#дарвоқе

🔎Тошкент вилоятининг демографик кўрсаткичлари рақамларда

📌Тошкент вилояти статистика бошқармаси маълумотларига кўра, 2021 йилнинг 1 октябрь ҳолатига вилоятнинг демографик кўрсаткичлари статистик рақамларда қуйидагича:

Аҳоли сони – 2925,8 минг киши.
Шу жумладан:
аёллар сони – 1458,1 минг киши;
эркаклар сони – 1467,7 минг киши.

Шаҳарда яшовчилар – 1459,7 минг киши;
Қишлоқда яшовчилар – 1466,1 минг киши.

Туғилишлар сони – 54373 нафар;
Ўлимлар сони – 14098 нафар.

Никоҳлар сони – 18313 та;
Ажримлар сони – 3087 та.

Миграция:
Кўчиб келганлар – 27675 киши;
Кўчиб кетганлар – 34240 киши.

👉Каналга уланиш: https://t.iss.one/toshvilpressa

Facebook | Instagram |YouTube |Twitter | TikTok

#дарвоқе

⚡️Вилоятда 24/7 соат фаолият юритувчи кўчалар ташкил қилинмоқда

🔹Тошкент вилоятининг барча туман ва шаҳарларида кун-у тун ишлайдиган савдо ва хизматлар учун биттадан махсус кўчалар ташкил этилади.

🔹Мазкур марказий кўчаларда йил якунига қадар, 1 159 та савдо, кўнгилочар, гастрономик, туризм ва санъат йўналишларига ихтисослашган хизмат кўрсатиш объектлари ишга тушириш режалаштирилган.

🔹Ҳозирги кунда ана шундай 223 та хизмат кўрсатиш объектлари фаолияти йўлга қўйилган бўлиб, 554 та янги иш ўрни яратилган. Шунингдек, савдо ва хизмат кўрсатиш объектларининг 24 соат мобайнида фаолият юритишига доир жамоат хавфсизлиги билан боғлиқ талаблар ўрнатилади.

👉Каналга уланиш: https://t.iss.one/toshvilpressa

Facebook | Instagram | YouTube | Twitter | TikTok

#дарвоқе

🤣ТЕРАН МАНТИҚИЙ ФИКР🤣

Бу воқеа ўтган асрнинг 80-йилларида юз берган эди.

Мен бу хатни СССРнинг энг катта газеталаридан бўлмиш "Известия"да ўз кўзим билан ўқиганман.

"Редакция почтасидан" деган рубрикада Белгород вилоятидан йўлланган бир хат эълон қилинган бўлиб, мазмуни қуйидагича эди:

"Ҳурматли редакция!
Мен Сидоров Илья ЖЭКда сантехник бўлиб ишлайман. Кеча дўстим Миша билан муҳим бир масала устида бош қотириб қолдик. Ўзимиз ечим тополмаганимиз учун сизларга мурожаат қилаяпмиз. Мен бир нарсага хайронман: нима учун озиқ-овқат дўкони эрталаб соат 8.00 дан очиладию, спиртли ичимликлар дўкони соат 11.00 дан очилади. Оғайним Миша билан шуни ҳеч тушунолмаяпмиз: ахир, одам олдин ичиб, кейин закуска қиладими ёки олдин закуска қилиб, кейин ичадими?.."

Бундай теран мантиқий фикр "Известия"даги аҳли донишни ҳам лол қолдирган шекилли, ушбу хат газетанинг иккинчи бетида, яққол кўзга кўринадиган жойда, ҳеч қандай шарҳ ва изоҳсиз эълон қилинган эди.

©️Х. Султон. "Навоий-30"

➡️https://t.iss.one/azamatkamal

#дарвоқе

"Ижтимоий тармоқ гурунглари" туркумидан:
"ХОТИН ТЕНГДИР ОЛТИНГА!"
(Оилапарвар дўстимиз Азамат Камолов талабларига биноан)

Қараб орқа-олдингга,
Заб уйланиб олдинг-а.
Ука, энди бир гапни,
Солиб қўяй ёдингга —
Қўл кўтарма хотинга,
Хотин тенгдир олтинга!

Қорнинг тўқ, оч бўлса ҳам,
Оши қирмоч бўлса ҳам,
Тушунмас хотин тилин,
Энг зўр тилмоч бўлса ҳам.
Яхши гапир хотинга,
Хотин тенгдир олтинга!

У бир меҳр талабдир,
Пул-мул деса қараб тур,
Ноз қилса, хўмрайса ҳам,
Сен суйиб, эркалаб тур,
Ҳаётим, де хотинга,
Хотин тенгдир олтинга!

Эй, аёли хомушлар,
Эй, ақли фаромушлар,
Болам бўсин деса ким,
Тўмарис, Алмопишлар,
Меҳр берсин хотинга,
Хотин тенгдир олтинга!

Турмуш ғала-ғовурмас,
Жон суғурар омбурмас.
Қулоғингга чертганим,
Дутор эмас, танбурмас.
Яхши эрнинг аёли
Қоқи бўлган анжирмас!
Ё оёқдан ўраган
Тушов эмас, занжирмас.
Бахту тахт бер хотинга,
Хотин тенгдир олтинга!

Телеграм каналимизга
уланиш ҳаволаси
https://t.iss.one/gayratlisher