#hokim_hududlarda
#qurilish_bunyodkorlik_nazorat
#Buxoro_Vobkent

Xalqaro ahamiyatdagi M37 “Samarqand - Buxoro - Turkmanboshi” avtomobil yo‘lining Buxoro tuman hududidan o‘tuvchi 255,6 km qismidagi ko‘prikning o‘ng tomoni to‘g‘ri yo‘nalishida temirbeton plitasi singan va yig‘ma temirbeton balkalar orasidagi shoflari yemirilishi natijasida yaroqsiz holga kelib qolgan. Mazkur ko‘prik 1974-yilda qurilgan bo‘lib, 2016-2017-yillarda ta’mirlash ishlari jarayonida PN-18 m.li yig‘ma temirbeton plitalardan 1 oraliqda 12 metrga kengaytirilgan. Ko‘prikning yuk ko‘tarish qobiliyati hozirgi og‘ir vaznli transport vositalarini o‘tkazish talablarini qanoatlantira olmaydi.

Shuningdek, mazkur avtomobil yo‘lining Vobkent tuman hududidan o‘tuvchi 239,65 km qismidagi ko‘prik ham yaroqsiz holga kelib qolgan.

Ko‘priklarda harakat xavfsizligini ta’minlash maqsadida yo‘lning "Gʻijduvon-Buxoro" yo‘nalishida transport vositalari harakati cheklanib, “Buxoro-Gʻijduvon" yo‘nalishida ikki tomonlama harakat tashkil etilgan va ko‘priklarda ta’mirlash ishlari boshlangan.

Bugun viloyat hokimi Botir Zaripov sektorlar rahbarlari hamrohligida mazkur ko‘priklar holati va u yerda borayotgan ish jarayonlari bilan tanishdi. Avtomobil yo‘llari hududiy bosh boshqarmasidan olingan ma’lumotga ko‘ra, og‘ir yuk avtotransport vositalari tomonidan me’yoridan ortiqcha yuk bilan harakatlanishi natijasida ko‘priklarga shikast yetkazilgan va yaroqsiz holga kelib qolgan. Ularni ta’mirlash esa uzoq muddat talab etadi. Biroq viloyat rahbari tomonidan ta’mirlash ishlarini smena asosida jadallashtirish orqali belgilangan muddattni qisqartirish imkoni mavjudligi alohida ta’kidlanib, bu borada muhim vaziflar belgilandi.

Buxoro.uz | Facebook | Instagram | YouTube

#hokim_hududlarda
#Qorovulbozor_tumani

Qorovulbozorda investitsiya loyihalarini ishga tushirish, tadbirkorlik tashabbuslarini qo‘llab-quvvatlash orqali yangi ish o‘rinlarini yaratish va aholi bandligini ta’minlash, oilalar moddiy manfaatdorligini oshirishda qator loyihalar faoliyati samaradorligiga e’tibor qaratilmoqda.

Ayni kunda tumanda bir nechta ishlab chiqarish loyihasi muvaffaqiyatli amalga oshirilganini ko‘rish mumkin. Jumladan, “Cho‘lquvar” mahalla fuqarolar yig‘ini, Mexnatobod ko‘chasidagi yuk mototsikllari ishlab chiqarishga mo‘ljallangan "Bukhara Real Moto" MCHJ "LOCHIN" rusumli yuk mototsikli, kvadrotsikllar xamda qishloq xo‘jaligi uchun mo‘ljallangan motokultivator vositalari ishlab chiqarmoqda.

Hududdagi o‘rganishlari davomida Botir Zaripov mazkur jamiyatda ham bo‘ldi. Korxona ta’sischilari bilan muloqotda ular faoliyatida duch kelinayotgan muammo, ishlab chiqarishni kengaytirish, yangi ish o‘rinlarini ko‘paytirishga doir takliflari bilan qiziqdi.

Xalq xo‘jaligida keng foydalaniladigan minitexnikalar ishlab chiqarish bo‘yicha o‘z takliflarini bildirdi.

Buxoro.uz | Facebook | Instagram | YouTube

#hokim_hududlarda
#yashil_makon

Prezidentimiz Shavkat Mirziyoyev raisligida joriy yil 21-oktabr kuni “Yashil makon” umummilliy loyihasi doirasidagi ishlar natijadorligi va kelgusidagi ustuvor vazifalar muhokamasi yuzasidan o‘tkazilgan videoselektor yig‘ilishida kuzgi mavsum davomida ko‘chat ekish ishlarini uyushqoqlik bilan tashkil etish imkoniyatlari ko‘rsatib o‘tildi.

Davlatimiz rahbari ta’kidlaganidek, “Yashil makon” umummilliy loyihasi – bu bir yillik tadbir emas”.

Darhaqiqat, yashab turgan joyimizni ozoda saqlab, bizdan keyingi avlod ham munosib tabiiy muhitda yashashlari uchun bugun biz tabiatga mehr va e’tibor bersak kelajak avlod ham munosib ekologik sharoitda yashaydi. Buning uchun biz yer va suv resurslarini, ekologik tizimni asrash hamda daraxt ko‘chatlarini ekib, bog‘ yaratishimiz zarurdir.

Shundan kelib, Buxoroda mavsumga qizg‘in hozirlik ko‘rilmoqda. Bunda xususan, yo‘l bo‘ylari, kollektorlar yon-atroflariga ko‘chat ekish va uni parvarishlash uchun shart-sharoitlar hozirlanmoqda.

Bu boradagi ishlar natijadorligini ta’minlash, mavjud muammolarni soha mutasaddilari ishtirokida muhokama qilib, ularni hal qilish choralarini ko‘rish maqsadida bugun viloyat hokimi Botir Zaripov sektorlar rahbarlari hamrohligida o‘rganishlar olib bordi.

“Amu-Buxoro” kollektori bo‘ylab olib borilgan o‘rganishlar davomida kollektor yon-atroflari, hududdan o‘tgan yo‘l bo‘ylariga jiyda, yasin, gujum va saksovul kabi kam suv talab etadigan, Buxoro iqlimiga mos bo‘lgan daraxt ko‘chatlarini ekish yuzasidan vazifalar belgilandi. Ularning parvarishini tashkil etish bilan bog‘liq agrotexnik tadbirlar xususida fikrlashib olindi.

Ta’kidlash lozimki, loyiha doirasida o‘tgan mavsumda Qorovulbozor tumanidagi “Do‘stlik” kanalidan “Buxoro-Qarshi” magistral avtomobil yo‘lining ikki tomoniga tomchilatib sug‘orish texnologiyasini joriy etgan holda daraxt ekib, bekamu ko‘st parvarishlanmoqda.

Botir Zaripov avvalgi o‘rganishlari davomida Buxoro neftni qayta ishlash zavodi tomonidan amalga oshirilgan mazkur xayrli tashabbusni davom etttirish, bu tajribani boshqa hududlarda ham qo‘llash bo‘yicha topshiriqlar bergan edi. Shunga ko‘ra masalaga daxldor mutasaddilar zavod hududida bo‘lib, daraxtlarni tomchilatib sug‘orish texnologiyasi bilan tanishishdi.

Ma’lumotlarga qaraganda, bitta daraxt yilda o‘zidan 100 kilogramm kislorod chiqaradi. Biroq buning uchun u e’tiborda bo‘lishi va yaxshi parvarish qilinishi kerak. Bir inson yilda oladigan 9,5 tonna havoning 23 foizi (2,2 tonna)ni esa kislorod tashkil etadi.

Inchunin, yashillik bor joyda - musaffolik bo‘ladi, atrof-muhit sofligi ta’minlanadi. Ana shundan hammamiz naf ko‘ramiz, demak, bu ishni barchamiz birdamlikda bajarishga mas’ulmiz. Shunday ekan, bu xayrli va savob amalga munosib hissa qo‘shaylik!

Buxoro.uz | Facebook | Instagram | YouTube

#hokim_hududlarda
#Kogon_tumani

Xabar berganimizdek, Kogon tumani “Zirabod” massivi hududida ming gektarda “Buxoro sanoatni rivojlantirish kompleksi” maxsus sanoat parki barpo qilishga kirishilgan.

Mazkur obyektning tashkil etilishi natijasida Buxoro viloyatiga to‘g‘ridan to‘g‘ri investitsiyalarni jalb qilish, yuqori texnologiyalarga asoslangan zamonaviy sanoat quvvatlarini ishga tushirish, ichki va tashqi bozorlar uchun raqobatbardosh tayyor mahsulotlar ishlab chiqarishni yo‘lga qo‘yish bo‘yicha investitsiya loyihalarini amalga oshirish hamda yangi ish o‘rinlarini yaratilishiga erishiladi.

Birinchi bosqichda 300 million dollarlik loyiha amalga oshiriladi. Bu – viloyat iqtisodiyotiga yiliga 250 million dollar qo‘shilgan qiymat, 2 mingta ish o‘rni, 250 milliard so‘m soliq tushumi va 100 million dollar eksport beradi.

Bugun viloyat hokimi Botir Zaripov majmua barpo etilayotgan hududda bo‘lib, amalga oshirilayotgan ishlarni ko‘zdan kechirdi. Xususan, loyiha bosh rejasi bo‘yicha hozirda “Buxoro-Qarshi” avtomagistral yo‘lidan sanoat parki barpo etilayotgan hududga qadar 3 kmdan ziyod masofada yo‘l qurilishi amalga oshirilmoqda. Viloyat rahbari mazkur yo‘l qurilishi jarayoni bilan yaqindan tanishdi. Mutasaddilar ishtirokida mavjud muammolarni o‘rgandi va bajarilishi lozim bo‘lgan vazifalarni muhokama qildi.

Kuzatishlar asosida, qurilish ishlari jadal davom etayotgan bir vaqtda zarur muhandislik-kommunikatsiya tarmoqlari bilan ta’minlash ishlari belgilangan muddatlardan ortda qolayotganligi hamda tarmoq korxonalari tomonidan zarur choralarni ko‘rishda sustkashlikka yo‘l qo‘yilayotganligi aniqlandi.

Shunga ko‘ra, hududni tashqi muhandislik-kommunikatsiya tizimlari bilan ta’minlash bilan bog‘liq muammolarni hal etish bo‘yicha topshiriqlar berildi.

Shuningdek, maxsus texnikalar va ishchi-xodimlar sonini ko‘paytirish, qurilish ishlarini yanada jadallashtirish yuzasidan qat’iy vazifalar belgilandi.

Buxoro.uz | Facebook | Instagram | YouTube

#hokim_hududlarda
#Kogon_tumani

Prezidentimiz Shavkat Mirziyoyev raisligida Buxoro viloyatini ijtimoiy-iqtisodiy rivojlantirish masalalari yuzasidan o‘tkazilgan videoselektor yig‘ilishida Buxoroda odamlarni ishli qiladigan katta imkoniyat – sanoat zonalari ekani alohida ta’kidlangan edi.

Shunga ko‘ra, hozirda ilg‘or xorijiy tajriba asosida Kogon tumanida ming gektarda “Buxoro sanoatni rivojlantirish kompleksi” maxsus sanoat parki barpo qilinmoqda.

Mazkur obyektning tashkil etilishi natijasida Buxoro viloyatiga to‘g‘ridan-to‘g‘ri investitsiyalarni jalb qilish, yuqori texnologiyalarga asoslangan zamonaviy sanoat quvvatlarini ishga tushirish, ichki va tashqi bozorlar uchun raqobatbardosh tayyor mahsulotlar ishlab chiqarishni yo‘lga qo‘yish bo‘yicha investitsiya loyihalarini amalga oshirish hamda yangi ish o‘rinlarini yaratilishiga erishiladi.

Birinchi bosqichda 300 million dollarlik loyiha amalga oshiriladi. Bu – viloyat iqtisodiyotiga yiliga 250 million dollar qo‘shilgan qiymat, 2 mingta ish o‘rni, 250 milliard so‘m soliq tushumi va 100 million dollar eksport beradi.

Bugun viloyat hokimi Botir Zaripov majmua barpo etilayotgan hududda bo‘lib, amalga oshirilayotgan ishlarni ko‘zdan kechirdi. Avvalgi o‘rganishlar davomida berilgan topshiriqlar ijrosini o‘rgandi.

Xususan, loyiha bosh rejasi bo‘yicha hozirda “Buxoro-Qarshi” avtomagistral yo‘lidan sanoat parki barpo etilayotgan hududga qadar 3 kmdan ziyod masofada yo‘l qurilishi amalga oshirilmoqda.

Viloyat rahbari mazkur yo‘l qurilishi jarayoni bilan yaqindan tanishdi. Mutasaddilar ishtirokida mavjud muammolarni o‘rgandi va bajarilishi lozim bo‘lgan vazifalarni muhokama qildi.

Shundan kelib chiqib, mutasaddilarga hududning muhandislik-kommunikatsiya tizimlari bilan bog‘liq masalalarni hal etish bo‘yicha topshiriqlar berildi.

Shuningdek, maxsus texnikalar va ishchi-xodimlar sonini ko‘paytirish, tuproq ishlarini bajarishni jadallashtirish orqali qurilish maydonini hozirlash yuzasidan qat’iy vazifalar belgilandi.

Buxoro.uz | Facebook | Instagram | YouTube