#саломатлик

Нонушта нима учун муҳим?

Гастроентерологларнинг таъкидлашича, доимий нонушта қилмаслик ошқозон шиллиқ қаватини "емирилиши" га олиб келади, чунки унда хлорид кислотаси мунтазам равишда ишлаб чиқарилади ва тунги танаффусдан кейин эрталаб хлорид кислотанинг катта миқдори тўпланади. Агар ошқозонга овқат тушмаса, бу бир қанча нохушликларга сабаб бўлади.

@haqiqatonline

#диққат

❗️​​ Хориждан ўқишни "перевод" қилиш бўйича тест синовлари куни эълон қилинди

Талабалар ўқишини хорижий давлатлардаги ОТМдан, шунингдек Ўзбекистондаги хорижий ва нодавлат олийгоҳлардан давлат ОТМга кўчириш бўйича тест синовлари 23–25 август кунлари бўлиб ўтади.

✅ Тест синовлари очиқ майдонларда ташкил этилади. Бунда тест синовлари:

1️⃣-сменада 08:00 дан 11:00 га қадар;
2️⃣-сменада 18:00 дан 21:00 га қадар бўлиб ўтади.

Тест синовлари 2 та мутахассислик ва 3 та мажбурий фан бўйича ўтказилади ҳамда талабгорларга мутахассислик фанларида 20 тадан, мажбурий фанларда 10 тадан жами 70 та тест топшириғи ва уларни ишлаш учун 3 соат вақт ажратилади.

Тест синовларида тўплаш мумкин бўлган максимал балл – 189 балл бўлиб, ҳар бир тўғри жавоб учун мутахассислик фанларида 3,15 баллдан, мажбурий фанларда 2,1 баллдан берилади.

👨🏻‍💻 Тест синовида иштирок этиш учун рухсатномани Давлат тест марказининг my.dtm.uz сайтидан олинади.

❕ Талабгорлар тест синови ўтказиладиган ҳудудга белгиланган вақтдан камида 1 соат олдин шахсини тасдиқловчи ҳужжат ва тест синовида иштирок этиш учун рухсатнома билан келишлари лозим.

@haqiqatonline

🌤 Aссалому алайкум!

Душанба тонги муборак бўлсин!

Соғ–саломат уйғотган Роббимизга ҳамдлар бўлсин.😇

@haqiqatonline

#валюта

❗️Доллар курси пастлашда давом этмоқда

Марказий банк валюталарнинг сўмга нисбатан 22 августдаги қийматини эълон қилди.

Унга кўра, долларнинг расмий курси -17,94 сўмга пасайиб, 10 917,03 сўм этиб белгиланди.

@haqiqatonline

#тезкор

❗️Айни дам Ўзбекистонда 5 баллик магнит бўрони кузатилмоқда

Магнит бўронлари кундуз куни пассивроқ даражага қайтади. Кечаси эса пассивлашади.

@haqiqatonline

#ана_бўлмаса

⚡️⚡️⚡️

Тошкент вилоятидаги бир маҳалла идорасидан олинган расм

P/S. Нима, бу баннерни 2023 йилга асраб қўйишганми?

@haqiqatonline

#диққат

⚡️ Мукофот жамғармаси 1 миллион доллар бўлган Президент соврини учун танлов ўтказилади

Президентнинг “2022-2023 йилларда ахборот-коммуникация технологиялари соҳасини янги босқичга олиб чиқиш чора-тадбирлари тўғрисида”ги қарори имзоланди.

Ҳужжат билан:

➖ 2022-2023 йилларда соҳани ривожлантиришнинг асосий вазифалари белгиланди. Мисол учун, 2022 йил якунига қадар аҳоли яшаш масканларини кенг полосали мобил алоқа тармоғи билан қамраб олиш даражаси 98 фоизга, халқаро аҳамиятга эга автомобиль йўллари бўйлаб юқори тезликдаги мобил интернет қамровини 60 фоизга етказилади;

➖ 2022 йил 1 сентябрдан бошлаб республиканинг барча ҳудудларида АКТни қўллаш орқали масофавий хизматларни экспорт қилиш марказлари босқичма-босқич ташкил этилади;

➖ 2022 йил 1 ноябрдан мобил алоқа операторлари, тижорат банклари ҳамда тўлов тизимлари операторларига ахборот хавфсизлиги талабларига риоя этган ҳолда, ўзларининг мобил иловалари орқали Ягона порталдаги электрон давлат хизматларини курсатишга рухсат берилади;

➖ 2023 йилдан бошлаб ҳар йили ёшларнинг ахборот-коммуникация технологиялари соҳасидаги стартап лойиҳаларини янада қўллаб-қувватлаш мақсадида Ахборот-коммуникация технологияларини ривожлантириш жамғармаси ҳисобидан умумий мукофот жамғармаси 1 миллион доллар бўлган Президент соврини учун танлов ўтказилади;

➖ 2022 йил 1 октябрдан бошлаб АКТ соҳасида IT-таълим хизматларини кўрсатиш, дастурий маҳсулотлар ишлаб чиқиш ҳамда экспортга йўналтириш бўйича стартап лойиҳаларни қўллаб-қувватлаш учун ИТСВ ҳузуридаги Ёш тадбиркорларни қўллаб-қувватлаш жамғармаси ҳисобидан Инновацион ривожланиш вазирлиги томонидан ўтказиладиган танлов асосида 1 миллиард сўмгача бўлган грантлар ажратиш тартиби жорий қилинади.

@haqiqatonline

❗️ДХХ Чегара қўшинлари ахбороти

2022 йилнинг 21 август куни Сурхондарё вилоятининг Орол Пайғамбар ороли ҳудудида бир гуруҳ Афғонистон фуқаролари Давлат чегарасини бузиб, ўз қайиқларида юқорида қайд этилган орол томон ҳаракатланган.

Ҳудудга етиб келган Ўзбекистон чегара қўшинлари вакилларига қоидабузарлар қаршилик кўрсатган.

Олиб борилган тезкор тадбир натижасида Ўзбекистон Давлат чегарасини бузганларнинг барчаси (жами 24 нафар) шахсини аниқлаш ва тезкор-қидирув тадбирларини ўтказиш мақсадида қўлга олинди.

Ўтказилган суриштирув натижаларига кўра, чегарадаги ҳодисага Ўзбекистоннинг чегара ҳудудида кўп миқдорда ўсадиган қизилмия илдизининг ноқонуний равишда олиниши сабаб бўлганлиги аниқланган.

Айни пайтда Орол Пайғамбар ороли ҳудуди Ўзбекистон Чегара қўшинлари бўлинмаларининг тўлиқ назорати остида.

@haqiqatonline

Ўтмишингиз сиз ўйлагандай яхши бўлмаган бўлса кўп қайғурманг, келажакда сизни қанча муваффақиятлар кутаётганини билмайсиз...

🍃Ассаламу алайкум ва роҳматуллоҳи ва барокатуҳ!🍃

Бошланган кунингиз, хайрли-барокатли ўтсин!

🍀 Қанчадан бери амалга ошмаётган орзуларингиз рўёбга чиқсин!

🤲🏻Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин!

@haqiqatonline

#об_ҳаво

Бугун Тошкент вилоятида қандай об-ҳаво кузатилади?

Гидрометеорология марказининг хабар беришича, бугун, 23 август куни Тошкент вилоятида ҳаво бироз булутли бўлади, ёғингарчилик кутилмайди. Шамол шимоли-шарқдан 7-12 м/с тезликда эсади.

Ҳарорат кечаси 12-17 даража илиқ, кундузи 27-32 даража иссиқ бўлади.

@haqiqatonline

#кун_ҳақиқати

Қайғуни ёлғиз енгиш мумкин, лекин қувончни тўлиқ ҳис қилиш учун уни ким биландир баҳам кўриш керак...

© Марк Твен.

@haqiqatonline

#валюта

❗️Доллар курси кетма-кет тўртинчи кун тушмоқда

Марказий банк валюталарнинг сўмга нисбатан 23 августдаги қийматини эълон қилди.

Унга кўра, долларнинг расмий курси -16,26 сўмга пасайиб, 10 900,77 сўм этиб белгиланди.

@haqiqatonline

#матбуот

"Тошкент ҳақиқати" газетасининг 2022 йил 20 августдаги 63-сони мутолаа учун тақдим этилмоқда.

@haqiqatonline

#жамият

⚡️⚡️⚡️

Президент Шавкат Мирзиёев жорий йилнинг 22 август куни тадбиркорлар билан учрашди. Унда солиқлар ва кичик бизнесга қўшимча қулайликлар билан боғлиқ қарорлар эълон қилинди.

Хусусан,

➖2023 йил 1 январдан қўшилган қиймат солиғи (ҚҚС) 12 фоизга туширилади (ҳозирда қўшилган қиймат солиғи (ҚҚС) ставкаси 15 фоизни ташкил этади).

➖Савдо қоидаларини бузганлик учун жиноий жавобгарлик тўлиқ бекор қилинади (Жиноят кодексининг 189-моддаси).

@haqiqatonline

#ана_холос

❗️Саводсиз абитуриентлар!

Маълумотларга кўра республика бўйича абитуриентларнинг 51,2 фоизи 56,7 балл ҳам тўплай олмаган. Яъни 550 минг абитуриентлар 30% билимга ҳам эга эмас.

Тошкент вилоятидан олий таълим муассасаларига ҳужжат топширган абитуриентларнинг 56587 нафари (55,9 фоиз) 56,7 баллдан кам тўплаган.

@haqiqatonline

#тезкор

⚡️⚡️Ўзбекистон-Афғонистон чегарасида икки нафар киши ҳалок бўлди - ТИВ

Афғонистон ва Ўзбекистон Республикаси махсус хизматларининг ваколатли вакиллари ўртасида Давлат чегарасида вужудга келган вазият бўйича музокаралар ўтказилди.

2022 йил 21 августда Афғонистон фуқаролари томонидан Ўзбекистон Давлат чегарасини ноқонуний кесиб ўтиш билан боғлиқ Пайғамбар ороли (Сурхондарё вилояти) ҳудудида юз берган ҳодиса муҳокама қилинди.

Учрашув давомида ҳар икки томондан ҳам мазкур ҳудудда тарангликни юзага келтирган айрим қоидабузарликларга йўл қўйилгани қайд этилди. Ҳозирги пайтда ҳодиса юзасидан пухта текширувлар ўтказмоқда.

Ўзбекистон Республикаси икки нафар ҳалок бўлганларнинг оилаларига таъзия билдиради, олти нафар яраланганларга барча зарур тиббий ёрдам кўрсатилмоқда, ушланган шахсларни ўз ватанига қайтаришга тайёрлаш жараёнлари якунланмоқда.

Ҳар икки томон тинчлик тарафдори эканлигини, барча масалалар ўзаро манфаатларни ҳисобга олиш ва бир-бирига ҳурмат асосида ҳал этилишини тасдиқладилар.

Манба: Ташқи ишлар вазирлиги

@haqiqatonline

#Ана_холос

⚡️Қанча "Спарк" керак?

Ижтимоий тармоқларда Ангрендаги складлардан бирида минглаб "Спарк" машиналари жойлашгани акс этган суратлар тарқалди.

Эслатиб ўтамиз, аввалроқ "UzAutoMotors" томонидан буюртма қабул қилинмайдиган машиналар рўйхатини эълон қилинган, унда "Спарк" ҳам бор эди.

@haqiqatonline

#ибратли_лавҳа

❗️Фарзандингизни тарбиялашда уриб-жеркиш унинг психикасига қандай таъсир қилишини томоша қилинг...

Хулоса ўзингиздан...

@haqiqatonline