Qat’iy belgilangan miqdorda soliq to‘lash aylanmadan olinadigan soliq to‘lovchilarga yengilliklar beradi: mazkur yangilik mohiyati tadbirkorlarga yetkazilmoqda

🗓2023-yil 1-yanvardan boshlab soliq qonunchiligiga kiritilgan o‘zgartirishlarga ko‘ra, aylanmadan olinadigan soliq to‘lovchilar ixtiyoriy asosda jami daromad summasiga qarab 20 mln yoki 30 mln so‘m qat’iy belgilangan miqdorda soliq to‘lashni tanlash huquqiga egalar.

Ayni kunlarda Farg‘ona viloyati davlat soliq boshqarmasi mas’ul xodimlari tomonidan “Soliqchi-ko‘makchi” tamoyili asosida mazkur yangilik mohiyati va afzalliklari tadbirkorlarga joyiga chiqqan holda batafsil tushuntirilmoqda. Ta’kidlash joiz, qat’iy belgilangan soliq to‘lash tartibiga o‘tish soliq to‘lovchiga qator yengilliklar beradi.

✔️Misol uchun, Farg‘ona shahrida umumiy ovqatlanish xizmatini ko‘rsatuvchi "SAMIYA SHIRIN TAOMLARI" MChJ ning 2022-yildagi tovar aylanmasi 921,2 mln so‘m bo‘lib, 8 foizli stavkada 73,7 mln so‘m aylanmadan olinadigan soliq to‘lagan. Ushbu tadbirkorlik subyekti 2023-yilda ham xuddi shunday tovar aylanmaga ega bo‘ladigan bo‘lsa, yangi tartibga ko‘ra, 30 mln so‘m qat’iy soliq to‘laydi, ya’ni, 2022-yil bilan taqqoslaganda 43,7 mln so‘m qo‘shimcha mablag‘ tadbirkor ixtiyorida qoladi.

Tadbirkorlar bilan uchrashuvlar jarayonida qat’iy belgilangan summada soliq to‘lash tartibiga o‘tish va soliq to‘lash muddatlari tushuntirilmoqda.

#aylanmadan_olinadigan_soliq

💬Telegram I 🌐Facebook I 🌐Instagram I 🌐Youtube

#seminar

Hududlarni toifalarga ajratish natijasida berilayotgan soliq imtiyozlari tadbirkorlarga yetkazilmoqda

📃Xabaringiz bor, O‘zbekiston Respublikasi Prezidentining 2022-yil 30-dekabrdagi PF-287-son farmoniga ko‘ra, 2023-yil 1-yanvardan Farg‘ona viloyatining 19 ta tuman va shaharlari 5 ta toifaga ajratildi hamda toifadan kelib chiqib, tadbirkorlarga soliq imtiyozlari, subsidiyalar beriladi.

✅Xususan, 4-toifaga kiritilgan Furqat hamda 5-toifaga kiritilgan Yozyovon va So'x tumanlarida tadbirkorlik subyektlariga qator soliq imtiyozlari berilmoqda.

Mazkur imtiyozlar, shuningdek, 2023-yil 1-yanvardan soliq qonunchiligiga kiritilgan o‘zgarishlar mazmun-mohiyatini soliq to‘lovchilarga batafsil yetkazish maqsadida viloyat DSB mas’ul xodimlari ishtirokida Yozyovon va Furqat tumanlarida tadbirkorlar bilan uchrashuv tashkil etildi.

♻️Ochiq muloqot jarayonida tadbirkorlar o‘zlarini qiziqtirgan savollarga mutaxassislardan batafsil javob oldilar.

💬Telegram I 🌐Facebook I 🌐Instagram I 🌐Youtube

Buvaydalik tadbirkorga qulay soliq rejimini tanlashga ko‘maklashildi

“Soliqchi – ko‘makchi” tamoyili asosida Buvayda tumani DSI xodimlari tomonidan joriy yil boshidan hozirga qadar 186 ta tadbirkorlik subyektini qiynayotgan muammolar o‘rganildi hamda 7 ta yo‘nalishda zarur yordamlar ko‘rsatildi.

✅Xususan, 77 ta nafar tadbirkorga buxgalteriyasini yuritishga ko‘maklashilgan bo‘lsa, 43 ta subyektga qulay soliq rejimini tanlash, yana 18 nafariga esa soliq imtiyozlarini qo‘llashda amaliy yordam berildi.

🔹Misol uchun, tuman markazida sumka ishlab chiqarish faoliyati bilan shug‘ullanuvchi "BUVAYDA SUMKALARI" xususiy korxonasi 2021-yilda tashkil topgan bo‘lib, aylanmadan olinadigan soliq to‘lovchi sifatida faoliyat yuritib kelgan.

♻️Mas’ullar tadbirkor bilan uchrashib, yillik tovar aylanmasidan kelib chiqqan holda QQS to‘lovchi sifatida ro‘yxatdan o‘tishi lozimligi, ushbu soliq stavkasining 12 foizga pasaytirilganligi hamda hisobot topshirish tartiblarini tushuntirishdi. Shu bilan birga, QQS guvohnomasi olishda ko‘maklashildi.

Ta’kidlash joiz, tadbirkorlar bilan uchrashuvlar jarayonida 2023-yil 1- yanvardan soliq qonunchiligida joriy etilgan o‘zgarishlar tushuntirib borilmoqda.

#soliqchi_komakchi

💬Telegram I 🌐Facebook I 🌐Instagram I 🌐Youtube