#ҳоким_ҳудудларда
#Шофиркон_тумани

Бугунги кунда аҳолининг ижтимоий, иқтисодий ҳаётини яхшилаш, маҳаллаларнинг янгича кўринишдаги гузарларини бунёд этиш бўйича самарали ишлар олиб борилмоқда. Шофиркон туманида ҳам янги, замонавий маҳалла бинолари, гузарлар қуриш ишлари олиб бориляпти. Жумладан, шу кунларда “Шибирғон” маҳалла фуқаролар йиғини учун янги бино қад ростламоқда.

-Маҳалламиздаги 610 та хонадонда 3 минг 226 нафар аҳоли истиқомат қилади. Маҳалланинг асосий драйвери – деҳқончилик ва чорвачилик. Йил аввалида 96 нафар фуқаромиз расман ишсизлар тоифасида эди. Улар билан хоҳишига қараб ишладик. Қайси бирига кредит олиб бердик, қайси бири қурилиш фирмасига кириб иш бошлади. Хуллас, ҳозирга келиб ишсизлар сони 19 тага тушди. Айни кунда 57 нафар хорижда ишлаётган фуқароларимиз ҳам бор. Уларнинг оила аъзолари, ўзлари билан ҳам доимий мулоқотдамиз. Янги маҳалла биноси қуриб берилаётгани эса иш фаолиятимиздаги машаққатларни енгиллаштиради,-дейди маҳалла раиси Искандар Баротов.

Ботир Зарипов маҳалла биноси қурилиши лойиҳаси билан танишиб, унга ўзгартириш киритиш, лойиҳада “маҳалла етттилиги”га шарт-шароит ҳозирлаш билан бирга, бу ерда янги иш ўринларини яратиш билан боғлиқ хизмат кўрсатиш шохобчаларини ташкил этиш, айниқса, эҳтиёждан келиб чиқиб, тикув цехи қуриш бўйича масъулларга топшириқ ва кўрсатмалар берди.

Шунингдек, вилоят раҳбари қишлоқ аҳолиси хонадонларида бўлиб, улар билан туриш-турмуши, яшаши шароитлари хусусида самимий мулоқот қилди, фуқароларнинг муаммолари билан қизиқди.

Бундан ташқари, Ботир Зарипов ҳудуддаги 27-сонли умумий ўрта таълим мактабида бўлиб, ўқувчи ва педогог ходимлар учун яратилган шарт-шароитларни ўрганди. Мактаб боғидан самарали фойдаланиш бўйича масъулларга топшириқлар берди.

Buxoro.uz | Facebook | Instagram | YouTube