagilar tashkil etiladi:

▪️ Mo'g'ulistonning yirik savdo markazlarida “O'zbekiston mahsulotlari” yarmarkasi;
▪️ Ulan-Bator shahridagi yirik savdo maydonlarida O'zbekiston mahsulotlari stendi;
▪️ O'zbekiston-Mo'g'uliston savdo uyi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Talabalarni o'qishga qabul qilish “avval test, so'ng tanlov” tamoyiliga muvofiqlashtiriladi

Prezident Farmoni (PF–114-son, 19.07.2025-y.) bilan Prezidentning ayrim hujjatlariga o'zgartirishlar kiritildi.

🔰 Farmon bilan kiritilgan o'zgartirishlarga ko'ra, Toshkent shahridagi Turin politexnika universitetida talabalarni Turin politexnika universiteti (Italiya Respublikasi) o'quv reja va dasturlari bilan bir qatorda boshqa ilg'or xorijiy oliy ta'lim tashkilotlarining ham o'quv reja va dasturlari asosida o'qitish tizimi joriy qilinadi.

✔️ Shuningdek, oliy ta'lim tashkilotlarining bakalavriat ta'lim yo'nalishlariga o'qishga qabul qilish jarayonlari “avval test, so'ng tanlov” tamoyiliga muvofiqlashtiriladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Xorijiy investorlar kengashi majlisida erishilgan kelishuvlar ijrosi ta'minlanadi

“Xorijiy investorlar kengashining navbatdagi majlisi doirasida erishilgan kelishuvlarning ijrosini ta'minlash chora-tadbirlari to'g'risida”gi Prezident qarori (PQ–226-son, 18.07.2025-y.) qabul qilindi.

📙 Qaror bilan Prezident huzuridagi Xorijiy investorlar kengashi O'zbekiston tomonining yangilangan tarkibi tasdiqlandi.

🏛 Qarorga ko'ra, Kengash kotibiyati nodavlat notijorat tashkilot sifatida tashkil etiladi hamda uning a'zoligiga xalqaro moliya institutlari ham jalb qilinadi.

💰 Kengash kotibiyati tomonidan xorijiy investorlar bilan to'g'ridan-to'g'ri ishlash orqali mamlakatimizda investisiya muhitini yaxshilash bo'yicha takliflar ishlab chiqiladi, shuningdek, loyihalarni amalga oshirish uchun investisiya mablag'larini jalb qilishga ko'maklashiladi.

📝 Bundan tashqari, Kengashning davlat organlari va tashkilotlari bilan bog'liq faoliyatini Kengash kotibiyati tomonidan muvofiqlashtirish bo'yicha mahalliy va xorijiy kompaniyalar vakillari bilan maslahatlashuvlar tashkil etiladi.

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Intellektual mulk obyektlariga oid shartnomalarni davlat ro'yxatidan o'tkazish tartibi belgilandi

Manba: Hukumat qarori (427-son, 10.07.2025-yil)

Kanalga ulanish👇👇👇
https://t.iss.one/huquqiyaxborot_lotin

#Qonunchilikdagi_yangiliklar

❗️ Zargarlik buyumlarini ishlab chiqarish qo'llab-quvvatlanadi

Manba: PQ–207-son, 26.06.2025-yil

Kanalga ulanish👇👇👇
https://t.iss.one/huquqiyaxborot_lotin