Ўзбекистон халқ шоири Эркин Воҳидовнинг "Инсон ўзинг" қасидаси асосида яратилган қўшиқ, Ўзбекистон халқ артисти Шерали Жўраевнинг ижроси бугунги кун учун нақадар мос ва хос сўзлардан иборат.

👉@azamatkamal81👈

#дарвоқе

"Ижтимоий тармоқ гурунглари" туркумидан:
"ХОТИН ТЕНГДИР ОЛТИНГА!"
(Оилапарвар дўстимиз Азамат Камолов талабларига биноан)

Қараб орқа-олдингга,
Заб уйланиб олдинг-а.
Ука, энди бир гапни,
Солиб қўяй ёдингга —
Қўл кўтарма хотинга,
Хотин тенгдир олтинга!

Қорнинг тўқ, оч бўлса ҳам,
Оши қирмоч бўлса ҳам,
Тушунмас хотин тилин,
Энг зўр тилмоч бўлса ҳам.
Яхши гапир хотинга,
Хотин тенгдир олтинга!

У бир меҳр талабдир,
Пул-мул деса қараб тур,
Ноз қилса, хўмрайса ҳам,
Сен суйиб, эркалаб тур,
Ҳаётим, де хотинга,
Хотин тенгдир олтинга!

Эй, аёли хомушлар,
Эй, ақли фаромушлар,
Болам бўсин деса ким,
Тўмарис, Алмопишлар,
Меҳр берсин хотинга,
Хотин тенгдир олтинга!

Турмуш ғала-ғовурмас,
Жон суғурар омбурмас.
Қулоғингга чертганим,
Дутор эмас, танбурмас.
Яхши эрнинг аёли
Қоқи бўлган анжирмас!
Ё оёқдан ўраган
Тушов эмас, занжирмас.
Бахту тахт бер хотинга,
Хотин тенгдир олтинга!

Телеграм каналимизга
уланиш ҳаволаси
https://t.iss.one/gayratlisher

Хотин дўстдир одамга)))

#одамийлик_шеваси

ЖИГАРЛАР КЕРАКДИР, ЖИГАРЛАР

От минганда оғмаслик учун,
Эгарлар керакдир, эгарлар.
Туғишгандек бўлолмас ҳеч ким,
Жигарлар керакдир, жигарлар.

Қувончингни қувиб етгани,
Ташвишингга елка тутгани,
Бахт эмасми, турган-битгани,
Жигарлар керакдир, жигарлар.

Отанг бўлиб дуо бергандек,
Онанг ҳам тирилиб келгандек,
Бир суянай десанг — тиргакдек,
Жигарлар керакдир, жигарлар.

Юксалганинг, йиқилганингда,
Ўғил-қизга уй қилганингда,
Йиғиб-териб тўй қилганингда,
Жигарлар керакдир, жигарлар.

Топишинг зўр, ширкатинг кўпдир,
Шунинг учун улфатинг кўпдир,
Балки ҳали кулфатинг кўпдир,
Жигарлар керакдир, жигарлар.

Кибрланма, ожиз бир қулсан,
Кимга азиз, кимга бир пулсан.
Юлдузми ё оламшумулсан,
Жигарлар керакдир, жигарлар.

Илдизи йўқ дарахт бўларми,
Уларсиз байрам, бахт бўларми,
Қайтиб болалик вақт бўларми,
Жигарлар керакдир, жигарлар.

Дунё — қўлим етмас тепадай,
Ота ҳовлимдаги супадай,
Дўст кўрмадим ука, опадай,
Жигарлар керакдир, жигарлар.

©️Ғайрат ШЕРАЛИЕВ

Жигарларингизга юбориб қўйишни унутманг!

➡️https://t.iss.one/gayratlisher

#шеър_тарихи

✅ Маҳоратли журналист, катта, устоз ижодкорлар сафига ўзининг ажойиб ҳикоя ва шеърлари билан кириб келаётган, ёзганларида доимо "теша тегмаган" иборалар, топилмалар билан қойил қолдирадиган дўстимиз, ажойиб инсон Ғайрат ака Шералиевнинг ёзганлари, у киши бош муҳаррирлик қиладиган, вилоятимизнинг бош газетаси "Тошкент ҳақиқати" саҳифасидаги мавзуларга ҳам доим қойил қолиб, ўзларига бу ҳайрат ва ҳавасни доимо билдириб келаман.
У кишининг ёзаётган шеърлари оддий, "хазми енгил" ва халқчил бўлганлиги учун ҳам бугун кўп эстрада хонандалари уларни куйга солиб, бу қўшиқлар қисқа фурсатда мухлисларнинг севимли қўшиқларига айланиб улгурмоқда.
⚠️ Яқинда август ойлари охирларида "Жигарлар керакдир, жигарлар" деб номланган шеърини каналимда жойлаб, кейин у кишига аёлларимиз хафа бўлишяпти, биз ҳам керакмиз дея деб ҳазиллашгандим ва ўша машҳур "Кавказ асираси" филмидаги "Хотин дўстдир одамга" деган гапни айтиб кулишгандик. Ғайрат ака шунда бўлди, сизга аёлларга бағишлаб ҳам бир шеър ёзиб бераман дегандилар, бугун шу шеърни каналларида улашибдилар.
❗️Менимча, бу битта менга эмас, ҳамма оилали эркакларга қарата айтилган чорлов бўлса керак.
⚠️ Ҳаммамизнинг жигарларимиз омон бўлишсин, "олтинларимиз" ҳам.)))
(Бу ибора энди "Келинлар қўзғолони" филмидан.😁)
✳️ Ғайрат акага янада юксак ижодий парвозлар тилайман, доимо соғ бўлинг, қаламингиз ўткир, қаддингиз тик бўлсин.

👉@azamatkamal81👈

Педагог ходимлар томонидан берлиган энг долзарб саволларга жавоблар

Маълумки, Xalq ta'limi Info каналида таълимга оид янгиликлар, тизимдаги камчиликлар ва шу билан бир қаторда педагог ходимлар томонидан берилаётган энг долзарб саволларга ҳам жавоб бериб борилади. Қуйидаги (кўк) ҳаволаларни босиб, муаммоли саволларга жавоб топишингиз мумкин.

➖Ўқитувчиларнинг педагогик юкламаси бекор бўлганми?
👉ЖАВОБ

➖Педагогик юклама нима?
👉ЖАВОБ

➖Бошланғич синф ўқувчилари учун дарсликлар вазни қанча бўлиши керак?
👉ЖАВОБ

➖Психолог лавозимига талабаларни ишга қабул қилиш мумкинми?
👉ЖАВОБ

➖Психологларнинг "Тарбия" фанидан дарс бериш масаласида муаммо борми?
👉ЖАВОБ

➖Пенсионер ходимни малака ошириш ёки хизмат сафарига юбориш мумкинми?
👉ЖАВОБ

➖Жисмоний ёки руҳий ривожланишида нуқсони бўлган болалар учун давлат ихтисослаштирилган мактаб-интернати тарбиячисига халқаро сертификат учун устама тўланадими?
👉ЖАВОБ

➖Ихтисослаштирилган таълим муассасалари агентлиги тасарруфидаги мактаб ўқитувчиси ўриндошлик асосида бошқа мактабда ҳам ишлаши мумкинми?
👉ЖАВОБ

➖Информатика фани ўқитувчиси мактаб ўқувчиларга "Coursera" сертификатини олиб бермаса ишдан бўшатиладими?
👉ЖАВОБ

➖Бошланғич синф ўқитувчисининг малака тоифаси тарбия ва информатика фани учун ҳам татбиқ қилинадими?
👉ЖАВОБ

➖Ҳудудий мактабгача ва мактаб таълими бўлими бошлиғи таълим муассасаси "завуч"ини мажбуран хизмат сафарига юбориши мумкинми?
👉ЖАВОБ

➖Тарих фанидан олинган малака тоифаси "Тарбия" фани учун ҳам амал қиладими?
👉ЖАВОБ

👉https://t.iss.one/xalqtaliminfo

Bugun Samarqand shahrida o‘tkazilayotgan BMTning Butunjahon sayyohlik tashkiloti (UNWTO) 25-Bosh assambleyasi doirasida “Global ta’lim Forumi” bo‘lib o‘tdi. Forumda 140 davlatdan kelgan delegatlar, turizm rahbarlari bilan bir qatorda ta’lim sohasiga mas’ul rahbarlar ham ishtirok etmoqda.

Bugun turizm va ta’lim bir-biriga chambarchas bog‘liq soha ekanligi barchamiz bilamiz. Shu bois, Forum ishtirokchilariga O‘zbekistonda ta’limi sohasida amalga oshirilayotgan ishlar hamda xalqaro miqyosda erishilgan yutuqlar to‘g‘risida ma’lumot berib o‘tdik.

Xabaringiz bor, yurtimizda “Ta’lim uchun qulay muhit” dasturini amalga oshirish, umumiy o‘rta ta’lim tizimini yangi bosqichga olib chiqish, 1 000 nafar tarbiyachi va o‘qituvchini xorijiy mamlakatlarga malaka oshirishga yuborish, O‘zbekiston Global Innovatsion Indeksda Top-50 talik mamlakatlar ro‘yxatiga kirishiga erishish borasida katta maqsadlar amalga oshirishdagi dolzarb vazifalarimizdan biri.

Joriy yilda Prezident maktablari bitiruvchilaridan 114 nafari, Ixtisoslashtirilgan maktablar bitiruvchilaridan 378 nafari dunyoning nufuzli ta’lim maskanlarida tahsilni davom ettirmoqda. Ular qatorida Colorado State University, Harvard University, TUM (Technical University of Munich), Arizona State University, California Institute of Technology va King‘s College kabi nufuzli ta’lim dargohlarining borligi xorijiy ekspertlarda katta qiziqish uyg‘otdi.

Aytish lozim, 2023-yil xalqaro doirada katta yutuqlar davri bo‘lganligi, xususan o‘quvchilarimiz tarixdagi eng yuqori natijalarni qayd etib, xalqaro olimpiadalarda 8 ta oltin, 24 ta kumush va 37 ta bronza, jami 69 ta medalni qo‘lga kiritishdi.

Qolaversa, joriy yilda Ispaniya, Italiya, Оzarbayjon, Rossiya, Turkiya, Qozog‘iston, Qirg‘iziston, Tojikiston kabi davlatlarda 15 ta xalqaro tanlov, festival va musobaqalarda “Barkamol avlod” maktablarining 500 nafarga yaqin o‘quvchisi Gran pri va boshqa yutuqlarni qo‘lga kiritganliklari haqidagi yutuqlar qayd etildi.

Bugun oldimizda turgan asosiy vazifalardan biri o‘quvchilarimizda erta yoshlardanoq ushbu soha haqida tushuncha hosil qilish hamda ularning qiziqishlarini oshirishdir. Vazirlik tizimida Samarqand va Namangan viloyatlarida bolalar sayyohlik bazalari faoliyat ko‘rsatmoqda. Endilikda Samarqanddagi 20 ta maktabda tajriba sifatida maktabdan tashqari ta'lim sifatida turizm soatlarini yo‘lga qo‘ymoqchimiz. Bu borada Butunjahon sayyohlik tashkiloti bilan hamkorlikda ishlayapmiz.

Xalqaro forum doirasida ta’lim, fan va turizm sohasidagi innovatsiyalarga doir dolzarb masalalar jonli muhokama qilinib, samarali taklif-tavsiyalar ishlab chiqildi. O‘ylaymanki, Forum qatnashchilari tomonidan bildirilgan ta’limga doir fikr va mulohazalar, takliflar maktabgacha va maktab ta’limi rivoji yo‘lida xizmat qiladi. Buning uchun yurtimizda barcha imkoniyatlar yetarli.

Forum ishiga muvaffaqiyat tilab qolaman!

✅ Мактабларнинг 10-11-синф ўқувчилари учун 4 та йўналишда танлов фанлари белгиланди

Ушбу фанлар ўқувчиларга чуқурлаштириб ўқитилади.

Йўналишлар қуйидагича:
➖ математика-физика;
➖ она тили-чет тили;
➖ кимё-биология;
➖ математика-чет тили.

Мактабгача ва мактаб таълими вазирлиги томонидан бирифинг ўтказилиб, унда ҳозир тажриба-синов тариқасида математика-физика йўналишида 16 та, она тили-чет тили йўналишида 51 та, кимё-биология йўналишида 40 та, математика-чет тили йўналишда 30 та синфда ўқувчилар таълим олаётганлиги маълум қилинди.

👉🏻 @azamatkamal81👈

#эрталабки_шеъхонлик

***
Бўлмасайди, бу оламда бари ўткинчи!
Бўлмасайди, муҳаббатга айрилиқ жавоб.
Бўлмасайди, қарилик, хасталик, ўлим,
Келмасайди азобларнинг ортидан азоб.

Юрмасайди соясига эргашиб одам,
Дарахтларнинг сўзлашганин тушунса равон.
Бўлмасайди, ибодатда риё ва макр,
Таҳрир этилавермаса ҳақ чеккан фармон.

Деразадан қараб турган қизалоқ каби
Ё ёмғирда титраётган ёлғиз барг мисол,
Нигоҳларда ниҳон бўлган туйғулар ҳаққи!
Юрак ва йўл ўртасида бўлмаса даллол.

Шодон қайтгач эҳромларнинг зиёратидан,
Ўз қабрига гул кўтариб боролса эди.
Маймунними томоша қип қафас ортидан
Аслида ким қафасбанддир — билолса эди.

Чуқур-чуқур хўрсинишни ўрганса эди,
Кўзёшлари юрагига етиб боролса.
Фақатгина онажони ўлмаса эди!
Болаликнинг тушларини қайта кўролса.

Қўрқмасайди ўзи билан ёлғиз қолишга,
Тангрисидан хабар олиб туролса эди.
Йўқлигидан надоматлар келса ортидан,
Борлигидан гоҳ-гоҳида уялса эди.

Ва кўнсайди... (кўнган билан кошки иш битса?)
Йўқ, кўнмаса... (кўнмаганга яна ҳам оғир.)
Ҳа, тушунса, яшаш — азоб, ҳеч роҳат эмас!
Ҳа, англаса — таскин майи зарур ва тахир.
Анчагина бахтли бўлар эди одамзод.

Шодмонқул САЛОМ

👉@azamatkamal81👈

#она_тилим_жон_тилим
#кундузги_шеърхонлик

ГЎЗАЛ

Қоронғу кечада кўкка кўз тикиб,
Энг ёруғ юлдуздан сени сўраймен.
Ул юлдуз уялиб, бошини букиб,
Айтадир: «Мен уни тушда кўрамен.
Тушимда кўрамен, шунчалар гўзал,
Биздан-да гўзалдир, ойдан-да гўзал!..»

Кўзимни оламен ой чиққан ёққа,
Бошлайман ойдан-да сени сўрмоққа,
Ул-да айтадирки: «Қизил яноққа
Учрадим тушимда, кўмилган оққа.
Оққа кўмилганда шунчалар гўзал,
Мендан-да гўзалдир, кундан-да гўзал!..»

Эрта тонг шамоли сочларин ёзиб,
Ёнимдан ўтганда сўраб кўрамен.
Айтадир: «Бир кўриб, йўлимдан озиб,
Тоғу тошлар ичра истаб юрамен!
Бир кўрдим мен уни — шунчалар гўзал,
Ойдан-да гўзалдир, кундан-да гўзал!..»

Ул кетгач кун чиқар ёруғлиқ сочиб,
Ундан-да сўраймаен сенинг тўғрингда.
Ул-да уятидан беркиниб, қочиб,
Айтадир: «Бир кўрдим, тушдамас ўнгда.
Мен ўнгда кўрганда шунчалар гўзал,
Ойдан-да гўзалдир… мендан-да гўзал!..»

Мен йўқсил на бўлуб уни суйибмен?!
Унинг-чун ёнибмен, ёниб-куюбмен.
Бошимни зўр ишга бериб қўюбмен,
Мен суюб…мен суюб…кимни суюбмен?
Мен суйган «суюкли» шунчалар гўзал,
Ойдан-да гўзалдир, кундан-да гўзал!!!»

Чўлпон.

👉@azamatkamal81👈

#она_тилим_жон_тилим

Тошкент шаҳар Сергели туманидаги
300-мактабнинг 4-синф ўқувчилари 21 октябрь ўзбек тили байрамига бағишлаб ажойиб қўшиқ куйлашибди.
Уларнинг орасида жияним Озодбек Жамолов ҳам бор.
Болаларча беғуборлик, зўр иштиёқ билан жўровоз бўлиб куйлашганлари менга жуда ҳам ёқди.
Бугунги замоннинг талаби бўлган хорижий тилларни пухта ўрганишга интилиш, унга шароит яратиш албатта керак, лекин, энг аввало, ўз она-тилимизга болаликдан мана шундай меҳрни уйғотиш энг асосий вазифамиз бўлмоғи лозим.
Мактабдаги устозларга минг бор тасанно.👍

👉@azamatkamal81👈

#ona_tilim_faxrim

ЎЗБЕК ТИЛИМ

Кўп қадимман,
Карвон билан замонлар кечдим,
Нор туянинг норлиги ҳам афсона экан.
Бир кун туя айронини шифо деб ичдим,
Она туя номи эса арвона экан.

Давронимни сурганман ҳам оқ отга миниб,
Ҳай-ҳай, унинг қўлтиғида бор эди қанот.
Вақти келиб, шон-шуҳратдан хаёлим тиниб,
Билсам, ўша оқ отимни дерканлар — бўз от.

Юксак Ҳисор тоғларининг бағрида қат-қат
Тошни ёриб ўсиб ётган наъматак эди.
Устоз Ойбек шеърин эслаб шоир Холмамат,
— Бизнинг жойда унинг номи “Ҳулулу”, деди.

Сен туганмас чашмадирсан, оҳ, она тилим,
Етмиш икки томиримга мавжларинг борди.
Бир кун тиниб қолган эди боғда булбулим,
— Сандулочим! — деган эдим сайраб юборди.

Инсон деган қутлуғ сўзнинг тенги йўқ ҳеч бир,
У танҳодир, фалакларнинг қуёши мисол.
Лекин манов болакайдир, буниси ўсмир,
Бу йигитдир, бу зот эса бобо, оқсоқол.

Абдулла Орипов,
Ўзбекистон Қаҳрамони, халқ шоири

👉@azamatkamal81👈

#Tabriknoma

Qadrli yurtdoshlar, aziz ustoz va murabbiylar!

Barchangizni chinakam milliy tantanamiz, g‘urur va iftixorimiz bo‘lgan O‘zbek tili bayrami bilan samimiy muborakbod etaman.

Insoniyat o‘z milliy tilini “ona tili” deb sharaflashi bejiz emas.

Chunki bunday ulug‘ e’tirof bizga har lahzada o‘z tilimizni onamizdek e’zozlab, qadrlashimiz zarurligini anglatib turadi. Ona tilimiz bizning jahonda alohida xalq, millat sifatida mavjudligimizni belgilovchi muhim asoslardan biridir.

Inson tug‘ilajak Vatani va tilini tanlamaydi – bu unga Yaratgan ato etgan bebaho ne’matlardir. Ana shu ne’matlarni qadrlab, Vatanimiz taraqqiyoti, o‘zbek tili ravnaqi yo‘lida sidqidildan xizmat qilish va mehnatlarimiz samarasini ko‘rish saodati barchamizga nasib etsin!

Ona tilimiz ruhiyatimizga nur, tafakkurimizga yog‘du, qalbimizga g‘urur baxsh etib abadiy gullab yashnasin!

O‘zbek tili bayrami yana bir bor muborak bo‘lsin!

Hilola Umarova,
Maktabgacha va maktab ta’limi vaziri

To Be (bo‘lmoq)

Tayyorlovda yozilgan she'r

Doskaga formula yozadi.
Mening marhamatli "teacher"im.
"To Be"ni tobe deb o‘qiyman.
Tilim kelishmaydi, kechiring!

Keyin u tasavvur qil deydi,
Men ega, sen esa "To Be"san.
Tasavvur qilishim shart emas,
Men o‘zi shundog‘am tobeman.

Agar shu "To Be"ni bilmasam,
Inglizning tilini bilmayman.
Inglizning tilini bilmasam,
O‘qishga kirmayman.

Men agar o‘qishga kirmasam...
(Buyog‘in sirtimda demayman:
Inglizning tilini bilmasam,
To‘yib non yemayman!)

Men o‘zi shundog‘am tobeman.
Mendan ona tilim, ranjima.
Dunyoda nima gap bo‘lyapti -
Hammasi tarjima!

Navoiy shuncha so‘z ishlatgan,
Shekspir buncha so‘z. Safsata.
"To Be"ni o‘rganish darsiga
Yetti kun qatnayman haftada.

Men o‘zi shundog‘am tobeman.
O‘zimning tilimga moneman.
Dunyoning iqlimi ularga bog‘liq.
Men esa shunchaki someman.

Sizda zarracha ham gunoh yo‘q.
Mening marhamatli "teacher"im.
"To Be"ni tobe deb o‘qiyman.
Tilim kelishmaydi, kechiring!

Kumush Abdusalomova

👉@azamatkamal81👈

​Бир сандиқ сўз

Ўз сепимга ҳаяжонда кўз солдим:
Бирдан қамашиб кетди кўз олдим.
Энг сара, энг гўзал, энг дилбар –
Онам сепимга бир сандиқ Сўз солди.

Бу сўзларни сўзлаганда эл дадил!
Бу сўзларни сўзлаганда эр дадил!
Бу сўзларни сўзлаганда мен – дадил!
Улар мени бахт томонга элтади,
Бир сандиқ Сўз бир умрга етади!

“Алла, болам, алла” десам боламга.
“Ассалому алайкум” деб оламга.
“Хуш келдингиз, хуш кўрдик” деб бот-бот
Бир сандиқ сепимга кўнган Одамга!

Атлас сўзлар, адрас сўзлар, бўз сўзлар,
Шойи-ипак сўзлар, банорас сўзлар,
Бахмал сўзлар, мовут сўзлар, хос сўзлар,
Хоксор сўзлар, баландпарвоз сўзлар!

Онам яна солибди бир найқамиш.
Момоларнинг ўгитини пайқамиш:
Уйда она тили жаранглаб турса,
Ёв бостириб киргани ҳам ҳайиқа(р)миш!

Яна такрор сандиқчага кўз солдим.
Ўз қизимга қолдиргани қарз олдим.
Энг ширин, энг аччиқ ва мукаммал –
Онам сепимга бир сандиқ сўз солди!

Кумуш Абдусаломова,
Қуйи Чирчиқ тумани.

Yoshlar kundaligi

#ona_tilim_faxrim

“Ўзбекистон халқаро анжуманлар саройида айни дамда бўлиб ўтаетган байрам тадбиридан лавҳа.

👉@azamatkamal81👈