​​#hududlar_hayoti
#Olot_tumani

Олот тумани «Ялангкўл замини» фермер хўжалиги туманда биринчи бўлиб ғалла топшириш бўйича шартномавий режани бажарди. Олот туманида жорий йил 5 минг 6 гектар майдонга ғалла экилди. Давлатга 12 минг 269 тонна ғалла маҳсулотини етиштириш режалаштирилган.

Агротехник тадбирларнинг ўз вақтида сифатли олиб борилиши ва ғаллани қисқа муддатда йиғиб олиш мақсадида тегишли отрядлар тузилган. Зарур техникалар билан таъминланиши ўз самарасини берди. Туман ҳудудидаги фермер хўжаликлари ғалладан мўл ҳосил олиб, шартнома режаларини бажармоқда.

Тумандаги «Хосабўйи» маҳалла фуқаролар йиғинида жойлашган Нурбек Полвонов раҳбарлигидаги "Ялангкўл замини” фермер хўжалиги биринчи бўлиб давлатга ғалла топшириш режасини бажаргани тезкор амалий ишларнинг натижасидир. Фермер хўжалиги 62,8 тонна ўрнига 64 тонна ғалла топширди, аҳил жамоа 70 центнер ҳосилдорлик қайд этди.

Туманда ғалла ўрим-йиғим мавсуми уюшқоқлик билан давом этмоқда.

LIVE | Facebook | Instagram | YouTube

#hududlar_hayoti
#Olot_tumani

"Shoh Gold tekstil" МЧЖ томонидан Олот туманидаги "Халифа-1" КСЗда қиймати 40 млрд сўм бўлган трикотаж мато ва тайёр кийимлар ишлаб чиқариш лойиҳаси амалга оширилмоқда. Корхонада биринчи босқичда 17 млрд сўм инвестиция киритиш шарти билан ер участкаси 10 йиллик ижара ҳуқуқи асосида ажратилиб, 31 млрд сўм инвестиция киритиш орқали бўз мато тўқув ускуналари ўрнатилган ва 54 та иш ўрни яратилган. Лойиҳанинг иккинчи босқичида эса мато ва тайёр кийимлар ишлаб чиқарилиб, яна 60 та иш ўрни яратилиши кўзда тутилган. Лойиҳа жорий йил якунига қадар тўла қувватда ишлай бошлайди. Натижада бюджетга қўшимча 3 млрд сўм тушум тушиши таъминланиб, экспорт ҳажми 1 млн долларга, маҳаллийлаштириш даражаси 45 фоизга етқазилади.

Вилоят ҳокимлиги ва бошқармалар, тижорат банклари масъулларидан иборат ишчи гуруҳи мазкур корхонада бўлиб, унинг фаолиятини ўрганди. Фаолиятда юзага келаётган муаммоларни ечиш масалалари кўриб чиқилди.

Маълумотларга кўра, Олотда иккита ҳудуддаги кичик саноат зоналарида қиймати қарийб 70 млрд сўмлик 3 та йирик лойиҳа амалга оширилиши, бунинг натижасида 200 та янги иш ўрни яратилиши режалаштирилган.

Buxoro.uz | Facebook | Instagram | YouTube

#Hududlar_hayoti
#Olot_tumani

Олот тумани пахтакорларига жорий мавсумда ерларнинг шўрланиш даражаси юқорилиги, мелиоратив ҳолатининг барқарор эмаслиги, ноқулай об-ҳаво шароити жорий мавсумда ҳам маҳаллий деҳқон фермерлар учун пахта ҳосилини етиштириш, парваришлаш ва йиғиб олишда бирмунча қийинчиликлар туғдиргани сир эмас. Бироқ ўз ишининг моҳир ва билимдонлари томонидан олиб борилган барча зарур чора-тадбирлар туфайли 206 та фермер хўжалиги тасарруфидаги 7 минг 652 гектар майдондан 29 минг тоннага яқин “оқ олтин” хирмони яратилиб, пахтакор-деҳқонларнинг юзи ёруғ бўлди.

Айниқса, бу борада юртбошимиз томонидан қишлоқ хўжалиги соҳасини ислоҳ қилиш, хусусан, замонавий томчилаб суғориш технологиялари ҳамда жорий этилган кластер тизими мана шундай мураккаб шароитда яна бир бор ўз афзалликларини кўрсатди.

Пахта йиғим-терими мавсумига ҳам пухта тайёргарлик кўрилди. Меҳнат унумдорлиги ва иш сифати биринчи навбатда ишчилар учун яратилган қулай иш шароити ва уларнинг саломатлиги, моддий ва маънавий манфаатдорлигига боғлиқ.

Олот туманида давом этган ўрганишлар "Ўзбекистон" ҳудудидаги Шаҳзод Қазоқов бошчилигидаги "Иброҳим Полвон" фермер хўжалиги далаларида кечди. "Оқ олтин"нинг иккинчи терими давом этаётган айни кунларда ҳосилдорлик кўрсаткичи гектарига 40 центнердан кам эмас. Аграр тармоққа илм-фан технологияларининг жорий қилинаётгани ҳосил салмоғини оширмоқда.

Мутасаддилар томонидан теримчилар, уларга муносиб меҳнат шароити яратилгани, миллий бойлигимизни нес-нобут қилмасдан йиғиб-териб олиш масалаларига эътибор қаратилди.

Buxoro.uz | Facebook | Instagram | YouTube

#hokim_hududlarda
#Olot_tumani

Bugun viloyat hokimi Botir Zaripov “Amu-Buxoro” mashina kanali Olot tumani boshqarmasi tasarrufidagi 1-nasos stansiyasi hududida qurilayotgan yangi “Amu-Buxoro-1” nasos stansiyasi va mukammal ta’mirlash ishlari bajarilayotgan “Amu-Buxoro-2” nasos stansiyalarida bo‘ldi.

Ta’kidlash joizki, “Osiyo tiklanish va taraqqiyot banki” loyihasi asosida “Amu-Buxoro” irrigatsiya tizimlarini qayta tiklash ishlari doirasida mazkur ikki nasos stansiyalarini realizatsiya va modernizatsiya qilish ishlari amalga oshirilmoqda.

Yangi nasos stansiya qurilishiga Xitoy Xalq Respublikasining “China National Technical Import and Exsport Corporation” kompaniyasi tomonidan “CNTIC” pudratchi tashkiloti qurilish ishlariga jalb qilingan va ayni kunda bunda ishchi-mutaxassislar ish olib borishmoqda. Mazkur yangi nasos stansiyasi qurilishi umumiy qiymati 82 million 960 ming AQSH dollariga moliyalashtirilgan.

Shu kecha-kunduzda “Amu-Buxoro-1” yangi nasos stansiyasida jami 8 dona, har birining quvvati 11,25 metr sekund bo‘lgan yuqori unumli nasos agregatlari o‘rnatilmoqda. Bu sa’y-harakat natijasida nasos stansiyasining umumiy suv chiqarish qobiliyati 90 metr sekundga yetkaziladi hamda stansiya energiya tejamkor asbob-uskunalar bilan jihozlanadi.

Gidroinshootda borayotgan yangilanishlar bilan tanishgan viloyat rahbari loyiha doirasida borayotgan ishlarni yanada jadallashtirish zarurligini ta’kidladi.

Shuningdek, Botir Zaripov “Amu-Buxoro-2” nasos stansiyasida ham bo‘lib, energiya resurslarini iqtisod qilish, ilmiy-texnik asoslar bilan energiya tejamkor texnologiyalar o‘rnatishga doir tavsiyalar berdi.

Buxoro.uz | Facebook | Instagram | YouTube

#hokim_hududlarda
#Olot_tumani

Viloyat hokimi Botir Zaripovning bugungi nazorat tartibidagi o‘rganishlari Olot tumanida ishlab chiqarish inshootlari va mahallalarda kechdi.

Dastlab viloyat rahbari "Xalifa" kichik sanoat zonasida barpo etilayotgan loyiha qiymati 13 million AQSH dollariga teng “Olot Asaka tekstil” yigiruv-to‘quv korxonasida ayni kundagi qurilish-montaj, jihozlash ishlarini borib ko‘rdi, mavjud muammolarni o‘rgandi.

Mas’uliyati cheklangan jamiyati shaklidagi “Olot Asaka tekstil” mato va tayyor trikotaj mahsulotlari ishlab chiqarishga ixtisoslashgan korxona bo‘lib, bu loyihaning dastlabki bosqichida yillik 2 750 tonna miqdoridagi xom gazlama to‘qib tayyorlash, ikkinchi bosqichda esa 2 350 tonna miqdorida aralash tolali ip-kalava ishlab chiqarish ko‘zda tutilgan. Buning uchun xizmat ko‘rsatuvchi “Asakabank” viloyat filiali tomonidan 10 million AQSH dollari miqdorida kredit mablag‘i sarflanmoqda.

Hademay, korxona foydalanishga topshirilgach, ishlab chiqarish faoliyati rivojlantirilishi hisobidan eksport hajmini yil davomida 2 million AQSH dollariga yetkazish, bunda iqtisodiyotga qo‘shiladigan moddiy ulushni 494 million AQSH dollariga yetkazish imkoniyati yaratiladi.

Ma’lum bo‘lishicha, “Olot Asaka tekstil” korxonasiga Xitoy davlatidan 100 ta dastgoh keltirib o‘rnatilgan. Hozirda uskunalarni elektr tarmoqlariga ulash zarur. 2024-yilda ayrim hududlardagi aholining turmush sharoitini yanada yaxshilashga doir qo‘shimcha chora-tadbirlarning manzilli dasturiga asosan inshootga 3 km masofaga yuqori kuchlanishli elektr energiyasi tarmog‘i tortilib, transformator punkti o‘rnatilmoqda.

Viloyat hokimi Botir Zaripov mazkur 2,9 gektar yer maydonini egallagan ishlab chiqarish inshootini qisqa fursatlarda foydalanishga topshirish, buning natijasida hududagi kambag‘al va ehtiyojmand oilalarning 480 nafar fuqarosining bandligini ta’minlash, korxona hududini obodonlashtirish borasida mas’ullarga aniq vazifalarni yukladi.

Korxonada borayotgan qurilish, montaj va jihozlash ishlarini ko‘zdan kechirgan viloyat rahbari “Yashil makon” umummiliy loyihasi doirasi mevali daraxt ko‘chatlari o‘tqazishda ham ishtirok etdi.

Viloyat hokimligi matbuot xizmati

Buxoro.uz | Facebook | Instagram | YouTube

#hokim_hududlarda
#Olot_tumani

“Xalifa” mahalla fuqarolar yig‘ini shundoqqina tuman markaziga yaqin hududda joylashgan. Shu bois mahallani ijtimoiy-iktisodiy rivojlantirish, aholi turar joylari, dam olish va madaniy hordiq chiqarish maskanlarini barpo etish, keng va ravon yo‘llar, maishiy xizmat ko‘rsatish majmualari qurilishi — bular barchasi yangicha yondashuv va tashabbuslar asosida amalga oshirilmokda. Yangilanish va islohotlar mahalla qiyofasini tubdan o‘zgartirib, odamlar turmush tarziga yangicha shukuh olib kirmoqda.

Bir qarashda barchasi risoladagiday ketayotgandek. Ammo amalga oshirilayotgan ishlar bilan bir qatorda qilinishi lozim bo‘lgan ishlar hali talaygina. Ayniqsa, “mahalla yettiligi” vakillarining o‘z ishiga loqayd va e’tiborsizligi natijasida mahallani obod va ko‘rkam qilishdagi nuqson va kamchiliklar yechim topmayapti. Oddiy misol. Mahalladagi ko‘p qavatli va yakka tartibdagi uylar atrofidagi manzaralar kishi tabini xira kiladi. Yon-atrof chiqindi, begona o‘tlar, xas-xashaklardan tozalanmagan. Binolarning fasad qismi, kirish yo‘laklari ta’mirtalab. Uylar atrofida bo‘sh turgan ekin yerlari qarovsiz ahvolda.

Botir Zaripov mahalladagi o‘rganishlari davomida ayni shu masalaga alohida e’tibor qaratdi. Bolalar bog‘chasi, “Barkamol avlod” bolalar markazi, tuman o‘yingohi, qolaversa, mahalla ma’muriy binosining yon-atrofida ham o‘sha tanish holat — antisanitariya holat, shakl berilmagan daraxtlar, har yoqda sochilib yotgan axlatlarga ko‘zingiz tushadi. Bu yerda istiqomat qilayotgan aholi hudud obodonchiligiga e’tibor qaratsa, bu xalqimizga xos tozalik-ozodalik, azaliy udum emasmi?! Bu ishlarni “mahalla yettiligi” tashkil qilishi kerak emasmi?!

Bugun Buxoroda ko‘kalamzorlashtirish, mevali-manzarali daraxtlar o‘tqazish, atrof-muhit ekologiyasini asrab-avaylash yo‘lida boshlangan qator sa’y-harakat “Xalifa”ga yetib kelmagan ko‘rinadi. Obodonchilik haqida bunda gap-so‘z bo‘lishi mumkin emas. Nahotki, bu yerdagi aholiga bir yoqadan bosh chiqarib, ko‘chalar va uylar atrofini tartibga keltirishga kimningdir “turtki”si kerak bo‘lsa, degan o‘yga borasan, kishi. Hududda tashlandiq, xaroba holga kelgan binolar ham ko‘zga tashlandi. Fuqarolar fikricha, ular ham obodonchilik va tozalik tarafdori, biroq muammo mahalla mutasaddilarining ular holidan xabar olmay, hammasini o‘z holiga tashlab qo‘yganlarida ekan. Ahvol shunday bo‘lgach, bundagi muammolar yillar davomida to‘planib qolgan.

Botir Zaripov tumandagi mahalla fuqarolar yig‘inlaridagi “yettilik” bilan o‘tkazgan tezkor onlayn muloqotida “Xalifa”dagi ishlarni “namuna” qilib ko‘rsatdi. Xulosa esa mahalladagilarning o‘ziga havola!

Viloyat hokimligi matbuot xizmati

Buxoro.uz | Facebook | Instagram | YouTube

#hokim_hududlarda
#Olot_tumani

Ma’lumki, Birlashgan Arab Amirliklarining “Masdar” kompaniyasi tomonidan Olot tumanida quvvati 250 MVt bo‘lgan kuyosh elektr stansiyasini qurish loyihasi amalga oshirilmoqda.

Umumiy qiymati 270 million AQSH dollariga teng mazkur loyihani 2025 yilning ikkinchi yarmi davrida foydalanishga tushirish ko‘zda tutilgan. Subyektning yillik ishlab chiqarish quvvati 638 million kVt/soatni tashkil qiladi.

Ahamiyatli jihati, mazkur loyiha ishga tushishi natijasida hududda elektr energiyasi ishlab chiqarish uchun tabiiy gaz sarfi yiliga 270 million kubo metrga tejaladi. Bundan tashqari, 300 mingta xonadon qo‘shimcha elektr energiyasi bilan ta’minlanib, karbonat angidrid chiqindilari yiliga 250 ming tonnaga kamayadi.

Ayni kunda respublika Energetika vazirligi hamda xorijiy investor o‘rtasida investitsiya shartnomasi va elektroenergiyani sotib olish bo‘yicha kelishuv imzolangan bo‘lib, pudratchi tashkilot sifatida Hindistonning “Jackson Green” kompaniyasi tanlangan. Hozirda loyihani sotsiologik va ekologik o‘rganishlar olib borilmokda va ishchi xizmatchilar uchun ofis binosi, yotoqxona, oshxona xizmat ko‘rsatish binolari qurilgan. Bundan tashqari, loyiha amalga oshirilishi belgilangan yer maydonini panjara bilan o‘rash ishlari va obektlarga olib boruvchi yo‘llari qurilmoqda.

Bugun viloyat hokimi Botir Zaripov Qirlishon hududidan ajratilgan 649 gektar yer maydonida amalga oshirilayotgan qurilish ishlari, ma’muriyat joylashgan binolar, ishchi-xodimlar uchun yaratilgan sharoitlar bilan yana bir bor tanishdi. Loyihaning bugungi kundagi ahamiyati va kelgusidagi natijadorligi mas’ullar ishtirokida muhokama qilindi.

Jumladan, loyihaga binoan elektr energiyasini ishlab chiqarish manbalarini diversifikatsiyalash, aholi va iqtisodiyot tarmoqlarining energiya resurslariga ortib borayotgan ehtiyojini ta’minlash, elektr energiyasini ishlab chiqarishda tabiiy gazdan foydalanishni kamaytirish hamda qayta tiklanuvchi energiya manbalaridan foydalanish ko‘lamini kengaytirish jihatlariga e’tibor qaratildi.

Viloyat hokimligi matbuot xizmati

Buxoro.uz | Facebook | Instagram | YouTube

#AmuBuxoro_irrigatsiya_tizimi
#Olot_tumani

“Osiyo tiklanish va taraqqiyot banki” loyihasi asosida viloyatimizda “Amu-Buxoro” irrigatsiya tizimlarini qayta tiklash ishlari doirasida Olot tumanida birinchi va ikkinchi “Amu Buxoro” nasos stansiyalarini realizatsiya va modernizatsiya qilish ishlari amalga oshirilmoqda.

Bugun viloyat hokimi Botir Zaripov “Amu-Buxoro” mashina kanali Olot tumani boshqarmasi tasarrufidagi 1-nasos stansiyasi hududida qurilayotgan yangi “Amu-Buxoro-1” nasos stansiyasida bo‘ldi.

Yangi nasos stansiya qurilishiga Xitoy Xalq Respublikasining “China National Technical Import and Exsport Corporation” kompaniyasi tomonidan «CNTIC» pudratchi tashkiloti qurilish ishlariga jalb qilingan va ayni kunda bunda ishchi-mutaxassislar ish olib borishmoqda. Mazkur yangi nasos stansiyasi qurilishi umumiy qiymati 82 million 960 ming AQSH dollariga moliyalashtirilgan.

Shu kecha-kunduzda “Amu-Buxoro-1” yangi nasos stansiyasida jami 8 dona, har birining quvvati 11,25 metr sekund bo‘lgan yuqori unumli nasos agregatlari o‘rnatilmoqda. Bu sa’y-harakat natijasida nasos stansiyasining umumiy suv chiqarish qobiliyati 90 metr sekundga yetkaziladi hamda stansiya energiya tejamkor asbob-uskunalar bilan jihozlanadi.

Gidroinshootda borayotgan yangilanishlar bilan tanishgan viloyat rahbari Botir Zaripov loyiha doirasida borayotgan ishlarni yanada jadallashtirish zarurligini ta’kidladi. Shuningdek, “Amu-Buxoro-2” nasos stansiyasida ham shu kunlarda borayotgan modernizatsiya ishlari, energiya resurslarini iqtisod qilish, ilmiy-texnik asoslar bilan energiya tejamkor texnologiyalar o‘rnatishga doir chora-tadbirlar viloyat hokimining e’tiboridan chetda qolmadi.

Viloyat hokimligi matbuot xizmati

Buxoro.uz | Facebook | Instagram | YouTube