#футбол
#расман

⚡️⚡️⚡️ Аббос Файзуллаев "Истанбул Башакшеҳир" клуби футболчиси!

Аббос Файзуллаев янги жамоасида 11 рақамда харакат қилади. У янги клуби билан 5 йиллик шартнома имзолади.

Шу тариқа, янги мавсумда Аббос ва Элдор Шомуродов бир жамоада тўп тепадиган бўлишди.

@haqiqatonline_24

#диққат

❗️Энди ўқитувчилар ҳам санаторийларга бориши мумкин

Вазирлар Маҳкамасининг 2025 йил 29 июлдаги 474-сонли қарорига мувофиқ,
Мактабгача ва мактаб таълими вазирлиги тизимидаги дам олиш масканларига дам олувчиларни қабул қилиш тартиби тўғрисидаги низом тасдиқланди.

Энди ушбу қарор асосида ўқитувчилар ҳам санаторий ва дам олиш масканларида соғлиғини тиклаш ва ҳордиқ чиқариш имконига эга бўлади.

Қарор 2025 йил 30 июлдан расман кучга кирди.

@haqiqatonline_24

#тайинлов

⚡️Журналист Фатҳиддин Муҳиддинов масъул лавозимга тайинланди

Ўзбекистон Республикаси Президентининг тегишли фармони билан, Фатҳиддин Фазлиддинович Муҳиддинов Ўзбекистон Республикаси Президенти Администрацияси Йиғилиш ва ҳудудларга ташрифлар учун таҳлилий контент тайёрлаш департаменти бошлиғи ўринбосари лавозимига тайинланди.

Ф. Муҳиддинов Тошкент вилоятида туғилган. Кўп йиллар вилоят матбуот тизимларида, давлат бошқарув идораларида турли масъул вазифаларда фаолият юритган.

Хусусан, 1994-2004 йилларда вилоят ҳокимлигининг "Тошкент ҳақиқати" ва "Ташкентская правда" газеталарига Бош муҳаррирлик қилган.

Устоз журналистга масъул вазифада улкан муваффақиятлар тилаймиз.

(Суратда: Фатҳиддин Муҳиддинов волидаи муҳтарамаси Мукаррамхон ая билан).

@haqiqatonline_24

#диққат

❗️ Сертификати бўлмаган чет тили ўқитувчиларни ишдан бўшатиш тўғрисидаги Вазирлар Маҳкамаси қарори юзасидан вазирликка тақдимнома киритилди

Ўзбекистон таълим ва фан ходимлари касаба уюшмалари Республика кенгаши томонидан Мактабгача ва мактаб таълими вазирлигига тақдимнома киритди.

@haqiqatonline24

#айтишларича

⚡️Эъзоза Каримова Мактаб ва мактабгача таълим ( ММТВ) вазири этиб тайинланиши кутилмоқда

У ҳозирда мактабгача ва мактаб таълими вазири ўринбосари — Низомий номидаги Ўзбекистон миллий педагогика университети ректори лавозимида фаолият юритиб келмоқда.

@haqiqatonline_24

#расман

⚡️⚡️ХАБАР ТАСДИҚЛАНДИ: Мактабгача ва мактаб таълимига янги вазир тайинланди.

Низомий университети ректори бўлиб ишлаб келган Эъзозхон Каримова Ҳилола Умарованинг ўрнига мактабгача ва мактаб таълими вазири лавозимига тасдиқланди.

Каримова аввал Президент таълим муассасалари агентлиги ва “Янги Ўзбекистон” университетида фаолият юритган.

@haqiqatonline_24

#муносабат

❗️Ижтимоий тармоқларда Янгийўл туманида эркак аёлни аямасдан калтаклаб пичоқ билан таҳдид қилган видеоси тарқалиб, жамоатчилик муҳокамасига сабаб бўлди (видео)

Мазкур ҳолат юзасидан Тошкент вилояти Ички ишлар Бош бошқармаси бошлиғининг Матбуот котиби Бобур Тўлаганов расмий муносабат билдирди.

Таъкидланишича, туман ИИБ ходимлари томонидан олиб борилган дастлабки суриштирувга кўра, воқеа бугун, 31 июль куни тонгги соат 05:00ларда содир бўлган.

Янгийўл туманида яшовчи 27 ва 20 ёшли эр-хотин уйда ўзаро жанжаллашиб, натижада аёл турмуш ўртоғи бошқарувидаги автомашина шинасини уйдан олган ошхона пичоғи билан тешган.

Шундан сўнг эр пичоқни олиб қўйишга уринганида, аёл пичоқни бермаганлиги ва ўтган вақт давомида улар мазкур ҳолат бўйича ички ишлар органларига мурожаат қилмагани аниқланган.

Айни вақтда ҳолат юзасидан терговга қадар текширув ишлари олиб борилмоқда. Қонун доирасида тегишли чоралар кўрилиши таъминланади.

@haqiqatonline_24

⚡️💥Йиғилайлик биз ҳам ЯҚИНЛАРИМ?

Олисдаги юлдузларим -
Опажоним, сингилжоним
Менинг тоғдай қўрғонларим
Акажоним, укажоним -
Тўлиб кетди дилсўзларим
Дийдорлашайлик!

@haqiqatonline_24

#кун_тарихи

⚡️Бугун, 1 август – Халқаро қиз фарзандлар куни

Қиз йўқ уйда сарин сабо эсмайди,
Қиз йўқ уйда жамбил райҳон ўсмайди.
Ўғилларнинг ота билан иши йўқ,
Қиз отасин ҳар қадамда эслайди.

Кўзларига сургай юрган изингиз,
Қай ўғилдан камдир, айтинг қизингиз?

@haqiqatonline_24

#Диққат

❓1 августдан нималар ўзгаради?

Бугун, 1 августдан бошлаб Ўзбекистон қонунчилигида бир қанча ўзгаришлар кучга кирмоқда.

👉 Базавий ҳисоблаш миқдори 375 минг сўмдан 412 минг сўмга ошади;

👉 Энг кам ойлик иш ҳақи 1 155 минг сўмдан 1 271 минг сўмга етади;

👉 Бюджет ташкилотлари ходимларининг иш ҳақи ва стипендиялар миқдори 10 фоизга ошади.

Бунда ташқари электр энергияси учун тўловларни чиқинди учун тўловларга боғлашга ўтилади.

Чиқинди учун тўлов вақтида тўланмаса, электр энергиясига тўлов қилиш вақтинча тўсиб қўйилади.

@haqiqatonline_24

#Диққат

⚡️⚡️⚡️Бугундан бошлаб педагоглар қуйидагича оширилган миқдорда ойлик маош оладилар

Ўзбекистон Республикаси Президентининг «Иш ҳақи, пенсиялар, стипендиялар ва нафақалар миқдорини ошириш тўғрисида»ги 02.06.2025 йилдаги ПФ-91-сон фармонига мувофиқ, 2025 йил 1 августдан бюджет ташкилотлари ходимларининг иш ҳақи миқдори 10 фоизга оширилди.

Фармонга мувофиқ, педагоглар 2025 йил 1 августдан қуйидагича оширилган миқдорда ойлик маош оладилар:

Мактаб директори:
• 5 млн 166 минг 485 сўм (400 ўқувчигача);
• 5 млн 516 минг 559 сўм (401-880 ўқувчигача);
• 5 млн 849 минг 691 сўм (881-1600 ўқувчигача);
• 6 млн 187 минг 933 сўм (1600дан ортиқ).

Директор ўринбосарлари: (ММИБДЎ, ЎТИБДЎ)  
• 4 млн 825 минг 345 сўм (400 ўқувчигача);
• 5 млн 166 минг 485 сўм (401-880 ўқувчигача);
• 5 млн 516 минг 559 сўм  (881 -1600 ўқувчигача);
• 5 млн 849 минг 691 сўм (1600дан ортиқ).

Директорнинг хўжалик ишлари бўйича ўринбосари:
• 1 млн 957 минг 858 сўм (400 ўқувчигача);
• 2 млн 233 минг 302 сўм (401-880 ўқувчигача);
• 2 млн 322 минг 127 сўм (881 -1600 ўқувчигача);
• 2 млн 515 минг 091 сўм (1600дан ортиқ).

Психологлар:
• Олий маълумотли психолог – 3 млн 356 минг 916 сўм;
• Иккинчи тоифали психолог – 3 млн 594 минг 851 сўм;
• Биринчи тоифали психолог – 3 млн 838 минг 851 сўм;
• Олий тоифали психолог – 4 млн 72 минг 508 сўм.

Ўқитувчилар:
• Ўрта махсус маълумотли ўқитувчи – 3 млн 468 минг 585 сўм;
• Олий маълумотли ўқитувчи – 3 млн 729 минг 906 сўм;
• Иккинчи тоифали ўқитувчи – 4 млн 175 минг 834 сўм;
• Биринчи тоифали ўқитувчи – 4 млн 653 минг 151 сўм;
• Олий тоифали ўқитувчи – 5 млн 142 минг 053 сўм.

Кадрлар бўйича менежер:
1 млн 758 минг 372 сўм.

Кутубхона мудири:
• Ўрта махсус маълумотли – 2 млн 349 минг 447 сўм;
• Олий маълумотли – 2 млн 563 минг 442 сўм.

@haqiqatonline_24

#диққат

❗️Тошкентда 23 ёшли йигит пляждаги ҳавзада чўкиб кетди

Бош прокуратура матбуот котиби Хаёт Шамсутдиновнинг маълум қилишича, ҳодиса кеча “Янги Ўзбекистон” боғидаги дам олиш масканида содир бўлган.

Йигит таниши билан чўмилаётган пайтда сувда ҳаракатсиз қолгани аниқланган. Шундан сўнг у дарҳол сувдан чиқарилиб, тиббий ёрдам кўрсатилган, аммо шифокорлар унинг ҳаётини сақлаб қололмаган.

Суд-тиббий экспертиза хулосасига кўра, ўлим сув нафас йўлларини беркитиши ортидан келиб чиққан механик асфиксия натижасида содир бўлган.

Ҳозирда ҳолат юзасидан терговга қадар текширув ишлари олиб борилмоқда.

@haqiqatonline_24

#диққат

❗️Паркентда 9 ойлик чақалоқ вафоти: шифокорлар масъулиятсизлиги жиноят ишига сабаб бўлди

2025 йил 26 июль куни тахминан соат 17:45 ларда ота-она 12 йиллик интизорликдан кейин туғилган қиз фарзандининг аҳволидан хавотирга тушиб, Тошкент вилояти Паркент тумани шифохонасига мурожаат қилган. Бироқ шифокорларнинг беэътиборлиги туфайли 9 ойлик чақалоқ бир неча соат ўтиб вафот этган.

Оила аъзоларининг таъкидлашича, тез тиббий ёрдам ўз вақтида кўрсатилмаган ва чақалоқнинг аҳволи тўғри баҳоланмаган.

Воқеадан сўнг ҳолат юзасидан прокуратура томонидан жиноят иши қўзғатилди. Ҳозирда тиббий хатолик ёки лоқайдлик сабаблари ўрганилмоқда. Ўзбекистон Республикаси Жиноят кодексининг 116 ва 117-моддалари асосида айбдор шахслар аниқланса, қонун олдида жавобгарликка тортилади.

Бу фожеа барча тиббиёт муассасалари учун жиддий огоҳликдир: ҳар бир бола ҳаёти беқиёс қадриятдир. Унга нисбатан лоқайдлик қилган ҳар қандай шахс жавобгар бўлиши шарт.

Манба

@haqiqatonline_24

#диққат

❗️2025/2026-ўқув йили учун 1-синфга электрон қабул жорий этилган ҳудудларда микроҳудуддан ташқари қабул жараёни жорий йил 1 август куни соат 10:00 дан бошланди ва жараён 15 августга қадар давом этади.

Шунингдек, ўқувчиларни бир мактабдан бошқасига кўчириш бўйича давлат хизмати кўрсатилиши жараёнлари ҳам 1 август санасидан давом эттирилади.

Батафсил видеоқўлланмада.

@haqiqatonline_24

#диққат

❗️Бугундан жарималар миқдори ошди

Бугун, 1 августдан бошлаб энг оммабоп жарималар миқдори қуйидагича бўлади:

🔸 Камар тақмаслик – 206 000 сўм
🔸 Техник кўрик ёки дори қутиси бўлмаслик – 206 000 сўм
🔸 Ҳужжатсиз ҳайдаш – 412 000 сўм
🔸 Суғуртасиз машина бошқариш – 412 000 сўм
🔸 Светафорнинг қизил чироғида ўтиш – 1 236 000 сўм
🔸 Нотўғри парковка – 824 000 сўм
🔸 Телефонда гаплашиш – 1 236 000 сўм
🔸Автомобилни давлат рақамисиз бошқариш – 2 060 000 сўм;
🔸Тезлик (+20 км/соат) – 412 000 сўм;
🔸Қарама-қарши йўлда ҳайдаш – 4 120 000 сўм;
🔸Маст ҳолатда машина ҳайдаш – 16 480 000 сўмгача ёки 3 йилгача дисквалификация;
🔸Рухсатсиз тонировка – 10 300 000 сўм.

Хабарни ҳайдовчи танишларга юбориб қўйинг!

@haqiqatonline_24

#яхши_хабар

❗️«Sea Breeze Uzbekistan» қурилишида Чорвоқ ва Чирчиқ дарёсига бир томчи ҳам сув туширилмайди

Ҳукумат фаоллар томонидан билдирилган эътирозларни инобатга олиб, компания олдига қатор шарт ва мажбуриятлар қўйди.

Қўйилган талаблардан бири – Чорвоқ ва Чирчиқ дарёсига сув туширилмайди. Агар қоидалар бузилса лойиҳа қурилиши тўхтатилади, инвестиция шартномаси бекор қилинади ва ажратилган ерлар тортиб олинади.

Бош прокуратура ва Экология вазирлиги ҳар бир босқични назорат қилади.

@haqiqatonline_24

#Диққат

‼️1 августдан "маҳалла еттилиги"нинг ойлик маоши қуйидагича ошади:

МАҲАЛЛА РАИСИ

• 500 тагача хонадон — 4x = 5 084 000 сўм
• 501–1000 хонадон — 4.5x = 5 719 500 сўм
• 1000 тадан ортиқ — 5x = 6 355 000 сўм

ЁШЛАР ЕТАКЧИСИ

• 500 тагача хонадон — 5x = 6 355 000 сўм
• 501–1000 хонадон — 5.5x = 6 990 500 сўм
• 1000 тадан ортиқ — 6x = 7 626 000 сўм

ХОТИН-ҚИЗЛАР ФАОЛИ

• 500 тагача хонадон — 3.5x = 4 448 500 сўм
• 501–1000 хонадон — 4x = 5 084 000 сўм
• 1000 тадан ортиқ — 4.5x = 5 719 500 сўм

ҲОКИМ ЁРДАМЧИСИ

• 500 тагача хонадон — 6x = 7 626 000 сўм
• 501–1000 хонадон — 6.5x = 8 261 500 сўм
• 1000 тадан ортиқ — 7x = 8 897 000 сўм

🔹 ИЖТИМОИЙ ХОДИМ

• 1 500 гача оила — 4x = 5 084 000 сўм
• 1 501–2 000 оила — 4.2x = 5 340 200 сўм
• 2 001–2 500 оила — 4.4x = 5 596 400 сўм
• 2 501–3 000 оила — 4.6x = 5 852 600 сўм
• 3 001–3 500 оила — 4.8x = 6 108 800 сўм
• 3 500 тадан ортиқ оила — 5x = 6 355 000 сўм

Самарадорликка қараб мукофот (ҳар ойлик):

“Қониқарли” — 15%
“Яхши” — 30%
“Аъло” — 50%

@haqiqatonline_24

#диққат

❗️Бўстонлиқда юк автомобили электр линиянинг таянч устунига бориб урилди.

Aйни пайтда ушбу электр тармоғидан кучланиш олувчи аҳоли хонадонлари, ишлаб чиқариш объектлари, болалар дам олиш оромгоҳлари ва дор йўли (канатка) мажмуаси электр таъминотида узилишлар кузатилмоқда.

Ҳайдовчининг аҳволи ҳақида маълумот йўқ.

@haqiqatonline_24

#байрам_муборак

💥 Бугун, 2 август – Бутун дунёда чиройли қизлар куни нишонланмоқда

Ойдан гўзал, кундан сулув қизлар - Байрамингиз муборак бўлсин!

@haqiqatonline_24