#XALQARO_UCHRASHUV 🌐

🇺🇿🇩🇪 O‘zbekiston Respublikasi Prezidenti Shavkat Mirziyoyev va Germaniya Federal Kansleri Olaf Sholsning 16-sentabr kuni Samarqand shahrida bo‘lib o‘tgan ikki mamlakat yetakchi kompaniya va banklari vakillari bilan uchrashuvida transport-kommunikatsiya obyektlarini modernizatsiya qilish, sanoat va xizmat ko‘rsatish korxonalarini xususiylashtirish dasturida ishtirok etish bo‘yicha kompleks chora-tadbirlarni ishlab chiqish to‘g‘risidagi kelishuvlarga erishilgan.
⏰ Mazkur kelishuvlardan kelib chiqib, joriy yil 17-sentabr kuni Avtomobil yo‘llari qo‘mitasi tomonidan Germaniya—O‘zbekiston ishbilarmon doiralari kengashi ijrochi direktori Falk Porshe bilan yo‘l xo‘jaligi sohasida foydalaniladigan zamonaviy materiallar ishlab chiqarish bo‘yicha istiqbolli loyihalarni muhokama qilish maqsadida uchrashuv tashkil etildi.
⏺ Mehmonni Qo‘mita raisi J.Tursunov qabul qildi.
⏺ Falk Porshe Germaniya—O‘zbekiston ishbilarmonlar kengashining tashkil etilishiga katta hissa qo‘shgan. Bir necha bor Germaniya—O‘zbekiston ishbilarmonlar kengashi ijrochi direktori etib saylangan.
⏺ O‘zbekistonda yangi loyihalarga faol sarmoya kiritadi. O‘zbekiston Respublikasi Prezidentining 2019-yildagi “O‘zbekiston Respublikasi bilan Germaniya Federativ Respublikasi o‘rtasidagi ko‘p qirrali hamkorlikni yanada kengaytirish chora-tadbirlari to‘g‘risida”gi hamda 2019-yil 10-apreldagi “Shisha tola, shisha tolali buyumlar, kompozit materiallar, energiya tejamkor isitish asbob-uskunalari va energiya tejashning zamonaviy tizimlarini ishlab chiqarishni tashkil etishga oid qo‘shimcha chora-tadbirlar to‘g‘risida”gi qarorlariga muvofiq O‘zbekistonga 21,4 mln yevro sarmoya kiritgan.
⏺ Uchrashuv chog‘ida Janob Porshe O‘zbekiston yo‘llaridagi tirbandliklarni minimal investitsiya jalb qilgan holda bartaraf etish bo‘yicha o‘z takliflarini berdi. Har ikki tomon yo‘lsozlik sohasidagi xalqaro hamkorlik bo‘yicha o‘zaro fikr almashdilar.

✅Telegram | ✅Facebook |📹You Tube |🌐  Website

#Ayni_dam...
#Xalqaro_uchrashuv

🇺🇿Аvtomobil yoʼllari qoʼmitasida Xitoy Xalq Respublikasi bilan hamkorlikda tashkil etilgan "UzXCMG" qoʼshma korxonasi shaklidagi MChJ vakillari bilan uchrashuv boʼlib oʼtdi.

🟢Mehmonlarni qoʼmita raisi Jamshid Tursunov qabul qildi.

📍Avtomobil yoʼllari qoʼmitasi avtomobil yoʼllari va sunʼiy inshootlarni loyihalash, qurish, taʼmirlash, shuningdek, umumiy foydalanishdagi avtomobil yoʼllarini saqlash boʼyicha yagona buyurtmachi hisoblanadi.

✔️Shuningdek, tabiiy ofatlarning oldini olish va ularning oqibatlarini bartaraf etish, umumiy foydalanishdagi avtomobil yoʼllarini taʼmirlash, saqlash va jihozlash, yoʼl boʼyi infratuzilmasini rivojlantirish va yoʼl infratuzilmasi sohasida zamonaviy texnologiyalarni joriy etish ishlari bilan shugʼullanadi.

⚡️Yuqoridagi ishlarni toʼliq amalga oshirish uchun qoʼmita tomonidan oʼtgan 7 yil davomida 1000 dan ortiq yoʼl texnikalari va 26 dona asfalt-beton ishlab chiqarish uskunalari xarid qilindi. Yoʼl texnikalarining 60 foizi va ishlab chiqarish uskunalarining 100 foizi "UzXCMG" qoʼshma korxonasi shaklidagi masʼuliyati cheklangan jamiyatidan xarid qilinganini alohida taʼkidlash lozim.

◾️Shu bilan birga, 2024-yilda qoʼmita korxonalari tomonidan xarid qilingan 26 ta ishlab chiqarish uskunasi yordamida turli yoʼl ishlari uchun jami 1,5 million tonnadan ortiq asfalt-beton mahsulotlari ishlab chiqarilgan.

📊Oʼtgan 7 yil davomida sotib olingan yoʼl texnikasi va ishlab chiqarish asbob-uskunalari ekspluatatsiya qilingan hamda "UzXCMG" MChJ qoʼshma korxonasi oʼzining samaradorligi va ishonchliligi bilan yoʼl sohasi vakillari ishonchini qozongan.

🕓Uchrashuv davomida hamkorlikni kengaytirish maqsadida xarid qilingan texnikalarga xizmat koʼrsatuvchi servis markazni qoʼshma korxona huzurida tashkil etish taklifi berildi. Shu bilan birgalikda har yili xodimlarni Xitoyda oʼqitish boʼyicha ham yagona kelishuvga erishildi va buning isboti tariqasida kelishuv Memorandumi imzolandi.

✅Telegram | ✅Facebook |📹You Tube 🌐  Website

#Xalqaro_uchrashuv

⛔Avtomobil yo‘llari qo‘mitasida xalqaro uchrashuv bo‘lib o‘tdi. Poly Changda kompaniyasining MDH davlatlari bo‘yicha Marketing yo‘nalishi rahbari Syuye Szinni Qo‘mita raisi Jamshid Tursunov qabul qildi.
🇺🇿Uchrashuvda O‘zbekiston Respublikasi Prezidentining “Yo‘l xo‘jaligi sohasini yanada takomillashtirish chora-tadbirlari to‘g‘risida” 2023-yil 10-oktabrdagi 330-son qarorida “Samarqand-Qarshi yo‘nalishidagi 4R 87 A378 avtoyo‘li-Qarshi avtomobil yo‘lining 3–52-km (49 km) qismini sement-beton qoplama bilan rekonstruksiya qilish” loyihasini amalga oshirish belgilangan edi.
🌍Mazkur topshiriq ijrosini ta’minlash maqsadida Transport vazirligi va Poly Changda o‘rtasida anglashuv memorandumi imzolangan edi. Ushbu memorandumda loyihaning texnik-iqtisodiy asosini ishlab chiqish Xitoyning Poly Changda kompaniyasiga yuklatilgan bo‘lib, Poly Changda kompaniyasi tomonidan ishlab chiqilgan tijorat taklifi Avtomobil yo‘llari qo‘mitasiga taqdim etildi. Bugungi kunda loyiha taklifi vazirlik va idoralar tomonidan ko‘rib chiqilmoqda.
⛰Uchrashuvda har ikki tomon mazkur loyiha bo‘yicha takliflarini muhokama qildi.

✅Telegram | ✅Facebook |📹You Tube 🌐  Website