#Адлия_хабари

❗️Шахсий автомобилларда ҳаракатланиш чекланди

Республика махсус комиссиясининг қарорига кўра, 2020 йил 30 март соат 06:00 дан 20 апрель соат 00:01 га қадар вилоятлараро, Тошкент ва Нукус шаҳарлари ҳамда вилоятлар марказларида Давлат хизматлари марказлари томонидан бериладиган махсус рухсатнома (стикер)лар асосида автотранспорт воситалари ҳаракатланишига рухсат берилади.

✅ Мазкур рухсатномалар қуйидаги фаолиятларни амалга ошириш учун бириктирилган автотранспорт воситаларига тақдим этилади:

👉 озиқ-овқат маҳсулотлари, дори воситалари ва тиббий буюмлар савдоси билан шуғулланадиган ташкилотларнинг хизмат автотранспорт воситалари, шунингдек, мазкур ташкилотларда доимий меҳнат фаолиятини амалга ошираётган ходимларнинг шахсий автотранспорт воситалари;

👉 санитария ва гигиена маҳсулотларини (коронавирус инфекциясидан ҳимояловчи ва дезинфекция қилувчи воситалар) ишлаб чиқарувчи ва чакана савдо, дорихона фаолияти билан шуғулланувчи юридик ва жисмоний шахсларнинг автотранспорт воситалари;

👉 Тошкент вилоятининг Юқори Чирчиқ ва Зангиота туманларида, Тошкент шаҳрининг Олмазор, Чилонзор ва Яшнобод туманларида барпо этилаётган шифохона ва хиёбонлар қурилишига жалб этилган юридик шахслар ва якка тартибдаги тадбиркорларга тегишли автотранспорт воситалари.

Юридик ва жисмоний шахсларнинг ишчи ходимлари марказлашган тартибда автобус (микроавтобус) орқали Корақалпоғистон Республикаси Нукус шаҳри, Тошкент шаҳри ва вилоят марказларига киритилади.

Каналга уланиш👇👇👇
https://t.iss.one/huquqiyaxborot

#Адлия_хабари

Шунингдек, кўчаларда ҳаракатланиш учун қуйидаги автотранспорт воситаларига махсус рухсатнома талаб этилмайди:

• Ўзбекистон Республикаси ва хорижий давлатларнинг дипломатик хизмати ходимлари ҳамда Ўзбекистон Республикаси Ташқи ишлар вазирлигининг таклифларига мувофиқ ташриф буюрган халқаро ташкилотлар делегациялари аъзоларининг тегишли автотранспорт воситаларига;

• аҳоли ва ташкилотларга коммунал хизмат кўрсатувчи ташкилотларга (газ, электр энергияси, иссиқлик таъминоти, совуқ сув, сув оқава ва бошқа ташкилотлар) тегишли автотранспорт воситаларига;

• алоқа хизматларини кўрсатувчи ташкилотларга тегишли автотранспорт воситалари ҳамда “Ўзбекистон почтаси” АЖнинг почта жўнатмаларига;

• тижорат банкларига тегишли хизмат автотранспорт воситаларига;

• тиббий ва эпидемиологик хизматлар кўрсатувчи корхоналарнинг автотранспорт воситаларига;

• ҳуқуқни муҳофаза қилувчи органлар ва махсус ҳамда қутқарув корхоналарининг автотранспорт воситаларига;

• N1, N2 ва N3 тоифага кирувчи автотранспорт воситаларига ҳамда қишлоқ хўжалиги маҳсулотларини олиб келаётган М1 (бир нафар йўловчи билан) тоифадаги автотранспорт воситаларига;

• вилоят, шаҳар ва туман ҳокимлари ва уларнинг ўринбосарларининг автотранспорт воситаларига;

• йўловчи ташиш фаолияти билан шуғулланиш лицензиясига эга бўлган йўналишсиз таксиларга (ўзларининг рўйхатдан ўтган маъмурий ҳудуди доирасида) йўловчиларсиз, етказиб бериш хизмати (курьер, доставка)ларига;

• етказиб бериш хизмати (кейтеринг) ташкилотларининг автотранспорт воситаларига, шунингдек, йўловчи ташиш хизматини кўрсатувчи ташкилотларнинг етказиб бериш хизматини кўрсатаётган автотранспорт воситаларига;

• фуқароларга кечиктириб бўлмайдиган тез тиббий ёрдам кўрсатиш (ҳомиладорлик, тан жароҳати, инсон ҳаётига хавф туғдираётган бошқа ҳолатлар) билан боғлиқ ҳолларда тиббиёт муассасасига бораётган ва ундан қайтаётган шахсий автотранспорт воситаларига;

• дафн маросимларида хизмат кўрсатувчи махсус автотранспорт воситаларига;

• йўл-патрул хизмати автомобиллари ёрдамида кузатилаётган автотранспорт воситалари шулар жумласидан.

Махсус рухсатнома талаб этиладиган автотранспорт воситаларига (тегишли тасдиқловчи ҳужжатларни илова қилган ҳолда) махсус рухсатномалар бериш тизими жорий йилнинг 29 март соат 09:00 дан амалиётга жорий этилади.

Mахсус рухсатнома асосида ҳаракатланадиган автотранспорт воситалари фақатгина ушбу муассаса ва ташкилотлар фаолияти билан боғлиқ ҳолда ҳаракатланишига рухсат берилади.

❗️Шахсий манфаат йўлида фойдаланиш қатъиян ман этилади.

Каналга уланиш👇👇👇
https://t.iss.one/huquqiyaxborot

#Адлия_хабари

Махсус рухсатномани қаердан олса бўлади?

Махсус рухсатнома Тошкент ва Нукус шаҳарлари ҳамда вилоятлар марказларида Давлат хизматлари марказлари томонидан берилади. Махсус рухсатномалар бериш тизими жорий йилнинг 29 март соат 09:00 дан амалиётга жорий этилади.

Махсус рухсатнома Марказга ташриф буюришдан олдин, марказга олдиндан телефон қилиб, маълумотлар оператор томонидан тўлдирилганидан сўнг қабул қилинади.

Аввалдан рўйхатдан ўтмаган юридик ва жисмоний шахсларнинг аризалари кўриб чиқилмайди.

Давлат хизматлари марказлари телефон рақамлари 29 март соат 08:00 да эълон қилинади.

Биринчи навбатда озиқ овқат ва дори-дармон ташувчи юридик шахсларнинг, кейин эса жисмоний шахсларнинг аризалари қабул қилинади.

❗️ Махсус рухсатнома асосида ҳаракатланадиган бошқа автотранспорт воситалари фақатгина ушбу муассаса ва ташкилотлар фаолияти билан боғлиқ ҳолда ҳаракатланишига рухсат берилади. Шахсий манфаат йўлида фойдаланиш қатьиян ман этилади ва тартиб бузилган ҳолатларда қонунчиликда белгиланган тартибда жавобгарликка тортилади.

Каналга уланиш👇👇👇
https://t.iss.one/huquqiyaxborot

#Адлия_хабари

Кўчаларда ҳаракатланиш мақсадида автотранспорт воситаларига махсус рухсатномани олиш учун марказга ташриф буюришдан олдин, марказга қўнғироқ қилиб, маълумотлар оператор томонидан тўлдирилиши лозим.

✅ Махсус Рухсатнома олиш учун Тошкент шаҳри, вилоятлар ва Қорақалпоғистон Республикасида ДХМлар телефон рақамлари рўйхати: ⬇️

◽️ Тошкент шаҳри

1. Бектемир тумани (71) 231-84-56
2. Мирзо Улуғбек тумани (71) 262-04-70
3. Миробод тумани (71) 233-13-47
4. Олмазор тумани (71) 231-71-36
5. Сергели тумани (71) 230-08-84
6. Учтепа тумани (71) 217-47-82
7. Чилонзор тумани (71) 203-60-16
8. Шайхонтоҳур тумани (71) 231-12-75
9. Юнусобод тумани (71) 235-41-42
10. Яккасарой тумани (71) 231-88-12
11. Яшнобод тумани (71) 231-19-34

◽️ Тошкент вилояти
12. Нурафшон шаҳри (70) 762-63-47

◽️ Андижон вилояти
13. Андижон шаҳри (74) 223-03-03, (74) 223-00-30

◽️ Бухоро вилояти
14. Бухоро шаҳри (65) 223-21-45

◽️ Навоий вилояти
15. Навоий шаҳри (79) 210-11-48

◽️ Наманган вилояти
16. Наманган шаҳри (69) 227-00-32, (69) 227-00-31

◽️ Жиззах вилояти
17. Жиззах шаҳри (72) 226-33-23, (72) 226-33-22

◽️ Сирдарё вилояти
18. Гулистон шаҳри (67) 225 83 41, (67) 225 28 22

◽️ Самарқанд вилояти
19. Самарқанд шаҳри (66) 237-70-39

◽️ Фарғона вилояти
20. Фарғона шаҳри (73) 241-85-49

◽️ Хоразм вилояти
21. Урган шаҳри (62) 224-75-62, (62) 224-73-47

◽️ Қорақалпоғистон Республикаси
22. Нукус шаҳри (61) 222-70-35, (61) 222-70-96

◽️ Қашқадарё вилояти
23. Қарши шаҳри (91) 4730030, (91) 6357201,

◽️ Сурхондарё вилояти
24. Термиз шаҳри (76) 225-19-08

Каналга уланиш👇👇👇
https://t.iss.one/huquqiyaxborot

❗️#Эълон

❗️ Махсус рухсатномани олиш учун қандай ҳужжатлар талаб этилади?

⚡️Ҳозирча рухсатномани олиш учун:

-фуқаролик паспорти;

-автомототранспорт техник паспорти;

-Тошкент вилоятининг Юқори Чирчиқ ва Зангиота туманларида, Тошкент шаҳрининг Олмазор, Чилонзор ва Яшнобод туманларида барпо этилаётган шифохона ва хиёбонлар қурилишига жалб этилган юридик шахслар ва якка тартибдаги тадбиркорларга тегишли автотранспорт воситалари учун – тегишли туман ҳокимлигининг хати;

- тадбиркорлик субъекти давлат рўйхатидан ўтказилганлиги тўғрисидаги гувоҳнома;

-лицензияланадиган фаолият турлари бўйича лицензия;

-рухсат этиш хусусиятига эга ҳужжат;

-ходимнинг меҳнат дафтарчаси ёки лавозимга тайинланганлиги тўғрисида буйруқ.

Ҳурматли фуқаролар!

Ҳозирда карантин эълон қилинганлигига қарамасдан, Давлат хизматлари марказларига жуда кўп фуқаролар келаётганлигини инобатга олган ҳолда, Марказлар фақат Сизларнинг ҳужжатларингизни қабул қилиш билан чекланади. Шу сабабли тўғри тушунган ҳолда, ҳужжатларингизни Давлат хизматлари марказлари ходимларига топшириб кетишингиз сўралади.

РУХСАТНОМА фақат, "Давлат белгиси" ДИЧБ томонидан белгиланган тартибда рухсатномалар бланклари тайёрланганидан сўнггина, белгиланган тартиб бўйича берилади. Давлат хизматлари марказлари ходимлари Сизларни телефон орқали хабардор қиладилар.

Буларнинг барчаси карантин даврида Марказларимизда фуқаролар йиғилишининг олдини олиш ва тавсия этилаётган масофани сақлаш мақсадида талаб этилмоқда.

Тушунганингиз учун миннатдормиз! Саломат бўлинг!

Биз ижтимоий тармоқларда:
Telegram · Instagram · Facebook · Youtube

#Диққат-диққат

❗️Соат 15.00 да махсус рухсатномани олиш учун аризани электрон тарзда my.gov.uz портали орқали топшириш мумкин бўлади!

Азизлар, илтимос карантин талабларига риоя қилинг.

Ўзингиз ва яқинларингизни асранг!

Электрон давлат хизматларидан фойдаланинг!

Махсус рухсатномани олиш учун қандай ҳужжатлар талаб этилади? Бунга адлия вазири ўринбосари Худоёр Мелиев жавоб берди

Каналга уланиш👇👇👇
https://t.iss.one/huquqiyaxborot

#Биласизми

Юқумли касаллик ҳақида ёлғон маълумот тарқатганлик учун жиноий жавобгарлик белгиланди

Каналга уланиш👇👇👇
https://t.iss.one/huquqiyaxborot

#Биласизми

Карантин шароитида тиббий мажбурлов чораси қўлланиши мумкин

Каналга уланиш👇👇👇
https://t.iss.one/huquqiyaxborot

#Биласизми

Ниқобсиз юрганлик 1 млн сўмдан ортиқ жаримага сабаб бўлиши мумкин

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

Масофавий ишлашга ўтказиш тартиби тасдиқланди

“Карантинга оид чоралар амал қилиш даврида ходимларни масофавий иш усулида, мослашувчан иш графигида ёки уйда ишлашга ўтказишнинг вақтинчалик тартиби тўғрисидаги низомни тасдиқлаш ҳақида”ги буйруқ Адлия вазирлигида давлат рўйхатидан ўтказилди (рўйхат рақами 3228, 28.03.2020 й.).

Буйруқ билан тасдиқланган низомга кўра, карантин даврида иш берувчи ходимнинг розилиги билан уни масофавий иш усулида, мослашувчан иш жадвалида ёки уйда ишлашга ўтказиши мумкин.

Бунда ушбу ҳуқуқдан биринчи навбатда ҳомиладор аёллар, кексалар, имконияти чекланган шахслар ва сурункали касалликларга чалинган ходимлар фойдаланади.

Ходимнинг масофавий иш усулида, мослашувчан иш жадвалида ёки уйда ишлашга ўтказилиши иш берувчининг буйруғи билан расмийлаштирилади.

✅ Масофавий ишга ўтказиш юзасидан меҳнат шартномасига киритиладиган ўзгартиришда, меҳнатнинг бошқа шартлари билан бирга қуйидагилар ҳам кўрсатилади:

👉 электрон ҳужжат алмашинуви бўйича ўзаро алоқа тартиби;

👉 ходимга иш учун зарур бўлган жиҳозлар, техника воситаларидан фойдаланиш тартиби;

👉 ходимни алоқа воситалари билан таъминлаш, Интернет тармоғидан фойдаланиш;

👉 ходимга иш беруви томонидан берилган жиҳозлар бузилганда зарарни қоплаш бўйича шартлар;

👉 ходим шахсий жиҳоз, техника воситаларидан, Интернетдан фойдаланганда харажатларни қоплаш тартиби;

👉 ходим ва иш берувчининг зарурий меҳнат муҳофазаси ва меҳнат шароитларига амал қилиш бўйича мажбуриятлари;

👉 ишлаб чиқариш зарурияти туғилганда ходимни доимий ишга ўтказиш шартлари.

Мазкур ишлаш усулига ўтказилган ходимларнинг меҳнат таътили, вақтинча меҳнатга лаёқатсизлик бўйича нафақа олиш ҳамда қонун ҳужжатлари ва жамоа шартномасида назарда тутилган бошқа ҳуқуқлари сақлаб қолинади.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

⚡️ Карантин даврида боғча боласи ота-онасига меҳнат таътили бериш тартиби тасдиқланди

"Карантинга оид чоралар амал қилиш даврида мактабгача таълим ташкилотлари ва умумтаълим муассасаларининг фаолияти тўхтатилганда мактабгача таълим ташкилотлари тарбияланувчилари ва умумтаълим муассасалари бошланғич синф ўқувчиларининг ота-оналарига йиллик меҳнат таътили беришнинг вақтинчалик тартиби тўғрисидаги низомни тасдиқлаш ҳақида"ги буйруқ Адлия вазирлигида давлат рўйхатидан ўтказилди (рўйхат рақами 3227, 28.03.2020 й.).

Низомга кўра, меҳнат таътили карантин даврида боғчалар ва мактаблар фаолияти тўхтатилган даврда боғча тарбияланувчисининг ва мактаблар 1-4-синф ўқувчиларининг ота-она (уларнинг ўрнини босувчи шахс, васий, ҳомий)сига берилади.

Бунда, таътил ходимнинг хоҳишига кўра, таътиллар жадвалидан қатъи назар берилади (биринчи иш йили учун 6 ой ишлаган бўлиш шарт эмас).

✅ Агар ходим боғча ёки мактаб фаолияти тўхтатилишидан олдин меҳнат таътилини олган бўлса ёки меҳнат таътили олишни хоҳламаса унинг розилиги билан қуйидагилар амалга оширилиши мумкин:

👉 масофавий иш усули, мослашувчан иш графиги ёки уйда ишлашга вақтинча ўтказиш;

👉иш ҳақи сақланмаган таътил бериш.

Иш берувчи ходимдан меҳнат таътилига чиқиши ҳақида ариза олган куни таътилнинг бошланиши ва тугаш санасини кўрсатган ҳолда буйруқ чиқаради.

✅ Таълим муассасаларида карантин давом этиши муносабати билан меҳнат таътили тугаган кун ишга чиқишни иложи бўлмаганда, ходим иш берувчи номига қуйидаги мазмундаги аризани юборади:

👉 муддати ва бошланиш санаси кўрсатилган иш ҳақи сақланмаган таътил олиш бўйича;

👉 масофавий иш усули, мослашувчан иш графигида ёки уйда ишлашга вақтинча ўтказиш бўйича.

❗️Иш берувчи ходимга аризасида кўрсатилган санадан бошлаб иш ҳақи сақланмаган таътил беришга мажбур, Меҳнат кодексида белгиланган максимал муддат бўйича чекловлар карантин даврида татбиқ қилинмайди.

Каналга уланиш👇👇👇
https://t.iss.one/huquqiyaxborot

#Муносабат

❗️Ижтимоий тармоқларда Давлат хизматлари марказларида махсус рухсатнома бериш 1 апрелга қадар талаб этилмаслиги ҳақидаги эълон жойлаштирилганлиги юзасидан хабарлар тарқалди.

Мазкур эълон расмий асосга эга эмас. Ҳозирда ушбу эълон Марказлардан олиб ташланган.

Соҳага оид ўзгариш мавжуд бўлган тақдирда, бу ҳақида маълумот расмий саҳифаларимизга жойлаштирилади.

Давлат хизматларига оид энг ишончли маълумотларни қуйида кўрсатилган расмий саҳифаларимиздан олишингиз мумкин:
Telegram · Instagram · Facebook · Youtube

#Қонунчиликдаги_янгиликлар

⚡️ Қарорлар камбағаллик даражасига таъсирини баҳолаш нуқтаи назаридан экспертизадан ўтказилади

“Иқтисодиётни ривожлантириш ва камбағалликни қисқартиришга оид давлат сиёсатини тубдан янгилаш чора-тадбирлари тўғрисида” Президент Фармони (ПФ–5975-сон, 26.03.2020 й.) қабул қилинди.

Фармонга мувофиқ, Иқтисодиёт ва саноат вазирлиги Иқтисодий тараққиёт ва камбағалликни қисқартириш вазирлиги этиб қайта ташкил этилди ҳамда унинг асосий вазифалари белгиланди.

Жумладан, вазирлик иқтисодиётни бошқаришнинг бозор механизмларини жорий этади, камбағалликни қисқартириш бўйича стратегия ва дастурларни ишлаб чиқиб, уларни амалга оширади ва мувофиқлаштиради.

✅ 2020 йил 1 октябрга қадар қуйидагилар ишлаб чиқилади: ⬇️
• 2030 йилгача Ўзбекистонни ижтимоий-иқтисодий ривожлантириш концепцияси;
• 2030 йилгача Ўзбекистон саноатини ривожлантириш стратегияси;
• Камбағалликни камайтириш дастури;
• 2021 йилдан бошлаб республиканинг барча ҳудудларида минимал истеъмол савати ва яшаш минумуми жорий этилиши юзасидан қарор лойиҳаси.

✅ Фармонга мувофиқ:

👉 тармоқлар, соҳалар ва ҳудудларни ривожлантириш бўйича барча ўрта ва узоқ муддатли концепциялар, стратегиялар ва дастурлар вазирлик билан келишилган ҳолда ишлаб чиқилади;

👉 қабул қилинадиган ижтимоий-иқтисодий дастурлар ва қарорлар вазирлик томонидан камбағаллик даражасига таъсирини баҳолаш нуқтаи назаридан экспертизадан ўтказилади;

👉 рақобат ва монополияга қарши курашиш, техник регламентларни ўрнатиш, ер муносабатларини тартибга солиш, геология ишлари, давлат активларини бошқариш, давлат-хусусий шериклик механизмини такомиллаштириш бўйича чоралар ва сиёсатларнинг ўзаро мувофиқлигини таъминлашда вазирлик иштирок этади.

Фармон билан шунингдек, Кичик бизнес ва тадбиркорликни ривожлантириш агентлиги Тадбиркорликни ривожлантириш агентлиги этиб қайта ташкил этилди.

Вазирлик ҳузуридаги Урбанизация агентлиги тугатилиб, унинг функция ва вазифалари вазирликка ўтказилди.

Бундан ташқари, Абу Райҳон Беруний номидаги Бизнес ва бошқарув республика олий мактаби ҳамда Савдо-саноат палатаси ҳузуридаги Тадбиркорлик фаолияти асосларини ўқитиш республика маркази ва унинг ҳудудий филиаллари вазирликка ўтказилиб, уларнинг негизида Бизнес ва тадбиркорлик олий мактаби ташкил этилади.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

“Ишга марҳамат” мономарказлари ташкил этилади

“Ўзбекистон Республикаси Иқтисодий тараққиёт ва камбағалликни қисқартириш вазирлиги ҳамда унинг тизим ташкилотлари фаолиятини ташкил этиш тўғрисида” Президент қарори (ПҚ–4653-сон, 26.03.2020 й.) қабул қилинди.

Қарорга мувофиқ, камбағал ва ишсиз аҳолини, айниқса, хотин-қизларни ва ёшларни тадбиркорликка кенг жалб қилиш, меҳнат фаоллигини ошириш ва касб-ҳунарга ўқитишга қаратилган чора-тадбирлар тўғрисида қарор лойиҳаси ишлаб чиқилади.

Бунда камбағал, ишсиз фуқароларни касб-ҳунарга ва тадбиркорликка ўқитиш маҳалла, туман (шаҳар) ва ҳудуд марказлари даражасида “маҳаллада касб-ҳунарга ўқитиш масканлари – туман касб-ҳунарга ўқитиш марказлари – ҳудуд “Ишга марҳамат” мономарказлари” механизми асосида амалга оширилади.

✅ Лойиҳада шунингдек, қуйидагилар назарда тутилади:

👉 2020 йил 1 июлга қадар ҳар бир ҳудудда камида биттадан “Энг яхши касбга тайёрлаш дастури” бўйича нодавлат ташкилотлари ўртасида танлов ўтказиш, танлов ғолибларига ўз ишини ташкил қилиш учун грант ажратиш;

👉 2020 йил 1 октябрга қадар ҳар бир ҳудудда камида биттадан “Ишга марҳамат” мономарказлари ёки касб-ҳунарга тайёрлаш марказларини ташкил этиш;

👉 2020 йил 1 июнга қадар Россия Федерациясининг ўзбекистонлик меҳнат мигрантлари энг кўп фаолият юритаётган ҳудудларини аниқлаб, дастлабки босқичда камида 5 та шаҳарда мигрантларни касбга ўқитиш ва рус тилини ўргатишни ташкил этиш.

Қарор билан Иқтисодий тараққиёт ва камбағалликни қисқартириш вазирлиги тўғрисидаги низом тасдиқланди.

Каналга уланиш👇👇👇
https://t.iss.one/huquqiyaxborot

#Хизматлардан_онлайн_фойдаланамиз

📝 Машинада юриш учун махсус рухсатномани онлайн тарзда қандай қилиб олиш мумкин?


💻 Навбатдаги видеодарсимиз айнан бу ҳақида:👇🏻
https://www.youtube.com/watch?v=DCURgRMC0-c&feature=youtu.be

Tas-ix тармоғида кўриш:
https://mover.uz/watch/gtZePocm/

#Биласизми

Тиббий ёрдамни алдаб чақирганлик учун жавобгарлик бор

Ички ишлар органи, ёнғинга қарши хизмат, тиббий тез ёрдам ва бошқа махсус хизматларни қасддан алдаб чақирганлик 223 000 сўмдан 669 000 сўмгача миқдорда жарима солишга сабаб бўлади.

Каналга уланиш👇👇👇
https://t.iss.one/huquqiyaxborot

#Адлия_хабари

Уруш қатнашчиларига 10 млн пул мукофоти берилади

“Иккинчи жаҳон уруши қатнашчиларини рағбатлантириш тўғрисида” Президент Фармони қабул қилинди.

Фармонга мувофиқ, мамлакатимизда 9 май умумхалқ байрами – Хотира ва қадрлаш куни ўтказилиши муносабати билан уруш қатнашчилари ва ногиронларини моддий рағбатлантириш мақсадида иккинчи жаҳон уруши қатнашчилари ва ногиронларига 10 000 000 (ўн миллион) сўм миқдорида бир йўла пул мукофоти белгиланди.

Иккинчи жаҳон уруши қатнашчилари ва ногиронларига ушбу пул мукофотлари тантанали равишда топширилади.

Каналга уланиш👇👇👇
https://t.iss.one/huquqiyaxborot

⚡️ ШОШИЛИНЧ

https://bit.ly/2Uvd5F9

Каналга уланиш👇👇👇
https://t.iss.one/huquqiyaxborot

Автотранспорт воситалари ҳаракатланиши учун стикер намунаси

Каналга уланиш👇👇👇
https://t.iss.one/huquqiyaxborot