#Ayni_dam...
#Xalqaro_uchrashuv

🇺🇿Аvtomobil yoʼllari qoʼmitasida Xitoy Xalq Respublikasi bilan hamkorlikda tashkil etilgan "UzXCMG" qoʼshma korxonasi shaklidagi MChJ vakillari bilan uchrashuv boʼlib oʼtdi.

🟢Mehmonlarni qoʼmita raisi Jamshid Tursunov qabul qildi.

📍Avtomobil yoʼllari qoʼmitasi avtomobil yoʼllari va sunʼiy inshootlarni loyihalash, qurish, taʼmirlash, shuningdek, umumiy foydalanishdagi avtomobil yoʼllarini saqlash boʼyicha yagona buyurtmachi hisoblanadi.

✔️Shuningdek, tabiiy ofatlarning oldini olish va ularning oqibatlarini bartaraf etish, umumiy foydalanishdagi avtomobil yoʼllarini taʼmirlash, saqlash va jihozlash, yoʼl boʼyi infratuzilmasini rivojlantirish va yoʼl infratuzilmasi sohasida zamonaviy texnologiyalarni joriy etish ishlari bilan shugʼullanadi.

⚡️Yuqoridagi ishlarni toʼliq amalga oshirish uchun qoʼmita tomonidan oʼtgan 7 yil davomida 1000 dan ortiq yoʼl texnikalari va 26 dona asfalt-beton ishlab chiqarish uskunalari xarid qilindi. Yoʼl texnikalarining 60 foizi va ishlab chiqarish uskunalarining 100 foizi "UzXCMG" qoʼshma korxonasi shaklidagi masʼuliyati cheklangan jamiyatidan xarid qilinganini alohida taʼkidlash lozim.

◾️Shu bilan birga, 2024-yilda qoʼmita korxonalari tomonidan xarid qilingan 26 ta ishlab chiqarish uskunasi yordamida turli yoʼl ishlari uchun jami 1,5 million tonnadan ortiq asfalt-beton mahsulotlari ishlab chiqarilgan.

📊Oʼtgan 7 yil davomida sotib olingan yoʼl texnikasi va ishlab chiqarish asbob-uskunalari ekspluatatsiya qilingan hamda "UzXCMG" MChJ qoʼshma korxonasi oʼzining samaradorligi va ishonchliligi bilan yoʼl sohasi vakillari ishonchini qozongan.

🕓Uchrashuv davomida hamkorlikni kengaytirish maqsadida xarid qilingan texnikalarga xizmat koʼrsatuvchi servis markazni qoʼshma korxona huzurida tashkil etish taklifi berildi. Shu bilan birgalikda har yili xodimlarni Xitoyda oʼqitish boʼyicha ham yagona kelishuvga erishildi va buning isboti tariqasida kelishuv Memorandumi imzolandi.

✅Telegram | ✅Facebook |📹You Tube 🌐  Website

#Xalqaro_uchrashuv

⛔Avtomobil yo‘llari qo‘mitasida xalqaro uchrashuv bo‘lib o‘tdi. Poly Changda kompaniyasining MDH davlatlari bo‘yicha Marketing yo‘nalishi rahbari Syuye Szinni Qo‘mita raisi Jamshid Tursunov qabul qildi.
🇺🇿Uchrashuvda O‘zbekiston Respublikasi Prezidentining “Yo‘l xo‘jaligi sohasini yanada takomillashtirish chora-tadbirlari to‘g‘risida” 2023-yil 10-oktabrdagi 330-son qarorida “Samarqand-Qarshi yo‘nalishidagi 4R 87 A378 avtoyo‘li-Qarshi avtomobil yo‘lining 3–52-km (49 km) qismini sement-beton qoplama bilan rekonstruksiya qilish” loyihasini amalga oshirish belgilangan edi.
🌍Mazkur topshiriq ijrosini ta’minlash maqsadida Transport vazirligi va Poly Changda o‘rtasida anglashuv memorandumi imzolangan edi. Ushbu memorandumda loyihaning texnik-iqtisodiy asosini ishlab chiqish Xitoyning Poly Changda kompaniyasiga yuklatilgan bo‘lib, Poly Changda kompaniyasi tomonidan ishlab chiqilgan tijorat taklifi Avtomobil yo‘llari qo‘mitasiga taqdim etildi. Bugungi kunda loyiha taklifi vazirlik va idoralar tomonidan ko‘rib chiqilmoqda.
⛰Uchrashuvda har ikki tomon mazkur loyiha bo‘yicha takliflarini muhokama qildi.

✅Telegram | ✅Facebook |📹You Tube 🌐  Website

#Xalqaro_anjuman🇺🇿

🇰🇷 Koreyaning Seul shahrida jahonning 200 dan ortiq kompaniyalari ishtirokida “MDB Project Plaza 2024” xalqaro konferensiya bo‘lib o‘tdi.
👨‍💻 Unda zamonaviy korporativ aloqalarni o‘rnatish masalalari muhokama qilindi.
🇰🇷🇺🇿Koreyaning O‘zbekistondagi elchixonasi huzuridagi KOTRA (Koreya biznes markazi) agentligining taklifiga asosan mazkur konferensiyada O‘zbekiston tomonidan Avtomobil yo‘llari qo‘mitasi raisining birinchi o‘rinbosari Shuhrat Nazarov ishtirok etdi. Konferensiyadan ko‘zlangan asosiy maqsad—O‘zbekiston-Koreya munosabatlarini yanada mustahkamlash hamda hamkorlikni yangi bosqichga olib chiqish bo‘lib, tomonlar o‘rtasida bu borada kelishuvlar amalga oshirildi.

✅Telegram | ✅Facebook |📹You Tube 🌐  Website

#Xalqaro_uchrashuv⚡️

🕹Avtomobil yo‘llari qo‘mitasida Xitoy ishbilarmonlarining O‘zbekistondagi assotsiatsiyasi rahbari janob Liu Yu boshchiligidagi delegatsiyasi a’zolari bilan uchrashuv bo‘lib o‘tdi.
◾️Delegatsiya a’zolarini Qo‘mita raisi Jamshid Tursunov qabul qildi.
So‘nggi yillarda O‘zbekiston-Xitoy o‘rtasida savdo-iqtisodiy aloqalar sohasi rivojlanib, iqtisodiyotning turli tarmoqlarida olib borilayotgan hamkorliklar sezilarli darajada o‘z istiqbolini namoyon etmoqda. Har ikki davlat o‘rtasidagi do‘stlik aloqalari yangi sifat darajasiga ko‘tarilmoqda. Davlatlar orasidagi strategik sheriklik yaxshi natijalarni ko‘rsatmoqda.
🤝Bunday hamkorlikni yanada taraqqiy ettirish maqsadida avtomobil yo‘llari tarmog‘ini rivojlantirish bo‘yicha delegatsiya a’zolari tomonidan 8 ta yo‘nalishda takliflar bildirildi. Yo‘l va ko‘priklar qurilishida sifat ko‘rsatkichiga erishish, xalqaro andoza va me’yorlarni sohaga keng tatbiq etish, xususiy-sheriklik asosida ish olib borish har ikki tomon uchun ham foydali bo‘lishi uchrashuvda qayd etildi.
📌Janob Liu Yu O‘zbekistonlik yo‘lsozlarni Xitoy Xalq Respublikasida o‘qitish va tajriba almashishga taklif etdi.
✍️Kelishuvlarning yakuni sifatida yo‘l infratuzilmasi sohasida hamkorlik qilish bo‘yicha Memorandum imzolandi.

✅Telegram | ✅Facebook |📹You Tube 🌐  Website

#Xalqaro_uchrashuv

⛔ Avtomobil yo‘llari qo‘mitasida Yevropa tiklanish va taraqqiyot banki (YETTB) delegatsiyasi vakillari bilan uchrashuv bo‘lib o‘tdi.
Unda Yevropa tiklanish va taraqqiyot banki (YETTB) ishtirokidagi “D 213 “Urganch—Xonqa—Hazorasp—Amudaryo daryosi—A380” avtomobil yo‘lining 0—84-km qismini rekonstruksiya qilish” loyihasi bo‘yicha muzokaralar olib borildi.
🇺🇿 Loyiha O‘zbekiston Respublikasi Prezidentining 2024-yil
8-noyabrdagi PQ-390-son qaroriga muvofiq amalga oshirilmoqda.
Loyiha doirasida YETTB bilan 2024-yil 2-mayda 238 mln dollarlik qarz bitimi imzolangan.
🌐Loyihaning umumiy qiymati 294,1 mln dollarini tashkil qiladi, shundan YETTB qarz mablag‘lari–238 mln dollar, O‘zbekiston Respublikasining ulushi – 56,1 mln dollar qilib belgilangan.
Loyiha doirasida 84 km uzunlikda 4 tasmali (hozirda 2 tasmali) sement-beton qoplamali avtomobil yo‘li quriladi, qiymati 15,8 mln dollarlik 43 ta ko‘prik (1000 pm), 27 mln dollarlik 2 dona yo‘l o‘tkazgichlari (1000 pm), 1,7 mln dollarlik
3 ta yerusti piyodalar o‘tish yo‘llari hamda 70 km piyodalar va velosiped yo‘laklari barpo etiladi.
⛰Uchrashuvda shuningdek, “Toshkent-Samarqand” pullik avtomobil yo‘lini qurish loyihasining joriy holati yuzasidan ham muzokaralar bo‘lib o‘tdi.
◾️Uchrashuvda har ikki loyihani jadallashtirish bo‘yicha tomonlar o‘z takliflarini berishdi.

✅Telegram | ✅Facebook |📹You Tube 🌐  Website

#BUXORO_VILOYATI
#xalqaro_hamkorlik

🔼  Ma’lumki, A 380 "Gʻuzor — Buxoro — Nukus — Beynov" xalqaro avtomobil yo‘li bosqichma-bosqich ta’mirlanmoqda. Mazkur loyihani amalga oshirishda Xitoy Xalq Respublikasining “China Road and Bridge Corporation” kompaniyasi pudratchi tashkilot sifatida ish olib bormoqda.

 🕹   Bugun kompaniya vakili Wang Chengya Buxoro tumani hokimi Anvarjon Ochilov bilan uchrashdi. Muloqot chog‘ida ikki tomonlama hamkorlik aloqalarini yanada kengaytirish haqida o‘zaro manfaatli takliflar o‘rtaga tashlanib, ularning istiqbolli yo‘nalishlari muhokama qilindi.

✅Telegram | ✅Facebook |📹You Tube 🌐  Website ▪️ Instagram

#XALQARO_HAMKORLIK
#JIZZAX_VILOYATI

🗺Jizzax viloyati Avtomobil yo‘llari bosh boshqarmasi masʼullari Jizzax viloyatidan o‘tgan D 051 (4R39) hamda D048 (4R38) "Uchtepa-Forish-Nurota-Navoiy" avtomobil yo‘lining 116 km qismini joriy taʼmirlash bo‘yicha Xitoylik investorlar bilan hamkorlik kelishuvlarini muhokama qilishmoqda. 
💎Mazkur yo‘lning taʼmirlanishi M 39 avtomobil yo‘lining harakat jadalligini 11570 taga  kamaytirishi taxmin qilinmoqda.
🔺Mazkur yo‘lning yangilanishi bilan Sh. Rashidov tumanida 186 ta (10.0ga), Forish tumanida 170 ta (22.1ga) bo‘sh yerlar savdo va xizmat ko‘rsatish tarmoqlariga ajratiladi.
🔺Loyiha doirasida 424 mlrd so‘m investitsiya kiritilishi va 3000 dan ortiq yangi ish o‘rinlari tashkil etilishi reja qilingan.

✅Telegram | ✅Facebook |📹You Tube 🌐  Website ▪️ Instagram

#Xalqaro_uchrashuv

⛔Avtomobil yo‘llari qo‘mitasida Igor Kolyushev rahbarligida Rossiya Federatsiyasining “Институт Гипростроймост–Санкт-Петербург” АЖ delegatsiyasi a’zolari bilan uchrashuv bo‘lib o‘tdi.
📊Uchrashuvda Qo‘mita raisi yo‘l va ko‘prik qurilishi sohasidagi har qanday hamkorlik har ikki tomon uchun unumli bo‘lishi haqida fikr bildirdi.
◾️Uchrashuv davomida A373 avtomobil yo‘lining 44-km qismida joylashgan Chirchiq daryosi ustidan o‘tuvchi ko‘prik loyihasi, Toshkent viloyatining Chirchiq shahridagi 4R6 ga ulanadigan yangi 4R12 avtomagistralida Chirchiq daryosidan o‘tuvchi ko‘prikning me’moriy konsepsiyasi muhokama qilindi.
◾️Shuningdek, ko‘prik va sun’iy inshootlarni loyihalash yo‘nalishida faoliyat yuritib kelayotgan mutaxassislarni “Институт Гипростроймост–Санкт-Петербург” АЖ tajribasi asosida o‘qitish hamda malakasini oshirish bo‘yicha hamkorlik qilish borasida kelishib olindi.
☄️Avtomobil yo‘llari qo‘mitasi huzuridagi Avtomobil yo‘llari ilmiy-tadqiqot instituti Rossiyaning “Институт Гипростроймост–Санкт-Петербург” АЖ bilan zamonaviy osma ko‘priklar, yo‘l o‘tkazgichlar, estakadalarni loyihalash va kelgusida tajriba almashish bo‘yicha Qo‘shma memorandumni imzoladi.

✅Telegram | ✅Facebook |📹You Tube 🌐  Website ▪️ Instagram

#XALQARO_HAMKORLIK

     ⚠️  Avtomobil yo‘llari texnik holati tahlili va harakat xavfsizligi markazi rahbariyati  tomonidan Germaniya Federativ Respublikasi Thuringiya hududida joylashgan OOO “Avtoban” korxonasining markaziy ta’mirlash uchastkasi faoliyati o‘rganildi.
     ✔️  Ushbu jarayonda avtomobil yo‘llarini ekspluatatsiya qilishda foydalaniladigan mashina-mexanizmlar, yo‘l belgi va elementlari, shuningdek, qishki qarov ishlarida foydalaniladigan material hamda uskunalar bilan yaqindan tanishildi.

✅Telegram | ✅Facebook |📹You Tube 🌐  Website ▪️ Instagram

#Xalqaro_hamkorlik

✔️Avtomobil yo’llari texnik holati tahlili va harakat xavfsizligi markazi rahbariyati  Germaniya Federativ Respublikasi Thuringiya federal hududining avtomobil yo’llari boshqarmasida qurilish, saqlash va xizmat ko’rsatish faoliyati bilan yaqindan tanishib, fikr-mulohazalar almashdilar,

✅Telegram | ✅Facebook |📹You Tube 🌐  Website ▪️ Instagram

#Xalqaro_ko‘rgazma

🇩🇪Germaniyaning Myunxen shahridagi Messe München ko‘rgazmalar markazida qurilish texnikasi bo‘yicha dunyodagi yetakchi savdo ko‘rgazmasi "Bauma—2025" bo‘lib o‘tmoqda.
⚡️Avtomobil yo‘llari qo‘mitasi raisi J.Tursunov ayni dam ushbu ko‘rgazmada ishtirok etmoqda.

📣Savdo ko‘rgazmasida dunyoning 57 davlatidan 3500 dan ortiq texnika va mashina-mexanizmlarni ishlab chiqaradigan korxonalar o‘z mahsuloti bilan qatnashmoqda.

📈"Bauma—2025" qurilish, konchilik mashinalari va transport-logistika sohasida dunyodagi eng muhim ko‘rgazmalardan biri bo‘lib hisoblanadi. Unda eng so‘nggi texnologiyalar, ilmiy-amaliy yechimlar va mahsulotlar namoyish qilinadi, xalqaro darajada katta biznes, ilmiy hamda texnologik imkoniyatlar taqdim etiladi.

✅Telegram | ✅Facebook |📹You Tube 🌐  Website ▪️ Instagram

#Xalqaro_hamkorlik

📌Avtomobil yo‘llari qo‘mitasi delegatsiyasi a'zolari Rossiyaning Sankt-Peterburg shahrida safarda bo‘lib turibdi.
🔼Delegatsiya a'zolari yangi texnologiya asosida geoto‘siq (Armagrunt) ishlab chiqaruvchi zavodda bo‘lib, jarayon bilan tanishdilar.
Bundan tashqari, Sankt-Peterburg "Giprostroymost" loyiha instituti olimlari bilan uchrashib, 4R6 va 4R12 avtomobil yo‘llarini bog‘lovchi yangi yo‘lda qurilishi rejalashtirilayotgan arkali ko‘prik loyihasini muhokama qilishdi.

✅Telegram | ✅Facebook |📹You Tube 🌐  Website ▪️ Instagram

#Xalqaro_hamkorlik

🖥Rossiya Federatsiyasida safarda bo‘lib turgan Avtomobil yo‘llari qo‘mitasining delegatsiyasi a’zolari Voronej metall konstruksiya zavodida bo‘lishdi. 1300 nafar ishchi-xodim faoliyat yuritayotgan mazkur zavod turli xil va o‘lchamdagi metall konstruksiyalarni ishlab chiqarishga ixtisoslashgan yirik sanoat korxonasi hisoblanadi.

📍 Delegatsiya a’zolari 4R12 va 4R6 avtomobil yo‘lini bog‘lovchi arkali ko‘prik konstruksiyasini ishlab chiqarish jarayonlari bilan tanishib, hamkorlikni jadallashtirish bo‘yicha muzokaralar olib bormoqda.

✅Telegram | ✅Facebook |📹You Tube 🌐  Website ▪️ Instagram

#QORAQALPOGʻISTON_RESPUBLIKASI
#XALQARO_HAMKORLIK

🔔Shu kunlarda Avtomobil yo‘llari qo‘mitasining delegatsiyasi Xitoy Xalq Respublikasida xizmat safarida bo‘lib turibdi.
❗️Unda Qoraqalpog‘iston Respublikasi Avtomobil yo‘llari Bosh boshqarmasi boshlig‘i Umrbek Matnazarov ham ishtirok etmoqda.
☄️Delegatsiya a’zolari TianJin shahridagi shahar muhandislik, loyihalash va tadqiqot instituti rahbariyati bilan uchrashuvlar o‘tkazishdi.
🔼Uchrashuv doirasida avtomobil yo‘llarini ta’mirlash, saqlash va cho‘l hududlarida yashil makonlar barpo etish bo‘yicha amaliy o‘quv mashg‘ulotlari amalga oshirilmoqda.
📌Shuningdek, uchrashuvlar davomida Xitoy infratuzilmasi bilan tanishish, ularning ilg‘or tajribasini o‘rganish va uni yurtimizda, qolaversa, Qoraqalpog‘iston Respublikasi hududida amaliyotga tatbiq etish masalalari ham muhokama qilinyapti.

✅Telegram | ✅Facebook |📹You Tube 🌐  Website ▪️ Instagram